Sport

Klubet angleze bllokojnë sponsorizimet e arabëve

Arabët duhet të studiojnë mënyrat ligjore për të çuar para në arkat e Newcastle.

Published

5 years ago

October 20, 2021

Betim Gashi

Arabët e PIF kanë ardhur me ambicie të mëdha në krye të Newcastle, megjithatë duket se po hasin më shumë vështirësi sesa e kishin parashikuar dhe telashet po u shtohen nga dita në ditë.

Hapi i parë i tyre ishte të gjenin një trajner tjetër që të marrë vendin e Steve Bruce, por deri tani asnjë nga emrat e njohur si Conte, Zidane, Rodgers, etj., nuk kanë pranuar të ulen në stolin e “Magpies”. Së fundi arabët duhet të bëjnë llogaritë edhe me rivalët e tyre në Premier League, të cilët kanë bashkuar votat për të bllokuar investimet e menjëhershme të PIF në arkat e klubit anglez.

Sipas mediave angleze, Premier League ka kaluar me 18 vota pro, Newcastle kundër dhe Manchester City-n abstenim rregullin që ndalon lidhjen e marrëveshjeve të klubeve, me kompani në pronësi të aksionerëve të tyre. Thënë ndryshe, kompanitë arabe që lidhen direkt apo indirekt me PIF-in, nuk do të mund të lidhin dot marrëveshje sponsorizimi me Newcastle. Ky veprim është cilësuar si shkelje e konkurrencës nga “Magpies”, ndërsa premier League e ka arsyetuar si të domosdoshëm, për të mos i lejuar PIF-it në dorë instrumentin për të shmangur Fair Play-n Financiar.

Në këto kushte, arabët duhet të studiojnë mënyrat ligjore për të çuar para në arkat e Newcastle, pasi vetëm kështu mund të joshin trajnerë e futbollistë për t’i afruar në ekip. TCH

Sport

City ndalet në garën për titull pas barazimit me Evertonin

Published

8 minutes ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

27 minutes ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.

Sport

“Shqiponjat e Kastriotit” dominojnë në Spanjë

Published

17 hours ago

May 4, 2026

UBTNews

Pilotët e rinj nga Shqiponjat e Kastriotit kanë shkëlqyer në garën ndërkombëtare të paraglidizmit në disiplinën Accuracy Landing, e mbajtur në Alicante, duke dominuar konkurrencën me rezultate të jashtëzakonshme.

Në këtë garë morën pjesë 115 pilotë, ndërsa vetëm 61 prej tyre arritën të kualifikohen për fazën konkurruese. Ekipi nga Kosova u dallua me performancë të lartë, duke fituar shumicën e medaljeve kryesore.

Talenti 14-vjeçar Arbër Shala zuri vendin e parë, duke hyrë në histori të këtij sporti, ndërsa Migjen Shala u rendit i treti dhe Lisjeta Thaqi përfundoi në vendin e pestë. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta.

Dominimi vazhdoi edhe në kategorinë e juniorëve, ku Arbër Shala fitoi sërish vendin e parë, ndërsa vendi i dytë i takoi Anisa Shalës.

Sukseset individuale u kurorëzuan edhe me triumfin ekipor, ku Kosova zuri vendin e parë, duke dëshmuar nivelin e lartë të përgatitjes dhe punës së vazhdueshme të klubit nën drejtimin e trajnerit Fanol Shala.