

Sport
Komisioni Disiplinor inicion procedurë disiplinore ndaj Munishit dhe Duros
Published
4 years agoon
By
Betim GashiNë xhiron e 18-të në Superligën e Kosovës në futboll ka pasur kundërthënie të ndryshme lidhur me reagimet për ndarjen e drejtësisë në ndeshje të caktuara.
Komisioni Disiplinor i shkallës së parë në mbledhjen e mbajtur të martën (15.12.2020) shqyrtoi procedurat e hapura nga mbledhja e kaluar e komisionit si dhe inicimet e filluara disiplinore nga ana e komisioneve të garave pas përfundimit të ndeshjeve nga java e fundit të zhvilluara me datë 12-13.12.2020 dhe për të njëjtat duke iu referuar raporteve zyrtare konform Dispozitave të Rregullores disiplinore ka sjellë vendimet.
Ndaj trajnerit të Ballkanit, Ismet Munishi, është iniciuar procedurë disiplinore për mosrespektimin e kodit të sjelljes lidhur me deklaratat pas ndeshjes ndaj Prishtinës.
ISMET MUNISHI; kryetrajner i klubit të futbollit BALLKANI me numër të ID kartelës ; 009766M74 në procedurë të iniciuar disiplinore nga ana e komisionit të garave, për mosrespektimin e kodit të sjelljes (shkelje e dispozitave të kodit të sjelljes) në ndeshjen e javës së; XVIII të Superligës së Kosovës në futboll për kategorinë e seniorëve; PRISHTINA – BALLKANI e zhvilluar me datë 13.12.2020 në stadiumin “Fadil Vokrri“ në Prishtinë. Raportet zyrtare nga ndeshja e zhvilluar (pas përfundimit të ndeshjes për media dhe rrjete sociale përdor fjalor të pa përshtatshëm, ofendues., linçues, fyes, banal, nënçmues dhe degradues ndaj personaliteteve sportive, që është në kundërshtim me etikën, edukatën dhe kodin e sjelljes së punëtorëve sportiv – trajnerit të futbollit). Bazuar në nenin 32 paragrafi 1 i Rregullores disiplinore (në mungesë të deklaratës) ; I HAPET PROCEDURA DISIPLINORE deri në kompletimin e lëndës. Kërkohet deklarata plotësuese nga kryetrajneri Ismet Munishi lidhur me rastin. Afati datë 21.12.2020.
Edhe ndaj trajnerit të Feronikelit, Klodian Duro, është iniciuar procedurë disiplinore për mosrespektim të kodit të mirësjelljes sportive në media pas përfundimit të ndeshjes ndaj Llapit.
KLODIAN DURO; kryetrajner i klubit të futbollit FERONIKELI nga Drenasi me numër të ID kartelës; 022478M77 në procedurë të iniciuar disiplinore nga ana e komisionit të garave për mosrespektim të kodit të mirësjelljes sportive në media pas përfundimit të ndeshjes së javës së ; XVIII të Superligës së Kosovës në futboll për kategorinë e seniorëve ; LLAPI – FERONIKELI e zhvilluar me datë 12.12.2020 në stadiumin “Zahir Pajaziti“ në Podujevë. Raportet zyrtare (prononcimi për media në studio televizive ku deklaron se; Ekipi që është në vend të parë është i favorizuar nga gjyqtarët, me këtë prononcim ka dëmtuar imazhin e organeve të FFK-së e që janë shpifje, fyerje dhe ofenduese dhe në kundërshtim me etikën sportive). Bazuar në nenin 32 paragrafi 1 (në mungesë të deklaratës); I HAPET PROCEDURA DISIPLINORE deri në kompletimin e lëndës. Kërkohet deklarata plotësuese nga kryetrajneri Klodian Duro lidhur me rastin. Afati datë 21.12.2020.
Procedurë disiplinore është nisur edhe ndaj klubit Prishtina “për lëshime në organizimin e ndeshjes” kundër Ballkanit.
FC PRISHTINA; nga Prishtina në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së; XVIII të Superligës së Kosovës në futboll për kategorinë e seniorëve; PRISHTINA – BALLKANI e zhvilluar me datë 13.12.2020 në stadium “Fadil Vokrri“ në Prishtinë. Raportet zyrtare (minuta e 15 e takimit; loja ndalet për 5 minuta ngase një numër i spektatorëve ishte futur në tribunat e stadiumit në kundërshtim me rekomandimet e Ministrisë së Shëndetësisë, IKSHPK-së dhe FFK-së). Bazuar në nenin 32 paragrafi 1 I Rregullores disiplinore (në mungesë të raportit plotësues të klubit); I HAPET PROCEDURA DISIPLINORE deri në kompletimin e lëndës. Kërkohet raporti plotësuese nga klubi futbollistik Prishtina nga Prishtina – zyrtari për siguri nga ajo ndeshje lidhur me rastin. Afati datë 21.12.2020.
Sport
Kosova me Donjeta Sadikun dhe vëllezërit Bajoku në Kupën Botërore
Published
20 hours agoon
May 8, 2025
Federata e Boksit e Kosovës po vazhdon të marrë pjesë në garat ndërkombëtare me boksierët e saj.
Rrugëtimi i radhës është Kupa e Botës “Feliks Stamm”, që prej 10-17 maj 2025 do të mbahet në Varshavë të Polonisë.
Ekipi kosovar do të përfaqësohet në këtë garë prestigjioze me Donjeta Sadikun (60 kg), e cila do të udhëhiqet nga u.d. selektorja Marjola Sallauka.
Në konkurrencën e djemve do të marrin pjesë vëllezërit Bashkim Bajoku (55 kg) dhe Shpetim Bajoku (70 kg), të cilët udhëhiqen nga selektori, Faton Xhakli.
Krahas medaljeve, turneu është i vlefshëm edhe për të fituar pikë për ranglistën ndërkombëtare.
I ftuar nga Federata Botërore (World Boxing) për ta ndarë drejtësinë është edhe gjyqtari ndërkombëtar, Latif Demolli.

Gianluigi Donnarumma bëri pritje vendimtare në ndeshjen ndaj Arsenalit, por italiani megjithatë nuk ishte më i dalluari i ndeshjes.
Ekspertët e UEFA-s e kanë shpallur më të mirin lojtarin e krahut të djathtë të Parisit, Achraf Hakimin.
Hakimi e shënoi një gol, kishte tri ndërhyrje dhe katër topa të rikuperuar.
Hakimi ka vrapuar 11,2 kilometra, ndërsa sipas ekspertëve të UEFA-s e kishte paraqitjen më të mirë në fitoren 2:1 të Parisit ndaj Arsenalit.
Sport
Ra në tokë dhe humbi ndjenjat, Oltion Bilalli po vazhdon nën kujdes intensiv në QKUK
Published
2 days agoon
May 7, 2025
Futbolli kosovar ka pësuar një tronditje ditën e djeshme në ndeshjen Gjilani – Malisheva.
Sulmuesi i talentuar gjilanas, Oltion Bilalli ka pësuar tronditje pas një dueli me portierin e skuadrës mysafire Ilir Avdyli.
Bilalli ra në tokë dhe ka humbur ndjenjat, derisa me ambulancë është dërguar fillimisht në spitalin e Gjilanit e pastaj edhe në QKUK.
23-vjeçari ka pasur gjakderdhje të brendshme, derisa gjendja e tij sot është stabile, jashtë rrezikut për jetë.
Telegrafi mëson se Olti po vazhdon kujdesin intensiv në Qendrën Klinike Universitare të Kosovës (QKUK), ku të gjithë nga klubi i Gjilanit po i qëndrojnë afër.

Një tjetër përmbysje në pjesën e dytë i dha Milanit tre pikë të vlefshme në transfertë ndaj Genoas të hënën mbrëma në Serie A, pas golave të zëvendësuesve Vitinha, Rafael Leao dhe një autogoli nga kapiteni i Genoas, Morten Frendrup.
Në një vendim befasues nga trajneri Sergio Conceicao, Leao nuk u përfshi në formacionin titullar në “Marassi”, duke u zëvendësuar nga Ruben Loftus-Cheek. Në anën tjetër, Patrick Vieira riktheu në formacion Stefano Sabellin, Junior Messiasin dhe Andrea Pinamontin.
Milani e nisi ndeshjen me disa goditje nga këndet, por pa arritur të rrezikonte portierin Nicola Leali. Tentativa e parë erdhi nga Brooke Norton-Cuffy, i cili provoi goditje nga e djathta, por Mike Maignan u tregua i gatshëm me një pritje të mirë.
Theo Hernandez u përpoq të surprizonte me goditje spektakolare nga mbi 70 metra largësi, por topi nuk mori drejtimin e duhur dhe përfundoi jashtë.
Momenti më i veçantë i pjesës së parë erdhi nga Maignan, i cili realizoi pritje të jashtëzakonshme të dyfishtë pas një goditjeje këndi, fillimisht duke ndalur topin në vijën fatale, pastaj duke pritur goditjen pasuese me thembër. Para pushimit, Leali ndali edhe një goditje të Christian Pulisic, pas një pasimi të shkëlqyer nga Leao, i cili hyri në lojë në minutën e 28-të pas dëmtimit të Youssouf Fofanas.
Pjesa e dytë nisi e fragmentuar për shkak të trajtimeve për Patrizio Masinin dhe Tijjani Reijnders. Gjithsesi, Vitinha, i sapofutur në fushë në minutën e 60-të, zhbllokoi rezultatin me një goditje të saktë me thembër nga një asist i Aaron Martinit. Ky ishte goli i tij i parë në këtë sezon.
Por Milani reagoi me dy gola brenda pak minutash. Santiago Gimenez asistoi nga e djathta për Leao, goditja e të cilit u devijua nga Norton-Cuffy dhe përfundoi në rrjetë – goli i tretë i Leao-s si zëvendësues këtë sezon në Serie A.
Dy minuta më pas, Reijnders shërbeu një top të ulët nga e majta që po shkonte për Joao Felix, por Frendrup ndërhyri keq dhe realizoi autogol për 1-2.
Kjo fitore nuk solli ndryshime në renditjen e Serie A – Milani qëndron në vendin e nëntë, ndërsa Genoa mbetet e 13-ta.

Ish-partnerja e Liam Payne, Cheryl, trashëgon pasurinë e tij me vlerë 32.3 milionë dollarë

Ushqimet më të mira kundër fryrjes së stomakut

Kosova me Donjeta Sadikun dhe vëllezërit Bajoku në Kupën Botërore

LDK dorëzon kallëzime penale për anëtarët e Qeverisë në detyrë

Qëndrimi ulur për periudha të gjata rrit rrezikun për sëmundje kronike

Trump habit me veprimin: Punësoi yllin e reality show-t në muzeun e Holokaustit

UEFA vendos për lojtarin më të mirë të ndeshjes

Të mirat dhe “dëmet” nga konsumimi i fasuleve

Policia jep detaje për aksionin në disa lokacione në veri ku u zbulua punishtja e armëve, u arrestuan tre të dyshuar
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim