Lajmet

Krasniqi: Duhet të dakordohemi për një fushatë të shkurtuar

Published

4 years ago

on

Partia Demokratike e Kosovës po kërkon reagim urgjent nga institucionet, për të ndaluar hovin e përhapjes e virusit delta, ndërsa po e konsideron dështim menaxhimin e pandemisë, meqë thonë se e ka neglizhuar fushatën vetëdijesuese dhe procesin e vaksinimit.

Kryetari i PDK-së, Memli Krasniqi në një konferencë për media, ka thënë se kjo situatë nuk është për betejë politike, por që qytetarët të kenë me kohë mbështetje nga institucionet, ndërsa ka bërë thirrje për pezullimin e pushimeve dhe Kuvendi i Kosovës të mbajë sa më parë seancën për rishikim të buxhetit. Ai ka folur për letrën publike të kryetarit të LDK-së, Lumir Abdixhikut që fushata për zgjedhjet lokale të 17 tetorit të mbahet vetëm 10 ditë. Sipas tij, duhet të ketë një koordinim për një fushatë të shkurtuar.

“Unë e konsideroj tepër të rëndësishme që zgjedhjet e 17 tetorit të zhvillohen padyshim në nivelin e transparencës dhe demokracisë, që tashmë e kemi dëshmuar. Por në këtë situatë duhet t’i jepet prioritet ruajtjes së shëndetit publik, pra krijimit të kushteve që qytetarët kur t’i drejtohen kutive të votimit të kenë siguri që shëndeti i tyre nuk dot ë rrezikohet. Fushata zgjedhore dhe shkurtimi i saj, gjithsesi duhet të trajtohet. Në mbledhjen e fundit të kryesisë kemi diskutuar edhe për këtë çështje dhe ka një mendim se duhet të diskutojmë për t’u dakorduar për një fushatë të shkurtuar”, tha Krasniqi.

Kreu i partisë më të madhe opozitare në vend tha se gjatë kësaj vere ka pasur keqmenaxhim të sigurimit të vaksinave, keqmenaxhim në administrimin e procesit të vaksinës, mungesë të fushatës për vaksinim. Sipas tij, nëse do të organizohej vaksinimi edhe në vikend, sot do të kishte të vaksinuar edhe 250 mijë qytetarë.

“Jam këtu edhe për të kërkuar një reagim urgjent dhe angazhim maksimal të institucioneve shtetërore, për ta ndalur këtë hov të kobshëm të pandemisë, e për ta treguar sërish edhe gatishmërinë e Partisë Demokratike të Kosovës që të jep kontributin e saj në Kuvendin e Kosovës, për të marrë vendime në ndihmë të qytetarëve dhe për tejkalimin sa më parë të kësaj tragjedie. Të dhënat e IKSHPK-së në vetëm 14 ditët e fundit tregojnë për një bilanc tragjik në 231 qytetarë që humbën jetën në përballjen e virusit si dhe me një numër prej 26 mijë raste të reja të infektimit”, tha Krasniqi.

Krasniqi ka theksuar se që nga qershori bota po përgatitej për përhapjen e virusit në variantin Delta, por jo edhe Kosova, ku ka rritje të rasteve prej 6100 për qind.

“Vetëm për një muaj kemi pasur rritje 6100 për qind të rasteve të reja. E mjerisht gjitha këto paralajmërime i pa Qeveria e Kosovës, e nuk i kushtoi rëndësi përhapjes së këtij varianti. Ajo nuk ndërmori masat adekuate për të parandaluar rrezikun e fluksit të infektimit. Përkundrazi në mënyrë të vazhdueshme kjo qeveri kemi parë relativizim të vazhdueshëm të situatës dhe një aktrim të normalitetit në një situatë skajshmërisht jo normale”, tha Krasniqi.

I pari i PDK-së ka shtuar se Kuvendi i Kosovës duhet të pezullojë pushimet dhe sa më parë të mbahet seanca plenare për rishikim të buxhetit.

“Ftoj që Kuvendi i Kosovës t’i pezullojë dhe përfundojë pushimet, në mënyrë që ta rishikojmë së pari Ligjin për Buxhetin dhe të gjitha këto nevoja emergjente t’i reflektojmë në buxhet, në mënyrë që kjo gjendje e rëndë me pandeminë së paku të filloj e të bëhet më e lehtë për qytetarët. Përballë kësaj tragjedie, sot nuk duhet të ketë prioritet më të madh se sa shpëtimi i jetës së qytetarëve tanë”, tha Krasniqi.

Derisa ka folur për skadimin e mbi 133 mijë vaksinave AstraZeneca, Krasniqi ka thënë se faji nuk është te qytetarët. Nga pushteti është kritikuar deklarimi publik i deputetit Bekim Haxhiu muaj më parë në lidhje me skadimin e afatit të këtyre dozave, por Krasniqi tha se nuk mund t’i hedhet faji një deputeti.

“Për zëdhënësin e qeverisë unë e lexova pak më herët dhe është për keqardhje, sepse e vërteta është që qeveria e ka neglizhuar totalisht edhe fushatën e vetëdijesimit, por edhe procesin e vaksinimit. Sot nuk ka vaksina, ndërsa atyre u ka skaduar afati 140 mijë vaksinave. Nuk mundesh t’i hedhësh fajin një deputeti. Një deputet që ka ftuar për vetëdijesim. Zotëri Haxhiu e ka ngritur zërin për çështjen e pandemisë në mënyrë të vazhdueshëm”, tha Krasniqi.

Sa i përket pamundësisë së Sokol Bashotës për kandidim për kryetar komune në Klinë, Krasniqi ka thënë se aktualisht nuk kanë ndonjë emër për zëvendësim. 

Related Topics:
Continue Reading

Lajmet

“Atë ditë në Izbicë s’ka pasë dasëm, por janë masakruar 137 veta”, familjari i zhgënjyer me dënimin ndaj Alidemajt

Published

3 hours ago

on

February 2, 2026

By

Familjari i viktimave, Islam Doni, pas përfundimit të seancës gjyqësore, tha se vendimi i gjykatës për dënimin e Muhamet Alidemajt është i ulët dhe se familjarët do të paraqesin ankesë ndaj aktgjykimit, duke shtuar se mbetet të shihet nëse do ta arrijnë qëllimin e tyre në instancat më të larta, raporton Ekonomia Online.

Doni tha se personalisht nuk ka parë që Alidemaj të ketë vrarë dikë me duart e tij, por sipas tij e ka parë atë duke u prirë forcave serbe për të hyrë në fshatin Izbicë, duke shtuar se nuk mund të pohojë për veprime që nuk i ka parë drejtpërdrejt.

Ai përshkroi se atë ditë në Izbicë nuk kishte pasur dasmë, por ishin dëgjuar krisma të armëve të rënda dhe të lehta, ndërsa sipas tij ishin masakruar 137 persona, si dhe më pas në dy raste të tjera ishin vrarë nga dy deri në trembëdhjetë banorë. Doni tha se fshati ishte djegur dhe plaçkitur, ndërsa sipas tij dy persona të paralizuar ishin djegur në prokolica traktorësh.

“Vendimi na duket shumë i ulët, mirëpo gjykata ka marrë vendim edhe çka kemi na me thënë përtej gjykatës. Më anku kemi me u anku, sa kena me arrit qëllimin tonë, mbetet me u pa.. Kodi penal i Jugosllavisë e përcakton kështu, bie në maksimum. Se për neve edhe 15 vjet normalisht që është pak… Unë personalisht nuk e kam parë që e ka vrarë askënd. Unë e kam parë që iu ka prirë serbëve me hy në fshatin Izbicë. Çka s’e kam parë nuk mundem me thanë që e kam parë duke vrarë. Mirëpo atë ditë në Izbicë nuk ka pasë dasëm. Atë ditë janë ndjerë krisma të tekave, topave, kallashave, pushkëve edhe janë masakruar 137. Edhe dy herë mbasandej na janë vrarë ka dy-trembëdhjetë. Edhe u djeg krejt fshati Izbicë, edhe u plaçkit. Janë djeg dy të paralizuar në prikolica të traktorit. Nuk mundet me iu ikë ky prej përgjegjësie, as s’mundet me thënë që s’kam qenë unë. Normalisht, familjet që i kanë ndarë, gratë i kanë ndarë, iu ka shtirë thikën në fyt, i ka plaçkitur, i ka rrahur. Kanë dëshmuar këto në gjyq”, tha ai pas procesit gjyqësor.

Gjykata Themelore në Prishtinë e ka shpallur fajtor Muhamet Alidemajn për krime lufte kundër popullsisë civile dhe e ka dënuar me 13 vjet burg, pas përfundimit të shqyrtimit gjyqësor më 2 shkurt 2026,

Vendimi është shpallur nga kryetari i trupit gjykues, Vesl Ismaili, i cili ka bërë të ditur se i akuzuari është dënuar për veprën penale të krimeve të luftës kundër civilëve.

“Gjykata Themelore në Prishtinë, pas përfundimit të shqyrtimit gjyqësor sot me datë 02.02.2026, ndaj të akuzuarit është fajtor se ka kryer veprën penale krime të luftës kundër popullsisë civile. Trupi gjykues në bazë të dispozitave, të akuzuarin Muhamet Alidemaj e shpall fajtor edhe e gjykon me dënim burgimi në kohëzgjatje prej 13 vjetëve”, tha ai.

Ndryshe, në seancën fllestare më 29 prill 2022, në gjykimin e parë, Alidemaj ishte deklaruar i pafajshëm. Njëjtë u deklarua edhe në seancën e rigjykimit më 23 tetor 2025.

Gjykata Themelore në Prishtinë më 12 korrik 2024 e shpalli Muhamet Alidemajn fajtor dhe e dënoi me 15 vjet burg për krime lufte gjatë vitit 1999 në Izbicë. Ndaj tij u shpall aktgjykim refuzues për dispozitivin e dytë, ku ngarkohej për zhvarrosjen e trupave me ekskavator, pasi në fjalën përfundimtare në seancën e 9 korrikut 2024, prokurori Ilir Morina u tërhoq nga pika e dytë e dispozitivit të aktakuzës, për shkak se nuk ishte arritur të vërtetohet se i akuzuari Alidemaj ka marrë pjesë në zhvarrosjen e viktimave.

Por, Gjykata e Apelit e ktheu rastin në rigjykim.

Ndryshe, sipas aktakuzës së përpiluar më 29 mars 2022, Muhamet Alidemaj gjatë periudhës kohore 24 mars 1999 – 11 qershor 1999, gjatë konfliktit të armatosur në Kosovë, si pjesëtar i forcave policore dhe ushtarake serbe, së bashku me pjesëtarët e tjerë të forcave policore dhe ushtarake serbe, me dhunë i ndajnë gratë e fëmijët dhe dhunshëm i detyrojnë që të shkojnë në drejtim të Shqipërisë. /Ekonomiaonline/

Continue Reading

Lajmet

Përfundon afati, PZAP pranon 7 ankesa për rezultatet përfundimtare të 28 dhjetorit

Published

5 hours ago

on

February 2, 2026

By

Në ora 11:00 ka përfunduar afati për ankesa në Panelin Zgjedhor për Ankesa dhe Parashtresa.

Nga ky institucion kanë thënë për Gazetën Express se kanë pranuar 7 ankesa në lidhje me shpalljen e rezultateve përfundimtare nga KQZ.PZAP shton se për këto ankesa ka 96 orë kohë të vendosë.

“Lidhur me pyetjen tuaj, ju njoftojmë se Paneli Zgjedhor për Ankesa dhe Parashtresa (PZAP) ka pranuar shtatë (7) ankesa lidhur me publikimin e rezultatit përfundimtar nga Komisioni Qendror i Zgjedhjeve (KQZ). Për të gjitha ankesat e pranuara, PZAP do të vendosë brenda afatit ligjor prej nëntëdhjetë e gjashtë (96) orësh nga data e parashtrimit të secilës ankesë.”

Nga: Ekonomia Online

 

Continue Reading

Lajmet

Jahjaga mohon të ketë lidhje me dosjen “Epstein”

Published

5 hours ago

on

February 2, 2026

By

Ish-presidentja e Kosovës, Atifete Jahjaga i ka mohuar raportimet për lidhjen e saj me dosjen “Epstein”, duke thënë se ajo nuk ka pasur asnjëherë njohje apo takim të çfarëdo lloj kontaktit me Jeffery Epstein.

Ajo thotë se në email për të cilën raportohet kur përmendet presidentit i Kosovës, nuk është e qartë se cili dhe nuk përmendet kërkesa për takim në emër të tij apo të saj.

Reagimi i plotë:

Raportimet mediatike për “lidhjen time” me dosjen “Epstein”  janë tërësisht të pabaza dhe të pavërteta. Si Presidente e Republikës së Kosovës nuk kam pasur asnjëherë njohje, takim apo çfarëdo lloj kontakti me personin në fjalë.

Përmendja e emrit tim nga mediat me rastin e dokumenteve të publikuara së fundmi lidhet vetëm me një korrespondencë elektronike të palëve të treta, e cila nuk përbën dhe nuk dëshmon asnjë takim, njohje apo lidhje personale me mua. Emri im askund nuk përmendet në asnjë lloj dokumenti të publikuar.

Në këtë email te palëve të treta përmendet Presidenti i Kosovës, por nuk është e qartë cili, dhe nuk përmendet kërkesa për takim në emër të tij apo të saj.

Çdo raportim ndryshe është insinuate dhe mashtrim i opinionit, siç mund të vërehet lehtë nga dokumentet. Kërkoj që ky sqarim të jepet në mediat të cilat e kanë lakuar emrin tim, sidomos meqenëse as nuk e kam njohur, as takuar dhe as nuk kam kërkuar takim me personin në fjalë në asnjë pozitë që kam mbajtur deri më tani.

Nga: Ekonomia Online

 

Continue Reading

Lajmet

Muhamet Alidemaj dënohet me 13 vjet burgim për masakrën e Izbicës

Published

5 hours ago

on

February 2, 2026

By

Gjykata Themelore në Prishtinë ka shpallur fajtor Muhamet Alidemajn për krime lufte kundër popullsisë civile dhe e ka dënuar me 13 vjet burg, pas përfundimit të shqyrtimit gjyqësor më 2 shkurt 2026, raporton KosovaPress.

Vendimi është shpallur nga kryetari i trupit gjykues, Vesel Ismaili, i cili ka bërë të ditur se i akuzuari është dënuar për veprën penale të krimeve të luftës kundër civilëve, ndërsa është obliguar për shpenzimet e procedurës gjyqësore në shumën prej 200 euro dhe 100 euro të tjera për fondin për kompensimin e viktimave të krimit.

Sipas aktakuzës, Muhamet Alidemaj kishte marrë pjesë bashkë me pjesëtarë të forcave policore dhe ushtarake serbe në vrasjen e civilëve shqiptarë në masakrën e Izbicës që kishte ndodhur në mars 1999, e ku ishin vrarë e masakruar 130 shqiptarë./Kosovapress/

Continue Reading

Të kërkuara