Lajmet

KNKK: Dezinformimi po rrezikon punën e Kryqit të Kuq në Ukrainë

Ata dënuan nivelet “të neveritshme dhe të papranueshme” të dhunës që ushtrohet mbi civilët.

Published

3 years ago

on

Një fushatë masive dezinformuese që synon Kryqin e Kuq pasi ky i fundit po ofron ndihmë në konfliktin në Ukrainë, po e vë në rrezik stafin e saj, tha organizata të martën.

Komiteti Ndërkombëtar i Kryqit të Kuq dënoi gjithashtu nivele “të neveritshme dhe të papranueshme” të dhunës që ushtrohet mbi civilët.

KNKK tha se ishte përballur me një breshëri akuzash për përpjekjet e saj për të lehtësuar evakuimet nga qytetet në Ukrainë dhe për komunikimet e saj me të dyja palët në konflikt.

“Ne po shohim sulme të qëllimshme, të synuara duke përdorur narrativa të rreme dhe duke shpërndarë këtë informacion për të diskredituar KNKK-në”, u tha gazetarëve në Gjenevë zëdhënësi, Ewan Watson.

Prej kur Rusia nisi pushtimin e Ukrainës, kishte pasur “një fluks të madh keqinformimi dhe dezinformimi që ne e shohim si të qëllimshëm, të synuar dhe të orkestruar nëpër kanalet e mediave sociale… dhe herë pas here duke u shfaqur në mediat kryesore”.

“Kjo ka potencialin të shkaktojë dëm të vërtetë për ekipet tona… në terren dhe për njerëzit të cilëve u shërbejmë”.

Një akuzë që qarkullonte në mediat sociale ishte se organi me bazë në Gjenevë ndihmoi në organizimin e evakuimeve të detyruara të ukrainasve nga qyteti i rrethuar i Mariupolit në Rusi.

Watson këmbënguli se KNKK “nuk do të mbështeste kurrë ndonjë operacion që do të shkonte kundër vullnetit të njerëzve dhe parimeve tona”.

Një tjetër pretendim ishte se organizata po krijonte një zyrë në Rostov, në Rusinë jugore, për të “filtruar ukrainasit”, një akuzë që Watson e përshkroi si “absolutisht të rreme”.

ICRC pranoi se po diskutonte hapjen e një zyre në Rostov, por theksoi se kjo ishte pjesë e një “zgjerimi të madh rajonal për t’u marrë me një krizë masive humanitare”.

Watson këmbënguli se organizata neutrale po kërkonte thjesht të përmbushte mandatin e saj për të mbështetur dhe ndihmuar viktimat e konfliktit kudo që ndodheshin.

Watson theksoi se “neutraliteti ynë dhe veprimi ynë i paanshëm humanitar duhet të respektohet”.

Asnjanësia e KNKK-së është ajo që e lejon atë “të arrijë, të ndihmojë dhe, në shumë raste, të shpëtojë jetën e civilëve”, sipas tij.

Organizata tha se kishte bërë propozime të hollësishme për të siguruar një kalim të sigurt dhe evakuime nga Mariupoli, ku rreth 160,000 njerëz mbeten të bllokuar me pak ushqim, ujë ose ilaçe./UBTNews/

Related Topics:
Continue Reading

Aktualitet

UBT ofron 30 për qind bursë për të gjithë alumnit në programet master

Published

5 hours ago

on

August 12, 2025

By

UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.

Pse kjo është një mundësi e veçantë?

  • Thellim i njohurive në fusha të ndryshme profesionale
  • Përmirësim i aftësive për tregun e punës
  • Diplomë nga një institucion me standarde të larta dhe praktika bashkëkohore mësimdhënieje

Programet master në UBT janë të njohura për:

  • Cilësinë akademike
  • Fokusin në praktikë dhe aplikime reale
  • Përputhjen me kërkesat e tregut të punës
  • Mentorim nga profesorë dhe ekspertë me përvojë ndërkombëtare

Si të përfitoni?

Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.

UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews

Continue Reading

Lajmet

​Kërcënoi një person duke i kërkuar 21 mijë euro, arrestohet për organizim të lojërave të fati

Published

5 hours ago

on

August 12, 2025

By

Drejtoria për Hetimin e Krimeve Ekonomike dhe Korrupsionit (DHKEK), përmes Njësisë Rajonale në Prizren, ka arrestuar një person nën dyshimin për përfshirje në veprat penale ‘organizimi i skemave piramidale dhe bixhozit të paligjshëm’ dhe ‘detyrimi’.

Rasti ka nisur më 11 gusht, pasi një ankues nga një fshat i Suharekës ka raportuar se po kërcënohet dhe detyrohet nga i dyshuari, gjithashtu nga një fshat i Suharekës.

Ankuesi ka deklaruar se para tri vitesh ka luajtur lojëra bixhozi në shumën rreth 9,000 euro, ndërsa tani i dyshuari i kërkon rreth 21,000 euro, duke ushtruar presion dhe kanosje të vazhdueshme për kthimin e borxhit.

Hetuesit dyshojnë se i dyshuari ka menaxhuar lojërat e fatit përmes adresave elektronike që operonin nga Zvicra dhe Kosova. Në kuadër të hetimeve, Policia ka sekuestruar një telefon për ekzaminim të mëtejshëm.

I dyshuari, identifikuar me inicialet A.L., lindur në vitin 1990 dhe shtetas kosovar, është intervistuar në prezencë të mbrojtësit dhe ndaj tij është iniciuar rasti penale me dyshimin për veprat ‘organizimi i skemave piramidale dhe bixhozit të paligjshëm’ dhe ‘detyrimi’.

Me aktvendim të prokurorit, i dyshuari është ndaluar për 48 orë.

Continue Reading

Lajmet

OSBE mirëpret rregulloren e re për ankesat zgjedhore: E forcon transparencën, buron nga rekomandimet e misionit të BE-së

Published

6 hours ago

on

August 12, 2025

By

Misioni i OSBE-së në Kosovë, përmes një postimi në rrjetet sociale, ka bërë të ditur se ka mirëpritur miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Nga OSBE është deklaruar se kur të zbatohet plotësisht rregullorja në fjalë, e njëjta do të forcojë transparencën dhe efektivitetin e të gjithë procesit zgjedhor.

‘‘Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë’’, thuhet mes tjerash në postim.

Postimi:

Misioni i OSBE-së në Kosovë mirëpret miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Kjo rregullore e re, kur të zbatohet plotësisht, do të forcojë transparencën dhe efektivitetin e të gjithë procesit zgjedhor.

Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë, përfshirë Komisionin Qendror të Zgjedhjeve, partitë politike, Komisionin e Pavarur për Media, Këshillin e Mediave të Shkruara dhe të tjerë.

Continue Reading

Lajmet

OEK do të vazhdojë betejën ligjore pas vendimit të Dhomës së Shkallës së Dytë të Gjykatës Komerciale

Published

7 hours ago

on

August 12, 2025

By

Oda Ekonomike e Kosovës ka pranuar me shqetësim që Dhoma e Shkallës së Dytë e Gjykatës Komerciale ka ndryshuar masën e sigurisë për shtyrjen e ekzekutimit të vendimit nr. 275/24, të datës 05.04.2024, dhe njoftimit të datës 12.03.2025 të nxjerrë nga ZRrE.

OEK, duke qenë institucion publik, nuk e komenton vendimin e Dhomës së Shkallës së Dytë të Gjykatës Komerciale, por njofton se do të vazhdojë betejën ligjore nëpërmjet mjeteve të tjera ligjore në dispozicion, brenda afateve të përcaktuara, dhe për këtë do të njoftojë me kohë të gjithë anëtarët e Odës Ekonomike të Kosovës.

Përkundër këtij vendimi, OEK kërkon nga Zyra e Rregullatorit për Energji që të mos marrë veprime të tjera që do t’i dëmtonin bizneset, të cilat tashmë janë dëmtuar nga vendimet e ZRrE-së që kanë shkuar në dëm të ekonomisë së vendit dhe kanë ndikuar në shtrenjtimin e jetesës së qytetarëve të Republikës së Kosovës.

Në ditët në vijim, ne do të konsultohemi me bizneset dhe do të shqyrtojmë hapat e tjerë që do të ndërmerren. Për këtë, do të njoftoheni me kohë.

Continue Reading

Të kërkuara