Shefja e Misionit të Vëzhgimit të Zgjedhjeve nga BE, Nathalie Loiseau, e ka vlerësuar ditën e zgjedhjeve si të qetë, duke përgëzuar qytetarët për pjesëmarrjen.

Ajo theksoi se, megjithatë, ende ka sfida në procesin zgjedhor, duke përmendur vonesa dhe nevojën për transparencë.

Loiseau shprehu shqetësim për përdorimin e gjuhës nxitëse dhe sulmet verbale gjatë fushatës, si dhe bllokimin e Komisionit të Pavarur të Medieve.

Ajo falënderoi të gjitha palët për angazhimin e tyre gjatë procesit zgjedhor.

“Të dielën qytetarët e Kosovës dolën për të zgjedhur parlamentin e ri të Kosovës. Dua të përgëzoj qytetarët për zgjedhjet historike, në përgjithësi dita e zgjedhjeve ishte e qetë dhe votuesit kishin mundësi t votonin në kushte të mira. Këto janë sinjale që qytetarët janë të përkushtuar drejtë demokracisë. Ne tani po ndajmë me ju deklaratën preliminare, numërimi akoma nuk ka filluar në qendrat komunale të numërimit ne do të publikojmë raportin ndërkombëtare pas dy muajsh. Dua të shfrytëzoj ketë mundësi të falënderoj të gjitha palët”, ka thënë ajo.

Loiseau  tha se fazat kritike të procesit zgjedhor ende munden për t’u zhvilluar.

“Vështirësi në zbatimin e procedurave janë bërë të dukshme. Ne kemi vëzhguar KQZ ka pasur sfida dhe kjo ka shkaktuar vonesa të cilët tani janë te pa mohueshme duhet të ketë transparencë të plotë. Dita e zgjedhjes ishte mjaftë e qetë, numri i partive të serbëve të Kosovës mund te shihet si pozitive, por plutariteti politike është ende larg. Ne kemi vërejtur me shqetësim bllokimin e KPM i vili iu pa mundësi të bëjë ndonjë vendim gjatë fushatës. Ai shqiptoi gjoba të mëdha subjekteve politike, ne kemi vërejtur përdorime të gjuhës nxitës dhe sulmet verbale kjo u reflektua edhe në ambientin e fushatës që zhvillohet në mediat sociale. Kemi parë gjuhë armiqësore ndaj mediave nga partia që është në pushtet. Transmetuesit ka dhënë kohë të barabartë për të gjithë por nuk u shfrytëzua nga te gjithë. Fushata me komunë me shumicë serbe kanë qenë më të përmbajturat. Ne do të vazhdojmë të vëzhgojmë deri në numrin e fundit të procesit zgjedhor”, ka thënë ajo.

Kosova ka bërë një përmirësim të ndjeshëm në renditjen e Indeksit të Perceptimit të Korrupsionit të publikuar nga Transparency International.

Sipas raportit, vendi ynë është rritur me 11 pikë, duke arritur një total prej 44 pikësh, ose me një ndryshim prej 3 vende më lartë, krahasuar me vitin e kaluar.

Kjo i bije që Kosova renditet në vendin e 73-të nga 180 vende.

Shqipëria është përmirësuar ndjeshëm në renditjen e Indeksit të Perceptimit të Korrupsionit, publikuar nga Transparency International. Vendi ynë është rritur me 5 pikë për vitin 2024, krahasuar me vitin 2023, ndërsa në total numëron 42 pikë, nga 100 që janë pikët maksimale.

Në Shqipëri vlerësohen përmirësimet në sistemin e drejtësisë, teksa raporti shkruan se prokuroria dhe gjykatat e specializuara kundër korrupsionit (SPAK) kanë fituar besimin e qytetarëve pasi kanë dënuar ish-ministrat, anëtarët e Parlamentit dhe kryetarët e bashkive. “SPAK vazhdon të hetojë një ish-president, ish-kryeministër dhe zyrtarë të tjerë publikë të nivelit të lartë”, thuhet në raport.

Indeksi i Perceptimit të Korrupsionit mat perceptimin e korrupsionit të sektorit publik, sipas ekspertëve dhe biznesmenëve. Rezultati i çdo vendi është një kombinim i të paktën 3 burimeve të të dhënave të nxjerra nga 13 sondazhe dhe vlerësime të ndryshme.

Në raport theksohet se qasja gjysmake e Malit të Zi (46) ndaj reformave ka lënë të pazgjidhur kapjen e gjyqësorit, gjë që rrezikon të minojë përparimin e bërë nga Prokuroria e Posaçme e Shtetit dhe të vazhdojë pandëshkueshmërinë për zyrtarët e lartë.

Maqedonia e Veriut ka një rezultat prej 40 këtë vit, me një ndryshim prej -2 nga viti i kaluar, që do të thotë se renditet në vendin e 88-të nga 180 vende.

Duke vlerësuar 180 vende në mbarë botën, Indeksi i Perceptimit të Korrupsionit është treguesi kryesor global i korrupsionit në sektorin publik.

Presidenti amerikan, Donald Trump e ka uruar presidentin e Serbisë, Aleksandar Vuçiq për ditën e shtetësisë së Serbisë – që shënohet më 15 shkurt – dhe ka thënë që pret se dy vendet do të forcojnë partneritetin dhe sigurinë për njerëzit e të dyja shteteve.

Vuçiq e ka publikuar letrën e dërguar nga Trumpi, në një postim në llogaritë e tij në rrjetet sociale.

“Vlerësojmë jashtëzakonisht shumë kontributin e rëndësishëm të Serbisë në sigurinë ndërkombëtare, qoftë në mbështetjen për popullin e Ukrainës në mbrojtje nga agresioni rus, apo në kontributin e Serbisë në misione të shumta paqeruajtëse anembanë botës“, është thënë mes tjerash në letrën e Trumpit për Vuçiqin.

Serbia, deri më tani, pavarësisht të gjitha thirrjeve të vendeve perëndimore, nuk ka vendosur sanksione ndaj Rusisë për luftën e nisur në Ukrainë, edhe pse me votimin për rezolutat në Kombet e Bashkuara (OKB) e ka konfirmuar se e dënon pushtimin.

Trump ka shtuar se Shtetet e Bashkuara mbështesin plotësisht vazhdimin e integrimeve të Serbisë në rrugën euroatlantike, si dhe përpjekjet e saj për promovimin e marrëdhënieve paqësore dhe të begata me fqinjët dhe partnerët në rajon.

“Mezi pres të forcojmë më tej partneritetin tonë, duke u mbështetur në lidhjet gjithnjë e më të fuqishme mes vendeve tona, për të kontribuar së bashku në rritjen e sigurisë dhe përparimit të qytetarëve të Serbisë dhe SHBA-së“, është thënë mes tjerash në urimin e Trumpit.

Presidenti amerikan, ka theksuar, gjithashtu, se është i kënaqur me “bashkëpunimin gjithnjë e më intensiv dhe mundësitë e reja” për investime të ndërsjella në sektorë të rëndësishëm si teknologjia dhe energjia.

Së voni, Shtetet e Bashkuara e kanë vendosur Industrinë e Naftës së Serbisë (NIS) në listën e sanksioneve, për shkak se një pjesë e saj zotërohet nga kompania ruse, Gazprom Neft, me qëllim të parandalimit të Rusisë që të përdorë të ardhurat nga sektori energjetik për luftën në Ukrainë.

Vuçiq ka qenë njëri prej liderëve botërorë që kanë zhvilluar bisedë telefonike me Trumpin, disa ditë pas fitores së tij në zgjedhjet presidenciale të 5 nëntorit.

Atëbotë, presidenti serb pati thënë se ndihet “mirënjohës” ndaj Trumpit, që ai “menjëherë dinte shumë gjëra për Serbinë”.

Serbia, po ashtu, ka nënshkruar një kontratë me firmën e dhëndrit të Trumpit, Jared Kushnerit, në maj të vitit 2024 për “rivitalizimin” e kompleksit të Shtabit të Përgjithshëm në qendër të Beogradit, i cili është shkatërruar pjesërisht gjatë bombardimeve të NATO-s në vitin 1999./REL/

Koreja e Veriut i ka dorëzuar Rusisë 200 artileri me rreze të gjatë veprimi, si dhe një sasi të konsiderueshme municionesh, në një shenjë të qartë të forcimit të bashkëpunimit ushtarak mes dy vendeve. Lajmi u konfirmua nga një zyrtar i ministrisë së mbrojtjes së Koresë së Jugut, i cili foli në kushte anonimiteti për AFP.

Sipas burimeve të inteligjencës jugkoreane, Koreja e Veriut ka dërguar gjithashtu rreth 11,000 trupa, raketa dhe armatime të tjera për të ndihmuar Rusinë në luftën kundër Ukrainës. Ndërsa Moska dhe Pheniani thellojnë aleancën e tyre, ekspertët paralajmërojnë për ndikimin që kjo marrëdhënie mund të ketë në rajonin e Azi-Paqësorit dhe më gjerë.

Media shtetërore e Koresë së Veriut raportoi të dielën se lideri Kim Jong-un ka ripohuar mbështetjen e tij për Rusinë, duke e cilësuar luftën e saj në Ukrainë si një “luftë të drejtë për sovranitetin, sigurinë dhe integritetin territorial”. Ky angazhim vjen pas takimit të tij me presidentin rus Vladimir Putin, gjatë të cilit të dy vendet nënshkruan një marrëveshje bashkëpunimi, duke përfshirë edhe një klauzolë të mbrojtjes reciproke.

Autoritetet në Seul dhe Uashington po monitorojnë nga afër situatën, duke paralajmëruar se Rusia mund të jetë duke shpërblyer mbështetjen ushtarake të Koresë së Veriut me teknologji të avancuar ushtarake. Një raport i ministrisë së mbrojtjes së Koresë së Jugut, dorëzuar Parlamentit të vendit, thekson se Moska mund t’i ketë dhënë Phenianit njohuri mbi sistemet e rihyrjes së raketave balistike ndërkontinentale (ICBM) dhe nëndetëset me energji bërthamore. Nëse kjo ndodh, do të ketë pasoja të mëdha për stabilitetin rajonal, duke rritur ndjeshëm aftësitë ushtarake të Koresë së Veriut.

Zyrtarët ukrainas kanë raportuar më herët për praninë e ushtarëve koreanoveriorë në fushëbetejat e Rusisë. Presidenti ukrainas Volodymyr Zelensky ka publikuar pamje të supozuara të të burgosurve koreanoveriorë, të cilët pretendohet se janë kapur në rajonin e Kurskut. Deri më tani, as Moska dhe as Pheniani nuk e kanë konfirmuar zyrtarisht këtë zhvillim./UBTNews/