Kronika e zezë

Kosovari dënohet me 300 euro pasi rrahu të dashurën pse i fshiu mesazhet në Facebook

Publikuar

3 vjet më parë

më

E.M është dënuar me 300 euro gjobë pasi ka pranuar fajësinë për akuzën se ka kapur për flokë të dashurën dhe e ka goditur me shuplaka shkaku i fshirjes së disa mesazheve në Facebook.

Përveç dënimit me gjobë, gjykatësja e rastit Lumnije Krasniqi njoftoi të akuzuarin se duhet të paguajë edhe paushallin gjyqësorë prej 50 euro.

“Po e pranoj fajësinë”, ka thënë paraprakisht i akuzuari.

Prokurori i shtetit Musa Mehaj, e pranoi këtë pranim të fajësisë duke marrë parasysh se ky është i mbështetur në provat materiale që gjenden në aktakuzë, dhe kërkoj që ky pranim të iu vlerësohet si rrethanë lehtësuese me rastin e matjes së dënimit.

Në anën tjetër, mbrojtësi i të akuzuarit, avokati Irfan Thaçi ka thënë se pas konsultimit të tij me të akuzuarin, kanë ardhë në përfundim se ai duhet ta pranoj fajësinë.

“I mbrojturi im është student i studimeve posdiplomatike në Master, e të cilit i është ofruar një mundësi studimeve në Gjermani. I mbrojturi im me vetë dëshirë ka shprehë që këtë çështje ta përfundojë para kësaj gjykate”, ka thënë avokati Thaçi.

Këtë pranim të fajësisë, gjykatësja e rastin Krasniqi e ka aprovuar.

Por, prapëseprapë gjykatësja Krasniqi iu drejtua të akuzuarit duke i thënë se nuk ka rëndësi shkollimi dhe as notat e tij të larta përderisa bën veprime të tilla.

Në bazë të aktakuzës së ngritur në 27 mars 2017, E.M po akuzohet se me datë 13 janar 2017, rreth orës 00:30 minuta, në banesën Mati 1 përballë banesave të “Royal”, në Prishtinë, pas një mosmarrëveshje të atëçastshme që kishte me të dashurën e tij E.M lidhur me xhelozinë dhe mesazhe që e dashura i kishte fshirë nga Facebook.

Sipas aktakuzës, në adresën e të dëmtuarës E.M, ka pasur qasje edhe vet i akuzuari, me ç’rast, pasi që i njëjti ka shkuar në banesën e të dëmtuarës, fillimisht ka kërkuar sqarime rreth mesazheve të fshira, me dashje e ka sulmuar të dëmtuarën duke e kapur për flokësh dhe duke e goditur me shuplakë në fytyrë.

Për këtë, Elmaz Maloku po akuzohet se ka kryer veprën penale “Sulmi” nga neni 187 par.3 të KPRK-së.

Etiketa
Vazhdo të lexosh

Kronika e zezë

Raportohen shtatë raste të dhunës brenda një dite

Rastet kanë ndodhur në Prishtinë, Pejë, Fushë Kosovë, Lipjan, Viti.

Publikuar

3 ditë më parë

më

26 Prill, 2024

nga

Shtatë raste të dhunës në familje janë raportuar brenda 24 orëve në Kosovë. Viktimat të gjitha ishin femra, të cilat i kanë raportuar burrat për dhunë. Rastet kanë ndodhur në Prishtinë, Pejë, Fushë Kosovë, Lipjan e Viti.

Raportet e plota të Policisë:

Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

Prishtinë/ 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

Viti/ 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje./UBTNews/

Vazhdo të lexosh

Kronika e zezë

Në Viti u sekuestruan 300 kg duhan dhe 500 pako cigare

I dyshuari, një 47-vjeçar nga komuna e Vitisë, është dërguar në mbajtje për 48 orë.

Publikuar

4 ditë më parë

më

25 Prill, 2024

nga

Në komunën e Vitisë, Policia e Kosovës ka ndaluar një automjet me targa vendore, në të cilin ka gjetur dhe sekuestruar 500 pako cigare të gatshme dhe 300 kg duhan të grirë refuz, të cilat dyshohet se i kishte kontrabanduar nga Maqedonia Veriore përmes rrugëve malore në fshatin Lubishtë të Vitisë.

Gjithsej janë sekuestruar 500 kg duhan me vlerë mbi 6.000 € ndërsa shmangiet doganore janë mbi 20.000€.

I dyshuari, një 47-vjeçar nga komuna e Vitisë, është dërguar në mbajtje për 48 orë./UBTNews/

Vazhdo të lexosh

Kronika e zezë

Arrestohet një person i dyshuar për sulm seksual në Ferizaj

I njëjti ishte në lidhje dashurie me viktimën e moshës se mitur tani e një vit.

Publikuar

4 ditë më parë

më

25 Prill, 2024

nga

Prokuroria Themelore në Ferizaj, me vendim të Prokurorit të Shtetit, ka ndaluar një person të dyshuar, në kohëzgjatje prej 48-orësh për shkak të dyshimit të veprës penale “Sulmi seksual” sipas KPRK-së.

Në njoftim thuhet se ekziston dyshimi se i njëjti ishte në lidhje dashurie me viktimën e moshës se mitur tani e një vit, andaj me këto veprime dyshohet se ka kryer veprën penale “Sulmi seksual” nga neni 229 të Kodit Penal të Republikës së Kosovës.

“Prokuroria Themelore në Ferizaj, ndaj të dyshuarit Xh.I., brenda afatit ligjor do të parashtrojë kërkesë për caktimin e masës së paraburgimit në Gjykatën kompetente”, thuhet në komunikatë.

Vazhdo të lexosh

Kronika e zezë

Gjuajtje me armë në Prishtinë pas një mosmarrëveshje në komunikacion

Rasti është duke u hetuar.

Publikuar

5 ditë më parë

më

24 Prill, 2024

nga

Policia e Kosovës ka dhënë detaje për të shtënat me armë zjarri në Hajvali. Siç bën të ditur policia në raportin 24-orësh pas një mosmarrëveshjeje në komunikacion, një person ka shtënë me armë zjarri në drejtim të tjetrit.

Në vendin e ngjarjes njësia e hetimeve dhe krimteknikës ka sekuestruar një gëzhojë. Rasti është duke u hetuar.

 “Rr. Brigada 153, Hajvali, Prishtinë. Ankuesi mashkull kosovar ka njoftuar se pas një mosmarrëveshje në komunikacion, një i dyshuar nga një veturë ka shtënë me armë zjarri në drejtim të tij. Në vendin e ngjarjes njësia e hetimeve dhe krimteknikës kanë sekuestruar një gëzhojë. Rasti duke u hetuar”, thuhet në raportin e Policisë së Kosovës.

Vazhdo të lexosh

Të kërkuara