Lajmet

Koreja e Jugut: Për shkak të numrit të madh të personave të varur nga telefonat, semaforët instalohen në tokë

Projekti u provua fillimisht më 2019.

Published

on

Jo më kot thuhet se problemet moderne, kërkojnë zgjidhje moderne!

Me ardhjen e telefonave inteligjentë, njerëzit po bëhen gjithnjë e më të fiksuar pas telefonave të tyre dhe i kanë sytë të mbërthyer pas ekraneve të vegjël pothuajse gjatë gjithë kohës.

Kjo ndodhë shpesh edhe gjatë kalimit të rrugës. Megjithatë, mund të shkaktojë një rrezik të madh për jetën tuaj, apo të tjerëve. Koreja e Jugut, megjithatë, ka dalë me një zgjidhje moderne për këtë gjë.

Nëse jeni duke përdorur vazhdimisht telefonin tuaj, edhe kur jeni duke kaluar një rrugë, ka mundësi që të humbisni semaforin sepse sytë tuaj janë ngjitur në rrugë.

Për të zgjidhur këtë problem, Koreja e Jugut ka instaluar semaforët në tokë si dhe semaforët tradicionalë në shtylla.

E ndarë në Twitter nga Trung Phan, një video tregon semaforët e ri në një vendkalim zebra.

Për shkak të rritjes së numrit të aksidenteve në vendkalimet e këmbësorëve, semaforët u vendosën për herë të parë në rrugë si pjesë e një projekti provë në vitin 2019.

Ai kishte për qëllim informimin e këmbësorëve se kur është e sigurt të kalojnë rrugën ndërsa ata shikojnë ekranet e tyre, në vend që të shikojnë lart në shtylla.

Sipas The Independant, qeveria e Koresë së Jugut prezantoi gjithashtu një sistem alarmi në të njëjtin vit që dërgon një njoftim në telefonin e një personi nëse ai do të kalojë një rrugë me informacion të drejtpërdrejtë të trafikut.

Shumica e njerëzve e pëlqyen këtë inovacion, e cila po shihet si “zgjidhje”./UBTNews/

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Lajmet

Kriza politike, sot takimi i liderëve

Published

on

By

Kryetari i Lëvizjes Vetëvendosje, Albin Kurti pas vendimit të Kushtetueses Kushtetuese lidhur me vazhdimin e seancës konstituive, ka ftuar sot liderët e partive politike për konsulta dhe përpjekjen për gjetjen e një zgjidhjeje për krizën politike.

Takimi do të mbahet në orën 16:00 dhe deri më tani është konfirmuar nga Partia Demokratike e Kosovës, Lidhja Demokratike, Aleanca për Ardhmërinë e Kosovës dhe Nisa Socialdemokrate.

Derisa prej LDK-së, nuk dihet se kush do të jetë në këtë takim, nga PDK kanë bërë të ditur se në takim do të jetë kryetari i kësaj partie, Memli Krasniqi, nga Nisma Fatmir Limaj. Kurse, nga AAK pritet të jetë

 

Përndryshe, të premten është ndërpritur seanca konstituive e Kuvendit, duke i dhënë një hapësirë këtij takimi.

Continue Reading

Lajmet

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Published

on

By

Ministrja në detyrë e Arsimit, Arbërie Nagavci, ka deklaruar se vendimi i Gjykatës Kushtetuese e konfirmon qartë se përgjegjësia për konstituimin e Kuvendit të Kosovës bie mbi subjektet fituese të zgjedhjeve, veçanërisht mbi tre partitë më të mëdha që duhet të kenë përfaqësuesit e tyre në Kryesi.

“Besoj ajo që është e qartë është se VV-ja është munduar që ta trajtojë vendimin e Gjykatës Kushtetuese në aspektin juridik. Vendimi e dëshmon edhe një herë atë që e kemi thënë – që konstituimi i Kuvendit është përgjegjësi e subjekteve fituese të zgjedhjeve, e veçmas tri subjekteve më të mëdha, të cilat do të kenë përfaqësuesit e tyre në Kryesi të Kuvendit,” tha Nagavci.

Ajo tha se nuk ka asnjë indikacion nga vendimi i Kushtetueses që votimi i fshehtë është në kundërshtim me Kushtetutën, duke lënë të kuptohet se ai do të përdoret sërish në përpjekjen për konstituim.

“Gjykata Kushtetuese askund nuk e ka cekur që votimi i fshehtë është kundërkushtetues. Besoj që edhe sot do të vazhdohet me të njëjtin votim,” u shpreh ajo.

Continue Reading

Lajmet

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Published

on

By

Deputeti i Lidhjes Demokratike të Kosovës (LDK), Armend Zemaj, ka deklaruar se zgjidhja e vetme për tejkalimin e krizës institucionale është respektimi i Kushtetutës dhe i vullnetit të qytetarëve, duke theksuar se Kosova është një sistem parlamentar dhe jo autokratik.

Ai ka thënë se kjo është kërkesa e vetme e LDK-së në takimin e thirrur nga Kurti.

“Kërkesa e vetme është mbrojtja e kushtetutshmërisë dhe ligjshmërisë, edhe vullnetit të qytetarëve të Kosovës. Ne jemi sistem parlamentar, askush nuk mund të udhëheqë me autokraci ose diktat, sidomos mbi deputetët që nuk i nënshtrohen asnjë lloj detyrimi dhe i përgjigjen vetëm qytetarëve, votuesve dhe subjekteve të tyre politike,” ka thënë Zemaj.

Continue Reading

Të kërkuara