Washingtoni është i “përgatitur” për luftë me Kinën, tha Sekretari amerikan i Mbrojtjes, Pete Hegseth, duke iu përgjigjur kërcënimeve të Pekinit pas vendosjes së tarifave të reja nga presidenti Donald Trump.

“Ne jemi të përgatitur”, tha Hegseth në Fox News, duke theksuar nevojën për forcë ushtarake për të penguar një konflikt.

“Ata që dëshirojnë paqen duhet të përgatiten për luftë”, vuri në dukje ai, duke nënvizuar përpjekjet e modernizimit të ushtrisë amerikane.

“Ne jetojmë në një botë të rrezikshme me vende të fuqishme, në rritje me ideologji shumë të ndryshme. Ata po rrisin me shpejtësi shpenzimet e tyre të mbrojtjes dhe teknologjinë moderne, duke synuar të zëvendësojnë Shtetet e Bashkuara”, shtoi ai.

Komentet e Hegsethit erdhën pasi zëdhënësi i Ministrisë së Jashtme kineze Lin Jian paralajmëroi se Kina është “e gatshme të luftojë deri në fund” në përgjigje të veprimeve të SHBA-së, qoftë në një luftë tregtare apo konflikt ushtarak.

“Nëse duam të pengojmë luftën me kinezët ose të tjerët, duhet të jemi të fortë”, tha Hegseth, duke theksuar se forca është thelbësore për të penguar luftën.

Hegseth tha se Trump ka një marrëdhënie “të shkëlqyer” me presidentin kinez Xi Jinping dhe se janë duke eksploruar mënyra për partneritet dhe bashkëpunim me Kinën.

Duke deklaruar se Washingtoni nuk “kërkon” luftë me Kinën, ai tha se Trump “ka kërkuar paqe historike dhe mundësi historike” me Pekinin.

Megjithatë, ai theksoi se detyra e tij si sekretar i mbrojtjes është të sigurojë që vendi i tij të jetë i përgatitur.

Duke theksuar përpjekjet për të adresuar prioritetet e presidentit, të tilla si “kupola e artë”, modernizimi, hipersonikët, mjetet nënujore pa pilot dhe mjetet ajrore pa pilot, Hegseth tha: “Ata e dinë se ne jemi seriozë dhe po ndërtojmë për këtë”.

Shtetet e Bashkuara kanë “pezulluar” ndarjen e informatave të inteligjencës me Ukrainën, tha drejtori i Agjencisë Qendrore amerikane të Inteligjencës (CIA), John Ratcliffe.

Njoftimi vjen pas përkeqësimit dramatik të raporteve mes Kievit dhe Uashingtonit. Presidenti amerikan, Donald Trump, dhe ai ukrainas, Volodymyr Zelensky, u përplasën në Zyrën Ovale javën e kaluar dhe pas kësaj, SHBA-ja njoftoi se ka pezulluar ndihmën thelbësore ushtarake për Ukrainën.

Ratcliffe konfirmoi se ndarja e inteligjencës është ngrirë, teksa Ukraina po vazhdon të luftojë kundër pushtimit që Rusia ka nisur më 2022.

“Presidenti Trump kishte një pyetje të vërtetë nëse presidenti Zelensky ishte i angazhuar për procesin e paqes”, tha Ratcliffe për Fox News.

Ratcliffe tha se pezullimi “në frontin ushtarak dhe në frontin e inteligjencës” është i përkohshëm dhe SHBA-ja do të punojë sërish “krah për krah me Ukrainën”.

Të martën, Trump deklaroi se Zelensky i tha se Kievi ishte i gatshëm për bisedime me Moskën dhe për finalizimin e marrëveshjes për minerale me SHBA-në, teksa Ukraina po tenton që të tejkalojë përplasjen në Zyrën Ovale.

Zelensky ka tentuar që të përmirësojë raportin me Trumpin, duke shkruar në rrjetet sociale se ishte për “keqardhje” përplasja e tij me udhëheqësin amerikan e duke shtuar se dëshiron që të përmirësojë situatën.

Në adresimin e tij në Kongresin amerikan të martën, Trump e lexoi letrën e Zelenskyt.

“Në letër thuhet ‘Ukraina është e gatshme të vijnë në tavolinën e negociatave sa më shpejt që të jetë e mundur për të sjellë më afër paqen e qëndrueshme. Askush nuk e do më shumë paqen sesa ukrainasit’”, tha Trump para ligjvënësve amerikanë./REL/

Kryeministri britanik, Keir Starmer, ka deklaruar se duhet të sigurojnë që SHBA, Mbretëria e Bashkuar, Evropa dhe Ukraina të punojnë së bashku për paqen e qëndrueshme në Ukrainë.

“Ne duhet të bëjmë gjithçka që mundemi për të siguruar që SHBA, Evropa dhe Ukraina të punojnë së bashku për paqen e qëndrueshme“, tha Starmer gjatë sesionit të tij të parë të pyetjeve të kryeministrit në Dhomën e Përfaqësuesve që nga vizita e tij në SHBA dhe samiti në Ukrainë.

Ai tha se Mbretëria e Bashkuar “nuk duhet të zgjedhë midis SHBA-së dhe Evropës“, duke shtuar se ata kurrë historikisht nuk e kanë bërë dhe nuk do ta bëjnë këtë tani.

Starmer theksoi se ai po bën “gjithçka të mundur” për të luajtur rolin e tij në kontakt të rregullt me ​​të gjithë lojtarët kryesorë, përfshirë presidentin ukrainas, Volodymyr Zelenskyy.

Gjatë shkëmbimit, udhëheqësi i Partisë Konservatore, Kemi Badenoch, pyeti kryeministrin Starmer se çfarë po bën ai për të ndihmuar në “rindërtimin” e lidhjeve midis presidentit të SHBA-së, Donald Trump dhe Zelenskyyt. Kryeministri u përgjigj se “duhet të bëjmë gjithçka që mundemi”.

Trump ka pezulluar gjithashtu dërgimin e të gjithë ndihmës ushtarake amerikane për Ukrainën, pas konfrontimit të tij me presidentin ukrainas në Shtëpinë e Bardhë javën e kaluar.

I pyetur për vizitën e tij në SHBA javën e kaluar, Starmer tha se Trump e bëri “absolutisht të qartë” angazhimin e tij ndaj nenit 5 të NATO-s dhe ra dakord që ekipet nga të dy vendet të ulen së bashku për të biseduar mbi garancitë e sigurisë.

Më tej, Starmer tha se meqenëse ai ka folur me presidentin amerikan tre herë në telefon, sepse “është shumë e rëndësishme që ne të punojmë me SHBA-në, me Evropën dhe Ukrainën dhe të sigurohemi që nëse ka një marrëveshje, ajo ka garancitë e duhura të sigurisë”.

I pyetur nga kreu i Liberal Demokratëve, Ed Davey, nëse ai ende beson se Trump është një aleat i besueshëm, Starmer tha se “natyrisht se ata janë një aleat i besueshëm”.

“Ne punojmë shumë ngushtë me SHBA-në për mbrojtjen, sigurinë dhe inteligjencën. Ne kemi bërë për shumë, shumë vite. Sigurisht, ata janë një aleat i besueshëm. Ne po operojmë mbi këtë bazë, çdo ditë, në të gjithë botën“, tha ai.

Duke theksuar se fokusi i tyre kryesor tani është në një “paqe të qëndrueshme” në Ukrainë, kryeministri britanik tha se një paqe e qëndrueshme në Ukrainë është e mirë për Ukrainën, Evropën dhe “natyrisht, thelbësore për Mbretërinë e Bashkuar”.

Turqia po fillon ndërtimin e një muri 8.5 kilometra të gjatë në kufirin e saj perëndimor me Greqinë për të mbrojtur kufijtë e saj, tha Yunus Sezer, guvernatori i provincës perëndimore të Turqisë Edirne.

Sezer tha në një konferencë për shtyp se Turqia do të vazhdojë të ndërtojë murin kufitar në përputhje me zhvillimet e mëtejshme të situatës, shkruan gazeta turke Duvar.

Kryebashkiaku i Edirne-s theksoi se pushteti vendor në shtatorin e kaluar ndërtoi 325 kilometra rrugë përgjatë kufirit me Greqinë dhe se punimet për ndërtimin e shtyllave elektro-optike kanë vazhduar këtë vit, si dhe masa të tjera për mbrojtjen e kufirit me mbështetjen e ministrive të Brendshme dhe të Mbrojtjes.

Greqia ka rritur kontrollet kufitare përgjatë kufirit të saj tokësor dhe detar me Turqinë pas një tërmeti të fuqishëm 7.8 ballë në vitin 2023 për shkak të një valë të re të pritshme të ardhjeve të banorëve të zhvendosur, raportoi Guardian.