Sport

KOK-u rrit mbështetjen për sportistët

Skitarët do të jenë të parët që do përfitojnë nga kjo.

Published

4 years ago

November 24, 2022

Betim Gashi

Një nga vendimet e marra nga Bordi Ekzekutiv i Komitetit Olimpik të Kosovës ishte edhe ai i rritjes së mbështetjes së përgatitjeve të sportistëve. Nga 100 euro sa ishte vlera për heqjen e shpenzimeve në ditë, tani mbështetja është rritur në 150 euro.

Ky vendim nga bordi i KOK-ut do të hyjë në fuqi prej janarit të vitit të ardhshëm, ndërsa në këtë pako të mbështetjes do të përfshihen edhe shpenzimet e trajnerëve.

Gjatë vitit 2023, KOK-u do të dërgojë në përgatitje sportistët para garave ndërkombëtare si: Festivali Olimpik Evropian Dimëror për të Rinj (EYOF) “Friuli-Venezia-Giulia 2023” (Itali), Lojërat Evropiane “Krakovia dhe Malopolska 2023” (Ploni), Festivali Olimpik Evropian Veror për të Rinj (EYOF) Maribor 2023 (Slloveni) dhe Lojërat Mesdhetare në Rërë “Heraklion 2023” (Greqi).

Skitarët do të jenë të parët që do përfitojnë nga kjo rritje e mbështetjes, të cilët në janar përgatiten para pjesëmarrjes në EYOF-in Dimëror.

Related Topics:mbeshtetje skitaret Bordi Ekzekutiv i KOK-ut

Up Next

Pa gola mes Uruguait dhe Koresë së Jugut

Don't Miss

Miliarderi spanjoll i interesuar në blerjen e United

Vendi

Akil Gjakova mbyll garën pa medalje në Abu Dhabi

Published

5 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

6 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

8 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/