Lajmet

KQZ miraton 566 kërkesa për ndërrim të qendrave të votimit

Published

2 months ago

July 10, 2025

UBTnews

Në mbledhjen e Komisionit Qendror të Zgjedhjeve të mbajtur të enjten, më 10 korrik, u bë e ditur se është duke u zhvilluar periudha për ndërrimin e Qendrës së Votimit brenda komunës, për zgjedhjet lokale që do të mbahen me 12 tetor. Nga 28 qershori deri më 9 korrik 2025, janë pranuar 633 kërkesa – prej të cilave 566 janë aprovuar, ndërkaq 66 të tjera janë refuzuar.

Drejtori në Zyrën për Regjistrim, Certifikim dhe Kontrollin Financiar të Subjekteve Politike, Besnik Buzhala tha se janë refuzuar për shkak se nuk kanë bashkangjitur fotografinë e tyre duke mbajtur në dorë dokumentin identifikues.

“Periudha e shërbimeve të votuesve e cila ka filluar me datë 28 qershor dhe deri dje me datë 9 korrik 2025 në orën 16:00 janë parashtruar gjithsej 633 kërkesa për ndërrimin e qendrës së votimit nga të cilat 566 janë aprovuar, ndërsa 66 janë refuzuar për shkak se votuesit nuk kanë bashkangjitur fotografinë së bashku me dokumentet identifikues në dorë”, tha Buzhala.

Po ashtu, anëtarët e KQZ-së, u njoftuan nga Buzhala edhe për periudhën e aplikimit online për certifikimin e subjekteve politike dhe kandidatëve të tyre, e cila ka filluar më 26 qershor dhe do të përfundojë më 13 gusht 2025.

Deri më tani, Zyra për Regjistrim, Certifikim dhe Kontrollin Financiar të Subjekteve Politike u ka krijuar qasje në platformën për certifikim 47 subjekteve politike të regjistruara, 6 iniciativave qytetare dhe 1 kandidati të pavarur.

“Po ashtu periudha e aplikimit për certifikimin e subjekteve politike dhe kandidatëve të tyre që ka filluar me datë 26 qershor dhe do të përfundoj më 13 gusht 2025. I kemi shpërnda të gjitha të dhënat për hapjen e llogarive me qëllim të aplikimit për certifikim. Deri më datën 9 korrik 2025 janë hapur llogari të cilat janë aktive për 47 subjekte politike të regjistruara, gjashtë iniciativa qytetare dhe një kandidat të pavarur, totali i llogarive të hapura në total është 54”, tha Buzhala.

Anëtari i KQZ-së nga PDK-ja, Ilir Gashi, kërkoi nga Buzhala që në mbledhjen e radhës të ketë një raport shtesë për buxhetin shtesë për dërgimin e fletëvotimeve te qytetarët në diasporë, për të shikuar se a ka buxhet të mjaftueshëm.

“Po bëhen pothuajse katër javë që keni dërguar një kërkesë shtesë në institucione të Kosovës për me nda një buxhet shtesë për faktin se në rregulloret tona, ne kemi parapa që fletëvotimet e qytetarëve tanë në diasporë tua dërgojmë secilit në shtëpitë e tyre. Ky operacion kërkon buxhet shtesë dhe është një operacion i cili ka për synim të kthimit të integritetit të procesit në diasporë. Prandaj unë mendoj që ju do të duhej në mbledhjen e radhës të na bini një raport shtesë të detajuar sa i përket kësaj çështje sepse mos ndarja e këtij buxheti nënkupton edhe mos mundësinë e realizimit ë këtij operacioni. Ju duhet të na tregoni se a do të mundemi t’i tërheqim fletëvotimet me një operator të suksesshëm apo do të përballemi me problematikën e njëjtë”, theksoi Gashi.

KQZ u njoftua se është përzgjedhur operatori fitues në procesin e prokurimit “Auditimi i raporteve financiare të fushatës së zgjedhjeve për Zgjedhjet për Kuvendin e Kosovës 2025”. Së shpejti, auditorët do të fillojnë auditimin e raporteve financiare të subjekteve politike dhe raportet e audituara do të publikohen nga KQZ.

Gjithashtu në këtë mbledhje u miratua edhe vendimi për çregjistrimin e partisë politike “Lëvizja për Bashkim” e cila ka paraqitur në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) vendimin dhe dokumentacionin mbështetës për pushimin e të gjitha aktiviteteve politike.

Pas këtij vendimi, Zyra do të njoftojë Bankën Qendrore të Kosovës për bllokimin dhe deri në mbylljen e llogarisë bankare dhe Administratën Tatimore për fshirjen e numrit fiskal.

Related Topics:KQZ Qendra e Votimit zgjedhjet lokale

Up Next

Range Rover tashmë ka një logo të re

Don't Miss

Ursula von der Leyen i mbijeton mocionit të mosbesimit

Bota

Shënohet sot përvjetori i sulmeve të 11 Shtatorit, homazhe edhe në Kosovë

Published

3 minutes ago

September 11, 2025

UBTnews

Sot shënohen 24 vjet nga sulmet terroriste të 11 Shtatorit 2001, që morën rreth 3.000 jetë dhe ndryshuan përgjithmonë historinë e Shteteve të Bashkuara. Në këtë përvjetor, edhe në Kosovë do të zhvillohen homazhe përkujtimore.

Presidentja Vjosa Osmani, kryetari i Kuvendit Dimal Basha dhe kryeministri në detyrë Albin Kurti, do të nderojnë viktimat pranë pllakës përkujtimore në oborrin e Qeverisë/Kuvendit në orën 09:00.

Ndërkohë, në Shtetet e Bashkuara dhe vende të tjera, zhvillohen ceremoni solemne për të kujtuar viktimat dhe për të nderuar heroizmin e zjarrfikësve, policëve dhe qytetarëve që ndërhynë atë ditë.

Në Ground Zero, New York, familjarë dhe autoritete lexojnë emrat e viktimave dhe mbajnë momente heshtjeje, ndërsa në mbrëmje ndizet instalacioni artistik “Tribute in Light”, që simbolizon mungesën e Kullave Binjake.

Ngjarjet përkujtimore shpesh shoqërohen me iniciativa vullnetare dhe aktivitete bamirësie në komunitete të ndryshme amerikane, duke shndërruar përkujtimin në veprim humanitar dhe solidaritet me të mbijetuarit dhe familjet e viktimave.

Sulmet terroriste të 11 Shtatorit 2001 ishin një nga ngjarjet më tragjike në historinë moderne të Shteteve të Bashkuara. Katër aeroplanë pasagjerësh u rrëmbyen nga pjesëtarë të Al-Kaidës, dy u përplasën në Kullat Binjake në New York, një në Pentagon dhe një tjetër në një fushë në Pensilvani, ku pasagjerët tentuan të ndalonin rrëmbyesit.

Rreth 3.000 persona humbën jetën dhe mijëra të tjerë u plagosën. Që nga ajo ditë, SHBA-ja dhe bota kanë zhvilluar përkujtime vjetore për viktimat dhe heroizmin e atyre që ndërhynë gjatë sulmeve./D.B/EO

Bota

Të paktën 3 të plagosur nga të shtënat me armë zjarri në një shkollë në SHBA

Published

6 minutes ago

September 11, 2025

UBTnews

Të paktën tre nxënës janë në gjendje kritike pas të shtënave me armë zjarri në shkollën e mesme Evergreen të shtetit Kolorado.

Asnjë i dyshuar nuk është në paraburgim dhe autoritetet po punojnë për të përcaktuar nëse ka pasur një apo disa të shtëna të përfshira, tha Jacki Kelley, oficere e informacionit publik për departamentin e sherifit.

Thirrja e parë që raportonte një të shtënë aktiv erdhi në orën 12:24 të pasdites sipas kohës lokale, tha Kelley.

Të shtënat ndodhën në ambientet e shkollës, por autoritetet nuk mundën të sqaronin nëse ndodhi brenda apo jashtë ndërtesës, raporton CNN.

Tre të plagosurit po trajtohen në spital dhe zyrtarët nuk besojnë se ka persona të tjerë të plagosur, tha drejtori ekzekutiv i spitalit Kevin Cullinan në një konferencë për shtyp.

Të shtënat në Kolorado ndodhën më pak se një orë pasi aktivisti konservator Charlie Kirk u qëllua për vdekje në një aktivitet në Universitetin Utah Valley.

Evergreen ndodhet afërsisht 45 kilometra në jugperëndim të Denverit./D.B/KP

Lajmet

Moti sot

Published

7 minutes ago

September 11, 2025

UBTnews

Sot në Kosovë parashikohet të mbajë mot kryesisht i vranët me reshje lokale shiu.

Era do të jetë me shpejtësi prej 20 deri 65km/h.

Temperaturat do të pësojnë ulje me ato minimale që pritet të lëvizin nga 17 deri 19 gradë Celcius, kurse temperaturat maksimale pritet të lëvizin nga 23 deri 26 gradë Celcius./D.B/KP

Bota

Vdes aleati i Trump

Published

9 minutes ago

September 11, 2025

UBTnews

Charlie Kirk, një aktivist me ndikim i krahut të djathtë, i afërt me presidentin amerikan Donald Trump dhe drejtor ekzekutiv i Turning Point USA (TPUSA), ka vdekur si pasojë e plagosjes gjatë një eventi në Universitetin Utah Valley.

Charlie Kirk ka vdekur, njoftoi Trump në Truth Social,.

“I madhi, madje historik, Charlie Kirk ka vdekur. Askush nuk e kuptoi dhe nuk kishte një zemër për të rinjtë e Shteteve të Bashkuara të Amerikës më shumë se Charlie. Ai ishte i dashur dhe i admiruar nga të gjithë, veçanërisht unë, dhe tani ai nuk është më me ne. Unë dhe Melania i shprehim ngushëllimet tona gruas së tij të mrekullueshme, Erika, dhe familjes. Charlie, të duam”, tha Trump.

Sekretarja e Bujqësisë, Brooke Rollins, njoftoi se Kirk ishte në gjendje kritike. Fillimisht u njoftua se sulmuesi ishte arrestuar, por më vonë erdhi informacioni se personi i ndaluar ishte liruar.

Scott Trotter, një zëdhënës i Universitetit Utah Valley, tha se rreth orës 12:25 të pasdites sipas kohës lokale, “një e shtënë u dëgjua në oborrin e universitetit, pranë mensës studentore, ndërsa Charlie Kirk po fillonte fjalimin e tij”. Ai shtoi se kampusi ishte i bllokuar për pjesën tjetër të ditës.

Kongresisti Jason Chaffetz, i cili ishte në event me vajzën e tij, i tha Fox News se dhuna ishte “tronditëse”.

“Të gjithë ishin në dysheme dhe vraponin”, tha Chaffetz. “Plumbi po vinte drejt e drejt tij”. Ai shtoi se kishte folur me Kirk pak para se të fillonte tubimi. Pas të shtënave, njerëzit filluan të iknin në panik dhe pasoi kaosi./D.B/KP