Lajmet

Konferenca Ndërkombëtare e UBT-së: Hapet thirrja për punime shkencore

Published

2 years ago

on

UBT ka nisur përgatitjet për edicionin e 13-të të Konferencës Ndërkombëtare për Shkencë, Teknologji, Biznes dhe Inovacion. Kjo ngjarje shkencore, e cila mbahet në Kosovë, pritet të sjellë profesionistët më të mirë të botës akademike në fusha të ndryshme.

Konferenca synon të përforcojë rolin e UBT-së si një lider i arsimit të lartë në rajon, duke promovuar kërkimet intensive dhe transferimin e njohurive. Gjithashtu ofron një platformë unike për të ndarë përvoja dhe për të promovuar punën shkencore të talentuarëve nga të gjitha sfondet.

Gjatë kësaj konference, aktivitetet shkencore do të shtrihen në 25 fusha të ndryshme, duke përfshirë shkenca kompjuterike, biznes, inxhinieri, arkitekturë, shkenca politike, shkencat farmaceutike, mjekësi, gjuhë dhe kulturë, dhe shumë të tjera.

Pjesëmarrësit do të kenë mundësinë të prezantojnë punimet e tyre në këto fusha dhe të kontribuojnë në diskutimet e ndjeshme mbi temat e kërkimit të tyre. Gjithashtu, konferenca do të ofrojë mundësi për të njohurit e fundit në lëminë akademike dhe për të ndarë përvoja me kolegët nga komuniteti ndërkombëtar.

Punimet shkencore për konferencën janë të hapura për pranim. Hulumtuesit dhe praktikantët mund të aplikojnë duke vizituar faqen zyrtare të konferencës në conferences.ubt-uni.net/2024/ dhe të dërgojnë pyetje në emailin [email protected].

Ky aktivitet shkencor është një mundësi e shkëlqyer për të bërë njohje të reja, për të zhvilluar bashkëpunime dhe për të kontribuar në përparimin e dijes në nivel ndërkombëtar./UBTNews/

Related Topics:
Continue Reading

Lajmet

PDK bllokon serish hyrjen e Qeverisë: Kërkohet vazhdimi i seancës konstituive të Kuvendit

Published

24 minutes ago

on

August 18, 2026

By

Partia Demokratike e Kosovës (PDK) ka vazhduar edhe të martën protestën e saj përpara objektit të Qeverisë së Kosovës, duke bllokuar hyrjen kryesore të ndërtesës. Këtij aksioni simbolik i është bashkuar edhe forum jaunor i kësaj partie, Rinia Demokratike e Kosovës (RDK).

Aksioni i protestës vjen si reagim ndaj mos-thirrjes së vazhdimit të seancës konstituive të Kuvendit të Kosovës.

Deputetët dhe aktivistët e PDK-së po kërkojnë me ngulm nga kryesuesi i seancës konstituive, Avni Dehari, që të thërrasë menjëherë vazhdimin e punimeve për t’i hapur rrugë konstituimit të plotë të Kuvendit.

Kjo protestë është pjesë e një presioni të vazhdueshëm politik pas disa ditësh përpjekjesh nga opozita. Si PDK-ja, ashtu edhe Aleanca për Ardhmërinë e Kosovës (AAK), kanë kërkuar vazhdimisht rifillimin e punimeve të seancës së ndërprerë. Për më tepër, PDK-ja ka dorëzuar zyrtarisht disa kërkesa të njëpasnjëshme drejtuar kryesuesit Dehari për caktimin e datës dhe orës së vazhdimit të seancës. /Ekonomia online/

Continue Reading

Lajmet

Muriq shkëlqen në Kupën e Italisë, Sassuolo kalon tutje

Published

29 minutes ago

on

August 18, 2026

By

Portieri i Përfaqësueses së Kosovës, Arijanet Muriq, ka hapur sezonin e ri në mënyrë fantastike me skuadrën e tij, Sassuolo, duke siguruar kualifikim të bindshëm në Kupën e Italisë.

 Në ndeshjen e zhvilluar të hënën në mbrëmje në kuadër të fazës 1/32 të finales, Sassuolo mposhti pa probleme skuadrën e kategorisë së dytë, Cesena, me rezultatin e thellë 3:0. Golat e fitores për vendasit u shënuan nga Cristian Volpato, Vasilije Axhiq dhe Luca Lipani.

Gardiani 27-vjeçar kosovar ishte një nga lojtarët më të dalluar në fushë. Muriq realizoi pesë pritje vendimtare gjatë ndeshjes, duke mbajtur portën e paprekur dhe duke u vlerësuar me notën e lartë 8.2 për paraqitjen e tij.

Kjo fitore i jep një start mjaft pozitiv Sassuolos përpara fillimit të kampionatit. Skuadra do të luajë ndeshjen e saj të parë për edicionin 2026/27 në Serie A këtë të diel, ku do të përballet me Atalantan. /E.A/

Continue Reading

Lajmet

Sulmohet nga hakerët ueb-faqja e Zyrës për Mbrojtjen e Konsumatorit

Published

15 hours ago

on

August 17, 2026

By

Ueb-faqja zyrtare e Zyrës për Mbrojtjen e Konsumatorit, konsumatori.rks-gov.net, ka qenë cak i një sulmi kibernetik.

Për shkak të sulmit, ueb-faqja aktualisht nuk është funksionale. Autoritetet kanë njoftuar qytetarët se, deri në rikthimin e plotë të shërbimeve online, ankesat dhe kërkesat mund t’i dërgojnë përmes emailit [email protected] ose përmes Viberit në numrin +383 (0) 46 311-000.

Qytetarët janë falënderuar për mirëkuptimin, ndërsa pritet që ueb-faqja të rikthehet në funksion pas përfundimit të procedurave përkatëse./A.K/

Continue Reading

Lajmet

Fruthi në Kosovë, 137 raste të konfirmuara – 25 të reja vetëm gjatë javës së fundit

Published

15 hours ago

on

August 17, 2026

By

Instituti Kombëtar i Shëndetësisë Publike të Kosovës (IKShPK) ka njoftuar se nga 16 prilli deri më 17 gusht 2026, në Kosovë janë konfirmuar gjithsej 137 raste me fruth.

Vetëm gjatë javës së fundit janë regjistruar 25 raste të reja. Numri më i madh i rasteve është raportuar në Prishtinë me 47 raste dhe në Fushë-Kosovë me 34 raste. Pas tyre renditen Ferizaj me 12 raste, Obiliqi me 8, ndërsa Kaçaniku dhe Lipjani me nga 7 raste.

Raste janë raportuar edhe në Skenderaj, Vushtrri, Drenas, Gjilan, Shtime, Shtërpcë, Deçan, Gjakovë, Graçanicë, Mitrovicë, Podujevë dhe Viti.

Në komunat me numrin më të lartë të rasteve, ekipet e vaksinimit kanë intensifikuar aktivitetet. Vetëm gjatë javës së fundit janë vaksinuar me MMR gjithsej 276 fëmijë që kishin vonesa në vaksinim sipas kalendarit të rregullt.

IKShPK u bën thirrje prindërve dhe kujdestarëve të verifikojnë statusin e vaksinimit të fëmijëve dhe të sigurojnë vaksinimin sipas kalendarit në qendrat e mjekësisë familjare.

Instituti rekomandon gjithashtu që personat me simptoma të dyshimta, si temperaturë e lartë, skuqje të lëkurës, kollë, rrufë ose konjuktivit, të paraqiten menjëherë në institucionet shëndetësore./A.K/

Continue Reading

Të kërkuara