Lajmet

KQZ e Kosovës dhe ajo e Shqipërisë nënshkruajnë memorandum bashkëpunimi

Published

on

Komisioni Qendror i Zgjedhjeve i Kosovës dhe Komisioni Qendror i Zgjedhjeve i Shqipërisë nënshkruan sot marrëveshje për ngritjen e standardeve zgjedhore në të dyja vendet, me qëllim të ngritjes së efikasitetit të punës institucionale dhe modernizimit të organizimit, menaxhimit dhe administrimit të zgjedhjeve.

Ceremonia e nënshkrimit u zhvillua në Prishtinë dhe në emër të dy institucioneve nënshkruan kryesuesi i KQZ-së, Kreshnik Radoniqi dhe komisionari shtetëror i Zgjedhjeve, Ilirjan Celibashi.

Të dy institucionet bien dakord për të mbështetur njëra-tjetrën me logjistikë zgjedhore, organizimi i punëtorive të përbashkëta, shkëmbimi i informacionit për praktikat dhe teknologjitë inovative me qëllim të administrimit sa më efikas të proceseve zgjedhore.

KQZ-ja e Kosovës dhe ajo e Shqipërisë do të vazhdojnë ta mbështesin njëra-tjetrën për pjesëmarrje në organizata ndërkombëtare me ekspertizë zgjedhore, si dhe në aktivitetet e organizuara prej tyre, thuhet në njoftim.

Continue Reading

Lajmet

​ZRrE: Vendimi për çmimin e rrymës merret me 11 prill

Published

on

By

Sot është paralajmruar se do të ndodh shtrenjtimi i tarifave të rrymës për 15 për qind, megjithatë, në ZRrE kanë thënë se vendimi pritet të merret më 11 prill.

Kështu ka deklaruar kryetari i Bordit të Zyrës së Rregullatorit të Energjisë, Ymer Fejzullahu.

“Jo, ende nuk është marrë vendimi. Në fuqi mbesin tarifat ekzistuese. Vendimi pritet të merret më 11 prill. Varësisht se si vendos bordi, ato mund të hyjnë në fuqi retroaktivisht nga 1 prilli ose nga 1 maji, kur është edhe periudha e faturimit, pasi që s’ka kuptim që kjo të bëhet në gjysmë të muajit”, tha Fejzullahu.

“Aktualisht jemi duke i shqyrtuar komentet e dërguara nga institucionet dhe të tjerët. Kemi deklaruar se shqyrtimi do të zgjas deri në dy javë, por shqyrtimi mund të zgjas edhe më shumë”, deklaroi ai.

Rritja e çmimit të rrymës, ka ngjallur reagime të mëdha dhe pakënaqësi tek qytetarët dhe bizneset.

Lidhur me këtë, më 5 prill është paralajmëruar edhe një protestë në Prishtinë.

Continue Reading

Lajmet

Sekretari i Përgjithshëm i OSBE-së me Konakoviq: Jemi të gatshëm të mbështesim BiH në tejkalimin e krizës

Published

on

Sekretari i Përgjithshëm i OSBE-së, Feridun H. Sinirlioglu, ka vizituar Bosnjë-Hercegovinën ku është takuar me Ministrin e Punëve të Jashtme të këtij shteti, Elmedin Konakoviq. Gjatë këtij takimi, Sinirlioglu theksoi shqetësimet për krizën politike të brendshme që ka përfshirë Bosnjë-Hercegovinën dhe pasojat e mundshme për stabilitetin e rajonit të Ballkanit Perëndimor.

Ai bëri thirrje për respektimin e rendit kushtetues dhe për angazhim të sinqertë në demokraci dhe dialog. OSBE shprehu gatishmërinë për të mbështetur Bosnjën dhe Hercegovinën në tejkalimin e krizës dhe forcimin e institucioneve demokratike.

Nga ana e tij, Konakoviq e informoi Sinirlioglu për mundësitë që Bosnja ka për integrim në Bashkimin Evropian, duke theksuar rëndësinë e një angazhimi të fortë në procesin e integrimit evropian për të siguruar një të ardhme më të mirë për vendin. Ai kritikoi Milorad Dodikun, liderin e Republikës Srpska, duke thënë se qëndrimet dhe veprimet e tij po rrezikojnë interesat e shtetit dhe të gjithë qytetarëve të Bosnjë-Hercegovinës, duke kërcënuar përpjekjet për integrimin evropian.

Konakoviq gjithashtu foli për situatën në Shtëpinë e Popujve, duke theksuar se bllokimi i këtij institucioni është i papranueshëm dhe se çdo vonesë në proceset ligjore dhe ekonomike do të ketë pasoja të mëdha për Bosnjë-Hercegovinën. Ai u shpreh se pozita e Dodikut dhe politikat e tij po pengojnë zhvillimin e vendit dhe stabilitetin rajonal, duke e kthyer vëmendjen tek nevojën për një qeverisje të përgjegjshme dhe një angazhim të vazhdueshëm për paqe dhe stabilitet.

 

Continue Reading

Lajmet

Arrestohet roja e kryeministrit Mickoski, jepte informacione konfidenciale tek grupet kriminale

Published

on

Një skandal tronditës ka shpërthyer në Maqedoninë e Veriut, ku Angel Samarakov, një pjesëtar i sigurimit të kryeministrit Hristijan Mickoski, është arrestuar për dhënien e informacioneve konfidenciale tek individë të paidentifikuar në lagjen e Shkupit, “Grcec”, një zonë e njohur për praninë e grupeve të krimit të organizuar. Samarakov, i cili ka punuar më parë në Ministrinë e Punëve të Brendshme, është kapur në flagrancë gjatë një operacioni të sigurisë. Ende nuk është sqaruar se cilat informacione janë shpërndarë dhe nëse ato lidhen me funksionin e kryeministrit.

Ky incident ka nxitur shqetësime të mëdha për sigurinë dhe besueshmërinë e strukturave të sigurisë në Maqedoni. Ky nuk është rasti i parë i përfshirjes së individëve të sigurisë së Mickoskit në aktivitete të dyshimta, pasi disa muaj më parë shefi i sigurimit të tij, Ivica B., u përfshi në një sulm fizik ndaj një polici gjatë një kontrolli në një lokal të dyshuar për trafikun e drogës. Ky incident ka theksuar më tej shqetësimet për mundësinë e infiltrimit të grupeve kriminale në strukturat shtetërore.

Ngjarja ka ngritur shumë pyetje mbi integritetin e forcave të sigurisë dhe mundësinë e ndikimit të grupeve të krimit të organizuar në politikën e lartë të vendit. Ky skandal ka bërë thirrje për një hetim të thelluar dhe një rishikim të politikave të sigurisë për të garantuar se individët që mbrojnë udhëheqësit politikë janë të pastër dhe të besueshëm./UBTNews/

Continue Reading

Lajmet

Kurti për sulmin në Zveçan: Nuk ka individ e as struktura që janë më të fuqishme se Kosova

Published

on

By

Ndërtesa e Komunës së Zveçanit është sulmuar me granatë dore, mbrëmë pas mesnate.

Lidhur me këtë rast ka folur kryeministri i vendit, Albin Kurti.

Kurti, ka dënuar sulmet që po bëhen ndaj institucioneve në veri, derisa ka thënë se këto sulme kanë për qëllim vetëm të mbjellin frikë.

“Keqbërës nuk është që nuk ka, mirëpo strukturat kriminale ose kanë ikur në Serbi, ose janë në burg në Kosovë. Nuk kemi burime të brendshme të destabilitet potencial, që nuk i menaxhojmë, e nuk ia dalim në ballafaqim me ta. Shprehje e pafuqisë së tyre, akte terrorizimi, që kanë qëllim të mbjellin frikë”, u shpreh Kurti.

Kurti po ashtu deklaroi se në vendin tonë nuk mund të ketë as individë e as struktura që janë më të fuqishme se sa shteti i pavarur i Kosovës, që ngadhënjen rregullisht me ligjin e drejtë.

Continue Reading

Të kërkuara