Lajmet

Korporatat “ekzagjerojnë” luftën kundër ndryshimeve klimatike

Sipas raportit të Institutit Klima e Re, këto kompani vazhdimisht ekzagjerojnë apo nuk raportojnë si duhet për përparimin e tyre.

Publikuar

1 vit më parë

më

Disa prej kompanive më të mëdha në botë, nuk janë duke përmbushur pritshmëritë për luftim të ndryshimeve klimatike, është thënë në një studim që përfshin 25 korporata.

Sipas raportit të Institutit Klima e Re, këto kompani vazhdimisht ekzagjerojnë apo nuk raportojnë si duhet për përparimin e tyre.

Google, Amazon, Ikea, Apple dhe Nestle janë në mesin e kompanive që nuk kanë bërë ndryshimet kur është kërkuar, supozohet në raport.

Korporatat janë nën presion për të zvogëluar ndikimin e tyre në ambient, pasi secilën herë më shumë konsumatorë duan produkte që nuk dëmtojnë natyrën.

Disa prej këtyre kompanive kanë thënë për transmetuesin britanik, BBC se nuk pajtohen me metodat e përdorura në raport dhe se janë të përkushtuara për të marrë hapa për luftim të ndryshimeve klimatike.

Sipas raportit, kompanitë e analizuara janë përgjegjëse për 5 për qind të emetimeve globale të gazrave serrë, çka nënkupton se ndonëse ato kanë gjurmë të mëdha karboni, ato po ashtu kanë potencial të madh për të udhëhequr përpjekjet për të luftuar ndryshimet klimatike.

Autori i studimit, Thomas Day, ka thënë për BBC-në se ekipi i tij ka synuar të zbulojë praktika të mira në korporatat në botë, mirëpo ata janë “befasuar dhe zhgënjyer nga integriteti i pretendimeve të kompanisë”.

Amazon ka thënë përmes një deklarate se ka vendosur synime ambicioze sepse e di që ndryshimet klimatike përbëjnë problem serioz dhe se duhet vepruar më shumë se kurrë.

“Në kuadër të synimit tonë për të arritur në nivele zero të karbonit më 2040, Amazon është në rrugë për të furnizuar operacionet veta me 100 për qind energji të ripërtrishme deri më 2025”.

Nestle ka thënë se mirëpret analizimin e veprimeve dhe angazhimeve të kompanisë ndaj çështjeve të klimës.

“Megjithatë, raporti i Institutit Klima e Re, nuk e kupton qasjen tonë dhe përmban pasaktësi të konsiderueshme.”

Në raport janë analizuar strategjitë e publikuara nga kompanitë që synojnë të ndalin plotësisht emetimet e karbonit.

Shkencëtarët besojnë se emetimet duhet të ndalen plotësisht deri më 2050 për të kufizuar rritjen e temperaturës globale.

Emetimet krijohen duket nisur nga transportimi i mallrave e deri të energjia e përdorur në fabrika dhe dyqane.

Në studim, secilës kompani i është dhënë vlerësimi për “integritet”.

Aty është parë se disa kompani janë duke punuar drejt zvogëlimit të emetimeve, mirëpo të gjitha korporatat mund të bëjnë më mirë.

Asnjëra nuk është vlerësuar me “integritet të lartë”.

Sipas përpiluesve të raportit, nëse zbatohen strategjitë ekzistuese, ato mund të zvogëlojnë për 40 për qind dhe jo 100 për qind emetimet e karbonit.

Vetëm tri prej 25 kompanive janë të përkushtuara për të zvogëluar 90 për qind të emetimeve të karbonit nga prodhimi dhe zinxhiri i furnizimit.

Ato janë Maersk, Vodafone dhe Deutsche Telekom.

Mënyra sesi bizneset flasin për zotimet e tyre ndaj klimës është po ashtu problem i madh, është thënë në studim.

Ka hapësirë të madhe në mes të asaj të deklarojnë dhe asaj që bëjnë kompanitë, ka thënë Day.

Sipas tij, konsumatorët e kanë të vështirë që të përcaktojnë të vërtetën.

“Ambiciet e kompanive shpesh kanë mungesë të substancës reale”, ka sqaruar ai.

“Edhe kompanitë që janë duke vepruar me sukses, ka mundësi që të ekzagjerojnë veprimet e tyre”.

Instituti ka thënë se do të vazhdojë të analizojë zotimet e kompanive, duke publikuar raporte në baza vjetore.

Në listën e plotë të kompanive të analizuara janë:

Maersk, Apple, Sony, Vodafone, Amazon, Deutsche Telekom, Enel, GlaxoSmithKline, Google, Hitachi, Ikea, Vale, Volksëagen, Ëalmart, Accenture, BMË Group, Carrefour, CVS Health, Deutsche Post DHL, E.On SE, JBS, Nestle, Novartis, Saint-Gobain, Unilever./REL

Etiketa
Vazhdo të lexosh

Lajmet

Japonia paralajmëron se do të shkatërrojë çdo raketë të Koresë së Veriut që hyn në territorin e saj

“Ne do të marrim masa shkatërruese kundër raketave balistike”, tha në një deklaratë Ministria e Mbrojtjes e Japonisë.

Publikuar

16 minuta më parë

më

29 Maj, 2023

nga

Ministria e Mbrojtjes e Japonisë paralajmëroi të hënën se do të shkatërronte çdo raketë të Koresë së Veriut që hyn në territorin e saj pasi Pheniani njoftoi vendin për planet për të lëshuar një “satelit” midis 31 majit dhe 11 qershorit.

“Ne do të marrim masa shkatërruese kundër raketave balistike dhe të tjera që janë konfirmuar se zbarkojnë në territorin tonë”, tha në një deklaratë Ministria e Mbrojtjes e Japonisë.

Agjencia e zhvillimit hapësinor të Koresë së Veriut kishte thënë vitin e kaluar se do të përfundonte përgatitjet për satelitin e zbulimit deri në prill 2023./UBTNews/

Vazhdo të lexosh

Lajmet

Katër të vdekur pasi një anije turistike u përmbys në liqenin Maggiore të Italisë

Operacionet e kërkim-shpëtimit tani kanë përfunduar pasi trupi i fundit u gjet në orën 8 të mëngjesit.

Publikuar

37 minuta më parë

më

29 Maj, 2023

nga

Trupat e katër personave janë nxjerrë nga liqeni Maggiore në veri të Italisë pasi një varkë turistike u përmbys të dielën në mbrëmje, tha shërbimi zjarrfikës i Italisë.

Operacionet e kërkim-shpëtimit tani kanë përfunduar pasi trupi i fundit u gjet në orën 8 të mëngjesit me orën lokale, tha shërbimi zjarrfikës, Vigili del Fuoco.

Varka 16 metra mbante 24 persona kur hasi në vështirësi gjatë një “stuhie të dhunshme” dhe u përmbys pak pas orës 19:30.

Në bord kishte 22 turistë, përfshirë pasagjerë britanikë dhe dy anëtarë të ekuipazhit, sipas Sky Tg24.

Njëzet persona u shpëtuan pasi varka u përmbys, tha shërbimi i zjarrfikësve dhe shpëtimit./UBTNews/

Vazhdo të lexosh

Lajmet

Shangai shënon ditën më të nxehtë të majit në 100 vjet

Temperatura në stacionin e zhurmshëm u ngjit edhe më lart në 36.7C më vonë pasdite.

Publikuar

57 minuta më parë

më

29 Maj, 2023

nga

Shkencëtarët thonë se ngrohja globale po përkeqëson motin e pafavorshëm, me shumë vende që përjetojnë valë të nxehta vdekjeprurëse dhe temperatura që arrijnë rekorde në të gjithë Azinë Juglindore dhe Jugore në javët e fundit.

“Në orën 13:09, temperatura në stacionin Xujiahui arriti në 36.1 gradë Celsius, duke thyer një rekord 100-vjeçar për temperaturën më të lartë në maj”, shkroi një postim në Weibo.

Temperatura në stacionin e zhurmshëm u ngjit edhe më lart në 36.7C më vonë pasdite, tha shërbimi meteorologjik i Shangait.

Kjo e vendos atë një shkallë të plotë mbi rekordin e vjetër, 35.7C, i cili është regjistruar katër herë më parë, në 1876, 1903, 1915 dhe 2018, sipas shërbimit të motit.

Banorët e Shangait u mbytën nën diellin e hershëm të pasdites, me disa aplikacione që tregonin një vlerësim të temperaturës “të ndjeshme” prej më shumë se 40C./UBTNews/

Vazhdo të lexosh

Lajmet

BE-ja bëhet gati për temperatura të larta, dyfishon kapacitetet për luftimin e zjarreve

Gjithsej 28 pajisjet do të mund të përdoren për kriza në shtetet anëtare të bllokut evropian, si dhe në vendet fqinje.

Publikuar

1 orë më parë

më

29 Maj, 2023

nga

Bashkimi Evropian ka dyfishuar numrin e pajisjeve në dispozicion për luftimin e zjarreve në pyje, tha komisionari i BE-së për menaxhimin e krizave, Janez Lenarcic. Gjithsej 28 pajisjet do të mund të përdoren për kriza në shtetet anëtare të bllokut evropian, si dhe në vendet fqinje.

Dhjetë aeroplanët e tipit Canadair, 14 avionë të lehtë dhe katër helikopterë do të jenë gati për atë që pritet të jetë një “verë tejet e ngarkuar”, tha Lenarcic në një intervistë me European Newsroom.

“Ky vit ka nisur tashmë me më shumë thatësi se zakonisht”, tha ai, duke vënë në dukje thatësinë e raportuar më parë në Portugali, Spanjë, Francë jugore dhe Itali veriore. Ndërkohë, së fundi, në disa prej këtyre vendeve ka pasur përmbytje pasi uji i grumbulluar nga reshjet e shiut nuk absorbohej lehtësisht nga toka tejet e tharë.

Kjo thatësirë e hershme e pazakontë, së bashku me temperaturat në rritje që po regjistrohen tani në Evropë, janë, “natyrisht, një nxitës kryesor i zjarreve në pyje”, tha Lenarcic.

Pasi viti 2022 solli verën më të nxehtë të regjistruar në Evropë, shefja e Komisionit Evropian, Ursula von der Leyen, në shtator njoftoi për planin për dyfishim të flotës ajrore të zjarrfikësve.

Flota është e shpërndarë në mënyrë strategjike në të gjithë BE-në, në mënyrë që të mund të përgjigjet shpejt kur flakët shpërthejnë në periudhën kritike nga qershori deri në tetor.

Avionët janë të stacionuar në dhjetë shtete anëtare: Kroaci, Qipro, Çeki, Francë, Gjermani, Greqi, Itali, Portugali, Spanjë dhe Suedi.

Ky mekanizëm i BE-së u krijua në vitin 2001. Në dy dekadat e para, ai aktivizohej mesatarisht 20 herë në vit.

Në dy vjetët e fundit, kjo është rritur në rreth 100 herë në vit, tha Lenarcic, duke shtuar se ka të ngjarë të ketë nevojë për më shumë fonde në vitet e ardhshme.

“Duhet të ketë më shumë financime për shkak të ndryshimeve klimatike sepse jemi dëshmitarë të një intensiteti të shtuar të fatkeqësive natyrore në veçanti”, paralajmëroi Lenarcic./REL

Vazhdo të lexosh

Të kërkuara