Lajmet

Komuna e Prishtinës siguron 40 mijë doza të insulinave

Published

5 years ago

July 7, 2021

Betim Gashi

Qytetarë të shumë të Prishtinës të cilët vuajnë nga diabeti sot ia kanë mësyrë barnatores së Qendrës Kryesore të Mjekësisë Familjare, kjo pasi tashmë kjo farmaci është furnizuar me 40 mijë doza të insulinave të cilat kanë munguar tash e disa muaj.

Prej këtyre 40 mijë dozave deri në orën 15:00 u shpërndanë rreth 1270 shiringa të insulinave për të cilat qytetarët u detyruan t’i blinin në farmacitë private, por edhe jashtë Kosovës.

Drejtori i Shëndetësisë në Prishtinë, Bujar Gashi tha se fal një kontrate vetanake të Komunës e cila kap shifrën e rreth 200 mijë eurove kanë arritur që të furnizohen me insulina. Ai tha se fondet për këtë kontratë janë siguruar nga Fondi për situate emergjente.

“Sot jemi furnizuar me rreth 40 mijë shiringa me insulina dhe tani janë dy lloje të insulinave, ajo me veprim të mesëm dhe ajo me veprim të shpejtë. Shumica janë me veprim të shpejtë të mesëm sepse konsumi është i tillë qytetarët kanë nevojë për to më shumë, numri i tyre në baza mujore është rreth 5 mijë e 500 deri në 6 mijë. Këto i kemi marr qysh sot i kanë kushtuar komunës së Prishtinës pak më pak se 200 mijë euro. Fonde të cilat i kemi ndarë që i kemi pas fonde rezervë për situate emergjente në rast ët nevojave t tilla apo të ngjashme të tilla. Arsyeja e kërkesave të shumta 4-5 muajve të qytetarëve dhe pamundësia e tyre që në sektorin privat t’i sigurojnë insulinat të këtyre dy insulinave na ka shtyrë që të marrim këtë vendim dhe të mbulojmë sado pak këtë nevojë të domosdoshme”, tha Gashi.

Gashi tutje ka treguar se me këto doza të insulinave që tashmë kanë siguruar, furnizimi për insulinovarësit është i mundur për 5 muaj. Ai tha se këto insulina do të shpërndahen vetëm për banorët e kryeqytetit.

“Njëri lloj nëse nuk gaboj është pesë muaj ndërsa lloji tjetër është 3 muajve t fundit ne kemi pasur disa rezerva të insulinës me veprim të shpejt me të cilat I kemi mbuluar mos furnizimet 2-3 mujore të tyre tani normalisht që kemi marr këto me fondet tona dhe shpresoj që për 5 muajt e ardhshëm do të kemi mjaftueshëm, derisa departamenti farmaceotik MSh do të sigurojë që të rikthejnë në listën esenciale këto lloje të insulinës”, thekoi Gashi.

E blerja e këtij kontingjenti të insulinave i ka gëzuar shumë pacientët që vuajnë nga diabeti, të cilët në pamundësi të furnizimit nga Barnatorja Kryesore e QKMF janë detyruar t’i sigurojnë vetë.

Vuan që 30 vite nga diabeti, por tash e sa muaj i detyrua t’i blejë vetë insulinat për të cilat ka shumë nevojë. Isuf Rexhaj thotë se sot i mori 8 shiringa të cilat i mjaftojnë për 1 muaj. Ai ka kritikuar ashpër ministrin e Shëndetësisë, Arben Vitia që nuk po siguron insulina për këto pacientë, por në anën tjetër e ka lavdëruar kreun e Prishtinës, Shpend Ahmetin.

“I mora sa më duhen 8 copa, unë e kam diabetin që 30 vite më duhen sasi më e madhe….Kam blerë në Kukës kam shkuar dhe kam marr, kam pasur pak që më kanë tepruar nga muajt e mëhershëm me ato të Kukësit jam arnuar. 37 kanë kushtuar 5 copa. Këto për 1 muaj i kam. Ky është dështim total i këtij ministrit. Fatbardhësisht Shpendi në 8 vitet e tij një punë e ka bërë pozitive si kryetari i komunës që unë mund ta vlerësoj”, tha ai.

Edhe Ejup Murati u furnizua me doza të mjaftueshme për 1 muaj me insulina. Ai thotë se duke mos pasur insulina në sektorin farmaceotik publik djali i tij u detyruar t’i dërgoj nga Gjermania.

“Tash njëri më tregoi sepse nuk e kam ditur….I mora 12 edhe 24 po bëjnë 36…Asnjë 1 muaj nuk më dalin…Kemi blerë ku mundeshim për mbi 10 euro më pak se 10 euro nuk kam mundur me gjet….Mi kanë dërguar nga Gjermania djali me autobusa”, tha ai.

Tash e dy muaj nuk ishte furnizuar me insulina as Sahit Shala i cili thotë se mezi ia ka dal për t’i siguruar dozat e nevojshme.

“Tash që dy muaj nuk kemi marr tani i morëm, mirë që na kanë ardhur…I mora 5…për 1 muaj janë të parapara…. Pak kemi pasur rezerva dhe pak i kemi blerë e kemi kaluar”, u shpreh ai.

Pacientët që vuajnë nga diabeti tash e sa muaj janë detyruar që t’i sigurojnë vetë insulinat, pasi Ministria e Shëndetësisë ende nuk ka arritur t’i sigurojë ato edhe pse ministri i Shëndetësisë, Arben Vitia në një intervistë për KosovaPress ditë më parë ka paralajmëruar se shumë shpejt QKMF-të e Kosovës do të furnizohen me llojet e insulinave, por që kjo ende nuk ka ndodhur.

Vendi

Tensione te Kuvendi për ndryshimet në ligjin për Specialen

Published

5 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

6 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

6 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/