Lajmet

Komisioni për Legjislacion voton Projektligjin për Gjykatën Administrative

Haxhiu ka thënë se Kosova për herë të parë do të këtë Gjykatë të specializuar për të gjitha konfliktet administrative.

Published

2 years ago

on

Me 7 vota për dhe një abstenim Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit ka miratuar në parim Projektligjin për Gjykatën Administrative.

Ministrja e Drejtësisë, Albulena Haxhiu ka thënë se Kosova për herë të parë do të këtë Gjykatë të specializuar për të gjitha konfliktet administrative. Ajo ka thënë se kjo gjykatë do t’i ketë dy shkallë, e 25 gjyqtarë do të jene në shkallën e parë dhe 9 në të dytin.

“Për herë të parë Kosova do ta ketë një Gjykatë të specializuar për të gjitha konfliktet administrative. Nëpërmjet këtij projektligji, Gjykata Administrative do të jetë kompetente që të vendos në raport me këto çështje kryesore, të gjitha konfliktet administrative përveç atyre që janë në juridiksion të gjykatës supreme, të gjitha konteste nga marrëdhënia e punës, Gjykata Administrative do të organizohet ne dy shkalla, dy shkallë të gjykimeve do t’i ketë”, ka thënë ajo.

Deputeti i LDK-së Driton Selmanaj, ka thënë se nuk është e vërtetë që në Kosovë për herë të parë është duke u trajtuar kontestet administrative. Ai para deputetëve dhe ministres ka paraqitur disa problem sa i përket kësaj Gjykate.

“Unë i kam disa dallime parimore për themelim e kësaj gjykatë. Parimisht jam kundër që të eksperimentoj për kaq vite  në Kosovë që herët të jetë departament të veçantë here gjykatë. Problemi në përmbajtje e kam siç e kam pasur në gjykatë komerciale, ju po mendon që sistemi dy shkallës të ketë vetëm një kryetarë. Shkalla e parë e Gjykatës Themelore dhe e Apelit të ketë një kryetar gjykate, këtë e kam thënë edhe për Gjykatën Komerciale se e cenon pavarësinë, ju e keni parë edhe këtu dhe mendoj që është gabim themelorë. Departamenti që ka qenë po e largojmë po e bëjmë në Gjykatë Administrative koha do ta tregojë a do të jetë më keq apo më mirë, këtë koha do ta tregojë. Departamentet nuk kanë qenë funksionale sipas botëkuptimeve të qeverisë po si të jetë fundi do të mbetet të shihet”, ka thënë ai.

E deputeti i AAK-së Besnik Tahiri, ka thënë se themelimi i kësaj gjykate është i nevojshëm. Ai ka theksuar se pajtohet me problem që ka paraqitur deputeti Driton Selmanaj por që konsideron se e rëndësishme është që kjo gjykatë të jetë në interes të qytetarëve dhe jo partive politike.

“Unë jam në mbështetje të plotë. Mendoj që një gjykatë e tillë administrative është e vonuar. Duhet me urgjencë me trajtua te rregulloret. Unë jam kundër ushtruesve të detyrës”, ka thënë ai.

Ministrja duke ju përgjigjur deputetëve ka thënë se themelimi i Gjykatës nuk ka lind si shkak i kërkesave të BE-së, por si kërkesë e qytetarëve. Ajo ka shtuar se themelimi i Gjykatës ka ardhur si nevojë e si shkak i numrit të madh te lëndëve si dhe zvarritjeve të tyre.

Related Topics:
Continue Reading

Vendi

Exit Polli e nxjerrë fitues Përparim Ramën në Prishtinë

Published

7 hours ago

on

November 9, 2025

By

Përparim Rama nga LDK ka dalë i pari në sondazhet e televizionit Dukagjini.

Sipas këtij exit pollit të UBO-Consulting, rezulton që Rama merr 54.1 për qind, ndërsa kundër kandidati i tij, Hajrulla Çeku 45.9 për qind.

Ndërsa sipas exit pollit të Klan Kosovës, përparim Rama ka 53.62 për qind, ndërsa Hjarulla Çeku 46.38 për qind.

Continue Reading

Rajoni

Rektori Hajrizi viziton UniMarconi në Romë

Published

2 days ago

on

November 8, 2025

By

Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.

Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.

Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.

Continue Reading

Lajmet

​Bellingham dhe Foden rikthehen në kombëtaren e Anglisë

Published

2 days ago

on

November 7, 2025

By

Jude Bellingham dhe Phil Foden janë rikthyer në skuadrën e Anglisë për ndeshjet kualifikuese të Kupës së Botës kundër Serbisë dhe Shqipërisë.

Trajneri Thomas Tuchel ka ftuar për herë të parë mesfushorin e Bournemouthit, Alex Scott, i cili ka bërë paraqitje mbresëlënëse këtë sezon. Nga ana tjetër, Jack Grealish dhe Danny Welbeck nuk janë përfshirë në listë, ndërsa mungojnë edhe Ollie Watkins dhe Myles Lewis-Skelly.

Bellingham, që kishte munguar në grumbullimin e kaluar për shkak dëmtimi, është rikthyer në formë me Real Madridin, duke shënuar tre gola në katër ndeshjet e fundit. Edhe Foden ka shkëlqyer me Manchester Cityn, ku shënoi dy herë në Ligën e Kampionëve kundër Borussia Dortmund.

“Jemi të kënaqur që janë rikthyer. Të dy kanë qenë vendimtarë për klubet e tyre dhe tani mund të ndihmojnë edhe kombëtaren,” tha Tuchel.

Anglia kryeson Grupin K me 18 pikë pas gjashtë ndeshjeve, ndërsa përballet me Serbinë në Wembley të enjten dhe me Shqipërinë në Tiranë të dielën.

Skuadra e Anglisë:

Portierë: Henderson, Pickford, Pope

Mbrojtës: Burn, Guehi, James, Konsa, O’Reilly, Quansah, Spence, Stones

Mesfushorë: Anderson, Bellingham, Henderson, Rice, Rogers, Scott, Wharton

Sulmues: Bowen, Eze, Foden, Gordon, Kane, Rashford, Saka./S.K/KP/

Continue Reading

Sport

Vdes në moshën 24 vjeçare lojtari i Cowboys, Marshawn Kneeland

Published

2 days ago

on

November 7, 2025

By

Sipas autoriteteve ligjore, ka vdekur mbrojtësi i Dallas Cowboys, Marshawn Kneeland në moshën 24 vjeçare. Ekipi lëshoi ​​një deklaratë të enjten duke mos përmendur shkakun e vdekjes.

“Me trishtim të madh, Dallas Cowboys njoftojnë se Marshawn Kneeland ndërroi jetë tragjikisht këtë mëngjes. Marshawn ishte një shok skuadre i dashur dhe anëtar i organizatës sonë. Mendimet dhe lutjet tona në lidhje me Marshawn janë me të dashurën e tij Catalina dhe familjen e tij.”, thuhet në njoftim.

Cowboys kanë vënë në dispozicion burime këshillimi për të gjithë lojtarët, trajnerët dhe stafin.

Lojtarët aktualisht janë në javën e pushimit dhe nuk janë planifikuar të stërviten përsëri deri të hënën.

Policia e DPS-së gjeti automjetin e Kneeland të rrëzuar në Dallas Parkway në drejtim të jugut pranë Warren Parkway. Sipas raportit, Kneeland iku nga vendi i ngjarjes në këmbë dhe oficerët kontrolluan zonën me ndihmën e K-9 dhe njësive të dronëve.

Ndërsa autoritetet po kërkonin Kneeland, një dispeçer u tha oficerëve se njerëzit që e njihnin kishin marrë një mesazh në grup nga Kneeland duke i thënë lamtumirë. Përafërsisht tre orë më vonë, Kneeland u gjet i vdekur./S.K/NFL/

 

Continue Reading

Të kërkuara