

Lajmet
Kosova shënon përparim të lehtë në luftën kundër korrupsionit
Një vit më parë Kosova kishte 36 pikë.
Published
3 years agoon
By
Betim GashiKosova ka shënuar përparim të lehtë në luftën kundër korrupsionit, duke u vlerësuar me 39 pikë – tri më shumë sesa vitin e kaluar – në Indeksin e Perceptimit të Korrupsionit për vitin 2021, të përpiluar nga organizata ndërkombëtare, Transparency International.
Një vit më parë Kosova kishte 36 pikë.
Indeksi radhit çdo vit 180 shtete dhe territore të botës në bazë të nivelit të perceptuar të korrupsionit në sektorin publik. Ai përdor një metodologji pikësh, sipas së cilës zero tregon për një vend shumë të korruptuar, ndërsa 100 për një vend të pastër nga kjo dukuri.
Nga vendet e rajonit, përparim ka shënuar edhe Maqedonia e Veriut, e cila ka 39 pikë, katër më shumë sesa vitin e kaluar.
Shqipëria ka 35 pikë – një më pak sesa një vit më parë.
Bosnje-Hercevogina ka po ashtu 35 pikë, por nuk ka ndërruar pozitë.
Serbia nuk ka ndërruar pozitë po ashtu me vitin e kaluar. Ka sërish 38 pikë.
Mali i Zi qëndron më së miri në rajon sa i përket luftës kundër korrupsionit me 46 pikë, një më shumë sesa vitin e kaluar.
Megjithatë, Indeksi për vitin 2021 flet për një bllokadë në luftën kundër korrupsionit në gjithë botën, pasi 86 për qind e shteteve kanë bërë pak apo aspak përparim në 10 vjetët e fundit.
Sipas Organizatës Transperency International, vendet që shkelin liritë civile shënojnë vazhdimisht rezultate më të ulëta në Indeks.
Me shkeljen e këtyre të drejtave, bie edhe niveli i demokracisë për t’ia lëshuar rrugën autoritarizmit, çka sipas raportit, kontribuon në nivele më të larta të korrupsionit.
Delia Ferreira Rubio, udhëheqëse e bordit të drejtorëve në organizatën Transparency International, ka thënë se të drejtat e njeriut nuk janë vetëm të dëshirueshme në luftën kundër korrupsionit.
“Garantimi i fjalës së lirë dhe punës kolektive për të kërkuar llogaridhënie ndaj pushtetit, është mënyra e vetme e qëndrueshme drejt një shoqërie pa korrupsion”.
Në krye të listës më të pastra ndaj korrupsionit janë Danimarka, Finlanda dhe Zelanda e Re.
Somalia, Siria dhe Sudani Jugor janë në fund të listës.
Serbia, në mesin e vendeve me rezultatin më të ulët ndonjëherë
Në Indeksin për vitin 2021, të publikuar më 25 janar, përmendet se 154 shtete kanë shënuar kthim mbrapa apo aspak përparim.
Prej vitit 2012, 23 shtete kanë shënuar rënie në luftën kundër korrupsionit, përfshirë edhe ekonomitë më të zhvilluara si Australia, Kanadaja dhe Shtetet e Bashkuara.
Në mesin e vendeve që kanë shënuar përparim në nivel botëror janë Estonia dhe Armenia.
Transparency International u ka bërë thirrje qeverive që të jenë më të përkushtuara në synimet kundër korrupsionit dhe respektimit të të drejtave të njeriut, si dhe u ka kërkuar njerëzve në gjithë botën që të kërkojnë ndryshime.
Dy vjet me pandeminë shkatërruese të koronavirusit, raporti i ri për korrupsionin në botë tregon se ka ngecur lufta kundër tij.
Pavarësisht përkushtimeve në letër, 131 shtete kanë bërë pak apo aspak përparim në luftën kundër korrupsionit në dekadën e fundit dhe këtë vit 27 shtete kanë shënuar nivelet më të ulëta prej kur ka nisur të përpilohet raporti.
Serbia është në mesin e këtyre vendeve, bashkë me Qipron, Hungarinë, Izraelin, Turqinë, Venezuelën dhe vende tjera.
Në raport është thënë se Evropa Perëndimore dhe Bashkimi Evropian janë në krye në listës sa i përket luftës kundër korrupsionit, mirëpo përparimi është zbehur edhe në këtë rajon vjetëve të fundit.
Sipas raportit, pandemia e koronavirusit ka kërcënuar transparencën dhe llogaridhënien, duke shfaqur shenja të rrëshqitjes edhe në vendet me performancën më të mirë.RFE
Lajmet
Ylli i Juventusit nuk paraqitet në stërvitje, irritohen drejtuesit e klubit
Published
1 hour agoon
July 24, 2025By
UBT News
Douglas Luiz po përballet me një situatë kritike te Juventusi, pasi mesfushori brazilian refuzoi të paraqitet në vizitat mjekësore dhe në nisjen e kampit stërvitor të skuadrës nën drejtimin e Igor Tudor. Ky veprim i papritur ka tronditur drejtuesit e klubit, të cilët kanë paralajmëruar masa të rënda disiplinore ndaj tij, duke e bërë largimin e tij gjatë këtij merkatoje edhe më të mundshëm.
I transferuar nga Aston Villa verën e kaluar për 51.5 milionë euro, një marrëveshje që përfshinte edhe kalimin e Enzo Barrenechea dhe Samuel Iling Jr, Luiz nuk arriti të përmbushë pritshmëritë.
Ai luajti vetëm 27 ndeshje dhe shpesh u pengua nga dëmtimet dhe forma e dobët, duke mos arritur të bindë as ish-trajnerin Thiago Motta, as pasuesin e tij, Tudor.
Aktualisht, mesfushori 27-vjeçar lidhet me disa klube të Premier League si Manchester United, West Ham, Everton dhe Manchester City.
Agjenti i tij ndodhet në Angli për të gjetur një zgjidhje, pasi raportet e Luiz me Juventusin janë prishur plotësisht dhe një ndarje duket e pashmangshme. Ky transferim po shihet si një nga më të dështuarit e bardhezinjve në vitet e fundit.

Arsenali ka finalizuar njërën nga lëvizjet më të bujshme të këtij afati kalimtar veror, duke siguruar shërbimet e sulmuesit suedez Viktor Gyökeres nga Sporting Lisbonë.
Të gjitha dokumentet mes dy klubeve janë miratuar, ndërsa lojtari ka marrë edhe lejen zyrtare për të udhëtuar drejt Londrës, ku brenda 24 orëve pritet të kryejë testet mjekësore dhe të prezantohet si përforcimi më i ri i “Topçinjve”.
Marrëveshja mes Arsenalit dhe Sportingut është mbyllur për një shumë totale prej 63.5 milionë euro plus 10 milionë euro bonuse, që mund ta çojnë koston përfundimtare të transferimit në rreth 73.5 milionë euro. Pritet që kontrata e sulmuesit 26-vjeçar të firmoset brenda ditëve të ardhshme, pas kalimit me sukses të kontrolleve mjekësore.
Gyökeres, i cili sezonin e kaluar shkëlqeu në Portugali me gola dhe asistime vendimtare, shihet nga trajneri Mikel Arteta si një përforcim kyç për fazën ofensive të Arsenalit në prag të sezonit të ri të Premier Ligës dhe Ligës së Kampionëve.
Ky transferim pritet të sjellë konkurrencë të madhe në sulm, duke u shtuar emrave si Gabriel Jesus dhe Kai Havertz. Tifozët londinezë kanë pritur me entuziazëm këtë lajm, duke shpresuar se suedezi do të ndihmojë ekipin në luftën për trofe këtë sezon.
Lajmet
Gjakovë: 63 shoferë kapen nën ndikimin e alkoolit
Published
3 hours agoon
July 24, 2025By
UBTnews
Policia në rajonin e Gjakovës, në kuadër të planit operativ “Alkooli”, ka shtuar kontrollet rrugore gjatë katër ditëve të fundit, duke testuar me alkool-test gjithsej 385 drejtues automjetesh. Si rezultat i këtyre kontrolleve, 63 shoferë janë kapur duke drejtuar mjetin nën ndikimin e alkoolit, në kundërshtim me normat ligjore të lejuara.
Sipas një njoftimi zyrtar, për të gjithë shkelësit është shqiptuar gjobë si dhe masa mbrojtëse e ndalimit të drejtimit të automjetit me veprim motorik. Po ashtu, atyre u janë konfiskuar përkohësisht patentë-shoferët, për kohëzgjatjen e përcaktuar me ligj.
Krahas kontrolleve për alkoolin, Njësia Rajonale e Komunikacionit Rrugor po zbaton edhe planin operativ “Sezoni Veror”, i cili përfshin fushata vetëdijësuese dhe aktivitete preventive. Fokusi kryesor është tek shkeljet që paraqesin rrezik të shtuar për sigurinë në trafik, si ngasja me shpejtësi të lartë, tejkalimet e rrezikshme, përdorimi i telefonit gjatë vozitjes, mosvendosja e rripit të sigurisë dhe e helmetës mbrojtëse.
Drejtoria Rajonale e Policisë në Gjakovë u bën thirrje të gjithë pjesëmarrësve në trafik që të respektojnë me përpikëri rregullat e komunikacionit dhe të shmangin çdo veprim që rrezikon jetën dhe pronën e qytetarëve. Bashkëpunimi me autoritetet është thelbësor për të garantuar një ambient të sigurt rrugor për të gjithë.
Lajmet
Bullgaria riafirmon angazhimin e NATO-s, ministri i Mbrojtjes mirëpret trupat që kthehen nga Kosova
Published
3 hours agoon
July 24, 2025By
UBTnews
Ministri i Mbrojtjes i Bullgarisë, Atanas Zapryanov, mirëpriti kompaninë e mekanizuar të këmbësorisë që mori pjesë në KFOR gjatë tre muajve të fundit.
Ceremonia u zhvillua në sheshin Maqedonia në Blagoevgrad të enjten, tha Ministria e Mbrojtjes në një njoftim për shtyp.
Zapryanov përgëzoi kontingjentin bullgar për profesionalizmin, disiplinën dhe sjelljen e tyre në një mjedis shumëkombësh, duke theksuar se performanca e tyre vazhdon të rrisë reputacionin e Forcave të Armatosura Bullgare dhe Forcave Tokësore midis aleatëve të NATO-s.
“Ju ishit ambasadorët tanë në një mjedis kompleks shumëkombësh dhe demonstruat se Ushtria Bullgare ka aftësinë të kontribuojë si në misionet paqeruajtëse ashtu edhe, kur është e nevojshme, në operacionet e mbrojtjes kolektive“, theksoi Zapryanov.
“Po jetojmë në kohë të trazuara, prandaj forcat tona të armatosura po përgatiten jo vetëm për paqe ruajtje ndërkombëtare, por edhe për parandalim dhe mbrojtje, si në territorin tonë ashtu edhe brenda atij të Aleancës“, shtoi ai.
Zapryanov vazhdoi duke theksuar se paqja dhe stabiliteti në Ballkanin Perëndimor janë thelbësore për prosperitetin dhe zhvillimin ekonomik të rajonit. Ai gjithashtu përsëriti se politika e mbrojtjes mbetet një përparësi kryesore për qeverinë bullgare.
“Ky angazhim është i dukshëm jo vetëm në përmirësimin e shpërblimeve dhe zgjerimin e përfitimeve sociale për anëtarët e shërbimit, por edhe në përpjekjet tona të vazhdueshme për të modernizuar Forcat e Armatosura Bullgare“, nënvizoi ai.
Në ceremoni morën pjesë zyrtarë të lartë ushtarakë dhe civilë, përfshirë gjeneral major Stanimir Hristov, komandantin e Komandës së Forcave të Përbashkëta, gjeneral major Deyan Deshkov, komandantin e Forcave Tokësore, kryetarin e Bashkisë Blagoevgrad Metodi Baykushev dhe guvernatorin e rajonit Georgi Dinev, raporton BTA.

Ylli i Juventusit nuk paraqitet në stërvitje, irritohen drejtuesit e klubit

Lamborghini prezanton veturën e re për gara

Mjaltë me Kanellë – Si të bëni vetë antibiotikun natyral?

Arsenali finalizon goditjen e bujshme

Sllovenia i bën thirrje Izraelit të sigurojë qasje të pakufizuar të ndihmës humanitare në Gaza

Probleme ligjore për Cardi B, paditet për hedhjen e mikrofonit

Gjakovë: 63 shoferë kapen nën ndikimin e alkoolit

Bullgaria riafirmon angazhimin e NATO-s, ministri i Mbrojtjes mirëpret trupat që kthehen nga Kosova

Kosova dhe Malajzia thellojnë bashkëpunimin
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore