Sot mbi vendin tonë po mban mot pjesërisht i kthjellët e me re.

Temperatura aktuale në Prishtinë është 6°C dhe sipas parashikimit të motit për ditën e sotme, pritet që temperatura maksimale të arrijë në 17°C, ndërsa minima do të jetë 1°C.

Gjithashtu, është lëshuar një paralajmërim i verdhë për temperatura të ulëta ekstreme, me minimume nën -4°C mbi 1000 metra mbi nivelin e detit, i cili do të jetë në fuqi deri të shtunën në mesnatë. /UBT News/

Nga janari i këtij viti e deri më tani, në Kosovë janë konfirmuar gjithsejtë 5 raste të fruthit.

Kështu kanë konfirmuar për Telegrafin nga Instituti Kombëtar i Shëndetësisë Publike të Kosovës (IKShPK).

Sipas IKSHPK-së, këto raste janë regjistruar kryesisht në komunat tri komuna.

“Nga janari e deri më tani (2025) në Kosovë janë konfirmuar 5 raste të fruthit. Komunat ku janë regjistruar raste kanë qenë: Fushë Kosova, Gjakova dhe Deçani”, thuhet në përgjigjen e IKSHPK-së.

Në lidhje me situatën aktuale, IKSHPK thekson se, ndonëse rastet deri tani kanë qenë sporadike, është shumë e rëndësishme që të vazhdohet me vaksinimin e fëmijëve sipas kalendarit të parashikuar.

“Situata është nën monitorim të përhershëm të IKSHPK-së, që si institucion, u bën thirrje prindërve, t’i vaksinojnë fëmijët me dy dozat e vaksinës MMR”, thuhet më tej në përgjigjen e IKSHPK-së për Telegrafin.

Doza e parë e vaksinës MMR duhet të administrohet kur fëmijët arrijnë moshën 12 muajshe, ndërsa doza e dytë është e rekomanduar të merret në moshën 6 vjeçare.

“Kjo është rruga e duhur për të parandaluar ndonjë përhapje të përmasave më të madhe, meqë rastet deri më tani kanë qenë sporadike”, kanë thënë nga IKSHPK.

Vaksinimi është një masë kyçe në parandalimin e shpërthimit të fruthit në nivele më të larta, sidomos kur janë të pranishëm fëmijë të pambrojtur. Prindërit inkurajohen që të respektojnë kalendarin e vaksinimit dhe të sigurohen që fëmijët e tyre të jenë të vaksinuar.

Fruthi, një infeksion viral i cili përhapet lehtësisht nga personi në person, mund të shkaktojë komplikacione serioze, veçanërisht te fëmijët e vegjël, dhe në disa raste mund të jetë fatale.

Megjithatë, vaksina MMR  është një mjet efektiv për të parandaluar këtë sëmundje dhe për të shmangur shpërthimet masive.

Vaksina MMR, e cila mbron kundër fruthit, shytave dhe rubeolës, është në dispozicion që nga viti 1971.

Sot mbi vendin tonë pritet të mbajë një mot me diell por dhe vranësira.

Temperaturat minimale sillen nga -6 deri në -3, ndërsa ato maksimalet e ditës do t’i kemi deri në 7° Celsius.

Do të fryjë erë e lehtë nga drejtimi i verilindjes.

Instituti Hidrometeorologjik i Kosovës paralajmëron se këto ditë do të ketë dhe ulje të temperaturave. /UBT News/