Lajmet

Konferenca Ndërkombëtare e Juridikut në UBT trajtoi sfidat dhe zhvillimet aktuale të sistemit të drejtësisë

Published

6 months ago

October 25, 2025

UBTNEWS

Në kuadër të edicionit të katërmbëdhjetë të Konferencës Ndërkombëtare Shkencore të UBT-së, drejtimi Juridik zhvilloi disa sesione tematike ku profesorë, studiues dhe ekspertë ligjorë nga Kosova dhe rajoni prezantuan punime të rëndësishme që trajtojnë sfida aktuale të drejtësisë, zhvillimet ligjore, si dhe ndikimin e teknologjisë dhe faktorëve socio-ekonomikë në sistemin juridik bashkëkohor.

Diskutimet dhe prezantimet u fokusuan në çështje që përfshijnë kriminologjinë, të drejtën penale e civile, të drejtën administrative dhe ndërkombëtare, si dhe aspekte të rëndësishme të së drejtës së punës, mjedisit dhe pronësisë intelektuale. Këto sesione sollën perspektiva të reja akademike dhe praktike mbi mënyrën se si sistemi juridik i Kosovës po përshtatet ndaj zhvillimeve globale, reformave ligjore dhe teknologjisë së avancuar.

Në sesionin e parë, studiuesit sollën analiza të thelluara mbi viktimizimin, kontratat civile dhe çështjet e pasurisë, duke përfshirë:

Chair: Prof. Dr.Ahmet Maloku

Co – Chair: Prof.Ass.Dr.Veli Lecaj

Keynote speaker: Prof.Dr. Omer Gabela

“Victimization of the Elderly in Kosovo: A Victimological and Criminological Analysis”, Prof. Dr. Ahmet Maloku;
“Contract for Delivery and Division of Property: Doctrine, Cross-Jurisdictional Parallels, and Regulatory Implications”, Prof. Ass. Dr. Jorida Xhafaj & Arbena Shehu;
“The Path Towards Sequestration and Confiscation of Illicit Assets in Kosovo”, Prof. Asoc. Dr. Elton Tota & Alban Sutaj;
“Contract of Lifelong Maintenance in Kosovo: Legal Regulation, Legal Consequences, and Practical Challenges”, Prof. Asoc. Dr. Egzone Osmanaj & Mr. Sc. Rrezarta Ajeti;
“Opportunities and Challenges in the Use of AI in Commercial Contracts”, Prof. Asoc. Dr. Bashkim Nuredini & Vesna Paunkovska Dodevska;
“Inflation and Social Welfare: The Role and Legal Responsibilities of the State for Ensuring the Living Standard – The Case of Kosovo”, Prof. Ass. Dr. Veli Lecaj & Mr. Sc. Vleran Bojaxhi.

Në këtë sesion u trajtuan tema që lidhen me krimin e organizuar, të drejtën kushtetuese, nepotizmin, trashëgiminë dhe ndikimin e faktorëve socialë në sistemin ligjor. Punimet e prezantuara përfshinë:

Chair: Prof.Asoc.Dr. Egzone Osmanaj

Co – Chair: Prof.ass.dr. Merita Muharremi

“Why Organized Crime is in the Spotlight in Kosovo and Beyond”, Prof. Ass. Dr. Florent Azemi & Prof. Ass. Dr. Merita Muharremi;
“Fingerprints”, Dr. Sc. Besim Arifi;
“Necessary Defense as a Legal Institute for the Exclusion of Unlawfulness in the Criminal Law of Kosovo”, Prof. Dr. Ahmet Maloku & LLM Blend Demolli;
“Amending the Constitution of the Republic of Kosovo is a Necessity to Avoid Multiple Institutional Crises: A Challenging Future for Constitutionality”, Prof. Ass. Dr. Xhavit Shala & Prof. Ass. Dr. Mervete Shala;
“Compulsory Share of Inheritance and Its Infringement”, Dr. Sc. Nehat Idriz;
“Employment and the Impact of Nepotism”, PhD Arsim Gjinovci & Dren Gjinovci PhD Cand.;
“Trademark Exhaustion and Parallel Imports in Kosovo”, Prof. Asoc. Dr. Njomza Zejnullahu.

Ky sesion përfshiu tema ndërdisiplinare që lidhin të drejtën mjedisore, të drejtën ndërkombëtare dhe atë administrative me sfidat e zhvillimeve bashkëkohore. U prezantuan punimet:

Chair: Prof.Asoc.Dr. Elton Tona

Co – Chair: Dr.sc. Burim Haliti

“Environmental Law and Environmental Crime on Indoor Air Quality in Life Cycle Assessments”, Prof. Ass. Dr. Afrim Syla & Prof. Dr. Ahmet Maloku;
“Legal Circulation of Rights, Duration of Use and Criminal”, Dr. Sc. Burim Haliti;
“International Law and Domestic Law”, Prof. Ass. Dr. Florent Azemi, Dr. Sc. Bleta Brovina, Prof. Ass. Dr. Nuredin Lutfiu & LLM Fadil Curi;
“The Right to Good Administration in the Republic of Kosovo”, Prof. Ass. Dr. Mervete Shala & Prof. Ass. Dr. Xhavit Shala;
“Labor Rights and Financial Implications for SMEs in Kosovo During COVID-19”, Arbnor Hajdari & Bekim Sylaj;
“Reviewing the Administrative Procedures from a Digital Transformation Approach”, Prof. Ass. Dr. Avni Alidemaj & Prof. Ass. Dr. Alban Maliqi.

Në sesionin përmbyllës, u prezantuan tema që lidhen me përafrimin e legjislacionit me standardet evropiane, të drejtën e ndërtimit, dhunën në familje dhe inteligjencën artificiale. Punimet përfshinë:

Chair: Prof.ass.Dr.Elmi Kelmendi

Co – Chair: Dr.sc. Besim Arifi

“Procedure of Approximation of National Legislation with European Standards in Kosovo”, Dr. Sc. Nuhi Osmani & Prof. Dr. Ahmet Maloku;
“The Right to Construction According to the Legislation in the Republic of Kosovo”, Prof. Ass. Dr. Enisa Halimi, Prof. Ass. Dr. Sevdai Morina & Prof. Ass. Dr. Merita Muharremi;
“The Challenge of Domestic Violence in the Balkan States”, LLM Marigona Bajraktaraj & Prof. Ass. Dr. Florent Azemi;
“Artificial Intelligence Challenges, Innovations, and Legal Limitations”, Prof. Asoc. Dr. Halim Bajraktari, Fatlind Mazreku & Anda Hoxha;
“The Role and Importance of Forensic Methods in Criminalistics”, Prof. Dr. Ahmet Maloku & Dr. Sc. Reshat Maliqi.

Vendi

UBT lanson Global Virtual Campus, një model i ri i arsimit pa kufij

Published

2 hours ago

April 8, 2026

ubtnews

UBT ka lansuar zyrtarisht konceptin më të ri inovativ në fushën e arsimit, Global Virtual Campus, një platformë që synon të transformojë mënyrën se si ofrohet edukimi në nivel global, përmes partneritetit strategjik me EON Reality.

Rektori i UBT-së, Prof. Dr. Edmond Hajrizi, theksoi se ky model është një hap të rëndësishëm drejt së ardhmes së arsimit gjithëpërfshirës dhe të qasshëm për të gjithë.

“Në këtë kontekst, Global Virtual Campus është një koncept dhe model i ri, modeli i së ardhmes, që mundëson ofrimin e të njëjtës përmbajtje dhe të njëjtës cilësi kudo në botë, me të njëjtin potencial dhe përvojë, pa humbur kohë dhe me kosto të përballueshme për të gjithë. Pra, kjo qasje e aksesueshmërisë dhe përballueshmërisë, kudo dhe në çdo kohë, është thelbi i Global Virtual Campus, të cilin po e ofrojmë përmes partneritetit tonë me EON”, u shpreh Rektori Hajrizi.

Rektori Hajrizi deklaroi se UBT ka një përvojë të gjatë dhe të suksesshme në arsimin e lartë, duke u renditur ndër institucionet më të vlerësuara globalisht në fusha kyçe si inovacioni, qëndrueshmëria, ndërmarrësia dhe shkenca.

Ai nënvizoi se institucioni njihet për standarde të larta cilësie dhe është i akredituar nga mekanizma ndërkombëtarë, përfshirë British Accreditation Council, si dhe gëzon një validim të fortë në raport me sistemin amerikan të arsimit.

“Ne besojmë fuqishëm në rëndësinë e kontaktit njerëzor dhe bashkëpunimit fizik, por në të njëjtën kohë duhet të shfrytëzojmë maksimalisht potencialin që ofron inteligjenca artificiale për të rritur cilësinë dhe për të zgjeruar qasjen në arsim”, u shpreh Rektori Hajrizi.

Një nga shtyllat kryesore të këtij transformimi është integrimi i inteligjencës artificiale dhe teknologjive të avancuara të vizualizimit në procesin mësimor. Sipas Hajrizi, përvoja e gjatë e partneritetit me platforma inovative si EON ka mundësuar ndërtimin e një sistemi që garanton cilësi të lartë të mësimdhënies, pavarësisht vendndodhjes së studentëve.

Global Virtual Campus synon të ofrojë përmbajtje dhe standard të njëjtë edukimi kudo në botë, duke eliminuar barrierat gjeografike dhe kohore, dhe duke hapur një epokë të re të arsimit global.

Video e plotë

Lajmet

Kryesia dështon të miratojë rendin e ditës: Mospajtime për rezolutën e luftës

Published

7 hours ago

April 8, 2026

UBTNews

Mbledhja e Kryesisë së Kuvendit ka përfunduar pa një pajtim për rendin e ditës të seancës së radhës, pas mospajtimeve mes partive politike për pozicionimin e rezolutës për mbrojtjen e të vërtetës historike të luftës.

PDK-ja, e mbështetur edhe nga opozita tjetër, ka insistuar që kjo rezolutë të jetë pika e parë e rendit të ditës për seancën e së premtes. Në anën tjetër, Lëvizja Vetëvendosje ka propozuar që ajo të trajtohet si pikë e fundit, duke kërkuar një dakordim më të gjerë paraprak.

Për shkak të kësaj bllokade, rendi i ditës pritet të miratohet në fillim të seancës plenare. Përveç rezolutës për luftën, në agjendë janë edhe katër marrëveshje ndërkombëtare, votimi për anëtarin e Këshillit Prokurorial, si dhe debati për rritjen e çmimit të naftës.

Lajmet

Kurti pret drejtoren e NATO-s: FSK po përgatitet për mision në Gazë

Published

7 hours ago

April 8, 2026

UBTNews

Kryeministri Albin Kurti ka pritur sot drejtoren e NATO-s për Operacione, Charlotte Hallengren, me të cilën ka diskutuar për thellimin e bashkëpunimit dhe sigurinë në vend.

Gjatë takimit, Kurti falënderoi aleancën veri-atlantike për rolin e saj në stabilitetin e Kosovës, ndërsa kërkoi më shumë mundësi trajnimi për pjesëtarët e FSK-së në institucionet e NATO-s.

Kryeministri njoftoi se Forca e Sigurisë së Kosovës, pas sukseseve në disa misione ndërkombëtare, aktualisht po përgatitet për të zbarkuar në Gazë, si pjesë e Forcës Ndërkombëtare Stabilizuese.

“Kryeministri Kurti tha se Forca e Sigurisë së Kosovës ka demonstruar performancë të lartë në misionet ndërkombëtare, përfshirë bashkëzbarkimet në Kuvajt, Belize dhe Ishujt Falkland, si dhe misionin në Turqi. Ndërsa, shtoi se aktualisht është duke u përgatitur për misionin në Gaza, si pjesë e Forcës Ndërkombëtare Stabilizuese. Ndërsa, përmendi edhe trajnimet për personelin ukrainas për deminim dhe misione të kërkim-shpëtimit”, thuhet në komunikatën e Zyrës së Kryeministrit.

Nga ana tjetër, zyrtarja e lartë e NATO-s vlerësoi lart këtë vendim dhe falënderoi Kosovën për bashkërendimin e ngushtë me aleancën në rrugën drejt integrimit.

Lajmet

Vdes një punëtor në vendin e punës në Strellc të Deçanit, një tjetër i lënduar

Published

8 hours ago

April 8, 2026

UBTNews

Një aksident fatal në vendin e punës ka ndodhur mesditën e sotme në fshatin Strellc të Ulët të Deçanit, ku si pasojë e lëndimeve ka vdekur një punëtor dhe një tjetër ka mbetur i lënduar.

Lajmi është konfirmuar nga Policia Rajonale e Pejës, sipas së cilës ngjarja ka ndodhur rreth orës 14:00 në një punëtori druri, ku disa materiale kanë rënë mbi dy punëtorët. Viktimat u dërguan menjëherë në Emergjencën e Spitalit të Pejës, ku mjekët konstatuan vdekjen e njërit prej tyre.

Njësitet kompetente kanë dalë në vendin e ngjarjes dhe po punojnë për zbardhjen e plotë të rrethanave të këtij rasti.