Lajmet

Konferenca Ndërkombëtare e Arkitekturës dhe Planifikimit Hapësinor mblodhi shumë arkitektë dhe hulumtues shkencorë

Published

8 months ago

on

Konferenca Ndërkombëtare e Arkitekturës dhe Planifikimit Hapësinor bëri bashkë arkitektë dhe studiues për të diskutuar sfidat dhe trendet më të fundit në planifikimin urban, dizajnin e qëndrueshëm dhe teknologjitë inovative. 

Punimet e prezantuara trajtuan tematika që variojnë nga ndikimi i karakteristikave demografike në zhvillimin e vendbanimeve, politikat e banimit social dhe të përballueshëm, deri te përdorimi i inteligjencës artificiale në planifikimin dhe dizajnin urban. Konferenca krijoi një platformë për shkëmbimin e njohurive, promovimin e qëndrueshmërisë dhe avancimin e praktikave moderne në fushën e arkitekturës.

Sesioni i parë u fokusua në zhvillimin urban dhe menaxhimin e planifikimit hapësinor, duke diskutuar problematika komplekse urbane, hapësira rekreative, ndotjen akustike, dhe ndikimin e teknologjive inteligjente në dizajnin e qyteteve. Sesioni i dytë solli perspektiva mbi tipologjitë e ndërtimit, integrimin e kopshtave vertikale, minimizimin e urave termike, përdorimin adaptiv të hapësirave, ndikimin e inteligjencës artificiale në edukim, neuroarkitekturën dhe ruajtjen e trashëgimisë arkitekturore si burim inovacioni dhe qëndrueshmërie. Prezantimet reflektuan mbi lidhjen mes dizajnit, emocionit dhe mirëqenies së banorëve, duke ofruar shembuj konkretë të aplikimit të njohurive në praktikë.

Sesioni I:

Chair: Prof. Dr. Binak Beqaj

  • The Impact of Demographic Characteristics on the Development of Formal Settlements and Spatial Planning Management in Kosovo – Dr. Sc. Venera Goxha
  • Reforming Policies for Diversifying Housing Programmes in Kosovo – Banush Shyqeriu, Merita Dalipi
  • Financing, and Management of Affordable and Social Housing – MSc. Rame Hamzaj
  • Wicked Problems and Urban Regeneration: The Politics of the Tirana Riverside Project – Dr. Sc. Doriana Musaj
  • Spatial/Urban Planning Process in Kosovo and Its Challenges – Prof. Dr. Binak Beqaj
  • Critical Observations on Effectiveness of Urban Planning Documents and Processes (2000–2025) – Dr.Sc. Egzon Bajraktari, Prof. Dr. Binak Beqaj, PhD Cand. Shqiprim Ahmeti
  • Green and Recreational Spaces in Cities: A Comparative Study – Nexhat Balaj, Vezir Januzi, Hyzer Rizani
  • Classifying the Unwritten City: Towards a Structured Historiography of Prishtina’s Urban Development – Rineta Jashari, Anita Ymeri, Shqiprim Ahmeti
  • Artificial Intelligence in Urban Planning and Design – PhD Cand. Gazmend Uka
  • Noise Pollution in Urban Environment – Comparison Between Czechia and Kosova and Lessons Learned – Dr.Sc. Egzon Bajraktari
  • The Application of Pedestrian Overpasses – The Case of Road “B” (“Sunny Hill”) – Anilë Shkodra, Bleona Ajeti Jashari, Nita Kryeziu, Dr.Sc. Visar Baxhuku
  • Bridging the Scale Gap in Climate Action Plans: From Ecocity Visions to Building-Scale Strategies – Gizem Köprülü
  • Can Smart Homes Heal Cities? Rethinking Residential Wellbeing in South East Europe – Blerta Vula Rizvanolli
  • Review on Law on Protection from Environmental Noise and Its Implementation in Kosovo – Elsa Buzhala, Eli Binxhija, Egzon Bajraktari

Sesioni II:

Chair: Dr.Sc. Bekim Çeko

  • Residential Development Trends and Building Typologies in Prishtina (2012–2025) – Visar Shllaku, Kaltrina Veselaj Shllaku
  • Wall Beams in the Service of the Sustainability of Traditional Houses – Nexhat Çoçaj
  • Integrating Vertical Gardens in Habitable Apartments – Bard Bajçinovci
  • Minimization of Thermal Bridging in Sustainable Modular Architecture – Guri Berisha, Kreshnik Muhaxheri
  • From Abandonment to Social Vibrancy: Adaptive Re-Use and Social Space Production in Runik – Ajhan Bajmaku, Bekim Çeko, Shqiprim Ahmeti, Verona Rrustemi
  • Lecture Notes in Architecture: The Impact of AI on Education – Defrim Hajdari, Bekim Çeko
  • Cross-Cultural Perspectives in Neuroarchitecture: Bridging Brains, Buildings, and Belonging – Dr. Sc. Dea Luma
  • Emotional Resonance of Space: Exploring the Role of Geometric Order in Design – Vlerë Mulliqi
  • Interpreting Post-1960 Turkish Modernism through Architectural Journals: Pluralist Reflections – Assoc. Prof. Dr. Luca Orlandi, Zeynep Sena Ekiz
  • Kosovo’s Architectural Heritage as a Source for Sustainability and Innovation in Contemporary Architecture – Prof. Ass. Dr. Pajazit Hajzeri
  • The Dialog of Light: Humanity, Spirituality, and Sacred Spaces – Shkurte Dalipi, Sanelina Sadiki, Shaindera Krasniqi

Related Topics:
Continue Reading

Vendi

Pas zgjedhjeve, Kurti udhëton në Austri: Do të takojë kancelarin Stocker

Published

3 hours ago

on

June 8, 2026

By

Kryeministri në detyrë i Republikës së Kosovës, Albin Kurti, sot ka udhëtuar për një vizitë zyrtare në Austri, vetëm një ditë pas përfundimit të procesit zgjedhor në Kosovë.

Sipas njoftimit zyrtar nga Zyra e Kryeministrit, gjatë kësaj vizite dyditore, kreu i qeverisë në detyrë do të zhvillojë takime të rëndësishme të nivelit të lartë shtetëror dhe ekonomik. Ndër të tjera, ai do të pritet në takim nga Kancelari i Republikës Federale të Austrisë, Christian Stocker, si dhe do të marrë pjesë në punimet e Forumit Ekonomik të Vjenës (Vienna Economic Forum).

Ky udhëtim zyrtar i Kurtit zhvillohet pikërisht në kohën kur në Kosovë sapo është përmbyllur procesi i numërimit të votave.

Komisioni Qendror i Zgjedhjeve (KQZ) tashmë ka përfunduar 100% numërimin e kutive të votimit (2,498 nga 2,498 vendvotime), duke nxjerrë rezultatet preliminare të zgjedhjeve të parakohshme parlamentare.

Sipas të dhënave përfundimtare të kësaj faze nga KQZ, Lëvizja Vetëvendosje (LVV) ka dalë forca e parë politike në vend duke siguruar 42,91% të votave (299,152 vota). Pas saj renditet Partia Demokratike e Kosovës (PDK) me 21,12% (147,220 vota), e ndjekur nga Lidhja Demokratike e Kosovës (LDK) me 17,58% (122,575 vota). Aleanca për Ardhmërinë e Kosovës (AAK) ka grumbulluar 7,16% të votave, ndërsa Lista Serbe ka marrë 6,18%. Në këto zgjedhje, pjesëmarrja e përgjithshme e qytetarëve me të drejtë vote arriti në 37,05%, teksa rezultatet pritet të certifikohen pasi të përmbyllen procedurat e numërimit të votave të diasporës dhe ato me postë.

 

Continue Reading

Lajmet

Liqeni i Shkodrës përfshihet në UNESCO

Published

3 hours ago

on

June 8, 2026

By

Një lajm i rëndësishëm ka ardhur për trashëgiminë natyrore të Shqipërisë, me përfshirjen zyrtare të Liqenit të Shkodrës nga UNESCO në Rrjetin Botëror të Rezervave të Biosferës. Ky vendim shënon një hap të rëndësishëm për mbrojtjen dhe promovimin ndërkombëtar të kësaj pasurie të jashtëzakonshme natyrore.

Këtë arritje e ka ndarë me publikun edhe kryeministri i Shqipërisë, Edi Rama, i cili përmes një mesazhi u shpreh se ky është një sukses i angazhimit institucional dhe diplomatik të vendit.

“Me kënaqesinë e një tjetër lajmi të bukur për Shqipërinë e Gjelbër dhe trashëgiminë tonë natyrore, futjen e Liqenit të Shkodrës nga UNESCO në Rrjetin Botëror të Rezervave të Biosferës, rezultat i punës sonë diplomatike po edhe i kujdesit me përgjegjësi për këtë pasuri shqiptare që i shtohet thesareve të botës së mbrojtur nga UNESCO, ju uroj një javë të mbarë”, ka njoftuar Rama.

Continue Reading

Vendi

Përzgjidhet projekti fitues për Memorialin e Adem Jasharit në Prishtinë, “Zâni i Lirisë” merr vendin e parë

Published

4 hours ago

on

June 8, 2026

By

Kryetari i Komunës së Prishtinës, Përparim Rama, ka njoftuar se është përzgjedhur projekti fitues për “Memorialin Përkujtimor Adem Jashari”, ku vendin e parë e ka zënë koncepti “Zâni i Lirisë”.

Sipas Ramës, projekti fitues është përzgjedhur nga komisioni profesional vlerësues dhe do të realizohet në kryeqytet, duke bartur peshën historike, kombëtare dhe emocionale që përfaqëson figura e Adem Jasharit dhe familjes Jashari.

“Zâni i Lirisë” synon të jetë më shumë se një monument përkujtimor. Koncepti është menduar si simbol i sakrificës së familjes Jashari dhe të gjithë dëshmorëve që dhanë jetën për lirinë e Kosovës.

I frymëzuar nga fjalët e njohura të Adem Jasharit, memoriali do ta shndërrojë zërin e tij në një simbol të përhershëm të lirisë, duke ruajtur kujtesën historike dhe duke përcjellë mesazhin e sakrificës ndër breza.

Sipas Komunës së Prishtinës, memoriali do të jetë një hapësirë që do të nderojë figurën e Komandantit Legjendar dhe do të shërbejë si pikë referimi për kujtesën kolektive të qytetarëve.

Continue Reading

Lajmet

Kaja Kallas: Kosova ka nevojë urgjente për qeveri funksionale

Published

4 hours ago

on

June 8, 2026

By

Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, u ka bërë thirrje liderëve politikë në Kosovë që të angazhohen për formimin sa më të shpejtë të institucioneve të reja pas zgjedhjeve parlamentare.

Kallas theksoi se vendi ka nevojë për institucione funksionale që mund të çojnë përpara reformat e nevojshme dhe procesin e integrimit evropian. Ajo nënvizoi se tejkalimi i ngërçit politik është i domosdoshëm për stabilitetin institucional dhe përfitimin e Kosovës nga mbështetja e Bashkimit Evropian.

Deklarata e saj vjen në një periudhë kur skena politike në Kosovë po përballet me sfidën e krijimit të shumicës parlamentare dhe formimit të qeverisë së re. Bashkimi Evropian ka përsëritur vazhdimisht se funksionalizimi i institucioneve është kusht kyç për avancimin e reformave dhe afrimin e vendit me strukturat evropiane.

Sipas Kallas, përgjegjësia për tejkalimin e dallimeve politike bie mbi partitë dhe liderët e vendit, të cilët duhet të gjejnë gjuhë të përbashkët në interes të qytetarëve dhe të ardhmes evropiane të Kosovës. Ajo vlerësoi se krijimi i shpejtë i institucioneve do të dërgonte një sinjal pozitiv për partnerët ndërkombëtarë dhe do të ndihmonte në zhbllokimin e proceseve të rëndësishme zhvillimore.

BE-ja ka shprehur gatishmërinë për të vazhduar mbështetjen ndaj Kosovës, por ka theksuar se përfitimi i plotë nga kjo mbështetje kërkon institucione të qëndrueshme dhe efektive që mund të zbatojnë reformat e kërkuara.

 

Continue Reading

Të kërkuara