Sport

Kombëtarja e Kosovës U21 nis kampin dhjetëditor në Antalia

Published

on

Kombëtarja U21 e Kosovës ka nisur përgatitjet në Antalia të Turqisë, ku do të zhvillojë një kamp stërvitor dhjetëditor si pjesë e përgatitjeve për ciklin e ardhshëm kualifikues.

Gjatë këtij kampi, ekipi do të kryejë dy seanca stërvitore në ditët e para, ndërsa më pas do të vazhdojë me nga një seancë në ditë.

Krahas stërvitjeve, do të zhvillohen edhe dy ndeshje miqësore kundër Turqisë U21 dhe Moldavisë U21, në mënyrë që përzgjedhësi Afrim Toverlani të vlerësojë formën e lojtarëve të grumbulluar.

Në këtë grumbullim janë ftuar për herë të parë në Kombëtaren U21 edhe dhjetë futbollistë të rinj: Laurent Seji, Sead Ahmeti, Drini Miftari, Elvaris Suplja, Hamza Muqaj, Adem Imeri, Faton Ademi, Medin Gashi, Eurolind Avdimetaj dhe Arlind Maloku.

Ndeshja e parë miqësore kundër Turqisë U21 do të zhvillohet më 21 mars 2025, në Alanya, me fillim nga ora 20:30 (ora lokale), derisa më 25 mars, në Belek Dardanët U21 do të luajnë kundër Moldavisë.

Sport

“Dardanët” nisen drejt Spanjës, të gatshëm për ndeshjen e kthimit

Published

on

Kombëtarja e Kosovës sapo është nisur drejt Spanjës për ndeshjen e kthimit ndaj Islandës.

“Dardanët” do të udhëtojnë drejt Murcia-s, ku do të luajë ndeshjen e kthimit kundër Islandës, e vlefshme për play-offin e UEFA Nations League.

Ekipi i Franco Fodas arriti fitore 2:1 mbrëmë në stadiumin “Fadil Vokrri”.

Kujtojmë që dy lojtarë mungojnë nga ndeshja e parë: Aro Muric dhe Donat Rrudhani, janë larguar shkaku i lëndimeve.

Ndeshja e kthimit zhvillohet të dielen, nga ora 18:00.

 

Continue Reading

Sport

Vazhdojnë raportimet për kthimin e Messit te Barça

Published

on

Mediumi argjentinas i sportit “TNT Sports” ka raportuar të premten se superylli Lionel Messi 37-vjeçar, pritet të kthehet te Barcelona pas Kupës së Botës që do të organizohet në SHBA, Kanada dhe Meksikë. 

Kontrata e tij me klubin e ligës MLS, Inter Miami, skadon në fund të muajit dhjetor.

Spekulimet për rikthimin e Messit te Barcelona kanë nisur para një muaji.  Sipas gazetarit Alex Candal, i cili kishte deklaruar se Messi do t’i bashkohej Inter Miamit, Messi tani do të kthehet sërish te Barcelona.

Sipas tij, Messi nuk do ta mbyll karrierën pa luajtur në stadiumin e ri “Camp Nou”, që pritet të kompletohet në vitin 2026.

Continue Reading

Sport

Lëndohen dy yjet e Kosovës para ndeshjes kthyese me Islandën

Published

on

By

Kosova do të duhet të bëjë punë pa dy lojtarë shumë të rëndësishëm në ndeshjen kthyese të Ligës së Kombeve, kundër Islandës që zhvillohet të dielën.

Portieri Arijanet Muric dhe mesfushori Donat Rrudhani nuk do të udhëtojnë me Kombëtaren e Kosovës në Spanjë për ndeshjen e kthimit ndaj Islandës, për shkak të lëndimeve të pësuara në ndeshjen e mbrëmshme në stadiumin “Fadil Vokrri”, ka bërë të ditur Federata e Futbollit të Kosovës.

Pas ekzaminimeve mjekësore është konstatuar se dy lojtarët në fjalë, e kanë të pamundur të rikuperohen për ndeshjen e radhës.

Ndërkohë, ekipit iu ka bashkuar portieri i Dritës, Faton Maloku.

Dardanët udhëtojnë sot pasdite drejt Murcia, ku të dielën do të zhvillohet ndeshja Islandë-Kosovë.

Continue Reading

Sport

Shqipëria nis sonte rrugëtimin drejt Botërorit 2026

Published

on

By

Sot në mbrëmje, në stadiumin “Wembley” të Londrës, Kombëtarja e Anglisë do të presë Shqipërinë në ndeshjen hapëse të Grupit K për kualifikimet e Kupës së Botës 2026. Ky grup përfshin gjithashtu Serbinë, Letoninë dhe Andorrën.

Trajneri i Anglisë, Thomas Tuchel, ka përjashtuar nga lista e lojtarëve për këtë ndeshje mesfushorin Morgan Gibbs-White, mbrojtësin Jarrell Quansah dhe portierin Aaron Ramsdale, për të respektuar rregullin e UEFA-s që lejon vetëm 23 lojtarë në listën e ndeshjes.

Nga ana tjetër, Shqipëria, nën drejtimin e trajnerit Sylvinho, synon të bëjë një paraqitje dinjitoze kundër një kundërshtari të fortë si Anglia. Formacioni pritet të bazohet në një mbrojtje të fortë dhe kundërsulme të shpejta.

Kjo ndeshje ka një rëndësi të veçantë për të dyja skuadrat. Anglia synon të nisë fushatën kualifikuese me një fitore për të konsoliduar pozitat në grup, ndërsa Shqipëria kërkon të marrë pikë të vlefshme në një transfertë të vështirë, që do t’i jepte moral për ndeshjet e ardhshme.

Në përballjet e mëparshme mes dy ekipeve, Anglia ka dominuar, por Shqipëria ka treguar përmirësime të ndjeshme në vitet e fundit dhe shpreson të surprizojë në këtë takim.

Stadiumi “Wembley” pritet të jetë i mbushur me tifozë anglezë, por edhe një numër i konsiderueshëm tifozësh shqiptarë që jetojnë në Mbretërinë e Bashkuar.

Atmosfera pritet të jetë elektrizuese, duke i dhënë ndeshjes një dimension të veçantë.

Continue Reading

Të kërkuara