Lajmet

Konferenca Ndërkombëtare e Sportit në UBT mbledh studiues dhe studentë për të diskutuar risitë dhe zhvillimet në fushën e sportit

Published

2 years ago

on

Në ambientet e UBT-së u mbajt Konferenca Ndërkombëtare e Sportit, ku morën pjesë studiues dhe studentë të shumtë të kësaj fushe, të cilët prezantuan dhe diskutuan rreth studimeve të tyre më të fundit shkencore. Konferenca filloi me fjalën hapëse të koordinatorit të konferencës, Milaim Berisha, dhe përshëndetjen e Dekanit të Fakultetit, Agron Thaqi, duke theksuar rëndësinë e sportit në edukimin dhe zhvillimin fizik të rinisë.  

Në simpoziumin e folësve të ftuar, Harald Tschan prezantoi mbi monitorimin e performancës sportive, Paolo Parisi trajtoi temën e sportit dhe gjenetikës, ndërsa Antonio Tessittore u ndal te vlerësimi i ndryshimeve në shpejtësi dhe drejtim te futbollistët e rinj.

“Performance monitoring” – Harald Tschan;

“Online Sport and Genetics” – Paolo Parisi;

“Assessment of acceleration-deceleration and change of direction in young soccer players” – Antonio Tessittore.

Në sesionin e parë, studiuesit prezantuan një gamë të gjerë temash, duke përfshirë rëndësinë e projektit SHAPE nga Universiteti i Tetovës, përfitimet e programit të përqendruar të HIIT për përmirësimin e qëndrueshmërisë aerobike dhe ndikimin e programit pliometrik në teknikën e kërcimit të lartë. Po ashtu, pati prezantime mbi kalimin drejt transportit aktiv në Prishtinë dhe trajtime manuale për paralizën Erb-Duchenne.

“University of Tetovo in the framework of the SHAPE Project: The Balkan Week of Sport (BWOS) and the European Week of Sport (EWOS)” – Fadil Mamuti, Kastriot Shaqiri, Shpresa Memishi, Vullnet Ahmeti, Fadil Rexhepi;

“Boosting Aerobic Endurance through a 10-Day Intensive Training Protocol: The Impact of Short-Term HIIT Evaluated by the Yo-Yo Recovery Test Level 1” – Era Deva, Milaim Berisha;

“The Impact of the Plyometric Program on the Performance Level of the High Jump Technique” – Blerta Abazi, Agron Thaqi;

“Shifting gears on active transport transition: Prishtina Case” – Masar Gjaka, Shkelqim Sadriu, Drin Ferataj, Kaltrina Feka;

“Manual Therapy for Erb-Duchenne Paralysis: A Case Study on Motor Recovery in an Infant through Cervical Vertebrae Manipulation” – Xhelal Shatri.

Sesioni i dytë përfshiu prezantime mbi tema si plakja e suksesshme në Kosovë, analiza e statistikave të ndeshjeve që dallojnë skuadrat fituese dhe humbëse në Kupën e Botës FIFA dhe ndikimi i teknikave psikologjike në performancën e futbollistëve.

“Successful Aging in the Republic of Kosovo” – Burim Peli, Agron Thaqi;

“Identifying the match statistics that discriminate winning, drawing, and losing soccer teams in the FIFA World Cup” – Agron Thaqi;

“Can Elite Football Players Maintain Jump Performance from the Preparation Phase Through the Competition Phase?” – Mevlana Jakupi, Milaim Berisha;

“The Effect of Different Psychological Techniques on the Performance of Football Players” – Fatlum Rexhepi, Agron Thaqi.

Në sesionin e tretë, pjesëmarrësit diskutuan lidhjet mes aktiviteteve fizike dhe vetëbesimit te fëmijët në moshë shkollore, ndikimin e fazës ekscentrike të kontraktimit të muskujve te performanca e kërcimit në volejbollistët U15, dhe trajtimin e lëndimeve të gjurit te basketbollistët.

“Relationships between Levels of physical activity and selfefficacy in young school-aged children” – Ivan Šerbetar, Katarina Čolig;

“The Impact of Upper Extremities and the Eccentric Phase of Muscle Contraction on Jump Performance in U15 Volleyball Players” – Alberina Shabani, Milaim Berisha;

“Relationships between physical fitness and observed weekly levels of physical activity of the children aged 9 and 10 years” – Ivan Šerbetar, Mateja Mijatović, Marija Milivojević;

“Knee Injuries in Basketball” – Arber Berisha, Masar Gjaka;

“Match analysis and physical characteristics of table tenis players” – Abedin Bahtiri.

Në përmbyllje të konferencës, trajneri olimpik Driton Kuka mbajti një fjalim mbi temën “Post-Olympic Blues”, duke ndarë përvojat dhe sfidat e sportistëve pas sukseseve olimpike. Konferenca u mbyll nga Milaim Berisha, i cili falënderoi të gjithë pjesëmarrësit dhe theksoi rëndësinë e këtij takimi për të nxitur shkëmbimin e njohurive dhe avancimin e studimeve në fushën e sportit./UBTNews/

Related Topics:
Continue Reading

Vendi

Një grua goditet për vdekje nga treni në Pejë

Published

23 minutes ago

on

August 3, 2026

By

Mëngjesin e sotëm në Pejë, një grua ka humbur jetën si pasojë e goditjes nga treni.

Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili bëri me dije se incidenti ka ndodhur rreth orës 05:35.

Mjeku kujdestar që doli në vendngjarje konstatoi vdekjen e viktimës./E.A/

Continue Reading

Lajmet

Mot me diell dhe temperatura deri në 36 gradë

Published

30 minutes ago

on

August 3, 2026

By

Sipas Institutit Hidrometeorologjik të Kosovës, ato minimale do të lëvizin nga 11 deri në 16 gradë celsius, ndërsa maksimalet pritet të arrijnë nga 31 deri në 36 gradë celsius.

“Do të fryjë erë e lehtë deri mesatare nga verilindja, me shpejtësi 1–5 m/s.

Rajoni ynë do të vazhdojë të jetë nën ndikimin e masave të ngrohta ajrore me origjinë nga Afrika Veriore, duke sjellë temperatura paksa më të larta, të cilat janë normale për këtë periudhë të verës”, ka njoftuar IHMK. /E.A/

Continue Reading

Vendi

Pas gjetjes së varrezës masive në Kalludër, zbulohet një tjetër në Jabukë të Zubin-Potokut

Published

53 minutes ago

on

August 3, 2026

By

Pas zbulimit të një varreze masive në Kalludër të Zubin Potokut, është gjetur një tjetër vatër me mbetje mortore të viktimave të luftës së fundit në Kosovë, kësaj radhe në fshatin Jabukë të së njëjtës komunë. Lajmin e ka bërë të ditur Ministri në detyrë i Brendshëm i Kosovës, Xhelal Sveçla.

“Pas gjetjes së mbetjeve mortore në një varr masiv në Kalludër të Zubin-Potokut, ku ende po vazhdojnë kërkimet dhe gjurmimet, sot, vetëm 10 kilometra më tutje, në fshatin Jabukë të po kësaj komune, u gjet edhe një varr tjetër masiv me mbetje mortore të viktimave të luftës së fundit në Kosovë. Falënderoj Policinë e Kosovës, njësitë përkatëse për hetimin e krimeve të luftës, Agjencinë e Kosovës për Inteligjencë, Institutin e Mjekësisë Ligjore dhe Prokurorinë e Kosovës për punën e ndërmarrë në drejtim të hulumtimit, hetimit dhe identifikimit të këtyre lokacioneve”, ka shkruar Sveçla.

Përmes një reagimi në rrjetin social Facebook, Sveçla ka akuzuar Serbinë se po ruan të njëjtën linjë politike dhe qasje si gjatë regjimit të Sllobodan Millosheviqit. Sipas tij, Beogradi zyrtar nuk po bashkëpunon për zbardhjen e fatit të të zhdukurve me dhunë, ndërsa ushtron presion dhe masa ndëshkuese ndaj qytetarëve serbë që ndihmojnë në lokalizimin e varrezave masive.

“Serbia vazhdon të mbetet e njëjtë si në kohën e Millosheviqit, jo vetëm përmes figurave si Aleksandar Vuçiqi dhe Ivica Daçiqi. Vuçiq ishte numri dy i Sheshelit, Daçiq ishte numri dy i Millosheviqit e Vulin numri dy i Mira Markoviqit. Të tre këta janë ende në pushtet në Serbi dhe ky shtet nuk ka ndërruar asgjë. Serbia vazhdon të mbetet e njëjtë në formë dhe në përmbajtje. Ky shtet, në njërën anë, refuzon të japë informacione për personat e zhdukur, të marrë me dhunë, ndërsa, në anën tjetër, kërcënon dhe burgos qytetarët e saj që bashkëpunojnë për gjetjen e këtyre varreve. Po ashtu, ajo glorifikon përmes memorialeve brigada si ajo 37, pjesëtarët e së cilës janë përgjegjëse për shumë masakra në Kosovë”, ka shkruar Sveçla.

Në vijim të deklaratës së tij, ai kërkoi reagim institucional dhe masa nga faktori ndërkombëtar ndaj veprimeve të Beogradit.

“Ftoj partnerët ndërkombëtarë të dënojnë dhe ndëshkojnë ashpër këtë sjellje të Serbisë. Pa një gjë të tillë jo që do të jetë i pamundur çfarëdo hapi drejt të drejtësisë, por ky shtet do të cenojë çdo ditë paqen në Ballkanin Perëndimor. Megjithatë, pavarësisht kësaj, ne mbetemi të përkushtuar dhe të palëkundur për të gjurmuar çdo pëllëmbë, në mënyrë që të zbardhim fatin e secilit person të vrarë dhe zhdukur nga shteti serb gjatë luftës së fundit në Kosovë dhe të sjellim para drejtësisë secilin kriminel përgjegjës për krimet e asaj kohe”, ka shkruar Sveçla.

Ndërkohë, në lokacionin paraprak në Kalludër të Vogël, ku u zbuluan mbetje mortore të martën, ekzistojnë dyshime se ndodhen trupat e 23 civilëve shqiptarë nga Mitrovica, të njohur si “grupi i intelektualëve”, të cilët u rrëmbyen më 19 prill 1999 dhe fati i të cilëve mbetet i pazbardhur prej 27 vitesh. Po ashtu, gjatë kësaj jave, autoritetet kanë arrestuar tre persona të dyshuar për krime lufte në zonën e Zubin-Potokut. /E.A/

 

Continue Reading

Lajmet

Ditari: Lajmet kryesore që shënuan datën 2 gusht 1993-1998?

Published

21 hours ago

on

August 2, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.
 
 
Foto: Për çdo ditë njoftime për të vrarë në rajonin e Drenicës: Skënderaj
 
 
2 gusht 1993
 
Bastisje në Prishtinë dhe Obiliq
Sot, rreth orës 5 të mëngjesit, policia serbe bastisi shtëpinë e Hamit Avdiut, në rrugën “Xhemail Ibishi” në Prishtinë. Policët kërkonin Ramadan Avdiun, ish-i burgosur i ndërgjegjes, i cili nuk gjendej në shtëpi.
Gjatë bastisjes, policët serbë me vandalizëm thyen dhe demoluan orenditë e shtëpisë, ndërsa me vete morën Hamitin dhe vëllain e Ramadanit, Rexhepin, të cilët ende po mbahen në organet e policisë në Prishtinë.
Në lagjen “Kodra e Trimave” në Prishtinë, rreth orës 8.30 u bastis shtëpia e Hajdin Krasniqit. Policia serbe kërkoi Xhavit Hazirin, ish i burgosur politik, i cili banon te Hajdini. Gjatë bastisjes policia u soll brutalisht ndaj familjes Krasniqi. Xhavit Haziri u arrestua.
Po ashtu sot rreth orës 5 të mëngjesit, policia serbe bastisi familjen e Bajram Hazirit, të cilët kërkuan djalin e tij Hazirin, ish i burgosur i ndërgjegjes.
Sot, rreth orës 5 të mëngjesit, tetë policë serbë bastisën familjet e Idriz Sveçlës dhe të Ahmet Haxhiut, ish i burgosur i ndërgjegjes. Përveç Ahmetit, policët arrestuan edhe Ismail Haxhiun, të cilët siç merret vesh ende po mbahen në lokalet e policisë në Prishtinë.
 
2 gusht 1994
Dje vazhdoi seanca në procesin e montuar në Prishtinë
Dje në Gjyqin e Qarkut në Prishtinë (të udhëhequr nga pushteti okupues serb) përfundoi marrja në pyetje e të shtatë shqiptarëve të akuzuar për gjoja ushtrime ushtarake në Fushën e Labinotit në Shqipëri.
Gjyqtarët e instaluar serbë dje morën në pytje Luan Hetën, Beqir Mulecin, Hysni Francën dhe Bajram Gallapenin. Këta të akuzuar rrëfyen për torturat që ua kishin bërë inspektorët gjatë hetuesisë.
– Nuk kemi bërë kurrfarë ushtrimesh ushtarake në Fushë të Labinotit. Ajo që shkruan në aktakuzë është rrenë. Inspektorët na rrahën e na shanë, na detyruan të nënshkruajmë deklaratat, duke na u kërcënuar edhe me likuidim, deklaruan dje para
gjykatës këta të akuzuar.
Fehmi Leshtrani madje është liruar si i paaftë për ushtri për rekrutim në Nish, meqenëse mbanë syzat minus 12. I paaftë për ushtri ishte edhe Luan Heta. Beqir Muleci nga ish-APJ e patën lëshuar si të paaftë pas gjashtë muajsh shërbimi. Beqiri është i sëmurë mentalisht.
Kryetari i trupit gjykues të të treve Zoran Saveliq kumtoi se seanca do të vazhdojë nesër, kur pritet të lexohen disa shkresa të lëndës. Shtatë mbrojtësit do të paraqesin edhe propozimet e tyre në fazën e procedurës së provave.
 
2 gusht 1995
Në burgun e Dubravës së Istogut – keqtrajtohen të burgosurit shqiptarë
Në burgun e Dubravës në Istog, në të cilin po vuajnë dënimet edhe një numër i madh të burgosurish politikë shqiptarë të Kosovës, më 23 korrik të këtij viti nga gardianët e burgut u keqtrajtuan rëndë, Hysen Gega nga Sallagrazhda e Suharekës, i cili është i dënuar për herë të dytë me 2,5 vjet burg, derisa dënimin e parë e vuajti me 10 vjet. Po për të njëjtën vepër në këtë burg gjendet edhe Gëzim Lushi, po ashtu i burgosur politik, njofton KI i Degës së LDK-së në Suharekë.
Njoftohet se ata nga gardianët e burgut janë keqtrajtuar rëndë, vetëm pse kanë përcjellë programin televiziv në gjuhën shqipe.
Bëhet e ditur se Gëzim Lushit të keqtrajtuar rëndë i është ofruar ndihmë mjekësore vetëm pas tre ditësh, ndërsa Hysen Gega pas një ndëshkimi është duke bërë grevë urie.
Ndërkaq, KI i Degës së LDK-së në Suharekë njofton se në Burgun e Qarkut në Prizren është keqtrajtuar rëndë fizikisht edhe Shaip Mustafa, i cili po mbahet nën hetime, kinse për formimin e SPB-së të Republikës së Kosovës.
Shaip Mustafa momentalisht për shkak të keqtrajtimeve të rënda fizike gjendet i shtrirë në spitalin e Prizrenit.
 
 
2 gusht 1997
Mitrovicë: Policia plaçkiti tre të rinj shqiptarë
Pardje, policia serbe plaçkiti disa tregtarë shqiptarë në lagjen Bair të Mitrovicës.
Policia ndaloi Lulzim M. Nulin (18), ia plaçkiti mallin që po e dërgonte në treg dhe pastaj e ktheu në shtëpinë e tij ku i plaçkiti mallin me vlerë prej 1500 DM.
Policia plaçkiti edhe Burhan Sahatçiun (20) duke i marrë mall me vlerë prej mbi 300 DM dhe Fadil Abitin (20) të cilit i mori mall me vlerë prej mbi 2000 DM.
Të tre tregtarët e plaçkitur u dërguan në lokalet e policisë në Mitrovicë ku u mbajtën rreth tri orë.
Lulëzim Nulit, më 28 korrik policia i pat plaçkitur mall me vlerë prej 700 DM, njofton KI i Degës së LDK-së në Mitrovicë.
 
2 gusht 1998
 
Njoftohet për 8 shqiptarë të vrarë në fshatrat e Drenicës
Gjatë sulmeve të sotme të forcave policore ushtarake serbe në disa fshatra të Drenicës, deri më tash dihet për 8 shqiptarë të vrarë.
Burimet e KMDLNJ njoftojnë se në fshatin Jashanicë të Klinës janë vrarë tre pjesëtarë të UÇK. Ndërkaq në fshatin Shtuticë të Skënderajt janë vrarë katër shqiptarë, për identitetin e të cilëve ende nuk dihet.
Në fshatin Polac dihet se është vrarë Fatmir Xhemajl Veliqi (20).
Njoftohet se sot janë sulmuar edhe fshatrat Polluzhë e Tërstenik.
 
Forcat serbe vranë katër e plagosën katër anëtarë të tjerë të familjes Zeqiri në fshatin Shtuticë të Gllogocit
Sot në fshatin Shtuticë të Gllogocit forcat serbe vranë katër dhe plagosën katër anëtarë të tjerë të familjes Zeqiri, njofton KI i degës së LDK.
Tragjedia mbi këtë familje ndodhi derisa forcat serbe po granatonin në drejtim të fshatrave Polac, Kryshec, Morinë e Shtuticë. Gjatë këtyre momenteve familja Zeqiri derisa po dilte nga shtëpia, për t’i ikur granatimeve të parreshtura të ushtrisë serbe, në oborrin e kësaj familjeje ra një granatë që ishte fatale. Me atë rast u vranë: Sofije Zeqiri (60), Vahide Zeqiri (20), Kada Zeqiri (17) dhe gruaja e Halimit, Emine Zeqiri. Ndërkaq u plagosën: Halim Zeqiri, (flitet se ka vdekur), Besim Zeqiri, Sherif Zeqiri dhe Rizah Zeqiri.
Gjithashtu sulmet serbe shkaktuan dëme të mëdha materiale, duke shkatërruar shtëpi, makina bujqësore, shtalla, e të tjera.

Continue Reading

Të kërkuara