Lajmet

Kosnett thirrje partive: Të ndalen dezinformatat, u tensionuan marrëdhëniet politike

Philip Kosnett: Gjatë kohës së zgjedhjeve në Kosovë dezinformata është e pranishme në masë të madhe.

Published

4 years ago

June 9, 2021

Betim Gashi

Në organizim të NDI dhe USAID, në Prishtinë po mbahet konferenca dyditore me temën “Rritja e Dezinformimit në Demokracinë Digjitale”, raporton Ekonomia Online.

Drejtoresha e NDI për Kosovë, Nancy Soderberg, në hapje tha se kanë për qëllim të krijojnë mbrojtje për shoqërinë dhe mediet kosovare.

“Qëllimi ynë është që të ngrihet vetëdijesimi në lidhje me demokracinë dhe të krijojmë një mbrojtje për shoqërinë dhe mediet kosovare”.

“Kufizimet pandemike kanë bërë që të kemi më pak persona dhe sot jemi të bashkangjitur me komunitetin e gazetarëve, OJQ-të”.

Ambasadori i ShBA-së në Kosovë, Philip Kosnett tha se gjatë kohës së zgjedhjeve në Kosovë dezinformata është e pranishme në masë të madhe.

Derisa shtoi se në zgjedhjet e fundit kandidatët kanë bërë dezinformatat kundrejt njëri-tjetrit.

Kosnett tutje tha se kandidatet gra në Kosovë kanë qenë të tregtuara sidomos me gjuhë seksiste.

“Në epokën digjitale sasia e madhe e informatës që është e jashtëzakonshme dhe mund të gjejmë informata online për ta bindur veten. Konspiracionet do të nisin me thashetheme dhe në mesin e ketij informacioni ka gazetar, hulumtues që punojnë me zell”.

“Deiznformata nuk është taktik e regjimeve autoritare ajo gjendet edhe në shtetet demokratike. Në Amerikë kemi parë se shfrytëzimi i gënjeshtrës ka quar në sulm dhe në Kosovë dezinformata me fokus të pandemisë ka tensionuar marrëdhëniet politike ndërmjet subjekteve”.

“Dezinformata është e pranishme në masë të madhe për zgjedhjet në Kosovë dhe të gjitha partitë kanë hedhur kundër kandidatëve të tjerë dhe kandidatet gra kanë qenë të targetuara sidomos me gjuhe seksiste”.

Kosnett ka bërë thirrje që para zgjedhjeve lokale të ndalohen dezinformatat, derisa tha se dezinformata me fokus të pandemisë ka tensionuar marrëdhëniet politike në Kosovë.

“Të gjithë të bëjnë përpjekje ta frenojnë dezinformatën që po e dëmtojnë demokracinë e Kosovës”, tha Kosnett.

Derek Mitchell, president i Institutit Kombëtar Demokratik, ka treguar se sipas dëshmive vendore e ndërkombëtare dezinformata shfrytëzohet për të lëkundur rezultatet e votimit.

Ai tha se dezinformatën e kanë forcuar zgjedhjet e fundit në Kosovë, pandemia si dhe marrëdhëniet ndërmjet Kosovës dhe Serbisë.

“Ne e përdorim termin dezinformim por ajo është një shkurtesë për problemin më të madh të dezinformimit, ndërsa keq informimi është pa qëllim të keq. Ne të gjithë duhet të jemi të vetëdijshëm për këtë kërcënim dhe të zhvillojmë mënyra për t’i mbajtur qytetarët dhe pa informata nuk mund të ushtrojnë të drejtën demokratike”.

“Kemi gjetur dëshmi të forta vendore e ndërkombëtarë që e shfrytëzojnë dezinformimin për të lëkundur rezultatet e votimit dhe ka pasur kohëve të fundit që e kanë fuqizuar këtë zgjedhjet e fundit, marrëdhëniet me Serbinë”.

Glenn Kessler kryeredaktor dhe autori kryesor i “The Fact Checker” ka pasur këshilla për gazetarët, raporton EO.

“Çështja kryesore është që ta bëni punën tuaj mos besoni çdo gjë nëse dikush thotë diçka, gazetarët në Amerikë thonë nëse nëna të thotë të dua atëherë duhet ta verifikoni sepse më shumë do të keni besim”.

Rajoni

Rektori Hajrizi viziton UniMarconi në Romë

Published

10 hours ago

November 8, 2025

Driton Iseni

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Lajmet

Bellingham dhe Foden rikthehen në kombëtaren e Anglisë

Published

1 day ago

November 7, 2025

UBT News

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Sport

Vdes në moshën 24 vjeçare lojtari i Cowboys, Marshawn Kneeland

Published

1 day ago

November 7, 2025

UBT News

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

Rajoni

Profesorët e UBT-së përfaqësojnë institucionin në konferencën ndërkombëtare të projektit COWEB në Sarajevë

Published

1 day ago

November 7, 2025

Driton Iseni

Profesorët Dr. Engelbert Zefaj dhe Dr. Mentor Shaqiri përfaqësuan UBT-në në konferencën punuese ndërkombëtare të projektit COWEB, e cila u mbajt në Sarajevë, në ambientet e International Burch University.

Gjatë konferencës, përfaqësues nga universitete partnere të rajonit prezantuan punimet dhe rezultatet e tyre kërkimore, duke ndarë përvoja mbi zhvillimin e praktikave të reja në mësimin virtual bashkëpunues.

Në këtë kuadër, profesori i UBT-së Dr. Engelbert Zefaj mbajti një prezantim me temën: “Kultura dhe Ndërkulturaliteti në Mësimin Virtual Bashkëpunues (VCL): Ndikimet Pedagogjike dhe Vlerësimi i Studentëve”, ku theksoi rëndësinë e bashkëpunimit ndërkulturor dhe ndikimin pozitiv të tij në përmirësimin e përvojës së të nxënit.

Projekti COWEB ka për qëllim ndërtimin e kapaciteteve në institucionet e arsimit të lartë në Ballkanin Perëndimor për bashkëpunim ndërkombëtar virtual, duke promovuar pedagogji inovative dhe bashkëkrijimin e përmbajtjeve digjitale që forcojnë aftësitë dhe kompetencat e shekullit XXI.

Nëpërmjet pjesëmarrjes aktive në këtë projekt, UBT vazhdon të dëshmojë rolin e tij si një ndër institucionet lidere në avancimin e metodave bashkëkohore të mësimdhënies dhe në nxitjen e bashkëpunimit akademik ndërkombëtar në rajonin e Ballkanit Perëndimor.