Lajmet

Korporatat “ekzagjerojnë” luftën kundër ndryshimeve klimatike

Sipas raportit të Institutit Klima e Re, këto kompani vazhdimisht ekzagjerojnë apo nuk raportojnë si duhet për përparimin e tyre.

Published

on

Disa prej kompanive më të mëdha në botë, nuk janë duke përmbushur pritshmëritë për luftim të ndryshimeve klimatike, është thënë në një studim që përfshin 25 korporata.

Sipas raportit të Institutit Klima e Re, këto kompani vazhdimisht ekzagjerojnë apo nuk raportojnë si duhet për përparimin e tyre.

Google, Amazon, Ikea, Apple dhe Nestle janë në mesin e kompanive që nuk kanë bërë ndryshimet kur është kërkuar, supozohet në raport.

Korporatat janë nën presion për të zvogëluar ndikimin e tyre në ambient, pasi secilën herë më shumë konsumatorë duan produkte që nuk dëmtojnë natyrën.

Disa prej këtyre kompanive kanë thënë për transmetuesin britanik, BBC se nuk pajtohen me metodat e përdorura në raport dhe se janë të përkushtuara për të marrë hapa për luftim të ndryshimeve klimatike.

Sipas raportit, kompanitë e analizuara janë përgjegjëse për 5 për qind të emetimeve globale të gazrave serrë, çka nënkupton se ndonëse ato kanë gjurmë të mëdha karboni, ato po ashtu kanë potencial të madh për të udhëhequr përpjekjet për të luftuar ndryshimet klimatike.

Autori i studimit, Thomas Day, ka thënë për BBC-në se ekipi i tij ka synuar të zbulojë praktika të mira në korporatat në botë, mirëpo ata janë “befasuar dhe zhgënjyer nga integriteti i pretendimeve të kompanisë”.

Amazon ka thënë përmes një deklarate se ka vendosur synime ambicioze sepse e di që ndryshimet klimatike përbëjnë problem serioz dhe se duhet vepruar më shumë se kurrë.

“Në kuadër të synimit tonë për të arritur në nivele zero të karbonit më 2040, Amazon është në rrugë për të furnizuar operacionet veta me 100 për qind energji të ripërtrishme deri më 2025”.

Nestle ka thënë se mirëpret analizimin e veprimeve dhe angazhimeve të kompanisë ndaj çështjeve të klimës.

“Megjithatë, raporti i Institutit Klima e Re, nuk e kupton qasjen tonë dhe përmban pasaktësi të konsiderueshme.”

Në raport janë analizuar strategjitë e publikuara nga kompanitë që synojnë të ndalin plotësisht emetimet e karbonit.

Shkencëtarët besojnë se emetimet duhet të ndalen plotësisht deri më 2050 për të kufizuar rritjen e temperaturës globale.

Emetimet krijohen duket nisur nga transportimi i mallrave e deri të energjia e përdorur në fabrika dhe dyqane.

Në studim, secilës kompani i është dhënë vlerësimi për “integritet”.

Aty është parë se disa kompani janë duke punuar drejt zvogëlimit të emetimeve, mirëpo të gjitha korporatat mund të bëjnë më mirë.

Asnjëra nuk është vlerësuar me “integritet të lartë”.

Sipas përpiluesve të raportit, nëse zbatohen strategjitë ekzistuese, ato mund të zvogëlojnë për 40 për qind dhe jo 100 për qind emetimet e karbonit.

Vetëm tri prej 25 kompanive janë të përkushtuara për të zvogëluar 90 për qind të emetimeve të karbonit nga prodhimi dhe zinxhiri i furnizimit.

Ato janë Maersk, Vodafone dhe Deutsche Telekom.

Mënyra sesi bizneset flasin për zotimet e tyre ndaj klimës është po ashtu problem i madh, është thënë në studim.

Ka hapësirë të madhe në mes të asaj të deklarojnë dhe asaj që bëjnë kompanitë, ka thënë Day.

Sipas tij, konsumatorët e kanë të vështirë që të përcaktojnë të vërtetën.

“Ambiciet e kompanive shpesh kanë mungesë të substancës reale”, ka sqaruar ai.

“Edhe kompanitë që janë duke vepruar me sukses, ka mundësi që të ekzagjerojnë veprimet e tyre”.

Instituti ka thënë se do të vazhdojë të analizojë zotimet e kompanive, duke publikuar raporte në baza vjetore.

Në listën e plotë të kompanive të analizuara janë:

Maersk, Apple, Sony, Vodafone, Amazon, Deutsche Telekom, Enel, GlaxoSmithKline, Google, Hitachi, Ikea, Vale, Volksëagen, Ëalmart, Accenture, BMË Group, Carrefour, CVS Health, Deutsche Post DHL, E.On SE, JBS, Nestle, Novartis, Saint-Gobain, Unilever./REL

Aktualitet

UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë

Published

on

UBT ka kënaqësinë të ftojë studiues, akademikë, profesionistë dhe studentë të interesuar të marrin pjesë në nënkonferencat Studime të Sigurisë dhe Shkenca Politike dhe Marrëdhënie Ndërkombëtare, pjesë e edicionit të 14-të Konferencës Ndërkombëtare të UBT-së për Biznes, Teknologji dhe Inovacion 2025.

Ky edicion i fokusuar në Qëndrueshmërinë dhe Reziliencën synon të sjellë së bashku ekspertë dhe studiues për të shkëmbyer ide, përvoja dhe rezultatet më të fundit kërkimore në fushat e sigurisë, shkencave politike dhe arsimit.

Konferenca për Studime të Sigurisë

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë synon të krijojë një platformë ku studiues dhe praktikues mund të japin një pasqyrë të fushës, të prezantojnë rezultatet më të fundit kërkimore dhe të shkëmbejnë ide dhe përvoja në shkencat politike dhe siguri.

Temat dhe objektivat kryesore përfshijnë:

  • Siguria njerëzore
  • Paqja dhe demokracia
  • Siguria kombëtare, rajonale dhe ndërkombëtare
  • Konfliktet pas Luftës së Ftohtë
  • Çështjet e sigurisë në Ballkanin Perëndimor
  • Konfliktet ndërshtetërore dhe etnike: shkaqet dhe zgjidhjet

Dorëzimi i punimeve:

Punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6. Punimet që nuk i plotësojnë kriteret e formatit nuk do të shqyrtohen.

Konferenca për Shkenca Politike dhe Marrëdhënie Ndërkombëtare

Afatet e rëndësishme:

  • Dorëzimi i abstrakteve: 10 tetor 2025
  • Njoftimi për pranimin: 17 tetor 2025
  • Dorëzimi i punimeve të plota: 14 nëntor 2025
  • Regjistrimi i hershëm: 17 tetor 2025
  • Regjistrimi i vonshëm: 20 tetor 2025

Kjo konferencë ndërkombëtare e shqyrtuar nga kolegët (peer-reviewed) ofron një mundësi për shkëmbimin e njohurive midis studiuesve inovativë, studentëve pasuniversitarë, kandidatëve doktoraturë dhe profesionistëve në arsim dhe zhvillim, si dhe në politikë dhe marrëdhënie ndërkombëtare. Edicioni i këtij viti fokusohet në ndërtimin e sistemeve arsimore të qëndrueshme për një të ardhme të qëndrueshme.

Temat kryesore përfshijnë:

  • Politikat publike dhe arsimi
  • Ekonomia politike dhe administrata publike
  • Demokracia, migracioni dhe politikat e integrimit
  • Digjitalizimi i proceseve zgjedhore dhe anti-korrupsioni në Ballkan
  • Siguria globale dhe kërcënimet ndërkombëtare
  • Terrorizmi, krimi i organizuar transnacional, lufta kibernetike
  • Arsimi në zonat e konfliktit dhe roli i tij në parandalimin e ekstremizmit të dhunshëm
  • Rikonstruksioni arsimor pas konflikteve dhe arsimi për refugjatët

Dorëzimi i punimeve:

Ashtu si për konferencën e sigurisë, punimet duhet të jenë origjinale, të papublikuara më parë dhe të mos jenë në shqyrtim diku tjetër. Maksimumi i faqeve është 6 dhe punimet që nuk i plotësojnë kriteret nuk do të konsiderohen.

Continue Reading

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

on

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

  • Dorëzimi i abstrakteve: 10 tetor 2025
  • Njoftimi i pranimit & rishikimi shkencor: 17 tetor 2025
  • Regjistrimi i hershëm: deri më 17 tetor 2025
  • Regjistrimi i vonuar: deri më 20 tetor 2025
  • Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

  • Gjuha dhe kultura në arsim
  • Përdorimi i teknologjisë në mësimdhënie dhe të nxënë
  • Komunikimi ndërkulturor dhe shumëgjuhësia
  • Praktikat e qëndrueshme në edukimin gjuhësor
  • Inteligjenca artificiale dhe ndikimi i saj në të nxënit e gjuhëve
  • Përkthimi, interpretimi dhe komunikimi global
  • Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Të kërkuara