Lajmet

Komisioni për Legjislacion miraton në parim dy projektligje

Published

5 years ago

on

Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ka miratuar në parim Projektligjin për Agjencinë për parandalimin e korrupsionit dhe Projektligjin për të drejtat pronësore të shtetasve të huaj.

Dy projektligjet u mbështetën nga pozita dhe opozita, teksa u konsideruan të rëndësishme për sistemin juridik të vendit. Ndërkohë, komisioni nuk mbështeti raportin me amendamente për Projektligjin për rishikimin e buxhet.

Për t’i arsyetuar projektligjet, para komisionit raportoi, zëvendësministri i Drejtësisë, Blerim Sallahu, i cili tha se të njëjtat kontribuojnë në përmirësimin e infrastrukturës ligjore.

Ai shtoi se me plotësim-ndryshimet në Agjencinë për parandalimin e korrupsionit, forcohet e njëjta dhe i shtohet kompetencat drejtorit të agjencisë.

“Ky projektligj ka paraparë masa që synojnë parandalimin e korrupsionit, forcimin e integritetit dhe transparencës së institucioneve të Kosovës. Gjithashtu risi në këtë projektligj është se përcaktohet që agjencia ka të drejtë për shqyrtimin e masave dhe sanksioneve lidhje me mosrespektimin e ligjit në fuqi”, tha ai.

Këtë fakt e mirëpriti, deputetja e PDK-së, Blerta Deliu-Kodra, e cila tha se mbështesin miratimin në parim të këtij projektligji.

“Si PDK e përkrahim Projektligjin për Agjencinë për parandalimin e korrupsionit. Na inkurajon fakti që janë rritur kompetencat e drejtorit ose udhëheqësit të Agjencisë”, tha ajo.

Mëdyshje rreth këtij projektligji paraqiti, deputeti i LDK-së, Driton Selmanaj, i cili tha se fokusi i tij është parandalimi i korrupsionit, e jo luftimin e tij.

“Çka ky projektligj ka qëllim, duket që krejt fokusi është në parandalimin e korrupsionit, e jo në luftimin e korrupsionit. Edhe në qëllim nuk e keni shti fjalën luftim i korrupsionit”, tha ai.

Duke arsyetuar edhe Projektligjin për të drejtat pronësore të shtetasve të huaj, zëvendësministri Sallahu tha se përmes tij shtetasit e BE-së do të kenë të drejtë të kenë prona në Kosovë.

Sipas tij, ky është edhe në kuadër të zbatimit të MSA-së, derisa do të përdorin parimin e reciprociteti për shtetet e treta që s’janë pjesë e BE-së.

Megjithatë, për këtë projektligj ngriti dyshime, deputeti i AAK-së, Besnik Tahiri i cili kërkoi të qartësohen mundësitë për keqpërdorime që mund të bëhen në kuadër të tij.

“Shtrohet pyetja tek prejardhja e parasë, këtu është problemi. Ne kemi raste të panumërta në Kosovë që për këto 20 vjet ka pasur investime të dyshimta që kanë ardhur me gojën plotë investime, kanë blerë dhe në fund s’ka ndodhur asgjë”, tha ai.

Ndryshe, mbledhja e këtij komisioni nisi me një minutë heshtje, në nderim të bashkatdhetarëve që humben jetën dje, si pasojë aksidentit në Kroaci.

Related Topics:
Continue Reading

Lajmet

Hamza refuzon ftesën e Kurtit: PDK rikonfirmon qëndrimin për të mbetur në opozitë

Published

15 hours ago

on

August 3, 2026

By

Kryetari i Partisë Demokratike të Kosovës, Bedri Hamza, ka refuzuar zyrtarisht ftesën për takim të dërguar nga lideri i Lëvizjes Vetëvendosje, kryeministri në detyrë Albin Kurti.

Përmes një letre kthyese drejtuar Kurtit, Hamza ka bërë të ditur se PDK-ja nuk do të jetë pjesë e takimeve konsultative, duke rikonfirmuar vendimin e partisë për të qëndruar në opozitë.

“Duke iu referuar takimit tonë të datës 10 korrik 2026 dhe qëndrimit publik të PDK-së, ju rikonfirmoj se, në rrethanat aktuale, qëndrimi ynë është që të vazhdojmë të qëndrojmë në opozitë”, thuhet në përgjigjen e Hamzës.

Përveç refuzimit të ftesës, kreu i PDK-së i ka bërë thirrje Kurtit që të kërkojë marrëveshje me subjektet e tjera politike për krijimin e institucioneve të reja. /E.A/

 

Continue Reading

Lajmet

Moska fajëson Ukrainën për shpërthimin vdekjeprurës në një restorant:

Published

15 hours ago

on

August 3, 2026

By

Rusia ka akuzuar Ukrainën për organizimin e një shpërthimi në një restorant luksoz në qendër të Moskës, nga i cili mbetën të vdekur pesë persona dhe u plagosën 19 të tjerë. Ngjarja ka nxitur dyshime të forta se shënjestra e sulmit ishte komandanti i lartë ushtarak rus, kolonel-gjenerali Aleksandr Chayko.

Ngjarja ndodhi të shtunën në mbrëmje pranë hyrjes së restorantit italian “Balzi Rossi”, i vendosur në një nga rrokaqiejt historikë të epokës së Stalinit në Sheshin Kudrinskaya. Sipas prokurorëve rusë, një grua e paidentifikuar që mbante një mjet shpërthyes të improvizuar u përpoq të hynte brenda, por u ndalua nga roja e sigurisë, çka çoi në shpërthimin e lëndës plasëse pak çaste më vonë në hyrje të objektit.

Përmes një deklarate zyrtare, Ministria e Jashtme e Rusisë e cilësoi ngjarjen si akt terrorist të udhëhequr nga Kievi, duke u shprehur se “tentakulat e përgjakshme të bandës terroriste të Zelenskyt kanë arritur deri te restoranti italian ‘Balzi Rossi’ në Moskë”.

Ndonëse autoritetet ruse nuk kanë publikuar emrat e viktimave apo shënjestrën e sulmit, blogerë ushtarakë pro-Kremlinit dhe media të pavarura raportojnë se mbledhja private organizohej për ditëlindjen e 55-të të gjeneralit Aleksandr Chayko. Pamjet e publikuara në rrjete sociale nga eventi tregonin sfondin me mbishkrimin “Aleksandr 55”.

Chayko, i cili ka udhëhequr më parë mësymjen ruse ndaj Kievit në vitin 2022 përpara se të merrte drejtimin e forcave ajrore-hapësinore, ka shpëtuar pa lëndime. Mirëpo, sipas kanalit informativ “VChK-OGPU”, nga shpërthimi në tarracën e restorantit ka mbetur i vrarë dhëndri i tij, Daniil Peredriy, ndërsa e bija, Maria, ka pësuar lëndime të rënda. /BBC/

Continue Reading

Lajmet

17-vjeçari nga Ferizaj gjen portofolin me mbi 2,600 euro e dokumente dhe e dorëzon në polici

Published

15 hours ago

on

August 3, 2026

By

Policia e Kosovës përmes një njoftimi ka bërë të ditur së një i ri 17-vjeçar me inicialet A.N nga fshati Bablak i Ferizajt është paraqitur vullnetarisht në stacionin policor pasi kishte gjetur një portofol pranë një pike karburanti në fshatin Lloshkobare.

Pas verifikimeve nga zyrtarët policorë, u bë i mundur identifikimi i pronarit, K.S., 40 vjeç nga Gjakova, të cilit iu kthyen të gjitha mjetet monetare në vlerë prej 2,435 eurosh e 270 frangash, së bashku me dokumentet e tij të identifikimit.

Drejtoria Rajonale e Policisë në Ferizaj ka shprehur falënderimin dhe vlerësimin e lartë për veprimin e A. Nuhës, duke e cilësuar ndershmërinë e tij si një shembull të shkëlqyer për të gjithë komunitetin. /E.A/

Continue Reading

Lajmet

IKShPK konfirmon 99 të prekur me fruth dhe apelon për vaksinim të menjëhershëm të fëmijëve

Published

15 hours ago

on

August 3, 2026

By

Instituti Kombëtar i Shëndetësisë Publike të Kosovës (IKShPK) ka nxjerrë një përditësim mbi situatën epidemiologjike në vend, ku njofton se nga 16 prilli deri më 3 gusht 2026 janë konfirmuar gjithsej 99 raste me fruth. Vetëm përgjatë javës së fundit janë regjistruar 21 raste të reja, duke shënuar një rritje të ndjeshme krahasuar me të njëjtën periudhë të vitit të kaluar, ku ishin raportuar 65 raste.

Sipas të dhënave të institutit, vatrat kryesore të infeksionit mbeten Prishtina me 33 raste dhe Fushë-Kosova me 25 raste, të ndjekura nga Ferizaj me 12 dhe Kaçaniku me 7 raste. Rastet e tjera janë shpërndarë në numër më të vogël në komunat si Drenas, Lipjan, Obiliq, Gjilan, Skenderaj, Shtime, Vushtrri, Deçan, Graçanicë, Podujevë, Shtërpcë dhe Viti.

Për shkak të shkallës së lartë të infektueshmërisë dhe rrezikut nga komplikimet e mundshme, IKShPK u ka bërë thirrje të gjithë prindërve dhe kujdestarëve që të verifikojnë kartelat e vaksinimit dhe të sigurojnë imunizimin e fëmijëve në Qendrat e Mjekësisë Familjare sipas kalendarit të rregullt. Po ashtu, instituti u bën apel qytetarëve që me shfaqjen e simptomave të para — si temperaturë e lartë, skuqje në lëkurë, kollë apo rrufë — të paraqiten menjëherë për kontroll në institucionet shëndetësore. /E.A/

Continue Reading

Të kërkuara