Përveç pagave, edhe teknologjia e stërvjetruar dhe mungesa e minatorëve të certifikuar janë disa nga sfidat që po përballet Trepça tash e sa kohë. Drejtori i Minierës në Stantërg, Shyqyri Sadiku, kërkon nga Qeveria e Kosovës, nga institucionet përkatëse që sa më shpejt të ndihmojë këtë ndërmarrje me investime, në të kundërtën sipas tij do të ketë rënie të prodhimit.

Sfidat për ekzekutimin e pagave për minatorët, menaxhmenti në këtë ndërmarrje, ka hequr dorë nga benefitet mujore për Ushtruesin e Detyrës së drejtorit, dhe paga e tij është 1 mijë e 900 euro, krahasuar me atë të kryeshefit të mëhershëm sa ishte 2 mijë e 500 euro.

Përveç kësaj, Sadiku flet edhe për arsyet e largimit të disa minatorëve nga puna në muajt e fundit.

“E kam gjetur (minierën) në një situatë të rëndë dhe ka qenë edhe një sfidë për mua që jemi ballafaquar deri e kemi kthyer gjendjen normale në miniere për shkak derdhjes së acidit klorhidrik, që kanë pas pasojë edhe rreth 12 minatorë, një pjesë e tyre është me lëndime të rënda që kanë pas, janë duke u trajtuar ende. Jam ardhur në pozitë pas atij skandali, dhe kemi bërë përpjekje të bëjmë një rrëzim më të mirë rreth prodhimit, që e kemi arrit. Në muajin shkurt, ka qenë një muaj shumë i mirë që i është kthyer prodhimit, por, fatkeqësisht në muajin mars, kur e kam paralajmëruar ish krye shefin e Trepçës në muajin shkurt që kemi me mbet pa furnizime, nuk kanë marrë asnjë masë dhe krejt muajin mars nuk kemi krijuar asnjë të hyrë, për shkak të mungesës së furnizimit me eksploziv, kanë filluar pastaj edhe pakënaqësitë e punëtorëve që kanë filluar edhe grevën, mos marrja e pagës me kohë, por, gjendja financiare e Trepçës ka qenë e vështirë për shkak mungesës së furnizimeve me mjete. Humbjet ditore janë sill rreth 40 mijë euro për një ditë. Këtu marrë për bazë edhe një teknologji të stërvjetruar në minierë, kemi probleme edhe me mungesë të punëtorëve të certifikuar, që ata e kryejnë punën kryesore në miniere që aktualisht kemi rreth 18 minatorë të certifikuar, ndërsa kemi nevojë për rreth 60 minatorë të certifikuar”, thotë Sadiku.

Sadiku derisa nuk përjashton mundësinë e rënies së prodhimit, kërkon të rritet shuma e mjeteve financiare për investime në Trepçë.

“Nëse nuk certifikohen minatorët, mund të ketë edhe rënie të prodhimit, nëse nuk ke minatorë dhe xehetarë në ballë të punës me përgatit xehe për eksplatim, definitivisht kemi me pas edhe rënie të prodhimit. Por po besoj, se është krijuar një seriozitet më i madh, dhe një menaxhment është ardhur i ri tek Trepça dhe një bord është ardhur i ri, që kemi filluar pa përjashtuar edhe muajin korrik që ka qenë gati i gjithi grevë, dhe muaji gusht deri me 15 ka qenë grevë, ku kemi filluar prodhimin me 15 gusht, gjatë asaj periudhe kemi arrit një rezultat të kënaqshëm, diku 7 mijë ton vetëm për gjysmën e muajit, ndërsa sa i përket muajit shtat jemi një situatë shumë më të mirë…19: 35 Po shpresoj se në një të ardhme të afërt edhe Qeveria do të bëjë investime në teknologji, në Trepçë, dhe do të kërkon llogaridhënie prej përgjegjësve se a po shkojnë ato mjete në teknologji dhe investime aty ku duhet…Këtë vit (Qeveria) ka investuar 7.9 milionë euro…Kërkoj që ka qenë më e nevojshme të rritet, por këto investime që i bënë, më të kapshme për mua kanë qenë të investojë në teknologji që ne të sigurojmë pagat tona dhe në të ndihmojmë edhe e shtetin”, thotë Sadiku.

Ndërsa ai thotë se si ushtrues detyre, kryeshefi i ri ka hequr dorë prej shumës së pagës që ka qenë më herët.

“Ish kryeshefi që është liruar nga detyra, bordi aktual, pagën e ka pas 2 mijë e 500 euro. Tash është emëruar një ushtrues detyre kryeshef i ri, që ka heq dorë prej pagës që ka qenë dhe tash pagën e ka rreth 1 mijë e 900 euro, ka heq dorë prej gjitha benfiicioneve që i takojnë, edhe prej veturës. Edhe unë kam heq dorë bashkërisht më të, që nuk e shfrytëzojmë as makinat për udhëtim të ndërmarrjes dhe as një benificion tjetër, as mbushje telefonike, përpos pagës që kemi, kemi heq dorë për shkak gjendjes financiare të Trepçës”, thotë ai.

Ai tregon edhe arsyet e largimit të punëtorëve nga kjo ndërmarrje.

“Një pjesë nuk janë lajmëruar me kohë, që dhe ligji e obligon që nëse humb tre ditë brenda muajit pa ndërprerë, ai e ka obligim të na njoftojë. Një numër i tyre që sipas informacione që kam, kanë migruar jashtë Kosovës dhe nuk e kanë bërë kërkesën për shkëputjen e kontratës. Momentin që nuk e bënë kërkesën për shkëputjen e kontratës fillojnë procedurat me flet paraqitje ,dhe shkojnë në komision disiplinor, dhe merr vendimet për shkëputjen e kontratës. Aktualisht në miniere tek ne janë shtatë që i është shkëputur kontrata, pra në njësinë tonë në miniera, dhe në procedura tek komisioni disiplinor janë edhe 13, për shkelje të detyrave të punës”, thotë Sadiku.

Kujtojmë se minatorët e Trepçës patën hyrë në grevë gjatë verës së këtij për shkak të mosrealizimit të pagave me kohë.

Ndërkaq Qeveria e Kosovës nga Pakoja për Ringjallje Ekonomike ka ndarë mbi 4 milionë euro për pagat e minatorëve, në mënyrë që të tejkalohet kriza aktuale.

Rreth 30 milionë euro janë ndarë për ndërmarrjen publike Trepça nga Qeveria e Kosovës në katër vitet e fundit.

Tetë persona janë arrestuar në Vushtrri, pasi dyshohet se pas një mosmarrëveshjeje kanë shtënë me armë ndaj njëri-tjetrit.

Policia ka bërë të ditur se në vendin e ngjarjes janë gjetur dhe sekuestruar një pushkë ajrore, tri gëzhoja dhe 24 fishekë.

“Të gjithë të dyshuarit janë intervistuar dhe me vendim të prokurorit,  njëri prej tyre është dërguar në mbajtje, ndërsa të dyshuarit tjerë janë liruar në procedurë të rregullt”, thuhet në raportin 24-orësh.

Rasti nga policia është cilësuar si “shkaktim i rrezikut të përgjithshëm”, “tentim vrasje” dhe “armëmbajtje pa leje dhe përdorim i armës”.

Rebelët jemenas, Huthi, që mbështeten nga Irani, thanë se kanë kryer një sulm me dronë ndaj Tel Avivit, edhe pse autoritetet izraelite nuk e kanë konfirmuar drejtpërdrejt këtë sulm.

Përmes një deklarate, rebelët thanë se kanë kryer “një operacion ushtarak që shënjestroi caqe të rëndësishme në Jafa [Tel Aviv] me një numër dronësh”.

“Operacioni arriti me sukses qëllimet e tij, dronët arritën caqet e tyre dhe armiku nuk ishte në gjendje të konfrontohej me ta apo t’i rrëzonte”.

Ushtria izraelite tha se ka penguar “një cak të dyshuar ajror” në afërsi të Izraelit qendror gjatë natës, pa dhënë më shumë detaje.

Të mërkurën, rebelët Huthi pretenduan se kanë lëshuar raketa lundruese drejt Izraelit, pasi një natë më parë Irani lëshoi afër 200 dronë drejt këtij shteti.

Po ashtu, javën e kaluar rebelët jemenas thanë se kanë gjuajtur një raketë në Aeroportin Ndërkombëtar Ben Gurion, që gjendet në afërsi të Tel Avivit. Ky sulm u pasua me sulme ajrore izraelite në Jemen, përfshirë në portin e Hodeidës.

Rebelët Huthi, që kontrollojnë pjesë të mëdha në Jemenin e përfshirë nga lufta që një dekadë, janë pjesë e “Boshtit të rezistencës” – rrjetit të bashkëpunëtorëve rajonalë që ka Irani kundër Izraelit dhe Shteteve të Bashkuara.

Që nga nëntori i vitit të kaluar, rebelët jemenas kanë sulmuar anijet në Detin e Kuq dhe në Gjirin e Adenit. Ata kanë thënë se po kryejnë këto sulme për të treguar solidaritet me palestinezët gjatë luftës në Gazë mes Izraelit dhe Hamasit, grupit palestinez të shpallur organizatë terroriste nga Shtetet e Bashkuara dhe Bashkimi Evropian./REL

Bashkëthemeluesi i Microsoft, Bill Gates, ka shprehur shqetësime të mëdha lidhur me pasojat e mundshme të Inteligjencës Artificiale (AI), duke i renditur ato në një podcast të fundit që u publikua të hënën. Gates ka përmendur tri shqetësime kryesore që e shqetësojnë në lidhje me përdorimin dhe zhvillimin e kësaj teknologjie.

Shqetësimi i parë i Gates lidhet me përdorimin e teknologjisë nga individë me qëllime të këqija, si krimet kibernetike, bioterrorizmi dhe konfliktet midis shteteve. Ai theksoi rëndësinë e sigurimit që njerëzit e mirë të kenë mjete të duhura të AI për të krijuar mbrojtje kundër këtyre rreziqeve. “Le të sigurohemi që njerëzit e mirë të kenë një AI që mund të krijojë mbrojtje kundër atyre gjërave,” tha ai.

Gates iu referua buxhetit të SHBA-së për vitin fiskal 2025, i cili përfshin miliarda dollarë të dedikuara për zhvillimin dhe përdorimin e sigurt të AI, si dhe krijimin e një instituti të ri për sigurinë e AI, i cili do të fokusojë në mbrojtjen e sigurisë dhe të drejtave të publikut amerikan.

Shqetësimi i dytë i Gates është për shkallën e shpejtë të ndryshimeve që sjell AI, e cila mund të çojë në humbje të vendeve të punës. Një raport i Goldman Sachs nga viti 2023 sugjeroi se AI mund të shkaktojë “çrregullime të konsiderueshme” në tregun e punës, duke prekur rreth 300 milionë vende pune me kohë të plotë. Megjithatë, ai përmendi gjithashtu një sondazh të HubSpot, që tregon se punonjësit e shitjeve kanë kursyer dy orë e 15 minuta në ditë duke përdorur AI për të automatizuar detyrat manuale, duke e bërë punën më efikase.

“Inteligjenca artificiale nuk po zëvendëson shitësit – por thjesht po kujdeset për aspektet më të përsëritura të punës së tyre,” theksohet në studim.

Shqetësimi i tretë i Gates është rreth mundësisë së humbjes së kontrollit mbi sistemet e AI. Ai shprehu frikën për skenarët e mundshëm të krizës nëse arrihet Inteligjenca e Përgjithshme Artificiale (AGI), që mund të tejkalojë inteligjencën njerëzore. Shumë studiues dhe ekspertë kanë paralajmëruar për rreziqet që lidhen me këtë teknologji, përfshirë mundësinë e abuzimeve për kryerjen e mashtrimeve, sulmeve kibernetike dhe përhapjes së dezinformatave.

Në përfundim, Bill Gates theksoi se është e domosdoshme të jemi të vetëdijshëm për këto pasojat negative dhe të punojmë së bashku për të menaxhuar rreziqet që sjell zhvillimi i Inteligjencës Artificiale./UBTNews/