

Lajmet
Krasniqi homazhe në Izbicë: Në këtë përvjetor të dhembjes, thërrasim për drejtësi
Ai shprehu bindjen se së shpejti do të përfundojë vulosja e pafajësisë dhe drejtësisë për udhëheqësit e UÇK-së.
Published
3 years agoon
By
UBT newsKryetari PDK-së, Memli Krasniqi së bashku me kryetarin e Skenderajt, Fadil Nura kanë kujtuar dhe nderuar 147 martirët e një prej masakrave më të mëdha në Kosovë, asaj të Izbicës, të cilët, 24 vjet më parë u vranë mizorisht nga regjimi kriminal serb.
Deputeti Krasniqi tha me këtë rast fatkeqësisht, janë mbi 400 masakra të kryera mbi popullsinë civile shqiptare, për të cilat, fare pak urdhërdhënës dhe ekzekutues kanë dalë para drejtësisë.
Prandaj, edhe në këtë përvjetor të dhembjes, ka bërë thirrje për drejtësi, të cilën akoma e presin dhe kërkojnë familjarët, shoqëria dhe shteti ynë.
“Sa herë që vjen marsi dhe rikthehet pranvera bashkë me to rikthehen edhe dhembja, edhe ditët e krenarisë tonë kombëtare, sepse ne shënojmë përvjetorët e disa prej masakrave më çnjerëzore që regjimi serb i Millosheviqit i bëri mbi popullatën civile shqiptare në vitin 1999. Këto masakra dhe këto sulme nuk ishin të rastësishme, sepse ishin pjesë të një fushate gjenocidale, një lufte që qëllim kishte shfarosjen e popullit shqiptar dhe dëbimin e tyre nga vendi ynë, nga Kosova. Një ndër këto masakra ndër shembujt me çnjerëzor të regjimit brutal të Millosheviqit ndodhi pikërisht këtu në Izbicë 24 vjet më parë ku 147 qytetarë të pafajshëm të Izbicës dhe të fshatrave për rreth në mënyrë çnjerëzore u vranë e u masakruan ashtu siç e pa e gjithë bota”, theksoi ai.
Kryetari i PDK-së, theksoi se lufta e UÇK-së ka qenë një luftë e drejtë. Ai shprehu bindjen e tij se së shpejti do të përfundojë vulosja e pafajësisë dhe drejtësisë për udhëheqësit e UÇK-së në Hagë.
“Si për ironinë e fatit ne sot si popull e si komb dhe si qytetarë ballafaqohemi me një fakt i cili është sa absurd aq edhe jo racional me faktin që pikërisht ata që u ngritën kundër atij pushteti e regjimi për të cliruar vendin, ushtarët e lirisë, themeluesit dhe udhëheqësit e UÇK-së, sot po mbahen në bankën e të akuzuarve në Hagë. Lufta e UÇK-së ka qenë një luftë e drejt dhe një luftë mbrojtëse. Dhe pa dyshim se ne jemi të bindur që ky proces që do të fillojë së shpejti do të përfundojë vulosjen e pafajësisë dhe drejtësisë për udhëheqësit e UÇK-së”, theksoi ai.
Ndërsa, kryetari i Skenderajt Fadil Nura u shpreh se masakra e Izbicës, me gjithë dhembshurinë për të gjitha viktimat e saj që u shkaktuan nga agresori serb 24 vjet më parë, mbetet dëshmi që i reziston kohës dhe çdo ndryshimi tjetër natyror e shoqëror se rruga për të mbërritur te liria, ishte e vështirë.
“Masakra e Izbicës është dhembja jonë kolektive, është malli i pa shuar për jetët e bashkëqytetarëve tanë. Është kujtimi i pavdekshëm për çlirimtarin e vogël, i cili ende pa i bërë dy muaj u nda në mënyrë të dhembshme nga prindërit që e sollën në jetë. Vetëm pesë javë nga jeta e tij e nisur mes krismave të kësaj ane dhe luftës së pabarabartë mes një populli liridashës dhe një agresori të neveritshëm, çlirimtari është viktima më e re e masakrës së Izbicës… Masakra e Izbicës është dëshmi që i reziston kohës dhe çdo ndryshimi tjetër natyror e shoqëror”, theksoi ai.
Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.
You may like
Lajmet
Ambasada amerikane në Shqipëri del me njoftim për vizat pasi u mbyll qeveria federale
Published
52 seconds agoon
October 1, 2025By
UBTnews
Ambasada amerikanë në Shqipëri ka njoftuar se shërbimet e planifikuara për vizat drejt Shteteve të Bashkuara, do të vazhdojnë, sipas mundësive.
“Për shkak të vonesës në miratimin e fondeve buxhetore, kjo llogari në Facebook nuk do të përditësohet rregullisht – me përjashtim të informacioneve urgjente për çështjet e sigurisë – derisa të rinisë veprimtaria e rregullt. Gjatë kësaj kohe, shërbimet e planifikuara të pasaportave dhe vizave për tranzit në Shtetet e Bashkuara dhe në ambasadat e konsullatat jashtë vendit do të vazhdojnë sipas mundësive. Për më shumë informacion mbi shërbimet tona dhe statusin operativ, vizitoni: travel.state.gov”, thuhet në njoftimin e ambasadës në Facebook.
Gjithashtu në faqen e ambasadës njoftohet se: “Duke filluar nga data 1 tetor 2025, vetëm vizat B1/B2 që janë ende të vlefshme ose që kanë skaduar brenda 12 muajve të fundit mund të rinovohen me postë. Të gjitha llojet e tjera të vizave, përveç disa udhëtimeve qeveritare, do të kërkojnë një takim për intervistë. Ne inkurajojmë aplikantët për vizë të kontrollojnë faqen e internetit të ambasadës si dhe travel.state.gov për informacion më të detajuar rreth kërkesave dhe procedurave të aplikimit për vizë, si dhe për të mësuar më shumë rreth statusit operacional dhe shërbimeve të ambasadës”.
Mbyllja e qeverisë federale amerikane
Për herë të parë në shtatë vite, qeveria federale e SHBA është futur zyrtarisht në një mbyllje administrative, pas dështimit të Kongresit për të arritur një marrëveshje mbi buxhetin.
Përplasjet mes republikanëve të mbështetur nga Donald Trump dhe demokratëve penguan miratimin e një projektligji të përkohshëm. Si pasojë, miliona punonjës federalë përballen me pezullime, vonesa pagash dhe pasiguri për të ardhmen.
Në sektorin e mbrojtjes, tensionet janë rritur. Pentagoni – tani i riemërtuar si Departamenti i Luftës – ka paralajmëruar reforma të thella, ndërsa Sekretari i Mbrojtjes, Pete Hegseth, ka kritikuar ashpër klasën politike për “dekada degradimi”.
Ndërkohë, sindikatat kanë ngritur padi, duke akuzuar administratën për keqpërdorim të ligjit mbi mbylljet qeveritare dhe përpjekje për të shkurtuar vende pune në mënyrë të njëanshme.
Me mungesën e një marrëveshjeje në horizont, kriza buxhetore pritet të thellohet në ditët në vijim./D.B/KP
Botë
Të paktën 69 persona të vdekur nga tërmeti në Filipine
Published
2 hours agoon
October 1, 2025By
UBT News
Të paktën 69 persona kanë vdekur dhe janë plagosur shumë të tjerë nga një tërmet i fuqishëm goditi Filipinet qendrore me magnitudë 6.9 ballë.
Qeveria tha se po bëjnë përpjekje për të kërkuar të mbijetuar dhe për të rivendosur furnizimin me energji elektrike dhe ujë.
Të paktën 14 banorë vdiqën dhe spitali u mbingarkua në Bogo, një qytet bregdetar në provincën Cebu me një popullsi prej rreth 90,000 banorësh, i cili ndodhet afërsisht 19 kilometra nga epiqendra e tërmetit të cekët.
Në San Remigio, gjithashtu pranë Bogos, pesë persona u vranë nga shembja e mureve ndërsa po përpiqeshin të iknin nga një ndeshje basketbolli që po ndiqnin kur goditi tërmeti, tha kryebashkiaku i qytetit Alfie Reynes për mediat lokale.
Reynes bëri thirrje për ushqim dhe ujë, pasi sistemi i ujit të San Remigios ishte dëmtuar nga dridhjet, si dhe pajisje për përpjekjet e kërkim-shpëtimit/S.K/EO/Euronews/
Aktualitet
28 vjet nga protestat studentore në Prishtinë
Published
2 hours agoon
October 1, 2025By
UBT News
Sot mbushen 28 vjet nga protestat e Lëvizjes Studentore të 1 tetorit 1997, koha kur studentët e Universitetit Paralel asokohe të Prishtinës, protestuan për të drejtat e tyre, dhe për të drejtat e njeriut kosovar në Kosovën e atëhershme.
Ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta.
Lëvizja Studentore e 1997 e drejtuar nga Bujar Dugolli, Milot Cakaj, Muhamet Mavraj, Driton Lajçi, Hajrullah Koliqi, Fetah Jagxhiu, Ahmet Gecaj dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.
Përpos masave të dhunshme që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.
Këto protesta konsiderohen si një ndër aktet më të rëndësishme të asaj kohe, mirëpo të shpërndarë protestën paqësore, policia serbe përdori dhunë ndaj studentëve dhe profesorëve. /S.K/KP/KultPlus/
Lajmet
Real Madridi shënon fitore të thellë në Ligën e Kampionëve, shkëlqen Mbappe
Published
2 hours agoon
October 1, 2025By
UBT News
Real Madridi ka triumfuar në fazën e grupeve të Ligës së Kampionëve me rezultat bindës 5-0 në transfertë kundër skuadrës Kairat Almaty. Ndeshja nisi me dominim të plotë të “Los Blancos”, të cilët e zhbllokuan rezultatin në minutën e 25-të me golin e Kylian Mbappé.
Francezi vazhdoi të ishte protagonist edhe në pjesën e dytë, duke shënuar golin e dytë në minutën e 52-të pas një aksioni të bukur të nisur nga Courtois.
Në minutën e 74-të, ai kompletoi dopietën personale, kësaj here me asistim nga Arda Güler, duke e çuar rezultatin në 3-0.
Në minutën e 83-të, Eduardo Camavinga u regjistrua në listën e realizatorëve pas një kombinimi me Rodrygon, ndërsa goli i pestë dhe i fundit erdhi në kohën shtesë (90’+3), kur Brahim Díaz përfitoi nga pasimi i Garcia-s dhe vulosi fitoren madhështore të madrilenëve.
Me këtë rezultat, Real Madridi jo vetëm që mori tre pikë të rëndësishme, duke arritur në gjashtë sosh pas dy ndeshjeve, por gjithashtu dërgoi një mesazh të qartë për rivalët se mbetet ndër favoritët kryesorë për trofeun e këtij edicioni të Ligës së Kampionëve.
Fitore të rëndësishme regjistroi edhe skuadra e Berat Gjimshitit, Atalanta, e cila triumfoi kundër Club Brugge me rezultat 2 me 1.
Liga e Kombeve (UEFA Nations League) nisi në shtator 2018. “Nations League” është organizuar nga UEFA dhe aty marrin pjesë kombëtaret e Europës — secila skuadër e vendeve që janë anëtare të UEFA-s./S.K/KP/

Ambasada amerikane në Shqipëri del me njoftim për vizat pasi u mbyll qeveria federale

Cardi B sulmon Nicki Minajn pas akuzave për falsifikim të shitjeve të albumit

Aplikacioni i ri i OpenAI, një TikTok me video të gjeneruara nga inteligjenca artificiale

Të paktën 69 persona të vdekur nga tërmeti në Filipine

28 vjet nga protestat studentore në Prishtinë

Real Madridi shënon fitore të thellë në Ligën e Kampionëve, shkëlqen Mbappe

Aksident i rënë në Besi, lëndohet motoçiklisti

Mbyllet Qeveria amerikane, Trump kërcënon me reduktim të vendeve të punës për demokratët

Në disa pika kufitare të BE-së do të nis zbatimi i sistemit EES
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega