Lajmet

Krerët e institucioneve të Kosovës vendin kurora lulesh te busti i senatorit Dole

Presidentja Osmani tha se i bashkohen familjes, qytetarëve për ta përkujtuar këtë njeri të madh që nuk e la kurrë Kosovën vet.

Published

4 years ago

on

Krerët e institucioneve të Kosovës kanë vendosur kurora lulesh dhe kanë bërë homazhe te busti i senatorit Bob Dole, i cili ka ndërruar jetë dje, përkatësisht me 5 dhjetor.

Presidentja e Kosovës, Vjosa Osmani, tha se sot i bashkohen familjes, qytetarëve për ta përkujtuar këtë njeri të madh që nuk e la kurrë Kosovën vet.

“Të pikëlluar edhe shumë krenarë për miqësinë që e ndërtuam përgjatë dekadave dhe gjithë përkrahjen që i dha popullit të Kosovës në kauzën për liri dhe pavarësi Senatori Bob Dole ishte me ne jo vetëm në vitet e 90, por edhe në sfidat e epokës së pavarësisë dhe pas pavarësisë. Kurrë nuk e ndali përkrahjen për Kosovën”, tha ajo.

Kryeministri i Kosovës, Albin Kurti, tha se përkulen para jetës dhe veprës së Bob Dole.

“Senatori Bob Dole ka kontribuar shumë për paqe në Evropë. Teksa ai prehet i qetë ne përkulemi para jetës dhe veprës së tij. E kujtojmë dhe e vlerësojmë kontributin e tij”, tha ai.

Kryetari i Kuvendit të Kosovës, Glauk Konjufca, tha se Kosova humbi njërin prej miqve më të mirë që e pati.

“Ka pasur një kontribut të madh për lirinë dhe pavarësinë e Kosovës”, tha ai.

Bashkë me krerët e institucioneve të Kosovës, homazhe bëri edhe i ngarkuarin me punë në ambasadën e SHBA-ve në Kosovë, Nicholas J. Giacobbe.

Related Topics:
Continue Reading

Lajmet

Nuk ka ndryshim: Çmimi i naftës mbetet i njëjtë.

Published

5 hours ago

on

April 30, 2026

By

Çmimet e derivateve në Kosovë nuk kanë pësuar lëvizje gjatë 24 orëve të fundit. Sipas tavanit të përcaktuar nga Ministria e Industrisë, Ndërmarrësisë dhe Tregtisë (MINT), vlerat maksimale të shitjes për sot janë: Nafta: 1.68 euro për litër; Benzina: 1.47 euro për litër; Gazi: 0.85 euro për litër

Shtrenjtimi i theksuar i naftës erdhi si pasojë e tensioneve gjeopolitike që nisën më 28 shkurt, pas shpërthimit të konfliktit mes SHBA-së, Izraelit dhe Iranit.

Situata u rëndua veçanërisht me mbylljen e Ngushticës së Hormuzit nga ana e Iranit, një pikë strategjike përmes së cilës qarkullon rreth 20% e furnizimit botëror me naftë.

Continue Reading

Lajmet

Raste të dhunës dhe lëndimeve në disa qytete

Published

5 hours ago

on

April 30, 2026

By

Sipas raportit të fundit të policisë, gjatë 29 prillit  janë regjistruar disa raste të dhunës fizike dhe lëndimeve trupore në disa qytete të Kosovës, ku disa persona janë arrestuar dhe janë marrë masa nga prokuroria.

Në Prishtinë, në rrugën “Garibaldi”,  janë arrestuar tre të dyshuar meshkuj kosovarë, të cilët pas një mosmarrëveshjeje dyshohet se janë përleshur fizikisht mes vete. Si pasojë, dy prej tyre kanë pësuar lëndime trupore dhe kanë pranuar tretman mjekësor. Me vendim të prokurorit, pas intervistimit, njëri i dyshuar është dërguar në mbajtje, ndërsa dy të tjerët janë liruar në procedurë të rregullt.

Në një rast tjetër në Prishtinë, në rrugën “Agim Hajrizi”, një femër kosovare është sulmuar fizikisht nga një mashkull kosovar pas një mosmarrëveshjeje. I dyshuari, pas intervistimit, me vendim të prokurorit është dërguar në mbajtje.

Ndërkohë, në Prizren, në rrugën “Edit Durham” , janë arrestuar dy meshkuj kosovarë të dyshuar se kanë sulmuar dhe therur me thikë një viktimë mashkull kosovar. Viktima është dërguar për trajtim mjekësor, ndërsa të dyshuarit, pas intervistimit, me vendim të prokurorit janë dërguar në mbajtje.

Continue Reading

Lajmet

Sulm me thikë në Mitrovicë, e dyshuara dërgohet në spitalin psikiatrik

Published

6 hours ago

on

April 30, 2026

By

Një grua është arrestuar pasditen e së mërkurës në jug të Mitrovicës, pasi dyshohet se ka therë me thikë një burrë.

Viktima është dërguar menjëherë për mjekim, ndërsa e dyshuara, me vendim të prokurorit, është dërguar për trajtim në Klinikën e Psikiatrisë.

Policia po e heton rastin si “lëndim i rëndë trupor”.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

6 hours ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara