Sport

Konfirmohet nga Romano, ylli francez i bashkohet Real Madridit

Marrëveshja është arritur për 80 milionë euro plus bonuset, ndërsa marrëveshja e plotë për yllin francez kap shifrën e 100 milionë eurove.

Published

on

Siç konfirmohet nga gazetari i njohur, Fabrizio Romano, gjiganti spanjoll Real Madrid ka arritur marrëveshje me skuadrën e Monacos për transferimin e Aurelien Tchouamenit.

Marrëveshja është arritur për 80 milionë euro plus bonuset, ndërsa marrëveshja e plotë për yllin francez kap shifrën e 100 milionë eurove.

Tchouameni kishte marrëveshje personale me Realin për një kontratë pesë vjeçare pasi që dëshironte me çdo kusht kalimin te Reali, dhe jo në një klub tjetër.

Gjiganti francez, Paris Saint-Germain ishte i gatshëm që të ofroj një shumë më të lartë se Reali për Tchouamenin, por ata u larguan nga bisedimet të premten pasi që Tchoumeni nuk po konsideronte tjetër opsion.

Po ashtu interesim në Tchouamenin kishte treguar edhe Liverpooli, ku kishte kontakte direkte me agjentin e tij, por Real Madridi u tregua më bindës në bisedime pasi që dështoi marrëveshja për Kylian Mbappe.

Njoftimi zyrtar nga Reali do të publikohet pasi që të përfundohen testet mjekësore dhe marrëveshjet mes klubeve të jenë të gatshme dhe të përfundohen.

Sport

Trepça – Bashkimi, derbi i madh i xhiros së dhjetë në Superligën e basketbollit

Published

on

By

Pas angazhimeve në garat evropiane, Trepça dhe Bashkimi rikthehen në parketin e Superligës së Kosovës në basketboll, ku këtë fundjavë i pret një përballje e drejtpërdrejtë për kreun e tabelës.

Kampioni dhe nënkampioni i Kosovës do të përballen të dielën, nga ora 17:00, në palestrën “Minatori” në Mitrovicë, në kuadër të xhiros së dhjetë të elitës së basketbollit kosovar.

Trepça vjen në këtë përballje pas fitores ndaj Splitit të Kroacisë në FIBA Europe Cup, në ndeshjen e zhvilluar të mërkurën në Mitrovicë.

Në anën tjetër, Bashkimi pësoi humbje në shtëpi nga Manchesteri i Anglisë, duke e mbyllur rrugëtimin në garën evropiane.

Megjithatë, prizrenasit kanë aktualisht pozitën e parë në kampionat me 16 pikë, aq sa kanë edhe Trepça në vendin e dytë dhe Bora në të tretin. Bashkimi kryeson falë koshdallimit më të mirë.

Në përballjen e parë të këtij edicioni, të zhvilluar në Prizren në kuadër të xhiros së tretë, Bashkimi kishte triumfuar me rezultat 84:76.

Xhiroja e dhjetë nis të shtunën me dy ndeshje. Nga ora 17:00, në palestrën “13 Qershori” në Suharekë, Golden Eagle Ylli e pret Sigal Prishtinën. Ylli renditet i katërti me 14 pikë, ndërsa Prishtina zë vendin e pestë me 12 pikë.

Nga ora 19:30, Rahoveci 029 përballet me Borën e Prishtinës. Rahovecianët ndodhen në fund të tabelës me 11 pikë, aq sa kanë edhe Peja në pozitën e gjashtë dhe Vëllaznimi në të shtatën.

Xhiroja përmbyllet të dielën me duelin Vëllaznimi – Peja, që zhvillohet nga ora 19:30 në Gjakovë.

Peja synon t’i japë fund serisë prej shtatë humbjesh radhazi në kampionat, ndërsa Vëllaznimi kërkon të shfrytëzojë përparësinë e terrenit vendas.

Ndërkohë, te skuadra pejane ka pasur edhe zhvillime në përbërjen e ekipit. Klubi ka suspenduar basketbollistin Daquan Bracey, ndërsa ka zyrtarizuar transferimin e Kyan Andersonit.

D.L

Continue Reading

Sport

Duka kërkon ndryshime në projektligjin për sponsorizimet: Fondi për sportin të arrijë në 10 miliardë lekë

Published

on

By

Presidenti i Federatës Shqiptare të Futbollit (FSHF), Armand Duka, ka kërkuar ndryshime të rëndësishme në projektligjin për donacionet dhe sponsorizimet, duke vlerësuar se nisma e qeverisë është një hap pozitiv për sportin, por ka nevojë për plotësime konkrete për të garantuar financim të qëndrueshëm.

Përmes një reagimi në faqen zyrtare të FSHF-së, Duka ka përshëndetur diskutimet institucionale për këtë çështje, duke rikujtuar se komuniteti i futbollit prej më shumë se një dekade kërkon lehtësira dhe mekanizma më të mirë për nxitjen e sponsorizimeve.

Sipas tij, vetëm FSHF-ja dhe anëtarët e saj kanë paguar 342 milionë e 400 mijë e 806 lekë në tatime dhe kontribute gjatë vitit 2025.

Duke iu referuar studimit të UEFA-s GROË SROI, Duka ka theksuar edhe ndikimin ekonomik, social dhe shëndetësor të futbollit. Sipas të dhënave të vitit 2020, përfitimet nga pjesëmarrja në këtë sport vlerësoheshin në rreth 46 milionë euro në vit, ndërsa me rritjen e numrit të futbollistëve të regjistruar nga 18.587 në 25 mijë, kjo vlerë tashmë llogaritet në rreth 70 milionë euro në vit.

Për këtë arsye, kreu i FSHF-së kërkon që një pjesë e këtij kontributi ekonomik të rikthehet në sport, përmes mbështetjes për fëmijët, akademitë, klubet dhe infrastrukturën sportive.

Ndër propozimet kryesore të Dukës është që sponsorizimi të njihet si pagesë alternative e tatimit mbi fitimin, brenda kufirit prej 30 për qind dhe kushteve të përcaktuara me ligj.

Ai kërkon gjithashtu që fondi i përgjithshëm vjetor për sponsorizimet të rritet në së paku 10 miliardë lekë, nga dy miliardë sa parashihet në projektligjin aktual për artin, kulturën dhe sportin. Sipas tij, ky fond duhet të rritet çdo vit në përputhje me zhvillimin ekonomik dhe të ardhurat tatimore.

Një tjetër kërkesë është përcaktimi i një kuote të garantuar për futbollin, me ndarje transparente të mjeteve për federatën, klubet e kategorive të ndryshme dhe akademitë, në mënyrë që përkrahja të mos përqendrohet vetëm te klubet e mëdha.

Duka ka kërkuar edhe heqjen e miratimeve paraprake për secilën kontratë sponsorizimi, duke propozuar që kriteret të përcaktohen qartë me ligj, ndërsa kontrolli të realizohet përmes dokumentimit dhe mbikëqyrjes financiare e ligjore.

Në fokus të propozimeve është edhe ndarja e një pjese të fondeve për ndërtimin dhe përmirësimin e fushave sportive dhe hapësirave stërvitore.

Sipas Dukës, vetëm përmes një fondi më të madh dhe rregullave të qarta mund të krijohen kushte më të mira për zhvillimin e sportit, rritjen e numrit të fëmijëve që merren me aktivitete sportive dhe qëndrueshmërinë financiare të klubeve në të gjithë Shqipërinë.

Në fund, FSHF-ja ka shprehur gatishmërinë për të vazhduar bashkëpunimin me qeverinë, Kuvendin dhe institucionet e tjera, me synimin që projektligji të sjellë përfitime konkrete për sportin shqiptar.

D.L

Continue Reading

Sport

Real Madridi rinovon me Thibaut Courtois deri në vitin 2028

Published

on

By

Real Madridi ka zyrtarizuar vazhdimin e bashkëpunimit me portierin belg Thibaut Courtois, i cili ka nënshkruar kontratë të re me klubin madrilen deri në vitin 2028.

Marrëveshja e mëparshme e 34-vjeçarit skadonte në fund të këtij sezoni, por palët kanë arritur dakordim për ta vazhduar bashkëpunimin edhe për dy vjet të tjera.

Courtois vazhdon të jetë një prej figurave kryesore të skuadrës së drejtuar nga Real Madridi, duke ruajtur statusin e portierit të parë dhe një rëndësi të veçantë në formacion.

Gardiani belg ka pasur paraqitje të mira edhe këtë sezon, duke qenë një prej lojtarëve kyç në serinë prej tetë fitoreve radhazi që madrilenët kanë regjistruar në të gjitha garat.

Që nga transferimi në “Santiago Bernabeu”, Courtois ka zhvilluar gjithsej 348 ndeshje me fanellën e Real Madridit dhe ka fituar 14 trofe.

Me këtë rinovim, gjiganti spanjoll siguron vazhdimësinë e një prej lojtarëve më të rëndësishëm të skuadrës, ndërsa synon të rikthehet te trofetë dhe të jetë protagonist në garat vendore dhe evropiane.

D.L

Continue Reading

Sport

UEFA përcakton çiftet e Ligës së Kombeve, Spanja përballet me Francën

Published

on

By

Shorti i hedhur sot (e premte) në selinë e UEFA-s në Nyon të Zvicrës ka përcaktuar çiftet për ndeshjet e “play-off”-it dhe çerekfinalet e Ligës së Kombeve.

Në fazën “play-off” mes Ligës A dhe B janë caktuar katër përballje interesante. Irlanda do të përballet me Kroacinë, Bosnja dhe Hercegovina me Danimarkën, Hungaria me Serbinë, ndërsa Sllovenia do të luajë kundër Uellsit.

Ndërkohë, në “play-off”-in mes Ligës B dhe C, Qipro do të takohet me Maqedoninë e Veriut, Estonia me Rumaninë, Ishujt Faroe me Gjeorgjinë, ndërsa Bjellorusia me Izraelin.

Vëmendja kryesore në çerekfinalet e Ligës së Kombeve do të jetë te përballja mes Spanjës dhe Francës, dy prej kombëtareve më të forta të futbollit evropian.

Një tjetër duel që pritet me interes është ai mes Norvegjisë dhe Anglisë, ku norvegjezët, të udhëhequr nga Erling Haaland, do të përballen me një prej pretendenteve për trofeun.

Në dy çiftet e tjera, Holanda do të sfidojë Portugalinë, ndërsa Belgjika do të përballet me Gjermaninë.

Ndeshjet e “play-off”-it do të zhvillohen me sistem vajtje-ardhje, ku kualifikimi vendoset nga rezultati i përgjithshëm i të dyja takimeve. Në rast barazimi pas 180 minutash, do të luhen vazhdimet prej dy pjesësh nga 15 minuta, ndërsa nëse barazimi vazhdon, fituesi do të përcaktohet përmes penalltive. Rregulli i golit në udhëtim nuk zbatohet.

Çerekfinalet do të përcaktojnë katër skuadrat që do të vazhdojnë garën në gjysmëfinale, në rrugën drejt trofeut të Ligës së Kombeve.

Ndeshjet e para të “play-off”-it janë planifikuar për 25 ose 27 mars 2027, ndërsa ato të kthimit për 28 ose 30 mars të po të njëjtit vit.

Çiftet e “play-off”-it mes Ligës A dhe B:

  • Irlanda – Kroacia
  • Bosnja dhe Hercegovina – Danimarka
  • Hungaria – Serbia
  • Sllovenia – Uellsi

Çiftet e “play-off”-it mes Ligës B dhe C:

  • Qipro – Maqedonia e Veriut
  • Estonia – Rumania
  • Ishujt Faroe – Gjeorgjia
  • Bjellorusia – Izraeli

Çerekfinalet e Ligës së Kombeve:

  • Spanja – Franca
  • Norvegjia – Anglia
  • Holanda – Portugalia
  • Belgjika – Gjermania

D.L

Continue Reading

Të kërkuara