Bota

Koha ‘të lajmë hesapet’! Izraeli nuk përjashton inkursionin tokësor në Liban

Published

on

Pas një fundjave të tensionuar me shkëmbime intensive zjarri, ushtria izraelite ka nisur një ofensivë masive ajrore kundër Hezbollahut, grupit militant të mbështetur nga Irani. Këto sulme kanë përfshirë rajone të ndryshme të Libanit, duke goditur jo vetëm jugun, por edhe luginën e Bekaa dhe veriun pranë Sirisë.

Sipas raportimeve, avionët luftarakë të Tel Avivit kanë kryer bombardime të intensifikuara mbi mbi 150 objektiva, duke rezultuar në viktima dhe të plagosur. Ushtria izraelite ka bërë thirrje për evakuimin e civilëve nga zonat ku operon Hezbollah, duke paralajmëruar se sulmet e precizionit të lartë do të fillojnë së shpejti.

Në një konferencë për shtyp, zëdhënësi i forcave të mbrojtjes izraelite, Daniel Hagari, theksoi se do të bëhet çdo përpjekje për të siguruar rikthimin e qytetarëve të evakuuar nga veriu i vendit. Ai deklaroi se IDF (Forcat e Mbrojtjes të Izraelit) do të angazhohet në sulme të gjera dhe të precizionit të lartë kundër objekteve të Hezbollahut, të cilat, sipas tij, janë shpërndarë në të gjithë Libanin.

Hagari gjithashtu tha se Hezbollah ka magazinuar armë dhe raketat kruz në shtëpi dhe godina civile në Liban, duke rrezikuar jetën e civilëve. Ai prezantoi një video ajrore që tregonte ushtarët e Hezbollahut duke u përgatitur të lëshonin raketat nga një godinë banimi, dhe sulmin izraelit që e ndaloi atë.

Kryeministri izraelit, Benyamin Netanyahu, ka theksuar se Izraeli i ka shkaktuar Hezbollahut “goditje të paimagjinueshme”. Nga ana tjetër, Hezbollah, i mbështetur nga Irani, ka deklaruar se ka hyrë në një fazë të re të konfliktit, duke e përshkruar këtë si një luftë për llogaridhënie.

Tensionet vazhdojnë të rriten në rajon, duke lënë shumë në pritje të zhvillimeve të ardhshme, përfshirë mundësinë e një inkursioni tokësor nga Izraeli në Liban, një skenar që do të thellonte më tej krizën në këtë zonë të trazuar./UBTNews/

 

 

Bota

Von der Leyen: Evropa duhet të forcojë mbrojtjen, të pranojë Ukrainën në BE

Published

on

By

Presidentja e Komisionit Evropian, Ursula von der Leyen, ka theksuar se Evropa duhet të mbrojë pavarësinë e saj duke rritur shpenzimet për mbrojtjen dhe duke integruar Ukrainën në Bashkimin Evropian.

Ajo ka përmendur katër detyrat kryesore që BE-ja duhet të realizojë për të arritur këto synime, duke përfshirë forcimin e kapacitetit të mbrojtjes, rritjen e inovacionit për rritjen ekonomike, zgjerimin e BE-së dhe forcimin e demokracisë për të mbrojtur shtetet anëtare nga kërcënimet e brendshme dhe të jashtme.

Sipas von der Leyen, një nga arritjet më të mëdha është angazhimi për të ofruar deri në 800 miliardë euro fonde për mbrojtjen, një veprim që, siç tha ajo, ishte i pamundur vetëm pak vite më parë.

Fakti që tani po ofrojmë deri në 800 miliardë euro fonde për mbrojtjen ishte i pamundur vetëm pak vite më parë,” theksoi Presidentja e Komisionit Evropian. “Po e bëjmë këtë sepse duam të mbrojmë paqen me të gjitha forcat tona.

Von der Leyen paralajmëroi gjithashtu se një rend i ri ndërkombëtar do të shfaqet deri në fund të kësaj dekade, dhe se Evropa duhet të luajë një rol aktiv në formësimin e këtij rendi të ri për të shmangur pasojat e tij për kontinentin dhe për botën.

Ajo theksoi se zgjerimi i BE-së është një detyrë kyçe, duke e konsideruar anëtarësimin e Ukrainës, Moldavisë, vendeve të Ballkanit Perëndimor dhe Gjeorgjisë si një hap të rëndësishëm për forcimin e Bashkimit Evropian.

Jam thellësisht e bindur se historia tani po na thërret. Ashtu si në vitin 1989, kur era e ndryshimit përfshiu Evropën,” përfundoi von der Leyen, duke sugjeruar se momenti aktual është një mundësi për ndryshime thelbësore në rajon.

Continue Reading

Bota

Meloni vizitë në Kazakistan, nënshkruhen marrëveshje në vlerën 4 miliardë euro

Published

on

By

Italia dhe Kazakistani kanë nënshkruar një sërë marrëveshjesh me vlerë 4 miliardë euro gjatë një vizite të kryeministres italiane Giorgia Meloni në Astana.

Marrëveshjet ishin në një sërë sektorësh, duke përfshirë naftën dhe gazin, energjinë e rinovueshme dhe menaxhimin e ujit.

Meloni tha se nuk e konsideronte vizitën e saj “thjesht një formalitet, por thelbësor”.

Italia ishte vendi i parë i BE-së që vendosi të investonte në marrëdhëniet me Azinë Qendrore dhe shtetet anëtare të saj individuale, duke krijuar një format të qëndrueshëm për shkëmbimin e ideve”, vazhdoi Meloni.

Kryeministrja italiane shtoi se Samiti BE-Azi Qendrore i mbajtur në prill kishte rritur marrëdhëniet midis rajoneve.

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

on

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

on

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Të kërkuara