Sport

Kosova po merr pjesë në FIA Motor Sport Games, përfaqësohet nga Rea Gashi

Ngjarja është duke u mbajtur në Marsejë të Francës.

Published

on

Rea Gashi do ta përfaqësojë Kosovën në disiplinën karting sllallom, në konkurrencën e femrave, në FIA Motor Sport Games, që kanë filluar dje dhe do të zgjasin deri më 30 tetor në Marsejë të Francës.

Ekipi i Kosovës udhëtoi të martën për në Francë, ndërsa Rea është shprehur e gatshme për këtë sfidë.

“Për mua është hera e parë që marrë pjesë në një garë ndërkombëtare dhe kaq prestigjioze. Do të jetë një përvojë interesante dhe e rëndësishme për karrierën time në të ardhmen”, ka thënë Gashi për faqen zyrtare të FASK-ut.

Pavarësisht konkurrencës së fortë, ajo beson në paraqitje të mirë.

“Që nga momenti kur e kam ditur se do jem unë garuesja që do ta përfaqësoj Kosovën në Francë, jam përpjekur të përgatitem në mënyrën më të mirë të mundshme. Shpresoj të paraqitem mirë, e po ashtu shpresoj që edhe gjenetikisht të marrë diçka nga babi (Gazmend Gashi), duke ditur pasionin dhe karrierën e tij në automobilizëm”, ka shtuar Rea.

Bashkë me të, në Marsejë kanë shkuar edhe Baran Karabeg, Ermira Topalli, Valon Jaha dhe Visar Gjikolli.

Continue Reading

Sport

Debatik Curri, trajner i ri i Gjilanit

Published

on

Skuadra e Gjilanit prezantoi të premten Debatik Currin si trajnerin e ri, i cili do të qëndrojë në krye të ekipit deri në përfundim të sezonit.

Curri merr postin pas largimit të Ardian Nuhiut, i cili sipas klubit u nda nga Gjilani më 29 shtator me marrëveshje të dyanshme pas rezultateve jo të kënaqshme.

Nën drejtimin e Nuhiut në shtatë xhirot e para, Gjilani regjistroi katër humbje, dy fitore dhe një barazim, duke u renditur në vendin e shtatë me shtatë pikë. Në xhiron e kaluar, gjatë humbjes 2:1 në derbin ndaj Dritës, ekipin e drejtoi Orhan Abdi.

Debatik Curri ishte i papunë që nga 26 tetori 2023, kur u largua nga Prishtina pas një marrëveshjeje të dyanshme.

41-vjeçari e kishte udhëhequr Prishtinën drejt triumfit në Kupën e Kosovës dhe drejtoi ekipin në 27 ndeshje zyrtare, me 11 fitore, 11 barazime dhe 5 humbje. Shkëputja me Prishtinën erdhi gjithashtu për shkak të rezultateve jo të mira.

Si futbollist, Curri ka pasur karrierë të pasur, duke luajtur për klube si Prishtina, Vorskla Poltava, Gençlerbirliği, Hoverla Uzhhorod, Sevastopol, Tirana dhe Flamurtari. Me përfaqësuesen e Shqipërisë, ai zhvilloi 44 ndeshje dhe shënoi një gol. /A.Z/UBT News/

Continue Reading

Sport

Lucas Vazquez: Karriera ime vazhdon jashtë Spanjës, idetë janë të qarta

Published

on

Pas përfundimit të kontratës me Real Madridin këtë verë, Lucas Vazquez ka zgjedhur të nisë një aventurë të re në Gjermani, duke iu bashkuar Bayer Leverkusenit në Bundesligë.

Ish-anësori i “Los Blancos” tregoi se kishte marrë oferta pas largimit nga Madridi, por nuk kishte dëshirë të qëndronte në futbollin spanjoll.

“Kisha interes nga disa ekipe, por doja të vazhdoja të konkurroja në nivelin më të lartë”, ka deklaruar Vazquez për mediat gjermane.

Futbollisti e sheh këtë hap si mundësinë ideale dhe ka vendosur që të mos kthehet në Spanjë: “Kjo mundësi ishte perfekte për mua në çdo aspekt. Nuk mendoj se do të rikthehem më në Spanjë. Kam shumë të qarta idetë për të vazhduar karrierën time”.

Vazquez largohet nga Real Madrid pas një dekade të suksesshme me klubin, ku fitoi gjithçka në nivel klubesh, përfshirë edhe tre tituj të Ligës së Kampionëve. Tani, 32-vjeçari synon të sjellë përvojën dhe mentalitetin fitues te një Leverkusen ambicioz. /A.Z/UBT News/

Continue Reading

Sport

​Mbappe i gatshëm të shkëlqejë edhe me Francën

Published

on

Kapiteni i Francës, Kylian Mbappe, ka deklaruar se ndihet më i relaksuar dhe plotësisht i përshtatur me jetën në Madrid, ndërsa është gati të ndihmojë përfaqësuesen franceze në ndeshjet kualifikuese për Kupën e Botës.

Në një konferencë për shtyp të mbajtur në “Parc des Princes”, ylli i Real Madridit tha se është në formë të mirë dhe se problemi i vogël në kyçin e këmbës së djathtë tashmë ka kaluar.

“Trajneri dëshiron që unë të luaj. Nuk mendoj se do të ketë ndonjë problem të madh,” tha Mbappe.

Sulmuesi francez shtoi se ambientimi në kryeqytetin spanjoll e ka ndihmuar të gjejë qetësinë dhe ekuilibrin që kërkonte.

“Kam pasur vite më të ndërlikuara, por në Madrid jam përshtatur mirë. Nuk është një kritikë ndaj Francës, por është e vërtetë që jam më i qetë atje. Stili i jetës është më pak kaotik se në Paris,” tha Mbappe.

Deschamps ndërkohë paralajmëroi skuadrën e tij të mos e nënvlerësojë Azerbajxhanin, kundërshtarin e radhës në “Parc des Princes”.

“Sigurisht që nuk janë ndër ekipet më të mira evropiane, por vijnë nga një barazim kundër Ukrainës. Shtatë nga lojtarët e tyre luajnë për Qarabag-un, që ka fituar dy ndeshjet e para në Ligën e Kampionëve,” theksoi ai.

Franca kryeson grupin e saj me dy fitore nga dy ndeshje dhe do të përballet me Azerbajxhanin në Paris, përpara se të udhëtojë drejt Islandës tri ditë më vonë./S.K/KP/

Continue Reading

Lajmet

Kosova sonte synon fitore ndaj Sllovenisë

Published

on

Kombëtarja e Kosovës sonte do të përballet me Slloveninë në kuadër të ndeshjeve kualifikuese për Kupën e Botës 2026.

“Dardanët” janë nikoqir të sllovenëve në ndeshjen e tretë të Grupit B. Ky ballafaqim do të zhvillohet në stadiumin “Fadil Vokrri” nga ora 20:45.

Kujtojmë se “Dardanët” vijnë nga një fitore e madhe ndaj Suedisë dhe sonte synon tri pikët e radhës./S.K/EO/

Continue Reading

Të kërkuara