Lajmet
Kosova në skenën ndërkombëtare, UBT në garë të robotikës në Athinë
Kosova do të përfaqësohet në skenën ndërkombëtare të robotikës me pjesëmarrjen e ekipit të saj të talentuar në “FIRST Global Challenge”, një ngjarje që këtë vit zhvillohet në qytetin historik të Athinës.
Ekipi dinamik i UBT-së, i përbërë nga talentët e rinj Amar Rama, Leona Hajrizi, Era Nura dhe Harisa Haziri, do të ngjitet në skenën globale të inovacionit, nën udhëheqjen e mentores së tyre të angazhuar, Elita Hajrizi. Ekipi janë përgatitur të ballafaqohen me rivalë nga rreth 180 shtete të botës në një atmosferë globale të bashkëpunimit dhe inovacionit.
Tema e këtij viti, “Feeding the Future”, e sjell sfidën në qendër të një vizioni të qëndrueshëm për prodhimin dhe konsumimin e ushqimit. Ekipi kosovar po përgatitet në UBT, në laboratorët më të avancuar dhe inovativë të vendit për robotikën dhe mekatronikën, ku do të përfitojnë nga ekspertiza e ekspertëve më të mirë të fushës së robotikës dhe mentores Elitës. Këta laboratorë, të njohur për inovacionin dhe teknologjitë e fundit në robotikë dhe mekatronikë, ofrojnë një bazë të fortë për zhvillimin dhe implementimin e ideve novatore që do të sfidojnë standardet globale.
Në përfundim të garës, “FIRST Global Challenge” do të shpërblejë suksesin me medalje të arta, të argjendta dhe të bronzta, dhe arritjet e ekipit do të reflektohen në mediat ndërkombëtare, duke i dhënë Kosovës një vend në dritën globale të teknologjisë.
Eventi ka për qëllim të frymëzojë dhe nxisë rritjen e të rinjve në fushën e STEM (Shkencë, Teknologji, Inxhinieri dhe Matematikë). UBT, si një lider në arsimin e avancuar në Kosovë, vazhdon të nxisë edukimin STEM që nga arsimi i mesëm, duke formuar breza të rinj të përgatitur për sfidat dhe mundësitë e të ardhmes në shkencë dhe teknologji.
Pjesëmarrja e UBT-së në “FIRST Global Challenge” është një dëshmi e përkushtimit të institucionit për të avancuar dhe mbështetur talentin rinor në një arenë globale. Kosova është gati të shkëlqejë dhe të tregojë forcën e saj në këtë garë prestigjioze, duke ndriçuar në botën e robotikës. /UBTNews/
Deputetja e Lëvizjes Vetëvendosje, Donika Gërvalla, ka reaguar pas dështimit të radhës për konstituimin e Kuvendit të Kosovës, duke e cilësuar situatën si përsëritje të një bllokade të pakuptimtë.
Gjatë deklaratës së saj, Gërvalla u bëri thirrje partive opozitare që të heqin dorë nga ajo që e quajti “strategji destruktive” dhe të marrin pjesë në procesin e votimit.
“Ishit dëshmitarë të një përsëritjeje të pakuptimtë të një bllokade, e cila tashmë e ka humbur kuptimin e vet. Bllokada do të thotë mosvotim dhe pamundëson konstituimin e Kuvendit”, tha Gërvalla.
Ajo theksoi se Kuvendi duhet të konstituohet për të përmbushur pritjet e qytetarëve dhe për të garantuar funksionimin demokratik të institucioneve.
“Ne kemi nevojë për unitet për shtet, jo për pushtet. Ky unitet shprehet përmes funksionimit të Kuvendit, jo përmes bllokadës”, përfundoi ajo.
Kandidatja e Lëvizjes Vetëvendosje për kryetare të Kuvendit, Albulena Haxhiu, ka reaguar pas dështimit të seancës konstituive të mbajtur më 29 qershor. Ajo tha se përgjegjësia për konstituimin e Kuvendit i takon të gjithë spektrit politik dhe jo vetëm VV-së.
“Ka pasur gjashtë përpjekje për votim të hapur, por asnjë nuk ka rezultuar me sukses. Nuk i përket vetëm VV-së të kontribuojë në këtë proces. Ne kemi marrë përsipër të japim kontributin tonë, por nuk është përgjegjësi vetëm e jona”, u shpreh Haxhiu.
Ajo theksoi se Vetëvendosje, si subjekti i parë në zgjedhje, gëzon të drejtën kushtetuese për të propozuar kryeparlamentarin dhe se kjo e drejtë nuk mund të vihet në pikëpyetje.
“Të drejtën për të propozuar e ka VV-ja. Askush nuk mund të ndërhyjë në këtë të drejtë, pasi është e garantuar me Kushtetutë dhe nuk varet nga preferencat individuale”, tha Haxhiu.
Deputeti i Lidhjes Demokratike të Kosovës (LDK), Besian Mustafa, ka paralajmëruar se vazhdimi i bllokadës institucionale mund të rezultojë me zgjedhje të parakohshme. Ai tha se situata aktuale nuk i shërben vendit dhe theksoi nevojën për një zgjidhje politike gjithëpërfshirëse.
“Bllokada 48-orëshe do ta çojë vendin në zgjedhje të parakohshme të reja”, deklaroi Mustafa, pas dështimit të 29-të për konstituimin e Kuvendit të Kosovës.
Sipas tij, përsëritja e zgjedhjeve nuk është në interes të Kosovës. “Përsëritja e zgjedhjeve është gjëja e fundit që i duhet Kosovës”, shtoi ai.
Miley Cyrusit i lejohet t’i performojë këngët e “Hannah Montana”
Rashicën e duan në Gjermani
”Vanity Fair”: Në Berat, ku ëndrra për pushime ideale shndërrohet në realitet
Testi i ri i gjakut zbulon me 95% saktësi shenjat e hershme të Alzheimerit
Jessie J shpërthen mes betejës me kancerin: Po përballem me ditën më të vështirë të jetës sime
A e mbron kafeja mëlçinë nga prekja e sëmundjeve?
Aktori Tom Cruise hyn në librin e Guinness
Google nis testimin e funksionit “Search Live” me AI në aplikacionin e tyre
Ishte në mision vullnetar – vdes në Sumy tenori ukrainas, Vladislav Gorai
-
Lajmet nga UBT1 month agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT5 days agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Kulturë2 months agoShkëlqeu me rolin e tij në ‘Kontesha Arduini’, intervistë me Mirsad Ferati