Gjermania ka vendosur të zgjatë kontrollet në kufijtë e saj për një periudhë shtesë prej gjashtë muajsh. Kjo masë, që normalisht do të skadonte në mes të marsit, është marrë për të përballuar migrimin e parregullt, i cili është reduktuar ndjeshëm që prej aplikimit të këtyre kontrolleve.

Sipas Kancelares gjermane, Olaf Scholz, gjatë vitit të kaluar janë larguar më shumë se 47,000 individë pa dokumente të vlefshme udhëtimi dhe janë arrestuar 1,900 kontrabandistë. Gjithashtu, kërkesat për azil janë zvogëluar për një të tretën.

Ministrja e Brendshme, Nancy Faeser, theksoi se masat kufizuese kanë kontribuar në parandalimin e aktiviteteve të kriminelëve dhe ekstremistëve, duke bërë të mundur një reduktim të migrimit të parregullt. Sipas saj, kontrollet janë vendosur në të gjithë kufijtë tokësorë të Gjermanisë, duke përfshirë kufirin me Austrinë, që nga vjeshta e vitit të kaluar.

Vendimi ka shkaktuar debate të forta politike në Gjermani, me partitë konservatore dhe ato të krahut të djathtë që kërkojnë refuzimin e të gjithë emigrantëve pa dokumente të vlefshme udhëtimi, përfshirë ata që duan të kërkojnë azil. Ndërkohë, partitë e qendrës së majtë janë kundër, duke mbrojtur të drejtën kushtetuese për kërkesën e azilit./UBTNews/

Një person është vrarë në komunën e Skenderajt.

Lajmin e ka konfirmuar zëdhënësi i Policisë për Rajonin e Mitrovicës, Avni Zahiti.

“Sipas informatave fillestare të shtënat kanë ndodhur brena një lokal ku si pasojë e të shtënave nga arma e zjarrit dhe plagëve të pësuara ka humbur jetën viktima mashkull i moshës rreth 42 vjeçar, shtetas i Republikës se Kosovës”, ka thënë ai.

Sipas tij, sot rreth orës 13:50 policia në Skenderaj ka pranuar informatën për të shtëna me armë zjarri në rrugën ”Sala e Hamit Jashari” në Skenderaj

Ai thotë se rrjedha hetimore po zhvillohet ne drejtim te identifikimit dhe arrestimit të një personi të dyshuar.

Anëtari i Komisionit Qendror të Zgjedhjeve (KQZ) nga radhët e LVV-së, Sami Kurteshi ka thënë se problemet me shpalljen e rezultateve preliminare, ishin të natyrës teknike, për shkak të dështimit të sistemit digjital. Sipas tij, me këtë problem tani janë duke u marrë ekspertët edhe nga policia e kosovës dhe prokuroria.

Sidoqoftë, ai tha se me gjithë këto probleme të cekura, nuk ka vend për shqetësim.

Kurteshi ka thënë po ashtu se fletëvotimet, formularët e numërimit nga vendvotimet dhe materialet tjera nga vendvotimet janë të gjitha të ruajtura.

“Tani ka filluar rinumrimi i të gjitha kutive të votimit në Qendrat Komunale të Numërimit. Do të rinumërohen të gjitha kutitë nga vendvotimet. Çdo votë do të rinumërohet për subjektet politike”, ka shkruar ai në Facebook.

Sipas tij, të gjitha gabimet dhe lëshimet mund të identifikohen me lehtësi dhe të eliminohen.

“Çdo qytetar e qytetare, çdo votues që identifikon, vëren apo gjen çfarëdo gabimi, lëshim në votat e publikuara, gjen dëshmi konkrete, të drejtohet në KQZ, qoftë në rezultatet preliminare, qoftë edhe pas rinumërimit, i lutem mirësisht të lajmërohet në KQZ me telefon, email apo personalisht, duke i ofruar dëshmitë konkrete”, ka shkruar ai.

Në ndërkohë, sipas tij pas ardhjes së të gjitha votave nga mërgata, do të fillojë verikimi dhe numërimi i votave nga mërgata, i votave me kusht dhe i votave të personave me nevoja të veçanta, në QNR, në mënyrë publike, transparente nën syrin e vëzhguesve vendorë e ndërkombëtarë.

Ai në fund ka thënë se “vullneti i popullit, i qytetares e qytetarit, i votuesit, është i paprekshëm, i pandryshueshëm dhe i patjetërsueshëm dhe do të mbrohet me të gjitha mjetet në dispozicion të shtetit! Nuk ka vend e as arsye për shqetësim”.

Mbrëmjen e 9 shkurtit pas mbylljes së qendrave të votimit, Komisioni Qendror i Zgjedhjeve filloi me publikimin e të dhënave mbi rezultatet preliminare, mirëpo më pas filloi të ketë probleme teknik dhe kishte rënë i gjithë sistemi, duke u pamundësuar edhe qasja në platformën e KQZ-së. Lidhur me këtë problem të KQZ-së, Zyra e Kryeprokurorit të Shtetit ka njoftuar se Prokuroria Themelore në Prishtinë, gjatë ditës së djeshme, pasi ka pranuar informacion rreth mos-funksionimit të platformës së KQZ-së, ka kërkuar nga ky institucion marrjen e informatave të nevojshme për të vërtetuar nëse ka elemente kryerjes së ndonjë vepre penale apo jo. Më 9 shkurt qytetarët e Kosovës votuan për të zgjedhur përfaqësuesit e tyre për katër vitet e ardhshme. Ky proces zgjedhor është konsideruar demokratik dhe i qetë.

Qeveria e Kosovës ka reaguar pas akuzave për problemet teknike të sistemit digjital të KQZ-së, duke thënë se ato janë përpjekje e ulët për të shkaktuar huti, me qëllim që të ulet besimi në procesin zgjedhor dhe në rezultatin e tij.

Përparim Kryeziu, në një postim në Facebook, ka thënë se Qeveria e Kosovës nuk ka të bëjë as me serverët e as me softuerin e KQZ-së për digjitalizimin e procesit zgjedhor, duke përfshirë raportimin e daljes së votuesve në zgjedhje dhe rezultateve preliminare.

“Akuzat në drejtim të Qeverisë për problemet teknike të sistemit digjital të KQZ-së janë përpjekje e ulët për të shkaktuar huti me qëllim që të ulet besimi në procesin zgjedhor dhe në rezultatin e tij”, ka thënë zëdhënësi i Qeverisë së Kosovës.

Kryeziu ka përkujtuar se KQZ ka pranuar serverë dhe pajisje përcjellëse për Qendrën e Numërimit dhe Rezultateve si donacion nga Gjermania, ndërsa prokurimi për softuerin e KQZ-së është bërë nga OSBE, gjithashtu si donacion.

“Falënderojmë qytetarët për pjesëmarrjen e madhe në zgjedhjet e 9 shkurtit, qytetarinë e lartë të treguar përgjatë procesit të votimit dhe për aktivizmin qytetar për të raportuar çdo lëshim apo gabim të evidentuar gjatë numërimit të votave. Vota e gjithsecilit do të mbrohet, vullneti i qytetarëve nuk do të tjetërsohet”, ka përfunduar Kryeziu.

Ueb faqja e KQZ-së gjatë ditës së zgjedhjeve ishte pothuajse shumicën e kohës jashtë funksionit, gjë e cila shkaktoi konfuzion te publiku që priste publikimin e rezultatit të zgjedhjeve.

Kryetari i KQZ-së Kreshnik Radoniqi, njoftoi të dielën vonë se softueri i numërimit të votave ka dështuar, duke mos dhënë më shumë detaje

Ueb faqja e KQZ-së u rikthye në funksion të hënën, por vazhdoi të kishte probleme të kohëpaskohshme.

Numërimin e saktë e ka kërkuar edhe presidentja Vjosa Osmani menjëherë pas njoftimit për dështimin e softuerit.

Deri më tash janë numëruar 99.57 për qind, Lëvizja Vetëvendosje prin me 40.87 për qind, pason Partia Demokratike e Kosovës me 22.03 për qind, Lidhja Demokratike e Kosovës me 17.61 për qind dhe Aleanca për Ardhmërinë e Kosovës – Nisma me 7.46 për qind.

Dje ka filluar procesi i numërimit të votave të kandidatëve për deputetë.

Në rezultatet preliminare nuk janë përfshirë votat me kusht, ato të personave me nevoja të veçanta dhe votat e diasporës. Ato do të numërohen në një fazë të mëvonshme pasi të përfundojë numërimi në qendrat komunale të numërimit.