Lajmet

Koha më e përshtatshme për të ecur kundër mbipeshës

Ekspertët kanë rekomanduar gjithnjë që njeriu duhet të kryejë aktivitet fizik çdo ditë dhe të paktën të kryejë disa mijëra hapa.

Published

4 years ago

on

Numërimi i hapave që kryejmë çdo ditë është një nga trendet më popullore aktualisht. Njerëzit i numërojnë ato falë aplikacioneve të shumta me shpresën se ky lloj aktiviteti fizik, pra ecja,  përmirëson shëndetin.

Ekspertët kanë rekomanduar gjithnjë që njeriu duhet të kryejë aktivitet fizik çdo ditë dhe të paktën të kryejë disa mijëra hapa.

Ajo që duhet të dini është se ecja është një aktivitet fizik i mirë për rënien nga pesha, por efikasiteti i këtij aktiviteti është në varësi të peshës trupore,  objektivit që i keni vënë vetes, shpejtësisë dhe frekuencës së hapave por edhe orës së ditës kur ju e ushtroni atë.

Sipas studimeve të cilave u referohet AgroWeb.org, ecja si një aktivitet i rregullt fizik mundet të pakësojë rrezikun e shfaqjes së:

  • Sëmundjeve të zemrës
  • Mbipeshës
  • Diabetit
  • Tensionit të lartë të gjakut
  • Depresionit.

Koha më e përshtatshme për të ecur kundër mbipeshës 

Sipas ekspertëve, ecja në cdo orë të ditës i bën mirë shëndetit fizik, por edhe atij mendor.

Megjithatë, ecja pas një vakti është shumë e mirë sepse ajo ndihmon në nxjerrjen nga organizmi të sheqerit të tepërt dhe vë në punë indet e muskujve.

Mirëmbajtja e niveleve të sheqerit në gjak është tejet e rëndësishme për shëndetin kardiovaskular dhe rrjedhimisht kundër mbiepshës.

Ecja pas vakteve ofron dy të mira thelbësore për mbajtjen nën kontroll të peshës trupore: rrit intensitetin e djegies së kalorive dhe e inkurajon trupin të përdorë yndyrën e tepërt si burim energjie dhe së dyti, mirëmban nivele te sheqerit në gjak dhe largon barrën e pankreasit në sekretimin e insulinës.

Më mirë të ecësh se të bësh asgjë

Ekspertët më në zë të shëndetit, të cilëve u referohet AgroWeb.org, rekomandojnë që njeriu duhet të ecë të paktën 150 minuta në javë. Sipas tyre, ecja duhet të jetë e shpejtë.

Intensiteti i ecjes duhet rritur gradualisht javë pas jave, thonë ata.

Sipas studimeve që disponon AgroWeb.org njeriu mund të kryejë 30 minuta ecje të shpejtë për pesë ditë në javë ose të ecin nga 10 minuta disa herë në ditë.

Nëse ecja e shpejtë ju duket e vështirë, sërish është më mirë të jeni në lëvizje se të bëni asgjë.

Çdo lëvizje është në të mirë të shëndetit, thonë shkencëtarët./AgroWeb.org

Related Topics:
Continue Reading

Lajmet

Protesta në përkrahje të çlirimtarëve më 13 dhjetor në Shkup, konfirmohet nga OVL-UÇK

Published

2 hours ago

on

December 5, 2025

By

Nënkryetari i OVL-UÇK-së, Gazmend Syla, ka njoftuar se protesta e radhës në mbështetje të ish-krerëve të UÇK-së do të zhvillohet më 13 dhjetor në sheshin “Skënderbeu” në Shkup.

Në një konferencë për media, Syla tha se protesta do të fillojë nga ora 13:00, ndërsa theksoi se kjo do të jetë protesta e pestë me radhë e organizuar në mbështetje të të paraburgosurve në Hagë./UBTNews

 

 

Continue Reading

Lajmet

Qeveria në detyrë merr dy vendime përmes mbledhjes elektronike

Published

2 hours ago

on

December 5, 2025

By

Qeveria e Kosovës në detyrë ka mbajtur një mbledhje elektronike, ku ka miratuar dy vendime financiare. Sipas njoftimit zyrtar, janë ndarë 141 mijë e 680 euro për realizimin e projekteve që do të zbatohen përmes marrëveshjeve me trupat e Organizatës së Kombeve të Bashkuara.

Po ashtu, kabineti qeveritar ka miratuar kërkesën e Ministrisë së Financave, Punës dhe Transfereve që lidhet me kursimet dhe ndarjet buxhetore, në kuadër të riorganizimit të shpenzimeve.

Këto vendime janë bërë të ditura përmes komunikatës së Zyrës së Kryeministrit.

“Qeveria në detyrë e Republikës së Kosovës ka mbajtur mbledhje elektronike në të cilën ka:        Ndarë 141,680 euro për realizimin e projekteve përmes marrëveshjeve me trupat e Organizatës së Kombeve të Bashkuara; Miratuar kërkesën e Ministrisë së Financave, Punës dhe Transfereve, për kursime dhe ndarje”, thuhet në komunikatën e zyrës së kryeministrit./UBTNews

Continue Reading

Lajmet

Hapet hetim për lëndim të rëndë trupor, gruaja u dërgua dy herë në spitalin e Mitrovicës e në QKUK

Published

2 hours ago

on

December 5, 2025

By

Një rast i lëndimit të rëndë trupor është raportuar në Mitrovicën e Veriut. Sipas policisë, një femër kosovare është dërguar fillimisht në Spitalin e Mitrovicës së Veriut në gjendje të rënduar shëndetësore, ndërsa më pas është transferuar në QKUK për trajtim të mëtejmë.

Pas intervenimit mjekësor në QKUK, viktima është kthyer për trajtim shtesë në spitalin rajonal në Mitrovicë të Veriut.

Me urdhër të prokurorit, rasti është iniciuar dhe po hetohet në procedurë të rregullt.

“Është raportuar se viktima femër kosovare në gjendje të rëndë shëndetësore ishte dërguar në Spitalin në Mitrovicë Veri dhe më pas në QKUK. Pas marrjes së tretmanit mjekësor në QKUK, e njëjta përsëri është dërguar për tretman mjekësor në spitalin rajonal Mitrovicë Veri.  Me urdhër të prokurorit është inicuar lënda e rastit dhe është duke u hetuar.“, thuhet në raport nga Policia e Kosovës./UBTNews

 

Continue Reading

Lajmet

Artane Rizvanolli mban konferencë për media sot

Published

2 hours ago

on

December 5, 2025

By

Ministrja në detyrë e Ekonomisë, Artane Rizvanolli, do të mbajë sot një konferencë për media të paralajmëruar për në ora 13:00. Sipas njoftimit zyrtar, konferenca ka për qëllim adresimin, siç thuhet, “paqartësive dhe dezinformatave” që kanë qarkulluar lidhur me sektorin e energjisë.

“Ministrja e Ekonomisë në detyrë, znj. Artane Rizvanolli, sot do të mbajë konferencë për media, ku do të adresojë çështjet rreth paqartësive e dezinformatave lidhur me sektorin e energjisë”, thuhet në komunikatë.

Mbetet të shihet se cilat sqarime do të japë ministrja në këtë paraqitje publike.

Ky lajm do të përditësohet./UBTNews

Continue Reading

Të kërkuara