Me datë 07-09 korrik 2025, në UBT, u zhvillua me sukses Akademia Verore e organizuar nga Fakulteti i Stomatologjisë dhe Teknikës Dentare, me temën: “Stomatologjia digjitale – ku jemi sot?”.

Akademia tre-ditore u vlerësua si një ndër ngjarjet më të rëndësishme akademike dhe profesionale të këtij viti, duke bashkuar profesionistë vendorë, rajonalë dhe ndërkombëtarë, si dhe studentë të talentuar të cilët prezantuan punime shkencore të mentoruar nga profesorët e tyre.

Dita e parë – 07 korrik 2025

Në ditën e parë të konferencës u mbajtën ligjërata nga profesionistë eminentë të fushës së stomatologjisë dhe teknikës dentare, të cilët ndanë përvoja dhe njohuri mbi zhvillimet më të fundit të stomatologjisë digjitale:

• Dr. Nart Ajeti
• Dr. Mohammed Nasreddine
• Thomas Garrod Pullar
• Dr. Aneta Mijoska
• Dr. Albert Syla
• Dr. Fitim Shabani
• Arlind Celina
• Dr. Yllka Gashi

Dita e dytë – 08 korrik 2025

Dita e dytë i kushtohej prezantimeve të punimeve shkencore të studentëve, të realizuara nën mentorimin e profesorëve të tyre. Studentët demonstruan aftësi hulumtuese dhe qasje të reja ndaj temave aktuale në stomatologji.

Sesionet e para:

• Lis Iberdemaj, Nina Jevriq
• Ela Bejtullahu, Vesa Mazreku
• Yllka Metaj, Leke Demjaha
• Omer Bacaku, Elion Hajraj
• Venera Komoni, Driola Qerkini
• Irena Bekqeli, Leke Demjaha

Sesionet e dyta:

• Dea Zejnullahu
• Lum Krasniqi, Tringa Muhadri
• Fisnik Namlixhiu, Etleve Xhakli
• Eliza Rizvanolli, Anila Alidema
• Riola Sylejmani, Anda Okllapi

Dita e tretë – 09 korrik 2025

Konferenca u mbyll me zhvillimin e katër punëtorive praktike (workshops), ku pjesëmarrësit patën mundësi të angazhoheshin në mënyrë interaktive dhe të përfitonin njohuri të thelluara praktike:

• Workshop 1: Arlind Celina – Laboratori Kesh – MiYo liquid ceramic
• Workshop 2: Dr. Albert Syla – HandsOn – Implantet monofazike dhe bifazike
• Workshop 3: Dr. Yllka Gashi – Bora Dental – Kompozitet
• Workshop 4: Genis Nallbani – Linea Aligners

Një risi këtë vit ishte edhe përfshirja e alumnive të suksesshëm të UBT në panelin vlerësues të punimeve të studentëve, përkrah stafit akademik.

Përveç profesorëve Prof. Asst. Dr. Agim Prokshaj (dekan), Prof. Ast. Dr. Dugagjin Sokoli (drejtor për çështje akademike), Prof. Asst. Genc Demjaha (prodekan), Jeta Kiseri Kubati (profesoreshë e ortopedisë së nofullave), Dr. Spec. Krenare Mehmeti dhe Dr. Spec. Adelina Loxha, këtë vit në panel ishin edhe alumnit: Dr. Nart Ajeti, në ditën e pare dhe Dr. Zlata Kocan, në ditën e dytë

Koordininatorët e përkushtuar të këtij edicioni ishin Prof. Asst. Genc Demjaha, Dr. Spec. Adelina Loxha, Dr. Spec. Krenare Mehmeti

UBT falënderon të gjithë ligjëruesit, alumnit, mentorët, studentët dhe pjesëmarrësit për kontributin e tyre në suksesin e këtij aktiviteti madhor akademik dhe profesional, duke riafirmuar përkushtimin e institucionit për avancimin e dijes dhe inovacionit në shërbim të shëndetit oral.

Ka përfunduar Akademia Verore dyditore në Fakultetin e Inxhinierisë së Energjisë, ku fokusi kryesor kanë qenë Burimet e Energjisë së Rinovueshme (BRE), me theks të veçantë në sistemet solare dhe ndikimin e tyre në sistemin elektroenergjetik të Kosovës.

Temat që u trajtuan nga ligjëruesit e ftuar në Akademinë Verore kanë qenë:

Ditën e martë, më 08.07.2025:

Instalimi i sistemeve solare në objektet rezidenciale dhe industriale, ku ligjëroi Ing. Elek. Erzen Krasniqi – ndërmarrës privat.

Rrjeti i Gjeneratës së Ardhshme CIGRE në Kosovë, ku ligjëroi Ing. Elek. Drenusha Gashi – menaxhere në SCADA në KEDS.

Ditën e mërkurë, më 09.07.2025:

Panelet diellore fotovoltaike: Prodhimi dhe dobitë e tyre, ku ligjëroi Ing. Elek. Saranda Bytyqi – ish-menaxhere në prodhim në Jaha Solar.

Ndikimi i BRE-ve në sistemin e shpërndarjes së Kosovës, ku ligjëroi Blerton Mustafa – drejtor i Shërbimeve Teknike të Konsumatorëve në KEDS.

Në Akademinë Verore ishin të pranishëm studentë të nivelit Bachelor, Master, si dhe staf akademik, ku u shkëmbyen njohuri dhe përvoja në fushën e energjisë së rinovueshme dhe ndikimit të saj në sistemin elektroenergjetik, veçanërisht në kontekstin e integrimit të energjisë së rinovueshme në sektorin energjetik të Kosovës.

Të gjithë pjesëmarrësit që kanë marrë pjesë në Akademinë Verore do të pajisen me një certifikatë pjesëmarrjeje me ECTS në Akademinë e Inxhinierisë së Energjisë me temë: Ndikimi i Burimeve të Energjisë së Rinovueshme (BRE) në sistemin elektroenergjetik të Kosovës.

Dekani i Fakultetit të Sistemeve të Informacionit në UBT, Prof. Dr. Blerton Abazi, hapi edicionin e Akademisë Ndërkombëtare Verore, pjesë e “Global UBT Fest”. Në fjalën e tij, ai theksoi rëndësinë e këtij aktiviteti për studentët e fushës së Teknologjisë së Informacionit dhe sigurisë kibernetike, duke i inkurajuar ata të përfshihen aktivisht në temat e avancuara që do të trajtohen gjatë akademisë.

Pas fjalës përshëndetëse, Prof. Dr. Abazi mbajti ligjëratën kryesore me temën “Aplikimi i Inteligjencës Artificiale në Sigurinë Kibernetike”, ku diskutoi mbi përdorimin e algoritmeve të mësimit të makinerisë dhe analizës së të dhënave të mëdha për zbulimin dhe parandalimin e kërcënimeve në kohë reale. Ai solli shembuj konkretë nga Kosova dhe rajoni, duke nxitur një diskutim aktiv mbi sfidat dhe mundësitë që ofron kjo fushë.

Ky aktivitet shënon një hap të rëndësishëm në forcimin e lidhjeve ndërmjet akademisë dhe industrisë, duke u ofruar studentëve mundësinë për të zhvilluar aftësitë e tyre praktike dhe për t’u përgatitur për sfidat e sigurisë kibernetike në një mjedis gjithnjë e më të digjitalizuar.

Ngjarja do të vijojë me sesione praktike, panele ekspertësh dhe punëtori të dedikuara për simulime kibernetike, analiza të të dhënave, testim të sistemeve mbrojtëse, transformim dixhital etj. Këto iniciativa synojnë jo vetëm t’u ofrojnë studentëve njohuri teorike, por edhe aftësi të zbatueshme dhe mundësi për ndërtimin e rrjeteve profesionale me industrinë. Kjo përputhet me vizionin e UBT-së për të përgatitur të rinjtë për sfidat moderne në fushën e sigurisë së informacionit dhe inovacionit teknologjik.

UBT, përmes Fakultetit të Shkencave të Ushqimit dhe Bioteknologjisë si dhe Fakultetit të Inxhinierisë së Agrikulturës dhe Mjedisit, ka organizuar me sukses Akademinë Verore, që u zhvillua më 8 korrik në Kampusin e UBT në Lipjan, dhe më 9 korrik në qendrën inovative ITP në Prizren, duke mbledhur ekspertë, studiues, studentë dhe profesionistë të fushave të agrobujqësisë, ushqimit dhe mjedisit.

Akademia Verore kishte për qëllim të ofrojë një platformë dinamike për shkëmbimin e njohurive më të fundit, zgjidhjeve të qëndrueshme dhe praktikave inovative në prodhim bujqësor, përpunim ushqimor dhe ruajtjen e biodiversitetit, në përputhje me sfidat globale dhe nevojat lokale.

Programi u hap me fjalën hyrëse të Fidan Fekës, Dekan i këre departamenteve, i cili theksoi rëndësinë e përgatitjes së profesionistëve të rinj për të udhëhequr transformimin rural dhe agroushqimor në Kosovë.

Në vijim, Driton Sylejmani trajtoi temën “Roli i profesionistëve të rinj në transformimin dhe avancimin e bujqësisë në Kosovë”, duke nënvizuar nevojën për politika të reja dhe teknologji të reja në sektorin bujqësor.

Rina Dinaj prezantoi konceptin e agropylltarisë, një praktikë moderne që ndërlidh pylltarinë me bujqësinë për të përmirësuar rendimentin dhe qëndrueshmërinë mjedisore.

Një prezantim inovativ ishte ai i Blina Avdijës, e cila përmes iniciativës BLIFF, prezantoi produkte të reja të çajrave të përpunuar për tregun modern, duke bashkuar trashëgiminë bimore me inovacionin e industrisë ushqimore.

Bari Sopa, përmes një qasjeje ndërdisiplinare, foli për ndikimin e ushqimit natyral, aktiviteteve fizike dhe menaxhimit të stresit në trajtimin alternativ të hipertensionit dhe diabetit të tipit 2, duke promovuar një model të integruar për shëndetin publik.

Pjesa e fundit i kushtohej prodhimit inovativ – Blertan Libusha prezantoi përvojën e kultivimit të boronicës në vazo, si një mundësi e re për bujqësinë urbane dhe mikrobujqësinë në Kosovë.

Dita e dytë u hap nga Ismet Babaj, i cili vlerësoi rëndësinë e lidhjes midis kërkimit shkencor dhe praktikave të qëndrueshme në fushën e mjedisit dhe ushqimit.

Blerinda Veliu prezantoi mënyrat e shfrytëzimit të qëndrueshëm të pasurisë bimore, duke theksuar potencialin terapeutik dhe ekonomik të bimëve autoktone.

Në vijim, Poema Rogova shtjelloi rëndësinë e sigurisë ushqimore, përtej aspektit të shijes, duke promovuar një qasje shkencore dhe të qëndrueshme për industrinë ushqimore vendore.

Arjana Sharani prezantoi një model të suksesshëm të përpunimit të Aronisë, nga kultivimi organik deri te produktet me vlerë të shtuar në treg.

Ndërkaq, Gazmend Cikaqi ndau historinë e G-Dema, një industri e lokalizuar që ka transformuar feferonat dhe produktet tradicionale në ëmbëlsira dhe artikuj inovativë, duke dëshmuar fuqinë e sipërmarrjes rurale.

Programi u përmbyll me prezantimin e Medin Zeqirit, i cili foli për rëndësinë e pakove të konsulencës për prodhuesit e qumështit në Kosovë, si model për rritjen e kapaciteteve prodhuese dhe përmirësimin e cilësisë.

Akademia Verore 2025 konfirmoi angazhimin e UBT-së në avancimin e njohurive, promovimin e inovacionit dhe forcimin e lidhjes ndërmjet shkencës dhe praktikës në fushat kyçe për zhvillimin ekonomik dhe mjedisor të vendit.