Lajmet

Kosova bëhet me qendrën e parë në Ballkan për ekselencë dhe zhvillim të kompetencave të së ardhmes

Published

3 years ago

on

Pas një investimi milionësh të bërë nga UBT, nga sot Kosova është bërë zyrtarisht me qendrën e parë ekselente për mësimdhënie që mbështetin kompetencat dhe aftësitë e së ardhmes “UBT Excellence Learning Center for Future Competences”, duke e bërë kështu Kosovën me qendrën e parë të këtij lloji në Evropën Juglindore.

Rektori i UBT-së, Prof. Dr. Edmond Hajrizi, me rastin e hapjes së kësaj qendre, theksoi rëndësinë dhe angazhimin e UBT-së në krijimin e një mjedisi të përshtatshëm për mësimin e teknologjisë, inovacionit dhe kompetencave të reja, për një të ardhme më stabile dhe më prosperuese.

Përmes kësaj qendre ne do të bëjmë të mundur studimin, zhvillimin dhe praktikimin e aftësive dhe kompetencave që pritet të ndodhin, si dhe për zhvillimin e metodave të mësimit për të ardhmen.

Sipas Rektorit Hajrizi, është shumë e nevojshme të tregohen metodologji dhe praktika të reja për të mbështetur mësimdhënien që të jenë sa më efektiv.

“Kjo është qendra e vetme e këtij lloji në regjion dhe investimet e kësaj qendre arrijnë në miliona euro. Kemi parë që mësimdhënësit tanë dhe studentët tanë kanë gjeneruar projekteve të mira dhe kemi vërejtur që këtë element është mirë ta shpërndajmë edhe në Kosovë. Ne japim sinjale shumë të mira se Kosova nuk është më ajo që merr por edhe përcjell teknologji. Është e nevojshme të tregojmë metodologji dhe taktika të reja, që për mësimdhënësin nuk janë më të vështira, por lehtësojnë mësimdhënien dhe praktikën”, theksoi Rektori Hajrizi.

Presidenti i kompanisë së teknologjisë virtuale “EON Reality”, Dan Lejerskar, u shpreh i lumtur për hapjen e kësaj qendre dhe falënderoi për bashkëpunimin e veçantë dhe të denjë të Rektorit, Prof. Dr. Edmond Hajrizi për të ndihmuar dhe krijuar gjëra të reja në aspektin e arsimit dhe teknologjisë.

Nga ana tjetër, udhëheqësja e projektit Alled 2, Efka Heder, tha se tranzicioni në shoqëritë digjitale nuk është më një ëndërr, por është duke ndodhur, dhe se Kosova është vendi i parë që zbaton dhe harton një qendër të tillë në rajon.

“Sot është një ditë e veçantë dhe jam shumë e lumtur sepse në Kosovë dhe në rajon po zbatohen teknologjia dhe kompetencat më të reja. Shkathtësitë gjatë tranzicionit 4.0 në ambientin global konkurrues, vetëm ekonomitë që mund të ndryshojnë sa më shpejt që është e mundur drejt teknologjive të reja, do të jenë jo vetëm ato të cilat do të mbijetojnë, por edhe ato që do të jenë konkurruese. Tranzicioni në shoqëritë digjitale nuk është më një ëndërr, por është duke ndodhur”, tha Efka Heder.

Në ceremoninë inaugurese të kësaj qendre, drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, duke parë nga eksperienca e tij në fushën e zhvillimit professional, theksoi se kjo qendër do të jetë një mundësi e mirë dhe e shkëlqyer për të rinjtë në Kosovë dhe rajon për zhvillimin e kompetencave të tyre.

Përgjatë kësaj ceremonie, Rektori Hajrizi, prezantoi disa nga karakteristikat kryesore që do të zbatohen në këtë qendër, ku studentët pritet të marrin kompetencat e së tashmes dhe të ardhmes, por edhe mësimdhënësit do të kenë përparësi që teknologjitë më të reja dhe më të sofistikuara t’i përdorin në praktikë.

“UBT Excellence Learning Center for Future Competences” do të ofrojë mundësi për studentët dhe profesionistët, të ndërveprojnë me teknologjinë dhe të zhvillojnë aftësi të reja që ju përshtaten kërkesave të tregut të punës, bazuar në sfidat e së ardhmes, duke fituar kompetenca të reja në inteligjencën artificiale, inteligjencën emocionale, kreativitetin, si dhe ndërveprime të tjera të cilat janë të një rëndësie të lartë.

Related Topics:
Continue Reading

Vendi

Kuvendi shqyrton Bordin e Paqes, opozita kundërshton Projektligjin për Byronë

Published

3 minutes ago

on

April 24, 2026

By

Kuvendi i Kosovës sot pritet të shqyrtoje edhe Projektligjin për anëtarësimin e Kosovës në Bordin e Paqes. Kjo pasi propozimi i partisë në pushtet për futjen në rend dite u përkrah edhe nga opozita.

Ndërkohë që opozita nuk është pajtuar që në rend dite të futen disa projektligjeve të tjera, përfshirë atë për Byronë shtetërore për verifikimin dhe konfiskimin e pasurisë së pajustifikueshme, duke thënë se nuk kanë kaluar në Komisione në lexim të dytë.

“Ne jemi që marrëveshja e Bordit të paqes të futet si pikë e rendit të ditës. Ndërsa për të tjerat jemi kundër. Nuk mund ta trajtojmë byronë këtu pa kaluar në lexim të dytë në Komisionin për Legjislacion”, ka theksuar deputeti i PDK-së Përparim Gruda.

Njëjt është deklaruar edhe deputetja e LDK-së Jehona Lushaku.

“Në përkrahim pikën për Bordin e Paqes ndërkohë që nuk përkrahim futjen e projektligjeve të tjera sidomos, atyre që nuk kanë kaluar në lexim të dytë në komisione”, ka theksuar ajo.

Partia në pushtet e ka arsyetuar urgjencën më situatën në të cilën gjendet Kuvendi, i cili do të shpërndahet automatikisht, nëse presidenti nuk zgjidhet deri më 28 prill.

“Sa i përket Projektligjit për Byronë ne jemi njoftuar që dëgjimi publik është finalizuar, ndërkohë urgjenca për këtë është pasur parasysh rrethanat që ndodhemi si Kuvend. Ndërkaq dy projektligjet për energjinë, tashmë si Kuvend kemi pranuar edhe një shkresë nga Sekretariati i Komitetit të Energjisë, janë pjesë e planit të rritjes”, ka thënë shefja e Grupit Parlamentar të Vetëvendosjes, Arbërie Nagavci.

 

Continue Reading

Lajmet

Profesorët e UBT-së publikojnë studim ndërkombëtar për cilësinë e ujërave nëntokësore në Kosovë

Published

27 minutes ago

on

April 24, 2026

By

Profesorët e UBT-së, Hazir S. Çadraku, Pajtim Bytyqi dhe Osman Fetoshi, në bashkëpunim me studiues nga universitete vendore dhe ndërkombëtare, kanë publikuar një artikull shkencor në revistën ndërkombëtare Limnological Review scientific journal.

Studimi, i titulluar “Assessment of Groundwater Quality in Some Regions of Kosovo Based on Physico-Chemical and Microbiological Parameters”, analizon cilësinë e ujërave nëntokësore në disa rajone të Kosovës përmes parametrave fiziko-kimikë dhe mikrobiologjikë.

Rezultatet tregojnë se, megjithëse shumica e parametrave fiziko-kimikë janë brenda kufijve të lejuar, në shumë zona është evidentuar ndotje mikrobiologjike, përfshirë praninë e bakterit Escherichia coli, duke e bërë ujin të papërshtatshëm për konsum pa trajtim.

Studimi thekson ndikimin e faktorëve si aktivitetet bujqësore dhe mungesa e trajtimit të ujërave të zeza, si dhe nënvizon nevojën për masa urgjente në menaxhimin dhe trajtimin e burimeve ujore.

Ky publikim përfaqëson një kontribut të rëndësishëm shkencor dhe dëshmon angazhimin e UBT-së në kërkime me ndikim në nivel vendor dhe ndërkombëtar.

Continue Reading

Vendi

Nderohet kontributi i ish-kongresmenit Engel në shtetndërtimin e Kosovës

Published

1 hour ago

on

April 24, 2026

By

Udhëheqësit e institucioneve kanë shprehur vlerësim të madh për rolin dhe kontributin e ish-kongresmenit amerikan, Eliot Engel, në historinë dhe procesin e shtetndërtimit të Kosovës.

Gjatë seancës së Kuvendit të mbajtur në nder të Engel, i cili ndërroi jetë më 10 prill, ushtruesja e detyrës së presidentes, Albulena Haxhiu, u shpreh se ai ka lënë gjurmë të thella në historinë e vendit.

“Në ditët më të vështira të historisë sonë të re, bëshkë edhe me shumë kongresistë e senatorë amerikanë, ngriti zërin fuqishëm kundër shkeljes së të drejtave tona, represionit, dhe persekutimit nga regjimi serbo-jugosllav”, ka theksuar Haxhiu, në seancë që ka nisur më një minutë heshtje në nderim të Engel.

Ajo ka shtuar se gjatë gjithë karrierës së tij, Engel nuk u ndal së kërkuari drejtësi për popullin e Kosovës.

“Në vitet e errëta kur shqiptarët e Kosovës po vuanin nën regjimin e Millosheviqit dhe bota ende hezitonte të vepronte, Eliot Emgel ngriti zërin”, ka theksuar Haxhiu.

Continue Reading

Lajmet

Kuvendi mban sot seancë solemne për Eliot Engel dhe seancë të rregullt plenare

Published

3 hours ago

on

April 24, 2026

By

Kuvendi i Kosovës mban sot dy seanca plenare, duke nisur në orën 10:00 me një seancë solemne në nderim të ish-kongresmenit amerikan Eliot Engel, i cili vdiq më 10 prill.

Pas saj, në orën 11:00, do të vijojë seanca e rregullt me këtë rend dite:

  1. Miratimi i procesverbalit nga seanca e mëparshme.
  2. Deklarimet jashtë rendit të ditës.
  3. Pyetjet parlamentare.
  4. Shqyrtimi i Projektligjit për Ratifikimin e Amendamentit Nr. 2 të Marrëveshjes Financiare Kosovë-BE për Programin IPA 2020.
  5. Shqyrtimi i Projektligjit për Ratifikimin e Amendamentit Nr. 1 të Marrëveshjes Financiare Kosovë-BE për programin IPA 2019 (pjesa e dytë, objektivi 1).
  6. Zgjedhja e anëtarëve të Këshillit Gjyqësor të Kosovës.
  7. Zgjedhja e anëtarëve të Bordit të Radiotelevizionit të Kosovës.
  8. Zgjedhja e anëtarëve në Komisionin e Pavarur të Mediave.
  9. Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc.
  10. Propozimi i Grupit parlamentar “Multietnik” për zëvendësimin e deputetëve në komisione parlamentare.

Continue Reading

Të kërkuara