Lajmet

Konjufca: Demokracia mirëmbahet nëpërmjet angazhimit qytetar

Published

2 years ago

September 16, 2024

Betim Gashi

Me moton globale “Qeverisja efektive e Inteligjencës Artificiale në të gjitha nivelet”, të hënën Kuvendi i Kosovës ka shënuar Ditën Ndërkombëtare të Demokracisë.

Kryetari i Kuvendit, Glauk Konjufca, ka thënë se shënimi i kësaj ditë është i rëndësishëm për ta theksuar rendësin e idealeve të lirisë, barazisë dhe drejtësisë, për ndërtimin e shoqërive gjithëpërfshirëse, krahas sulmeve dhe tendencave në rritje që ekzistojnë në kahen e kundërt për ta minuar dhe për ta sfiduar demokracinë. Ai po ashtu u shpreh se është e rëndësishme ta njohim progresin demokratik të deri tashëm, që sipas tij e e ka shënuar Kosova duke qëndruar paralelisht përkrah botës demokratike për ruajtjen e idealeve që përfaqëson demokracia sidomos në këtë kohë të sfidave të mëdha globale

“Kjo ditë është e caktuar nga Kombet e Bashkuara dhe ne si shtet synojmë që të jemi pjesë e këtij institucioni të rëndësishëm. Bëjmë mirë që të jemi pjesë e këtyre standardeve, duke vepruar kështu tregojmë pjekurin tonë shtetërore, pjekuri demokratike. Në një kohë ku në mbarë botë po merr hapësirë dezinformimi, tema globale është caktuar inteligjenca artificiale si një mjet për qeverisje të mirë. Kjo është një thirrje për vëmendje për institucionet tona që ta vene në funksion inteligjencën artificiale. Demokracia mirëmbahet nëpërmjet pjesëmarrjes së qytetarëve. Pa transparencë nuk ka demokraci. Asnjë sukses i Kuvendit nuk mund të jetë i plotë pa partneritetin me qytetarë, organizata të shoqërisë civile, organizatat ndërkombëtare e mediat”, ka thënë Konjufca.

Drejtoresha e Institutit Nacional Demokratik (NDI) në Kosovë, Nancy Soderberg, ka thënë se për 25-vjetorin që ky Institut është duke u angazhuar në Kosovë, janë zotuar që të krijoj një sistem qeverisë që është llogaridhënës.

“Një ditë që na përkujton përgjegjësen kolektive për të kultivuar vlerat demokratike. Ne jemi të zotuar ne 25 vjetorin këtu që të krijoj një sistem qeverisë që është llogaridhënës. Inteligjenca artificiale ka nisur që të transformojmë botën tonë, AI ofron mundësi të mëdha për progres. Kjo teknologji paraqet edhe sfida, ne Kosovës e kemi parë që mjete digjitale dhe AI mund të prek gratë. Kosova ka mundësi për standarde të lartë që të shfrytëzohen në të mirë të shoqërisë, mund të ndërtojmë institucione më të fuqishme”, tha ajo.

Kryetarja e Forumit për Transparencë Parlamentare, Arbëresha Kryeziu, ka thënë se falë bashkëpunimit me organizata e shoqërisë civile e organizatat ndërkombëtare, është rritur demokracia, llogaridhënia dhe transparenca e Kuvendit të Kosovës.

“Kuvendi është një nga institucionet me demokratike. Kuvendi sot është më i hapur edhe më i qasshëm se asnjë herë më parë, për këtë ka më shumë llogaridhënie dhe transparencë”, ka thënë ajo.

E Deputetja e PDK-së, Blerta Deliu-Kodra, ka thënë se në këtë ditë të demokracisë duhet që të flitet për cenimet që sipas saj qeveria aktuale i ka bërë demokracisë.

“Është një ditë e veçantë sot e para për të kujtuar prekjet shumë vjeçare të Kosovës për të konsoliduar demokracinë. Është bërë një punë e madhe. Sot dua të flasim edhe për gjendje e rënd që ju është bërë vlerave demokratike të Kosovës. Kemi pasur një qeveri jo demokratike. Kemi një kryeministër që në sesionin pranveror 36 herë nuk ju është përgjigjur kërkesave dhe pyetjeve parlamentare të deputetëve. Duhet të përmendim edhe cenimin e medias, organizatat ndërkombëtare kanë vënë në theks cenimin e medias të lirë. Qeveri duhet që të ketë qasje tjetër dhe ministrat të jenë qasshëm”, u shpreh ajo.

Në kuadër të kësaj ditë janë paraparë një sërë aktivitetesh që do të mbahen në ambientet e Kuvendit të Kosovës.

Related Topics:Kuvendi i Kosoves Glauk Konjufca Dita Ndërkombëtare e Demokracisë

Up Next

Hamza takon ambasadorin e Finlandës: Kosova të gjitha sfidat i ka përballuar dhe tejkaluar me përkrahjen e aleatëve

Don't Miss

Shangai u godit nga tajfuni më i fuqishëm në më shumë se 70 vjet

Vendi

Tensione te Kuvendi për ndryshimet në ligjin për Specialen

Published

10 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

11 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

11 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/