

Lajmet
Kompania ruse fiton miliona në Bullgari, por nuk paguan taksa
Rafineria ruse rregullisht deklaron humbje në Bullgari. Të paktën në letër.
Published
4 years agoon
By
Betim Gashi“Kampionia jonë e industrisë sonë petrokimike”. Kështu mburrej Todor Zhvikov, lideri i atëhershëm komunist i Bullgarisë, kur rafineria e parë e naftës e Bullgarisë në Burgas, në bregdetin e Detit të Zi, nisi punën në vitin 1963.
Pothuajse gjashtë dekada më vonë, parashikimet për ekonominë mund të mos jenë përmbushur, por e ashtuquajtura kampione vazhdon të përpunojë naftën në benzinë dhe në produkte të tjera të naftës. Ajo nuk është vetëm ndërmarrja më e madhe energjetike e këtij lloji në Bullgari, por në gjithë rajonin e Ballkanit.
Një aspekt kyç, megjithatë ka ndryshuar: pronësia. Rafineria në Burgas nuk është më në pronësi të shtetit bullgar. Gjiganti rus i energjisë, LUKoil tani është pronar.
Dhe, pothuajse nga të gjitha parametrat, LUKoil Neftochim Burgas, siç quhet tani kompania, konsiderohet një sukses i madh, duke gjeneruar disa prej të ardhurave më të larta në Bullgari e duke arritur në total më shumë se ekuivalenti i 40 miliardë eurove gjatë 15 vjetëve të fundit. Kompania dominon tregun bullgar, tha Komisioni Kundër Monopolit i Bullgarisë, pasi pothuajse çdo automjet që qarkullon në rrugët e Bullgarisë përdor karburantin nga rafineria në Burgas.
Por, rafineria ruse rregullisht deklaron humbje në Bullgari. Të paktën në letër.
Të paktën që nga viti 2006, me disa përjashtime, kompania ka raportuar rregullisht humbje në deklarimet vjetore. Në vitin 2020, shuma e deklaruar ishte 500 milionë lev (292 milionë euro). Mungesa e deklarimeve të fitimeve nënkupton që kompania nuk paguan taksa mbi të ardhurat tek autoritetet bullgare.
Si shitjet e mëdha mund të barazohen me të ardhura të pakta, është diçka që nuk po kuptohet nga më shumë zyrtarë në Bullgari.
“Dhjetë vjet pa fitim, kur ju jeni një gjigant në tregun bullgar…. si është e mundur”, tha së fundmi Rumen Spetsov, kreu i Agjencisë Kombëtare të të Ardhurave.
Në muajt e fundit, ministri i financave dhe kreu i agjencisë tatimore kanë kërkuar që të ndërmerren veprime për të mbyllur zbrazëtirën e madhe tatimore, që ekspertët thonë se përfshin një mashtrim, të njohur si “transferimi i çmimit”. Si rezultat i kësaj zbrazëtire ligjore, fitimet transferohen, në letër, nga Bullgaria në Rusi.
Kapitulli i fundit në historinë e rafinerisë së Burgasit daton që nga privatizimi i kësaj rafinerie më 1999, kur Qeveria miratoi shitjen e 58 për qind të kapitalit të Neftochim-Burgas. Ofertuesi ishte LUKoil Petrol, një filial i konglomeratit rus të energjisë dhe çmimi për blerjen e aksioneve ishte 101 milionë dollarë.
LUKoil, kompania e dytë më e madhe ruse për energji pas Gazpromit, menaxhon dhe ka në pronësi fushat e naftës dhe gazit, por edhe rafineri. Po ashtu tregton energji në dhjetëra vende.
Ivan Kostov, që ishte kryeministër i Bullgarisë në kohën kur u bë ky privatizim, tha se vetëm kompanitë ruse kishin shprehur interesim për të blerë rafinerinë e Burgasit.
Kjo gjë nuk ishte befasi pasi Burgas ishte e pajisur me teknologji të kohës sovjetike dhe varej për rafinim nga nafta e importuar nga Rusia. Sofja u sigurua që të ruante të ashtuquajturin “aksion të artë” në firmën e sapoprivatizuar, duke garantuar, të paktën në parim, se do të kishte dorë në çdo vendim strategjik. Më shumë se 20 vjet më vonë, megjithatë, duket se Qeveria bullgare rrallë ose asnjëherë ka ndërhyrë në ndonjë prej vendimeve të marra në Bullgari nga kompania LUKoil.
Përgjatë viteve, LUKoil konsolidoi kontrollin mbi Burgas, duke blerë më shumë aksione, veçanërisht aksionet që iu kishin dhënë punëtorëve në kohën e privatizimit. Sot hisedari kryesor në LUKoil Neftochim Burgas është Litasco me 89.97 për qind të aksioneve dhe LUKoil Oil Company me 9.88 për qind. Përqindja e mbetur prej 0.15 për qind është në pronësi të më shumë se 7,700 individëve dhe entiteteve ligjore.
Litasco është firmë e regjistruar në Zvicër dhe është filial i LUKoil. Kjo firmë vepron si blerës dhe shitës i kësaj kompanie në tregun ndërkombëtar.
Zero tatim?
Pozicioni dominues në treg, kërkesa e lartë, të ardhura të mëdha. Gjithçka tingëllon perfekt për çdo biznes. Dhe operacionet e LUKoil në Bullgari i kanë të gjitha këto. Megjithatë, kjo kompani ruse e energjisë, siç tregojnë deklarimet, po funksionon me humbje në Bullgari. Dhe ky është një shqetësim për Sofjen, pasi do të thotë që LUKoil nuk paguan asnjë tatim mbi të ardhurat e korporatave për shkak se deklaron humbje.
Më 2011, Vanyo Tanov, që atëbotë ishte kreu i Agjencisë bullgare të Doganave, u ankua se rafineria nuk paguante asnjë tatim. Tanov tha se agjencia që ai drejtonte po hetonte nëse fitimet e LUKoil Neftochim Burgas po shkonin në “një degë të regjistruar në Zvicër që qëndron në hyrje dhe dalje të uzinës”, që me sa duket ishte referencë për Litasco.
“Kjo kompani përfundimisht përcakton çmimin e naftës së papërpunuar dhe sasinë që eksportohet. Ka të ngjarë që fitimet grumbullohen në këtë firmë dhe kështu bëjnë që LUKoil të duket si një kompani që operon me humbje”, deklaroi atëbotë Tanov për mediat bullgare.
Tanov më vonë udhëhoqi përpjekjet për të instaluar matës në tubacionet e lidhura me rafinerinë e Burgasit, përpjekje që kishin për qëllim të monitoronin sasinë e saktë të naftës që hynte në rafineri.
Në atë kohë, Agjencia e Doganave lëshoi atë që u konsiderua si deklaratë e paprecedentë për “dyshimet se vendi ynë drejtohet nga një oligarki”.
“Sonte, një hije e rëndë e interesave të huaja ka rënë mbi një anëtar të Bashkimit Evropian dhe NATO-s”, thuhej në deklaratën e lëshuar nga Agjencia e Doganave.
“E vetmja rafineri me humbje në planet”
Në 15 vjetët e fundit, rafineria Burgas ka raportuar për fitim vetëm në tre vjet: 2007, 2016 dhe 2017. Në të gjitha vitet e tjera, brenda kësaj periudhe kohore, Burgas ka raportuar humbje.
Më 2016, përfaqësuesi i atëhershëm i LUKoil në Bullgari, Valentin Zlatev, u thirr që të dilte para një komiteti të Parlamentit Kombëtar bullgar, për të adresuar shqetësimet mbi rezultatet e dyshimta financiare të kësaj firme.
LUKoil Neftochim Burgas kishte paguar ekuivalentin e 78 milionë eurove në tatimin e korporatave, “por, në fakt operoi me humbje në tre vjetët e fundit [2013,2014,2015]”, theksoi Zlatev.
“Fatkeqësisht, ka periudha kur nafta bëhet shumë e shtrenjtë saqë derivatet që prodhohen [prej saj] janë më të lira sesa vetë nafta”, tha Zlatev, i cili njihet për lidhjet miqësore që ka me shumë figura të elitës politike bullgare, përfshirë edhe me ish-presidentin Georgi Parvanov dhe ish-kryeministrin Boyko Borisov.
Më 2020, problemet e pretenduara financiare të rafinerisë u diskutuan në Parlament.
“LUKoil Neftochim Burgas është e vetmja rafineri në planet që po humbet para”, deklaroi atëbotë në Parlament, Rumen Gechev, ligjvënës nga Partia Socialiste bullgare.
Ministri i atëhershëm i Financave, Vladislav Goranov, shpjegoi se Agjencia Kombëtare e të Ardhura dy herë kishte regjistruar rezultate shumë negative nga rafineria. Sipas legjislacionit bullgar, tha Goranov, ato humbje mund të zbriten ose shpërndahen në një periudhë pesëvjeçare.
Shpjegimi i Goranovit u prit me skepticizëm dhe dyshime, veçanërisht nga anëtarët e koalicionit opozitar Bullgaria Demokratike, të cilët kërkuan që Agjencia për të Ardhura të publikonte auditimet e bëra ndaj LUKoil Neftochim Burgas.
Një gjykatë urdhëroi që Agjencia Shtetërore e të Ardhura të publikonte ato auditime. Por, deri më sot, pavarësisht kërkesave të gazetarëve, kjo agjenci nuk i ka bërë publike ato.
Si krijohen humbjet?
Operacionet e LUKoil në Bullgari nuk janë në kundërshtim apo shkelin qartazi legjislacionin e shtetit, thonë ekspertët, dhe duket se kompania operon me një metodë kontabël të pranueshme: transferimi i çmimit. Ajo që duket si një mashtrim financiar, përdoret shpesh nga kompanitë që kontrollojnë të gjithë procesin e prodhimit – nga furnizimi i lëndëve të para deri te produkti përfundimtar dhe shitja e tij. Kjo metodë i përshkruan më së miri operacionet e LUKoil në Bullgari.
“Në rastin e LUKoil, kompania prodhon naftë të papërpunuar, e dërgon atë në rafinerinë e Burgasit dhe më pas shet karburant”, tha për Shërbimin Bullgar të Radios Evropa e Lirë, Martin Vladimirov, analist në Qendrën për Studime të Demokracisë, me seli në Sofje.
Hristo Ivanov, bashkëudhëheqës i Bullgarisë Demokratike, sugjeroi më 2020 se LUKoil mund të ketë shmangur pagesa vjetore ekuivalente prej 500 milionë eurosh, falë metodës së transferimit të çmimit.
Litasco është lojtari kyç në transaksione, shpjegoi Vladimirov. Kjo kompani blen naftë të papërpunuar nga LUKoil në Rusi dhe më pas ia shet rafinerisë Burgas. Pas këtyre tre kompanive, që duket se janë të ndara nga njëra-tjetra, qëndron LUKoil. Duke vepruar si ndërmjetës, kompania Litasco kërkon që të blejë naftë me çmim më të ulët dhe ta shesë atë me çmim më të lartë.
“Diferenca shkon në Litasco, që është kompani e regjistruar në Zvicër ku tatimi mbi fitim/të ardhura [të korporatave] është shumë i ulët dhe ka opsione ligjore që lejojnë që ky fitim të mos tatohet dhe të shkojë direkt në Rusi”, shpjegoi Vladimirov.
Po mbikëqyrja shtetërore?
Gjatë gjithë këtyre viteve që rafineria Burgas është nën kontrollin e LUKoil, shteti bullgar, si aksionar më i vogël, ka pasur ulëse në bordin e kompanisë. Gjatë këtyre viteve, elita politike bullgare ka pasur raporte të ngushta me përfaqësuesit bullgarë të LUKoil.
Më 2011, Boyko Borisov, që ka qenë kryeministër i Bullgarisë nga viti 2009 deri më 2011, tha se “Zlatev është miku im”, duke iu referuar ish-përfaqësuesit në Bullgari të LUKoil, Valentin Zlatev.
Ndërkaq, presidenti i LUKoil, Vagit Alekperov, është trajtuar pothuajse si mbret gjatë vizitave që ka pasur në Bullgari, ku është takuar me zyrtarët e lartë bullgarë.
Radio Evropa e Lirë ka dërguar pyetje te Zlatev lidhur me atë nëse zyrtarët bullgarë kanë biseduar ndonjëherë me të lidhur me çështjen e tatimeve. Por, ai nuk i është përgjigjur pyetjeve të REL-it.
“LUKoil ishte kontribuuesi më i madh i buxhetit [të shtetit] dhe më pas pati shumë vite të dobëta”, tha për Radion Evropa e Lirë Spas Garnevski, përfaqësuesi i parë bullgar në bordin e rafinerisë, pas privatizimit më 1999.
Rumen Ovcharov, që ka përfaqësuar Bullgarinë në bordin e rafinerisë në periudhën 2013-2017, ka sugjeruar se investimi i rëndësishëm i LUKoil në Bullgari i dha kësaj kompanie disa privilegje të pathëna. Ovcharov i th Radios Evropa e Lirë se nuk ishte e mundur “të shkohej shumë thellë në pasqyrat financiare të kompanisë”.
Megjithatë, me presionin në rritje politik në Bullgari, LUKoil njoftoi më 2021 se do t’i jepte fund praktikës së çmimit të transferimit ose do të apelonte konstatimin e Agjencisë Kombëtare të të Ardhurave se kjo kompani është e detyruar që të paguajë tatim mbi 260 milionë euro.
Por, kjo mund të jetë e pamundur pasi kompania mund të përdorë humbjet e raportuara në të kaluarën, duke përfshirë edhe ekuivalentin e 250 milionë eurove vetëm më 2020, për të kompensuar shumën që duhet të paguajë për tatime.
Spetsov deklaroi në nëntor të vitit 2021 se agjencia e tij do të kryente auditime masive mbi operacionet e LUKoil në Bullgari.
Ministri bullgar i Financave, Arsen Vassilev i tha Radios Evropa e Lirë se auditimi ndaj LUKoil Neftochim Burgas nuk ka përfunduar ende. Ai shtoi se kryeministri Kiril Petkov dhe zyrtarë të tjetër të lartë bullgarë, në dhjetor të vitit 2021 janë takuar me Vadim Vorobyov, zëvendëspresidentin e LUKoil.
Pavarësisht kësaj, Vladimirov nga Qendra për Studime të Demokracisë, ka dyshime se gjërat do të ndryshojnë.
“Kjo është një skemë globale që zbatohet nga të gjitha kompanitë ruse”, tha Vladimirov. “Fitimet gjithmonë kthehen në Rusi”.
You may like
Aktualitet
Në United Hospital realizohen me sukses intervenimet e rekanalizimit të arteries karotide
Published
17 hours agoon
August 17, 2025By
Driton Iseni
United Hospital, spitali i përgjithshëm privat në Kosovë, realizon në vazhdimësi me sukses rekanalizimin e arteries karotide në raste tepër të komplikuara.
Kësaj here, profesori 85-vjeçar, iu nënshtrua operacionit në arterien karotide, i cili u krye me sukses dhe u përjetua prej tij si një ëndërr e shkurtër. Pas zgjimit nga narkoza, ai ishte më i lumtur se kurrë më parë.
Një hap i madh për pacientët me rrezik të lartë nga sulmi në tru.
Shkaku dhe rëndësia e stenozës së arteries karotide
Arteria karotide është një nga enët kryesore të gjakut që furnizon trurin me oksigjen dhe lëndëushqyese. Stenoza e arteries karotide, ndodh kur kjo enë ngushtohet për shkak të grumbullimit të
pllakave aterosklerotike, të cilat përbëhen nga yndyra, kolesteroli dhe substanca të tjera.
Faktorët kryesorë të rrezikut përfshijnë hipertensionin, diabetin, nivele të larta të kolesterolit, pirjen e duhanit dhe predispozitën gjenetike.
Rreziqet që i kanosen pacientit
Ngushtimi i arteries karotide rrit ndjeshëm rrezikun e një insulti cerebral (apopleksi), pasi pllakëzat ose mpiksjet e gjakut mund të bllokojnë furnizimin me gjak të trurit. Një bllokim i menjëhershëm mund të shkaktojë dëmtime të rënda neurologjike ose edhe vdekje.
Shifrat e apopleksisë në Evropë, Gjermani dhe Kosovë
Në Evropë, çdo vit raportohen mbi 1 milion raste të reja të insultit. Në Gjermani, çdo vit rreth 270,000 njerëz pësojnë një insult cerebral, ndërsa në Kosovë vlerësohet se ndodhin mbi 3,000 raste në vit. Këto shifra e bëjnë apopleksinë një nga shkaktarët kryesorë të vdekshmërisë dhe paaftësisë afatgjatë.
Çdo minutë vonesë në trajtim mund të nënkuptojë dëme të përhershme për trurin, thekson Prof. Dr.Krasniqi.
Simptomat paralajmëruese të sulmit në tru
Simptomat që duhet të nxisin reagim urgjent përfshijnë:
– Dobësi ose paralizë e papritur në njërën anë të trupit,
– Vështirësi në të folur ose kuptuar fjalët,
– Humbje e papritur e shikimit në njërin sy,
– Marramendje, humbje ekuilibri ose koordinimi,
Në këto raste, çdo minutë është vendimtare dhe kërkohet ndihmë mjekësore emergjente.
Metodat e trajtimit
Trajtimi i stenozës së arteries karotide varet nga shkalla e ngushtimit dhe simptomat e pacientit.
Opsionet përfshijnë:
-Trajtim medikamentoz (antiplakë, antikoagulantë, statina)
-Angioplastikë dhe stentim (hapja e arteries me balonë dhe vendosja e stentit)
-Endarterektomi karotide – metodë kirurgjikale për heqjen e pllakës nga ena e gjakut.
Metoda e Eversions Endarterektomisë
Një teknikë moderne kirurgjikale është eversion endarterektomia, ku arteria pritet, kthehet si “çorape” për të hequr pllakat dhe më pas vendoset përsëri në vend. Kjo metodë ka rezultate shumë të mira, rrezik të ulët komplikacionesh dhe rikthim të shpejtë të qarkullimit normal të gjakut në tru.
Prof. Dr Krasniqi shpjegon: “Kjo metodë kirurgjikale na lejon të heqim pllakat nga ena e gjakut me precizion të lartë, duke rikthyer menjëherë qarkullimin normal dhe duke minimizuar rrezikun e komplikacioneve”.
Pasojat e vonesës në trajtim: Shtyrja e trajtimit të stenozës së arteries karotide rrit rrezikun e apopleksisë, e cila mund të shkaktojë humbje të përhershme të aftësive motorike, të folurit, kujtesës dhe cilësisë së jetës.
Suksesi në United Hospital
Në United Hospital, nën drejtimin e Prof. Dr. Dr. Halil Krasniqi, kirurg vaskular me renome botërore, u realizua me sukses rekanalizimi i arteries karotide nga një stenoza e komplikuar, duke përdorur metodat më moderne kirurgjikale dhe endovaskulare, pa asnjë komplikacion. Ky sukses është dëshmi e nivelit të lartë profesional dhe teknologjisë së avancuar që ofron spitali për pacientët me sëmundje të rënda vaskulare.
Pse është e rrezikshme stenoza e arteries karotide?
Kjo gjendje është shkaktari kryesor i sulmit në tru (apopleksi), një sëmundje që prek mbi 1 milion njerëz çdo vit në Evropë, rreth 270,000 në Gjermani dhe mbi 3,000 në Kosovë. Rreziku qëndron të mpiksjet ose pllakat aterosklerotike, të cilat mund të bllokojnë papritur furnizimin me gjak të trurit.
Shenjat paralajmëruese
Dobësi ose paralizë e papritur në njërën anë të trupit, vështirësi në të folur, humbje e papritur e shikimit në një sy, marramendje dhe humbje e ekuilibrit. Në këto raste, kërkohet reagim i menjëhershëm mjekësor.
Trajtimi modern
Metoda e eversion endarterektomisë është ndër më efektivet, duke pastruar enën e gjakut nga pllakat dhe rikthyer menjëherë qarkullimin normal.
Mesazhi për pacientët
Stenoza e arteries karotide është e rrezikshme, por e trajtueshme.
Mos prisni derisa të ndodhë sulmi në tru – diagnostikimi dhe trajtimi në kohë shpëton jetë, thotë Prof. Dr. Krasniqi.
Për më shumë kontaktoni përmes:
Nr i telefonit: 038 607 070
Facebook: United Hospital Prishtinë
Aktualitet
Pse gjithnjë e më shumë studentë zgjedhin UBT-në? Cilësia dhe inovacioni bëjnë diferencën
Published
20 hours agoon
August 17, 2025By
Driton Iseni
UBT, institucion lider i arsimit të lartë dhe më i ranguari në rajon sipas organizatave ndërkombëtare, vazhdon të tërheqë të rinjtë e Kosovës dhe rajonit për t’u regjistruar. Ky interesim i madh vjen si rezultat i cilësisë së lartë të ofruar nga UBT në të gjitha aspektet e veprimtarisë akademike dhe infrastrukturore.
UBT shquhet për programe inovative që i përgatisin studentët për tregun e punës.
UBT ka një staf akademik profesional dhe të përkushtuar, të cilët sjellin përvojë dhe njohuri të gjera nga fusha të ndryshme studimore. Për më tepër, infrastruktura moderne dhe pajisjet teknologjike të sofistikuara krijojnë një ambient të përshtatshëm dhe frymëzues për studim dhe hulumtim.
Përveç cilësisë së lartë të ofruar në aspektin akademik, UBT njihet edhe për mbështetjen e vazhdueshme që i ofron studentëve të tij, duke përfshirë këshillimin akademik dhe profesional, si dhe mundësitë e shumta për angazhim në aktivitete ekstrakurrikulare dhe projekte hulumtuese. Ky përkushtim ndaj zhvillimit gjithëpërfshirës të studentëve e bën UBT-në një destinacion tërheqës për të rinjtë që kërkojnë më të mirën për arsimin e tyre të lartë.
UBT ofron një gamë të gjerë programesh studimi, të cilat përputhen me kërkesat e tregut dhe zhvillimet më të fundit shkencore dhe teknologjike. Kjo përfshirje e gjerë e fushave të ndryshme të studimit siguron që çdo student të gjejë programin që i përshtatet më së miri interesave dhe ambicieve të tij.
Regjistrimet janë ende të hapura dhe bëjmë thirrje të gjithë të rinjtë që të mos humbasin kohë dhe të vijnë të regjistrohen në UBT. Institucioni ynë është i përkushtuar për të siguruar një përvojë të pasur dhe të plotë akademike, e cila do t’i përgatisë studentët për një karrierë të suksesshme dhe për një kontribut pozitiv në shoqëri.
Aktualitet
ShBA-ja i dhuron Kosovës 50 automjete të blinduara për forcimin e kapaciteteve mbrojtëse
Published
1 day agoon
August 16, 2025By
Driton Iseni
Ambasada e Shteteve të Bashkuara të Amerikës në Kosovë ka njoftuar se ShBA-ja ka transferuar 50 Automjete të Blinduar të Sigurisë (ASV) për Qeverinë e Kosovës, në kuadër të Programit të Artikujve të Tepërt të Mbrojtjes (Excess Defense Articles Program).
Këto automjete moderne do të përdoren nga Forca e Sigurisë së Kosovës (FSK), ndërsa, sipas njoftimit zyrtar, Kosova do të shfrytëzojë burimet e saj mbrojtëse për t’i sjellë ato në kapacitet të plotë operacional. Ky hap përbën një zhvillim të rëndësishëm në forcimin e aftësive mbrojtëse të FSK-së dhe në rritjen e gatishmërisë për përballjen me sfida të sigurisë.
Ky donacion i ShBA-së shihet si një tjetër dëshmi e partneritetit të ngushtë mes dy vendeve dhe e përkushtimit të përbashkët për të garantuar sigurinë kombëtare të Kosovës dhe forcimin e stabilitetit rajonal.
“Ky është një hap tjetër në përkushtimin tonë të përbashkët për forcimin e kapaciteteve mbrojtëse të FSK-së dhe për forcimin e sigurisë së të dy vendeve tona”, thuhet në njoftimin e Ambasadës Amerikane.
Aktualitet
UBT përgatit liderët e ardhshëm të fushës paramjekësore
Published
2 days agoon
August 16, 2025By
Driton Iseni
UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.
Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.
Përgatitje gjithëpërfshirëse dhe praktike
Gjatë studimeve, studentët do të aftësohen në pesë kategori kyçe të fushës së paramedikëve:
- Parandalimi i vdekjes së njerëzve
- Rritja e cilësisë së jetës
- Ndihma në rikuperimin nga sëmundjet apo dëmtimet
- Menaxhimi i pranimeve dhe ri-pranimeve urgjente
- Kujdesi për rastet kronike të ndjeshme (astma, diabeti, epilepsia etj.)
Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.
Misioni dhe vizioni
Misioni i Masterit në Shkenca Paramjekësore është të kontribuojë në arsimin e lartë përmes:
- Kurrikulave bashkëkohore, të bazuara në praktikat më të mira ndërkombëtare
- Hulumtimit shkencor në bashkëpunim me partnerë vendas e ndërkombëtarë
Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.
Përfshirje aktive në kërkim dhe shërbim
Studentët dhe stafi i programit marrin pjesë në:
- Projekte kërkimore kombëtare dhe ndërkombëtare
- Simpoziume dhe forume shkencore
- Konsulencë dhe asistencë teknike për institucione shëndetësore publike e private
- Hartimin e politikave shëndetësore në bashkëpunim me Ministrinë e Shëndetësisë
Aftësitë e të diplomuarve
Pas përfundimit të programit, të diplomuarit do të jenë të aftë:
- Të ofrojnë kujdes shëndetësor holistik në komunitetet urbane, rurale dhe industriale
- Të marrin vendime komplekse në situata emergjente dhe të udhëheqin ekipe paramjekësore
- Të zbatojnë standarde të larta ligjore, etike dhe profesionale në praktikë
- Të përdorin metoda kërkimore për të përmirësuar rezultatet shëndetësore
- Të integrojnë njohuritë ndërdisiplinore në menaxhimin e shërbimeve shëndetësore
Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

Në United Hospital realizohen me sukses intervenimet e rekanalizimit të arteries karotide

Pse gjithnjë e më shumë studentë zgjedhin UBT-në? Cilësia dhe inovacioni bëjnë diferencën

ShBA-ja i dhuron Kosovës 50 automjete të blinduara për forcimin e kapaciteteve mbrojtëse

Studimi: Bakteret e zorrëve mund të lidhen me pagjumësi

Studim: Chip i trurit deshifron mendimet me saktësi deri në 74%

E dini kur është koha ideale për të pirë kafe?

Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua

Shëndeti mendor, praktikat që ndihmojnë në luftën kundër ankthit dhe stresit

Johnny Depp në bisedime për rikthim në filmin “Piratët e Karaibeve”
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit