Sport

Kloppi përditëson situatën e lëndimeve të Fabinhos, Gomez, Salah dhe Van Dijk

Të dielen Liverpooli do të përballet me Wolverhampton në xhiron e fundit të Premier Ligës angleze.

Published

4 years ago

on

Jurgen Klopp ka përditësuar sot me lajme pozitive për kuartetin e së lënduarve, respektivisht për yjet Fabinho, Joe Gomez, Mohamed Salah dhe Virgil van Dijk.

Gomez u detyrua të largohej në pjesën e parë të fitores 2:1 të Liverpoolit kundër Southamptonit pasi pësoi një lëndim, ndërsa Fabinho, Salah dhe Van Dijk humbën të gjithë udhëtimin në stadiumin “St Mary”.

Fabinho pësoi një lëndim në muskul kundër Aston Villa më 10 maj, ndërsa Salah dhe Van Dijk iu bashkuan listës së lënduarve gjatë triumfit në finale të FA Cup kundër Chelseat, përcjell KosovaPress.

Tani, para ndeshjes së dielës kundër Wolverhamptonit, Klopp ka përditësuar në gjendjen aktuale me lëndime në skuadrën e tij.

“Para së gjithash lajmi i mirë është për Gomez. Dje kishim disa skanime të mëtejshme, por siç menduam ne dhe ai pas ndeshjes, ishim me fat. Ishte një goditje e mirë, por asgjë nuk ndodhi. Ishte këmba ku ai kishte qenë i lënduar, kështu që e kuptoj 100% se të gjithë ishin pak të shqetësuar, isha dhe unë derisa pashë fytyrën e Gomez në zhveshtore”, tha Klopp.

“Me djemtë e tjerë duket gjithçka mirë. Çfarë bëjmë me ta për fundjavë, nuk e kam idenë. Unë në fakt e kuptoj 100% betejën e golave me Heung-min Son, por nuk kemi asnjë shans që të rrezikojmë. Por Salah nuk dëshiron të marrë ndonjë rrezik, nuk ka dyshim për këtë”, shtoi më tej trajneri gjerman.

Këtë të diele Liverpooli do të përballet me skuadrën e Wolverhampton në xhiron e fundit të Premier Ligës angleze, kur edhe do të vendoset se cila skuadër do ta fitojë titullin, City apo skuadra e Jurgen Klopp. 

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

8 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

11 hours ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

11 hours ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

12 hours ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara