Lajmet

​Komuna e Rahovecit me vendim për banorët që nuk kanë qasje në rrugë

Published

on

Kuvendi i Rahoveci ka mbajtur seancën e rregullt në të cilën u votuan gjashtë pika dhe pika e parë ishte për konstituimin e së drejtës së kalimit nëpër dy parcela komunale, të cilat nuk kanë dalje në rrugë publike, krijimi i të drejtës së kalimit për pronarët e parcelave, të cilët nuk kanë qasje në rrugët kryesore.

Drejtori për Gjeodezi, Kadastër dhe Pronë Afrim Oruqi, ka thënë se me këtë vendim u japin të drejtë banorëve të kenë qasje, por kjo vlen vetëm për pronat të cilat menaxhohen nga komuna. Ai ka thënë se për shkak të zhvillimeve që Komuna e Rahovecit ka ndërmarrë, janë detyruar të bëjnë disa ndryshime në këtë drejt-kalim duke formuar dy parcela me qëllim të qasjes më të lehtë për qytetarët.

“Bëhet fjalë për drejt kalimin për rrugë, për banorët që kërkojnë dhe nuk kanë qasje në rrugë, ne po marrim vendim që ti japim të drejtë banorëve mirëpo në prona komunale, Kuvendi Komunal i Rahovecit ka të drejtën ligjore që të jep drejtë kalimi vetëm në pronat të cilat i menaxhon vetë. Pikën e parë të cilën e kemi votuar ka pasur një drejt-kalimi në të cilën ka marrë vendim kuvendi, por ne për shkak të zhvillimeve që ndodhin në terren që është duke u ndërtuar shtëpia e shëndetit, ndërsa tani ka filluar ndërtimi i çerdhes së qytetit, për shkak të nevojave tona ne e kemi ri-dizajnuar të drejtën e këtij kalimi. Më herët këtë vendim ka prekur një parcelë, tani janë formuar dy parcela dhe këtyre banorëve iu ka dhënë mjaft kohë dhe komuna vazhdon t’iu garantojë edhe me këtë vendim, mirëpo prej këtyre dy parcelave edhe gjatësia e kalimit është pak më e gjatë për arsye se aty është veç se një objekt dhe po ndërtohet edhe një objekt tjetër”, tha ai.

Sipas Oruqit, qytetarët gëzojnë të drejtat e tyre për kërkesa në Komunën e Rahovecit duke shtuar se ai së bashku me kuvendin dhe komunën janë të gatshëm për bashkëpunim.

“Qytetarët e Komunës së Rahovecit kanë të drejtë që çdo ditë të bëjnë kërkesa dhe kuvendi bashkë me kryetarin aty ku kanë mundësi, aty ku nuk pengohet mbarëvajtja e procesit edukativo arsimor atëherë e qon dhe e propozon pa ndryshim pronari, pronar vazhdon të mbetet Komuna e Rahovecit, mirëpo atyre njerëzve iu jepet e drejta për të kaluar në këtë sipërfaqe”, ka thënë ai.

Kryetari i Rahovecit, Smajl Latifi ka përgëzuar Oruqin për përmbushjen e premtimeve.

“Unë e kam një përgëzim për drejtorin Gjeodezi, Kadastër dhe Pronë dhe e inkurajojë që me qenë një nga ekspertët të agjencisë kadastrale të Republikës së Kosovës dhe shkollën nuk e di a e ka për këtë por sqarime më të thuktë dhe më të thjeshta edhe kaq mirë, unë e kam ditë që është i mirë”, ka thënë ai.

Në seancën u përgëzua edhe klubi i hendbollit Rahoveci për triumfin kampion i Kosovës.

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara