Lajmet

Krasniqi për takimin e Bislimit në Bruksel: Ka qenë vetëm dështim, në zgjedhjet e 9-të shkurtit do të ndërpritet keqqeverisja

Published

1 year ago

on

Deputetja e Lidhjes Demokratike të Kosovës, Rrezarta Krasniqi ka thënë se takimi i djeshëm në Bruksel ndërmjet zëvendëskryeministrit Besnik Bislimi me përfaqësuesin Special të BE-së, Miroslav Lajçak, ka qenë i dështuar.

Krasniqi ka thënë se në çdo takim nuk ka transparencë, duke krahasuar qeveritë e kaluara që pas çdo takimi kanë raportuar se për çka kanë diskutuar.

“Çdo takim ka qenë vetëm dështim sepse nuk ka pasur aspak transparencë, në qeveritë e kaluara kryeministri apo zëvendëskryeministri kanë ardhur dhe kanë raportuar para dhe pas çdo takimi mirëpo nuk dimë se çfarë po bëhet për takimet. I shohim deklaratat e njëpasnjëshme të cilat gjithmonë janë të kundërta si me ndërkombëtarët si dhe me anëtarët e kabinetit qeveritar, nuk shpresoj për ta edhe këta pesë muaj që kanë mbetur, që të ndodh diçka me dialog, sa i përket politikës së jashtme kemi regres sepse për herë të parë kemi masa nga Bashkimi Evropian nuk kemi asnjë njohje nga vendet që ende nuk e njohin Kosovën. Dhe nuk kemi asnjë aplikim nga organizata ndërkombëtare. Pikërisht kjo Qeveri e dështoi edhe anëtarësimin në Këshillin e Evropës”, ka thënë Krasniqi.

Ajo pret që javën e ardhshme Bislimi të vijë Komisionin për Integrim të Evropian dhe të tregoj se çfarë ka ndodhur në atë takim, duke shtuar se deklarata nganjëherë janë skandaloze dhe nuk përputhen njëra me tjetrën.

“Pres që në javën e ardhshme të vijë në Komisionin për Integrim të Evropian dhe të na tregoj qartë se çfarë ka ndodhur në atë takim, sepse deklarata nganjëherë po janë skandaloze nuk po përputhen njëra me tjetrën. Svecla është mirë e u marrë më shumë me jetën e qytetarëve me Policinë me ua jep rrogën dhe shtesat dhe jo me ndenjtë tek ura e Ibrit, duhet të hapet ura e Ibrit mirëpo duhet gjithmonë koordinim me aleatët tanë ndërkombëtarë. Tash është fushatë zgjedhore dhe çdo punë që po e bënë Veriu po i duket që po i dhez dhe po merret me të, por jetesën e qytetarëve e kanë harruar krejt, kemi një varfëri të lartë kemi ikje në numri të lartë të rinjve që po e lëshojnë Kosovë. Gjithçka është alarmante dhe po merret me Veri se ka dështuar në të gjitha fushat tjera”, ka potencuar Krasniqi.

Në fund, deputetja ka shtuar se kjo Qeveri e ka zhgënjyer popullin dhe në zgjedhjet e 9-të shkurtit do të ndërpritet keqqeverisje.

“Ne jemi në terren çdo ditë, e ka zhgënjyer shumë popullin, mendoj që me datën nëntë shkurt do të ndërpritet keq qeverisja në shtetin e Kosovës”, shtoi ajo.

Ky takim që u mbajt të martën, në kuadër të procesit të dialogut Kosovë-Serbi, por nuk pati edhe takim trelateral, pasi që Serbia refuzoi atë. Në këtë takim temë diskutimi kanë qenë një varg çështjes, por kryesorja ka qenë rruga drejt zbatimit të Marrëveshjes Bazike dhe Aneksit të Ohrit./EO/

Related Topics:
Continue Reading

Lajmet

Ambasada amerikane fton shtetasit e saj në Kosovë për një takim me Prattipatin

Published

56 minutes ago

on

December 2, 2025

By

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Continue Reading

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

2 hours ago

on

December 2, 2025

By

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Continue Reading

Lajmet

Dy persona goditen nga rryma në Gjilan, po ndërronin njehsorët

Published

2 hours ago

on

December 2, 2025

By

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Continue Reading

Lajmet

​Rrahmani në mesin e më të mirëve të vitit në Serie-A

Published

2 hours ago

on

December 2, 2025

By

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/

Continue Reading

Të kërkuara