Lajmet

Komisioni diskuton për kriptovalutat, Kusari-Lila tregon pse s’po ndërhyn policia në veri

Published

5 years ago

on

Në kuadër komisionit për Ekonomi, Ndërmarrësi, Tregti, është diskutuar për nismën legjislative të kriptovalutave.

Kryesuesja e këtij komisioni Mimoza Kusari-Lila, ka shpjeguar arsyen se pse Policia e Kosovës nuk ndërhynë në veri të vendit në lidhje me dyshimet se energjia elektrike në këtë pjesë po keqpërdoret për prodhimin e kriptovalutave.

Kusari-Lila tha se bazuar në planin e punës kanë marre vendim për krijimin e grupit punues për hartimin e projektligjit për kriptovaluta, të udhëhequr nga vet ajo dhe nga disa deputetë të këtij komisioni.

Ajo tha se me krijimin e kriptovalutave nuk do ketë destabilitet të çmimeve.

 “Çështja e mos pagesës së rrymës në veri, diskutimi i jonë i parë sa i përket rrymës ka qenë që se pse me u rrit rryma në verë kur kjo nuk rregullohet kështu e vetmja arsye që është thënë ka qenë se ato banesa nuk janë të banueshme, janë vetëm për kriptomining. Nëse ia merr pajisjet për shfrytëzim të energjisë, të thotë pse s’po ia merr edhe kojshisë makinën e teshave ta marr shembull. Ne kemi mendua që kjo do duhej të jetë e rregulluar që ne të kemi mundësi të reagojmë kur kemi këso lloj keqkuptime”, tha ajo.

Në kuadër të diskutimeve, zëvendës guvernatori në Bankën Qendrore, Sokol Havolli,  tha se për BQK-në ka qenë e rëndësishme që qytetarët të jenë të informuar me rreziqet e mundshme dhe qëndrueshmërinë e ekzistencës të këtyre aseteve.

Duke shtuar se sipas Bankës Qendrore  këto asete janë të rrezikshme, duke rekomanduar taksimin e shpëlarjes së parave.

Në anën tjetër Emrush Ujkani, drejtor ekzekutiv i Këshillit të Investitorëve Evropianë, tha se vëmendja duhet të jetë tek rregullorja jo tek direktiva, dhe të ketë një qasje ndryshe dhe të bëhet një draft komform standardeve.

Deputetja Jeta Statovci nga VV, tha se ka shumë rëndësi që tek çështja e kriptovalutave të jetë ndihmë ligjore për qytetaret dhe të dihet kategorizimi i tyre.

Anëtari tjetër Driton Hyseni tha se a ka informacione për pikat ku bëjnë shërbime monetare dhe që të mos jenë pasiv si komision për të rregulluar këtë çështje.

Related Topics:
Continue Reading

Lajmet

Disa raste të dhunës në familje në Komoran, Prishtinë, Kaçanik, Pejë dhe Gjakovë

Published

24 seconds ago

on

July 30, 2026

By

Policia e Kosovës ka raportuar disa raste të dhunës në familje në komuna të ndryshme të vendit, ku janë përfshirë sulme fizike ndaj familjarëve.

Në Komoran, një person është arrestuar pasi dyshohet se pas një mosmarrëveshjeje verbale ka ushtruar dhunë fizike ndaj tre familjarëve të tij. Viktimat kanë pranuar tretman mjekësor, ndërsa i dyshuari me vendim të prokurorit është dërguar në mbajtje.

Në Prishtinë, një person dyshohet se ka sulmuar fizikisht bashkëshorten e tij. Viktima nuk ka pranuar tretman mjekësor, ndërsa i dyshuari është liruar dhe rasti do të procedohet në procedurë të rregullt.

Në Kaçanik, është raportuar se një grua ka pësuar në vazhdimësi dhunë nga bashkëshorti i saj. Pas intervistimit, palët janë liruar dhe rasti vazhdon në procedurë të rregullt.

Në Pejë, një grua ka raportuar dhunë të vazhdueshme nga djali i saj. I dyshuari është arrestuar, por më pas është liruar në procedurë të rregullt, ndërsa viktima është dërguar në një shtëpi të sigurt.

Ndërkohë, në Gjakovë, një person është arrestuar pasi dyshohet se pas një mosmarrëveshjeje familjare ka sulmuar fizikisht vëllain e tij. Viktima ka pranuar tretman mjekësor, ndërsa i dyshuari është dërguar në mbajtje me vendim të prokurorit./A.K/

Continue Reading

Lajmet

U përmbyll me sukses Akademia Verore “Karrierë, Inovacion dhe Punësim” në kuadër të Global UBT Fest 2026

Published

7 minutes ago

on

July 30, 2026

By

Qendra e Karrierës në UBT përmbylli me sukses Akademinë Verore “Karrierë, Inovacion dhe Punësim”, një aktivitet i organizuar në kuadër të Global UBT Fest 2026, i cili solli së bashku studentë, ekspertë dhe përfaqësues të kompanive për të diskutuar mbi zhvillimin profesional dhe mundësitë që ofron tregu modern i punës.

Përgjatë akademisë, studentët morën pjesë në ligjërata, prezantime dhe diskutime interaktive, ku u trajtuan tema të rëndësishme që lidhen me ndërtimin e karrierës, zhvillimin e aftësive profesionale, trendet bashkëkohore të punësimit, si dhe mundësitë për praktikë profesionale dhe punësim në kompani vendore e ndërkombëtare.

Një vlerë e veçantë e këtij aktiviteti ishte pjesëmarrja e kompanive partnere LinkPlus IT, Foleja Group, PwC Kosova dhe Coca-Cola HBC Kosova, të cilat prezantuan përvojat e tyre, ndanë praktikat më të mira të industrisë dhe informuan studentët për kërkesat e tregut të punës, kompetencat më të kërkuara dhe mundësitë konkrete për zhvillim profesional.

Akademia Verore shërbeu si një platformë e rëndësishme për lidhjen e studentëve me industrinë, duke krijuar mundësi për rrjetëzim, shkëmbim përvojash dhe orientim profesional. Përmes bashkëpunimit të ngushtë me partnerët e sektorit privat, UBT vazhdon të fuqizojë urën ndërmjet arsimit dhe tregut të punës, duke i përgatitur studentët për sfidat dhe mundësitë e ekonomisë moderne.

Continue Reading

Lajmet

KMDLNj: 32 punëtorë humbën jetën në Kosovë gjatë vitit të kaluar, kërkohet më shumë siguri në punë

Published

57 minutes ago

on

July 30, 2026

By

Këshilli për Mbrojtjen e të Drejtave dhe Lirive të Njeriut ka ngritur shqetësimin për sigurinë e punëtorëve në Kosovë, duke thënë se mungesa e masave mbrojtëse dhe mbikëqyrja e pamjaftueshme institucionale po vazhdojnë të shkaktojnë aksidente me pasoja fatale.

Sipas KMDLNj-së, gjatë vitit të kaluar në Kosovë kanë humbur jetën 32 punëtorë, kryesisht në sektorin e ndërtimtarisë.

Organizata thekson se edhe gjatë vitit 2026 situata mbetet shqetësuese, ndërsa si shkaqe kryesore të aksidenteve përmend mungesën e pajisjeve mbrojtëse, kushtet e pafavorshme atmosferike, mungesën e kualifikimit profesional, si dhe mbikëqyrjen e dobët nga institucionet përgjegjëse.

KMDLNj ka ngritur shqetësimin edhe për numrin e madh të punëtorëve që vazhdojnë të punojnë pa kontrata, duke ua vështirësuar realizimin e të drejtave të tyre në rast aksidenti apo humbjeje të jetës.

Këshilli ka kërkuar shtim të inspektimeve në terren dhe ka propozuar që gjobat ndaj punëdhënësve që shkelin rregullat e sigurisë të përdoren për krijimin e një fondi për mbështetjen e familjeve të viktimave dhe punëtorëve me pasoja të përhershme shëndetësore.

Sipas KMDLNj-së, gjendja ekonomike shpesh i detyron punëtorët të pranojnë kushte të pasigurta pune, ndërsa institucionet duhet të marrin masa më të fuqishme për garantimin e sigurisë në vendet e punës./A.K/

Continue Reading

Lajmet

Shtatë të lënduar në një aksident në autostradën “Ibrahim Rugova”

Published

1 hour ago

on

July 30, 2026

By

Shtatë persona kanë pësuar lëndime si pasojë e një aksidenti trafiku që ka ndodhur pasditen e së mërkurës në autostradën “Ibrahim Rugova”.

Policia ka njoftuar se rreth orës 17:50 ka pranuar informatën për aksidentin, në të cilin janë përfshirë një kamion dhe dy vetura.

Si pasojë e aksidentit, shtatë persona kanë mbetur të lënduar, por sipas informacioneve fillestare ata janë jashtë rrezikut për jetë.

“Rreth orës 17:54 kemi pranuar informatë për një aksident trafiku në autostradën “Ibrahim Rugova” saktësisht në Duhël – drejtimi për Prishtinë. Të përfshirë në aksident janë një kamion dhe dy vetura, ndërsa raportohet për 7 persona të lënduar, për momentin jashtë rrezikut për jetë”, ka njoftuar policia. /A.K/

Continue Reading

Të kërkuara