Lajmet

“Kot flasim derisa ata na vrasin”, protestohet në Pejë

Marshi u organizua nga organizatat e shoqërisë civile në Pejë.

Published

2 years ago

on

Me moton “Kot flasim derisa, ata na vrasin”, është mbajtur protesta në Pejë në shenjë revolte ndaj vrasjes së Gjyljeta Ukellës, nga ku iu bë thirrje institucioneve shtetërore të drejtësisë për trajtim dhe përgjegjësi më të madhe ndaj rasteve të dhunës ndaj të gjitha grave.

Marshi u organizua nga organizatat e shoqërisë civile në Pejë dhe nisi nga qendra e qytetit për të vazhduar te objektet e Policisë, Gjykatës Themelore dhe Prokurorisë Themelore në Pejë, ku protestuesit kërkuan që urgjentisht të ndalohet dhuna në baza gjinore. Në protestë kanë marrë pjesë edhe familjarë të së ndjerës, Gjyljeta Ukellës.

Organizatori i kësaj proteste paqësore ka bërë thirrje institucioneve shtetërore që fëmijëve të së ndjerës t’i ofrohen të gjitha shërbimet e nevojshme.

“Duhet të denoncojmë rastet e tilla dhe më kohë të, që ky të jetë rasti i fundit dhe dëshirojmë që siç ishte marshi në mënyrë paqësore dhe të shpërndahemi në mënyrë paqësore, familjes i shprehim ngushëllime. Bëjmë thirrje nga këtu që të gjithë shërbimet shtetërore t’iu ofrohen fëmijëve të së ndjerës, varësisht prej shërbimeve që kanë nevojë dhe ne si organizatë do të jemi afër familjes dhe fëmijëve të së ndjerës. Familjes do t’i lëmë si kujtim edhe pse është ditë e hidhur, kjo foto e bukur e Gjyljetës ta keni ju familjarë si shenjë kujtimi”, tha organizatori.

Pjesëtari tjetër i protestës, Veton Muja theksoi se heshtja e kësaj protestë të sotme do t’i shurdhojë institucionet shtetërore.

“Fajin e kemi secili prej neve, pastaj pjesa e dytë është pjesa e institucioneve, sidomos ato të drejtësisë. Për atë arsyeje sot vizituam policinë dhe gjykatën në heshtje. Mendojmë që kjo heshtje t’i shurdhojë ata për shkak se do duhej të vepronin shumë më shumë në rastet të cilat kanë pasur një element iniciues sikur rasti ky i fundit, ky ka qenë i dënuar për dhunë në familje. Institucionet tona kanë shumë punë për të bërë jo vetëm me ligje ekzistuese por edhe me forma të tjera për të mirën e grave”, tha Mujaj.

Ndërkaq Vlora Latifi pjesëtare e protestës tha se të gjithë qytetarët duhet të kërkojnë llogari nga shteti sepse aty është përgjegjësia.

“Qëllimi i këtij marshi është që të solidarizohemi me viktimën që ka ndodhur dje në Komunë e Pejës. Ne jemi munduar për thirrje të të gjithë qytetarët karshi vrasjes jo vetëm asaj të djeshmes por të gjitha vrasjeve që po ndodhin në Kosovë. Dje ka ndodhur me një nënë, grua, vajzë nesër mund të ndodhë me secilën”, potencoi Latifi.

Edhe Shemsie Seferi, pjesëtare e protestës theksoi se policia nuk i merr seriozisht rastet e dhunës së grave dhe kjo është arsyeja pse ato po ndodhin. Seferi bëri thirrje të gjitha grave që të lajmërojnë rastet e dhunuesve dhe të mos jetojnë me vrasës.

“Bëj thirrje që institucionet tona të jenë sa më të përgjegjshme ndaj asaj se çka po ndodhë. Ky rast duhet të jetë i fundit po e di që nuk do të jetë i fundit. Bëj thirrje që të jenë sa më afër gruas, një grua raporton për dhunën apo për çfarë do rasti të marrin seriozisht e jo të i thonë, “të ka jap një shuplakë burri duhet ta durosh”, jo ashtu jo. Ka raste që ata përgjigjen, ashtu edhe i thonë se po e ekzagjeroni, asnjë nënë nuk shkon para policisë pa arsyeje dhe të kthehet të jetojë më dhunuesin. Çdo grua që ka dhunë në familje të largohet nga ai person, mos të jetoj me vrasës”, tha Seferi.

Related Topics:
Continue Reading

lajme

Shkarkohet Blerim Isufaj nga posti i Kryeprokurorit të Prokurorisë Speciale

Published

2 hours ago

on

October 2, 2026

By

Kryeprokurori i Prokurorisë Speciale, Blerim Isufaj, është shkarkuar të premten nga Këshilli Prokurorial i Kosovës (KPK), ka mësuar KOHA.

Gjatë ditës ishte bërë e ditur se KPK-ja do të mblidhej në një takim të jashtëzakonshëm, ku në rend dite ishte diskutimi për performancën e Isufajt.

Isufaj ishte zgjedhur për herë të parë në krye të Prokurorisë Speciale në vitin 2019, ndërsa ishte rizgjedhur në këtë pozitë në vitin 2023.

Gjatë mandatit të tij, Isufaj ka qenë një prej figurave më të kritikuara në sistemin prokurorial nga Lëvizja Vetëvendosje. Ai ishte votuar edhe nga Këshilli Prokurorial për pozitën e Kryeprokurorit të Shtetit, por procesi kishte mbetur pezull dhe nuk ishte dekretuar nga ish-presidentja Vjosa Osmani.

Kryeministri Albin Kurti kishte deklaruar më herët se në sistemin prokurorial “shumica e problemeve kanë emër të përveçëm”, duke iu referuar Isufajt.

Më 2 shtator, Isufaj pati një përplasje me disa anëtarë të Këshillit Prokurorial të Kosovës. Përplasjet u zhvilluan gjatë shqyrtimit të raportit të punës së Prokurorisë Speciale për vitin 2025, i cili më pas u rrëzua nga KPK-ja.

D.L

Continue Reading

Aktualitet

Nis takimi mes Kurtit dhe Hamzës

Published

2 hours ago

on

October 2, 2026

By

Ka nisur takimi mes kryeministrit Albin Kurti dhe kryetarit të Partisë Demokratike të Kosovës (PDK), Bedri Hamza.

Në takim pritet të diskutohen çështja e zgjedhjes së presidentit të ri dhe ndryshimet e mundshme në Ligjin për Dhomat e Specializuara të Kosovës.

Hamza është parë duke hyrë në objektin e Qeverisë i shoqëruar nga deputeti i PDK-së, Rrahman Rama.

Kuvendi i Kosovës ka afat deri më 6 tetor për zgjedhjen e presidentit të ri. Nëse presidenti nuk zgjidhet brenda këtij afati, vendi shkon në zgjedhje të reja.

D.L

Continue Reading

lajme

“Jo në emrin tim” para Ministrisë së Drejtësisë “Voto Ligjin”, kërkohet miratimi i ligjit për mbrojtjen e UÇK-së

Published

3 hours ago

on

October 2, 2026

By

Protestuesit e iniciativës “Jo në emrin tim” kanë zhvilluar sot një aksion simbolik para Ministrisë së Drejtësisë, ku kanë vendosur një baner me mbishkrimin “Voto Ligjin”, duke kërkuar procedimin dhe miratimin e ligjit për mbrojtjen e UÇK-së.

Aktivisti Rron Kafegjolli deklaroi se qytetarët prej 17 ditësh po kërkojnë miratimin e këtij ligji, duke e cilësuar vonesën si të papranueshme.

Sipas Kafegjollit, bazuar në deklarimet e kryeministrit Albin Kurti, ligji po mbahet i bllokuar në Ministrinë e Drejtësisë dhe Ministrinë e Financave.

“Ky nuk është një udhëzim çfarëdo që mund ta kaloni lart e poshtë nëpër zyra. Sepse bëhet fjalë për ligjin që mbron të vërtetën e UÇK-së dhe ne nuk do të lejojmë zvarritjen e tij”, u shpreh ai.

Kafegjolli kritikoi ministren Donika Gërvalla dhe ministrin Hekuran Murati, duke kërkuar nga institucionet që të veprojnë në përputhje me kërkesat e qytetarëve.

“Institucionet e këtij shteti nuk mund të mbeten peng i inateve apo bindjeve personale të ministres Gërvalla dhe ministrit Murati. Shteti nuk është pronë private e dikujt”, tha Kafegjolli.

Duke iu referuar afatit për zgjedhjen e presidentit, i cili skadon më 6 tetor, ai i bëri thirrje Qeverisë që të mos e zvarrisë më tej procesin e miratimit të ligjit.

“Qeveria duhet ta dijë se rinia po ju vëzhgon dhe 6 tetori po afron me shpejtësi. Mos e provokoni durimin tonë”, deklaroi ai.

Kafegjolli e përmbylli fjalimin duke i bërë thirrje Qeverisë që ta dëgjojë zërin e protestuesve dhe të veprojë lidhur me kërkesën për miratimin e ligjit.

D.L

Continue Reading

Lajmet

Master në Gjuhë, Media dhe Komunikim në UBT: Formimi profesional për liderët e së ardhmes

Published

3 hours ago

on

October 2, 2026

By

Në një epokë ku media dhe komunikimi po transformohen me ritme të shpejta, profesionistët e së ardhmes kanë nevojë për njohuri të avancuara, mendim kritik dhe aftësi praktike.

Pikërisht për këtë, UBT ofron programin Master në Gjuhë, Media dhe Komunikim, të konceptuar për të përgatitur profesionistë të aftë për të udhëhequr në sektorin e medias, komunikimit dhe marrëdhënieve me publikun.

Programi Master në Gjuhë, Media dhe Komunikim ndërthur në mënyrë strategjike shkencat sociale, teknologjinë e informacionit, gazetarinë, Marrëdhëniet me Publikun (PR) dhe krijimin e përmbajtjes digjitale.

Përmes kombinimit të njohurive teorike me përvojën praktike dhe hulumtimin shkencor, studentët zhvillojnë kompetenca të avancuara për t’u përballur me kërkesat e tregut modern të punës, si në Kosovë ashtu edhe në tregun global.

Një rëndësi e veçantë i kushtohet etikës profesionale, mendimit kritik dhe aftësisë për të analizuar, interpretuar dhe menaxhuar komunikimin dhe imazhin e institucioneve dhe organizatave.

Kjo e bën programin një mundësi të përshtatshme për të gjithë ata që synojnë të avancojnë profesionalisht në media, gazetari, komunikim strategjik, PR, marketing dhe përmbajtje digjitale.

Përveç mundësisë për të ndjekur një program Master të orientuar drejt zhvillimit profesional, UBT ofron edhe një mbështetje të rëndësishme financiare për studentët. Përmes bursës Engaged Scholarship, studentet që janë pjesë e kësaj fushe përfitojnë 20% zbritje në tarifën e studimeve gjatë gjithë periudhës së programit Master.

Kjo bursë përfaqëson një mundësi konkrete për studentët që duan të investojnë në arsimimin e tyre të avancuar, duke pasur njëkohësisht mbështetje financiare gjatë gjithë rrugëtimit akademik.

Master në Gjuhë, Media dhe Komunikim në UBT është një mundësi për të zgjeruar njohuritë, për të zhvilluar kompetenca profesionale dhe për të ndërtuar bazat e një karriere të suksesshme në një sektor që ndryshon vazhdimisht.

Apliko në programin Gjuhë, Media dhe Komunikim -Master dhe përfito 20% bursë përmes Engaged Scholarship.

Continue Reading

Të kërkuara