Kronikë e zezë

Kontrolle nëpër lokale, Policia në Prizren ndalon 23 valltare nga Shqipëria

Published

5 years ago

on

Policia e Kosovës në rajonin e Prizrenit gjatë vikendit ka shqiptuar 305 gjoba për personat të cilët nuk respektuan masat antiCOVID19 dhe katër fletëparaqitje për lokalet që nuk respektuan orarin.

“Gjatë fundjavës, nga data 12-14 mars 2021, Policia në Prizren ka vepruar duke u bazuar në vendimet e Qeverise së Republikës së Kosovës për masat mbrojtëse kundër Virusit ‘Covid 19’, dhe me këtë rast Policia ka kryer kontrolle të shtuara në disa lokacione si: lokale të natës, gastronomi, qendra tregtare, sheshe, komunikacion etj. Gjatë zbatimit dhe veprimeve zyrtare, në komunën e Prizrenit, policia ka shqiptuar 305 tiketa për personat të cilët nuk i kanë respektuar këto masa në bazë të ligjit 07/L-006, dhe gjithsej 4 fletëparaqitje për lokalet të cilët nuk e kanë respektuar orarin. Në asistim dhe bashkëpunim me inspektorë janë realizuar kontrolle në 32 lokale”, njofton Policia e Kosovës për Rajonin e Prizrenit.

Për parregullsi të dokumenteve dhe leje qëndrimi jo të rregullta në këto lokale, Policia ka gjetur dhe ndaluar 23 punëtore-valltare nga Republika e Shqipërisë, të cilat dorëzohen te Drejtoria për Migrim dhe të Huaj.

Në zbatim te masave dhe realizim të planeve operative, një aktivitet i shtuar për fundjavë ishte edhe në fushën dhe mbikëqyrjen e komunikacionit rrugor, për këtë Policia gjeti parregullsi dhe shqiptoi 589 kundërvajtje për drejtuesit e automjeteve në komunikacion.

Përgjatë aktiviteteve në këtë fundjavë Policia në Prizren ka kryer kontrolle dhe ka ndaluar 3 persona të cilët kanë qenë të kërkuar me urdhërarrest nga Gjykata Themelore në Prizren, të ndaluarit akuzohen për vepra të ndryshme penale, për fajde, organizimin e skemave piramidale dhe dhunë në familje.

Të gjitha veprimet policore janë ndërmarrë në koordinim me prokurorin e shtetit.

Aktivitete të tilla do të ketë në vazhdimësi duke synuar në parandalim dhe respektim të masave ‘Covid 19’ dhe Policia rajonale në Prizren do të jetë e gatshme t’i zbatojë plotësisht vendimet e Qeverisë duke punuar gjithnjë për sigurinë e qytetarëve.

Related Topics:
Continue Reading

Lajmet

Gjashtë raste të dhunës në familje brenda 24 orëve

Published

10 hours ago

on

September 2, 2026

By

Gjashtë raste të dhunës në familje janë raportuar brenda 24 orëve të fundit në raportin e përditshëm të Policisë së Kosovës, duke përfshirë sulme fizike, kanosje dhe keqtrajtime psikologjike në Prishtinë, Gjakovë dhe Rahovec.

Në Prishtinë janë regjistruar dy raste, ku në të prinin arrestimet për sulm fizik ndaj bashkëjetueses dhe kanosje ndaj prindit. Në rastin e parë, i dyshuari është liruar në procedurë të rregullt pas intervistimit me vendim të prokurorit, ndërsa në rastin e dytë, një person është dërguar në mbajtje pasi ka kërcënuar babain e tij pas një mosmarrëveshjeje.

Dy raste të tjera janë shënuar në Gjakovë, ku një person u arrestua për keqtrajtim të djalit të tij përmes telefonit dhe u lirua në procedurë të rregullt. Ndërkaq, në rastin tjetër po në Gjakovë, një burrë është dërguar në mbajtje pasi sulmoi fizikisht bashkëshorten e tij, e cila ka pranuar edhe trajtim mjekësor.

Në Rahovec është raportuar një rast ku një grua ka marrë ndihmë mjekësore pasi është sulmuar fizikisht nga vëllai i saj pas një konflikti verbal. I dyshuari për këtë sulm është arrestuar nga policia dhe më pas është liruar në procedurë të rregullt sipas vendimit të prokurorit të shtetit. /E.A/

Continue Reading

Lajmet

Humb jetën një 29-vjeçar në Zubin-Potok pas lëndimeve në një kantier ndërtimi, ndalohet një i dyshuar

Published

11 hours ago

on

September 2, 2026

By

Një 29-vjeçar ka ndërruar jetë të martën si pasojë e lëndimeve të rënda të marra gjatë punimeve në një kantier ndërtimi në Zubin-Potok. Ngjarja ka ndodhur rreth orës 10:00 në vendin ku po ndërtohet stacioni i ri i Policisë së Kosovës.

Zëdhënësi i Policisë për rajonin e veriut, Ermir Osmani, konfirmoi se viktima, punëtor i një kompanie private, fillimisht u dërgua në shtëpinë e shëndetit në Zubin-Potok dhe më pas u transportua me urgjencë në Spitalin Rajonal në Mitrovicën e Veriut. Për shkak të gjendjes së rëndë, mjeku kujdestar ka konstatuar vdekjen e tij rreth orës 11:00.

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion. Për këtë rast, policia ka intervistuar dhe ndaluar për 48 orë një person me inicialet B.B. (viti i lindjes 1977) në cilësinë e të dyshuarit.

Continue Reading

Lajmet

Përleshje në një lokal në Fushë Kosovë, arrestohen tre persona

Published

1 day ago

on

September 1, 2026

By

Tre persona janë arrestuar në Fushë Kosovë, pasi dyshohet se pas një mosmarrëveshjeje në një lokal janë përleshur fizikisht mes vete.

Rasti ka ndodhur më 31 gusht, rreth orës 21:20.

Sipas Policisë së Kosovës, në mesin e të arrestuarve është një mashkull kosovar dhe dy shtetas të Serbisë.

Si pasojë e përleshjes, të dyshuarit kanë pësuar lëndime trupore, ndërsa dyshohet se kanë dëmtuar edhe disa orendi në lokal.

Pas intervistimit, me vendim të prokurorit, të dyshuarit janë dërguar në mbajtje./A.K/

Continue Reading

Lajmet

Të shtëna me armë në Viti, policia në kërkim të të dyshuarit

Published

1 day ago

on

September 1, 2026

By

Policia e Kosovës ka nisur hetimet për një rast të përdorimit të armës së zjarrit në Viti.

Rasti është raportuar më 31 gusht, rreth orës 19:35. Një grua kosovare ka deklaruar se, derisa kishte qenë te familja e saj, kishte pasur probleme me një burrë kosovar.

Sipas dëshmisë së saj, i dyshuari është afruar pranë oborrit të shtëpisë dhe ka shtënë me armë zjarri në ajër.

Njësiti policor në vendin e ngjarjes ka gjetur dhe konfiskuar dy gëzhoja. Nuk raportohet për persona të lënduar.

I dyshuari aktualisht ndodhet në kërkim nga policia./A.K/

Continue Reading

Të kërkuara