Lajmet

Krasniqi nuk tregon nëse kryetarët e zgjedhur në veri do të shkojnë në zyrat e tyre

Ai ka thënë se kryetarët janë në detyrë në çdo moment dhe në çdo hapësirë ku janë.

Published

2 years ago

on

Ministri i Administrimit dhe Pushteti Lokal, Elbert Krasniqi, nuk ka treguar nëse kryetarët e Zubin Potokut, Zveçanit dhe të Leposaviqit do të ushtrojnë detyrat e tyre nga zyra në objektet e Kuvendeve Komunale përkatëse. Ai ka thënë se kryetarët janë në detyrë në çdo moment dhe në çdo hapësirë ku janë.

Në konferencën për media, pas mbledhjes së Qeverisë së Kosovës, Krasniqi deklaroi se janë kujdesur të kryejnë të gjitha përgatitjet për betimin e kryetarëve të rinj në tri komunat veriore si dhe të asamblistëve të rinj në dy prej tyre.

“Nesër do të organizohen seancat e Asambleve Komunale në zyrat lokale për komunitete, këtë si ministri e kemi mbështetur edhe nesër është gjithçka gati që asamblistët dhe kryetarët të japin betimin do të fillojnë punën në përmbushjen e obligimeve të tyre kushtetuese dhe ligjore duke pasur parasysh që ka 6 muaj që këto Komuna janë pa administratë lokale, ka shumë punë për të bërë ka shumë kërkesa të qytetarëve që duhet të mbështeten dhe si qeveri jemi të organizuar që të rikuperojmë kohën e humbur për komunat dhe të mbështetim kryetarët dhe drejtorët e rinj në përmbushjen e obligimeve të tyre”, deklaroi Krasniqi.

I pyetur nëse kryetarët pas betimit do të kthehen në zyrat e tyre, Krasniqi nuk u tregua i qartë ndërsa tha se ata do të vazhdojnë të punojnë pa specifikuar hapësirën.

“Kryetarët do të ushtrojnë mandatin e tyre kushtetues dhe ligjor në komunën ku kanë marrë pjesë të jenë të zgjedhur, kanë fituar zgjedhjet dhe ata do të jenë në shërbim të qytetarëve. Ligji për Vetëqeverisje lokale parasheh secilin detaj kështu që kryetarët do të vazhdojnë të punojnë në komunën ku janë zgjedhur… Kryetari është kryetar gjithkund, do të jetë kryetar edhe në zyre dhe të drejtojë dhe të punojë për Komunën të përmbushë detyrat e tij kushtetuese dhe ligjore nga aty ku edhe ka marrë pjesë në garën zgjedhore”, vijoi Krasniqi.

Krasniqi tha se serbët gjithandej vendit, por sidomos në veri, janë të shantazhuar nga Lista Serbe dhe bandat kriminale rreth këtij subjekti politik të dirigjuar nga Beogradi, mirëpo u shpreh se ka shumë prje tyre që janë të interesuar të bëhen pjesë e kabineteve qeveritare lokale.

Krasniqi tha se, sikurse në Mitrovicën e Veriut, edhe në tri komunat e tjera kabineti qeveritar do të ketë në përbërje persona të etnive të ndryshme.

“Këto ditë vazhdimisht me kryetarët e zgjedhur në të katër komunat kemi pasur takime të ndryshme me qytetarë të cilët janë të interesuar të jenë pjesë e kabineteve të kryetarëve. Në Mitrovicën e Veriut kemi pa vetëm nënkryetaren, do të ketë edhe nënkryetarë edhe në komuna të tjera nga komuniteti serb, drejtorë nga radhët e komunitetit serb, qytetarët janë të interesuar për një normalitet qeverisës lokal, ku kryetari është në shërbim të tyre dhe jo në shërbim të grupeve kriminale, kjo është një mundësi e mirë para neve, edhe neve si qeveri jemi të përkushtuar që ti mbështesim kryetarët e zgjedhur edhe me inkuadrimin në qeverisjen e tyre të personave me përkatësi etnike, për shkak se nuk është qëllimi të kemi një administratë lokale të përberë vetëm nga shqiptarët. Mitrovica e Veriut është shembull i mirë që dje u emëruake dhe 4 drejtorë nga përkatësi të ndryshme etnike”, tha Krasniqi.

Ministri i Administrimit të Pushtetit Lokal, që kohë më parë shkarkoi nga detyra grupin menaxhues që solli draft-statutin për Asociacionin e komunave me shumicë serbe, deklaroi se nuk do të emërojë një të ri, pasi me këtë punë do të merret kryeministri.

“Kryeministri Kurti e ka prezantuar vizionin e tij për këtë situatë, ne kemi liruar grupin menaxhues për shkak se grupi ka përfunduar mandatin e tij në momentin kur edhe ka bërë prezantimin e draftit, nuk konsiderojmë që duhet të ketë një grup tjetër menaxhues, për shkak se nuk është çështje teknike, është çështje puro politike dhe me politikë merret kryeministri i Republikës së Kosovës”, vijoi Krasniqi.

Draft-statuti i Asociacionit të komunave të përbërë nga serbë të zgjedhur nga kreu i Listës Serbe më herët, është cilësuar i papranueshëm nga krerët e shtetit në Kosovë. Kurti ka thënë se ka prezantuar modelin kroat për pakicat në mënyrë që të rregullohet çështja e vetëmenaxhimit të serbëve në Kosovë.

Related Topics:
Continue Reading

Lajmet

​Lëndohet ylli tjetër i Arsenalit

Published

5 minutes ago

on

October 6, 2025

By

Martin Odegaard i Arsenalit është larguar nga skuadra e Norvegjisë për shkak të lëndimit të ligamentit të gjurit.

Odegaard pësoi një dëmtim gjatë fitores 2-0 të skuadrës së tij në Premier League kundër Ëest Ham United të shtunën, dhe megjithëse u përpoq të vazhdonte, ai u zëvendësua përfundimisht nga Martin Zubimendi pas 30 minutash.

26-vjeçari do të humbasë ndeshjen kualifikuese të Norvegjisë për Kupën e Botës 2026 kundër Izraelit të shtunën si dhe ndeshjen miqësore kundër Zelandës së Re më 14 tetor.

Në një deklaratë, Arsenali tha se Odegaard kishte pësuar një dëmtim të ligamentit medial kolateral në gjurin e majtë.

“Martin do të vazhdojë të vlerësohet dhe trajtohet nga ekipi ynë mjekësor gjatë pauzës së ndeshjeve ndërkombëtare, me qëllim rikthimin në aksion sa më shpejt të jetë e mundur,” tha ai.

Sezoni i Odegaard është ndikuar shumë nga dëmtimet, me mesfushorin që ka dëmtuar shpatullën kundër Leeds United në gusht dhe pësoi një përsëritje të atij dëmtimi kundër Nottingham Forest muajin e kaluar./S.K/KP/

Continue Reading

Lajmet

10 mijë euro ilegalisht në Vërmicë, dogana jep detaje

Published

45 minutes ago

on

October 6, 2025

By

Në Vermicë, gjatë një kontrolli të detajuar ndaj një automjeti që po hynte në Kosovë, një udhëtar deklaroi se nuk posedonte mjete monetare për deklarim, megjithëse, ndaj të njëjtit u gjetën dhe u konfiskuan mbi 10 mijë euro.

Në përputhje me legjislacionin në fuqi, Dogana e Kosovës ka ndërmarrë masat e parapara ligjore, ku është konfiskuar 25% e shumës së padeklaruar, ndërsa pjesa tjetër e mjeteve është ndaluar përkohësisht, deri në përfundimin e procedurave të mëtejshme.

“Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë”, thuhet tutje në njoftimin e Doganës./D.B/EO

Continue Reading

Lajmet

Derbi i madh i Superligës zhvillohet sot

Published

55 minutes ago

on

October 6, 2025

By

Xhiro e tetë e Superligës së Kosovës në futboll do të mbyllet sot me ballafaqimin ndërmjet Gjilanit dhe Dritës.

Edhe pse renditja tabelare e të dy skuadrave lë shumë për të dëshiruar në këtë fillim sezoni, ky derbi gjithmonë ofron emocione të forta dhe interesim të madh për ta ndjekur.

Drita, skuadër kampione në fuqi pas shtatë ndeshjeve ka mbledhur vetëm tetë pikë dhe renditet në vendin e tetë në tabelë.

Nga ana tjetër, Gjilani e ka nisur në mënyrë katastrofale këtë edicion pasi kanë mbledhur vetëm shtatë pikë nga shtatë ndeshjet e zhvilluara dhe janë të fundit në renditjen tabelare, pra në vendin e dhjetë.

Ndeshja zhvillohet nga ora 15:00./S.K/KP/

Continue Reading

Lajmet

Kurti: Arsimi është prioritet i Qeverisë, i kemi shtuar 22 inspektorë të rinj të arsimit

Published

1 hour ago

on

October 6, 2025

By

Kryeministri në detyrë i Republikës së Kosovës, Albin Kurti, ka marrë pjesë sot në punëtorinë njëditore të organizuar nga Inspektorati i Arsimit me temën “Praktikat e mira për inspektim efektiv”, ku ka theksuar rëndësinë që Qeveria i jep arsimit dhe forcimit të kapaciteteve institucionale në këtë fushë.

Në fjalën e tij para inspektorëve të arsimit, Kurti ka vlerësuar përpjekjet dhe angazhimin e tyre, duke rikujtuar sfidat me të cilat është përballur ky institucion ndër vite. Ai tha se për një periudhë të gjatë, Inspektorati ka funksionuar me vetëm 25 inspektorë, një numër që, sipas tij, nuk përkon me nevojat reale të sistemit arsimor në vend.

“Jemi këtu së bashku për të vlerësuar përpjekjet për ngritjen e cilësisë në arsim edhe për të rikonfirmuar që arsimimi dhe edukimi i brezave të rinj është prioritet i qeverisë tonë. Kujtojmë se për një periudhë të gjatë kohore Inspektorati i Arsimit ka funksionuar me vetëm 25 inspektorë. Një numër që nuk përkon as afër me institucionet arsimore, kopshteve, çerdheve – nuk përkon me barrën që ka ky institucion. Edhe përballë këtij realiteti sfidues, me përkushtim ju keni mbajtur funksionin e njërit prej mekanizmave më të rëndësishëm të sistemit arsimor, e për këtë ju shpreh vlerësimin dhe mirënjohjen time”, theksoi Kurti.

Ai bëri të ditur se si rezultat i angazhimit të Qeverisë dhe Ministrisë së Arsimit, janë shtuar 22 inspektorë të rinj, të cilët do të forcojnë më tej praninë dhe mbështetjen në terren për institucionet arsimore në vend.

“Përpjekjet e qeverisë sonë dhe MAShT për forcimin e kapaciteteve të Inspektoratit Arsimor nuk janë ndalur asnjëherë. Si rezultat i këtij angazhimi kemi shtuar 22 inspektorë të rinj që do t’i japin sistemit tonë arsimor më shumë mbështetje dhe prani në terren”, deklaroi Kryeministri në detyrë.

Ai shtoi se investimet në arsim kanë qenë të vazhdueshme dhe të orientuara drejt përmirësimit të kushteve për mësimdhënie dhe mësimnxënie: nga ndërtimi dhe renovimi i shkollave me infrastrukturë moderne, pajisje bashkëkohore, e deri te zhvillimi profesional i mësimdhënësve.

“Të gjitha këto investime janë në favor edhe të juve si Inspektorat. Sa më i fortë të jetë themeli i sistemit arsimor, aq më e lehtë bëhet puna e inspektimit dhe aq më pak ndërhyrje do të jenë të nevojshme”, përfundoi Kurti./D.B/EO

Continue Reading

Të kërkuara