Sport

“Krenar”, në mungesë të Xhakës, Shaqiri emërohet kapiten i Zvicrës kundër Spanjës

Published

on

Xherdan Shaqiri ka thënë se ndihet krenar që do të jetë në gjendje ta udhëheqë Zvicrën si kapiten, në mungesë të kapitenit të parë Granit Xhaka, në çerekfinale kundër Spanjës të premten në Euro 2020.

Kapiteni Xhaka do të mungojë kundër Spanjës sepse është i pezulluar, prandaj shiriti i kapitenit do t’i bartet kosovarit tjetër, anësorit Shaqiri, raporton Gazeta Express.

Ylli i Liverpoolit – i cili i shënoi dy gola në fazën grupore për ta dërguar Zvicrën në 1/8 e finales ku ekipi helvetik shkroi historinë duke e arritur çerekfinalen e parë në një turne të madh pas fitore në penallti kundër Francës – do ta bartë shiritin e kapitenit për herë të parë në karrierën e tij me kombëtare.

Do të jetë një ndeshje emocionale për 29-vjeçarin, i cili është golashënuesi më i mirë i Zvicrës në turne të mëdhenj me 7 gola.

Duke folur para ndeshjes të së premtes pasdite, Shaqiri tha: “Ishte ndeshje e vështirë kundër Francës. Kam punuare shumë në mbrojtje bashkë me Haris (Severovic). Do të përpiqem të jap gjithçka nga vetja për ekipin edhe në ndeshje kundër Spanjës. Nëse shënoj apo asistoj, do të jetë shumë mirë. Por nuk jam i dobët nëse nuk shënoj apo asistoj.”

I pyetur për shiritin e kapitenit, futbollisti nga Gjilani tha: “Është krenari për mua ta udhëheq ekipin nesër.”

“Do ta luajmë lojën tonë normale. Nëse e japim 120 për qind nga vetja, gjithçka është e mundur”, shtoi ai.

Me dy golat kundër Turqisë, Shaqiri u bë lojtari i parë i Zvicrës që shënon në katër turne radhazi, në Kupën e Botës 2014, Euro 2016, Kupa e Botës 2018 dhe Euro 2020.

Sport

Drita nënshkruan me Vesel Limaj

Published

on

Drita ka zyrtarizuar transferimin e futbollistit Vesel Limaj.

Limaj ka nënshkruar kontratë dy vjeçare me Kampionin e Kosovës, me mundësi vazhdimi edhe për një vit tjetër.

Ai së fundmi ishte pjesë e Malishevës, derisa ka luajtur edhe për Ballkanin.

Drita do ta ketë në dispozicion mesfushorin kosovar nga data 1 korrik.

 

Continue Reading

Sport

Foda zbulon pse refuzoi ofertën milionëshe

Published

on

Përzgjedhësi i Kosovës në futboll, Franco Foda, ka zbuluar arsyen pse refuzoi një ofertë fitimprurëse nga Emiratet e Bashkuara Arabe.

Foda në një intervistë dhënë për KOHËN, e cila do të transmetohet e plotë në emisionin Sporti TOTAL të KTV-së, të dielën nga ora 22:15, ka pranuar se ka pasur ofertë për të marrë drejtimin e një klubi arab.

Por ka theksuar se ka plane të mëdha me Kosovën. Foda me Federatën e Futbollit të Kosovës ka kontratë deri më 30 nëntor të vitit 2025.

Vazhdimi i kontratës do të varet nga rezultatet e kualifikimeve për Kupën e Botës 2026.

“Nuk dua të flas për Al Wahdan. Për mua është me rëndësi kontrata që kam me Federatën e Kosovës deri më 30 nëntor 2025. Nëse kualifikohemi në Botëror vazhdohet kontrata deri 30 qershor 2026. Kjo është për mua me rëndësi. Ne në vitin e fundit kemi zhvilluar diçka me lojtarët, me federatën. Janë kualifikimet për Botëror para derës. Kemi mundësi të kualifikohemi në Botëror. Për këtë ka qenë me rëndësi për mua këtë kontratë ta përmbushi. Ndihem shumë mirë këtu në Kosovë, njerëzit janë shumë të sjellshëm dhe të mirë. Jemi pranuar mirë. Për këtë kam vendosur të mbetem në Kosovë”, ka thënë Foda.

Ai thotë se ka ndier përgjegjësi ndaj lojtarëve dhe Federatës për të vazhduar punën te Kosova.

“Pas dy muajsh e kemi ndeshjen e parë në Zvicër, në eliminatoret për Botëror. Është shumë me rëndësi që t’iu përmbahesh kontratave, dhe përgjegjësitë që i ke si trajner. Por, ka normalisht interesim dhe oferta kur je i suksesshëm. Kështu është biznesi i futbollit”, ka shtuar Foda.

59-vjeçari, Foda e mori drejtimin e Kosovës në shkurt të vitit 2024.

Nën drejtimin e Fodas, Kosova i ka shënuar nëntë fitore, ka edhe katër humbje. Një humbje e ka me rezultat zyrtar ndaj Rumanisë. Dy fitoret më të rëndësishme janë ndaj Islandës në plejofin e Ligës së Kombeve. Falë dy fitoreve, Kosova edicionin e ardhshëm paraqitet për herë të parë në Ligën B të Ligës së Kombeve. Foda ka folur edhe për takimin që pati me presidentin e FFK-së, Agim Ademi, në Vjenë.

Ai ka theksuar se me presidentin Ademi kanë diskutuar rreth së ardhmes së Kosovës.

“Flas shumë shpesh me presidentin, është shumë normale. Në radhë të parë jam trajner i përfaqësueses A të Kosovës, por për mua personalisht është me rëndësi që në përgjithësi në futbollin e Kosovës të zhvillohen gjërat më tutje. Kemi shikim për të tërësinë e madhe. Angazhohemi pos me përfaqësuesen A, edhe me ekipet e të rinjve U21 dhe U19. Për mua është me rëndësi që së bashku këtu të krijojmë një ide të lojës, identitet për çfarë dëshiron të qëndrojë futbolli kosovar. Ka shumë tema për të cilat flas rregullisht me presidentin. E në këtë bisedë në Vjenë ka qenë edhe për të ardhmen. Çfarë duam të zhvillojmë tutje ne këtu në Federatën e Kosovës së bashku”, ka theksuar tekniku gjerman.

Prej shtatorit, për Kosovën fillojnë kualifikimet për Botërorin 2026. Ndeshjen e parë e ka më 5 shtator ndaj Zvicrës në udhëtim. Më 8 shtator e pret Suedinë në Prishtinë. Në grupin B është edhe Sllovenia. Për gjasat e Kosovës për kualifikim historik në Botëror në një grup me Zvicrën, Suedinë e Slloveninë, se kush është lider te Kosova, se çfarë mendimi ka për Granit Xhakën e Ardon Jasharin dhe kush do të jenë prurjet e reja, do t’i mësoni gjatë intervistës që do të transmetohet në mbrëmjen e së dielës në Kohavision.

Continue Reading

Sport

Fabrizio Romano e konfirmon, Arsenali transferon një yll të Chelseat

Published

on

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

on

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Të kërkuara