Klopp: Vinicius nuk më befasoi, ai më impresionoi në ndeshjen ndaj nesh

Published

6 years ago

April 14, 2021

Betim Gashi

Trajneri i Liverpoolit, Jurgen Klopp, e ka pranuar se ishte i impresionuar nga paraqitja e Vinicius Junior në ndeshjen ku Real Madridi i mposhti në çerekfinalen e Ligës së Kampionëve .

Sulmuesi i Real Madrid shënoi dy gola në fitoren 3-1, gjë që i vendos Los Blancos në një pozitë të mirë përpara ndeshjes së dytë që zhvillohet të mërkurën në “Anfield Road”.

“Unë isha i impresionuar [nga Vinicius ], jo i befasuar”.

“Ai është padyshim një talent i jashtëzakonshëm. Të gjithë e dinin këtë para se Real Madrid ta nënshkruante me të, por ai u bë padyshim më i mirë …”

“Ne u përpoqëm të shmangim pasimet në drejtim të tij, e cila në fakt është një detyrë e madhe, por më impresionoi po, befasoi jo”, deklaroi Klopp.

Një tjetër lojtar i Real Madridit për të cilin Klopp ka vlerësim të madh është Toni Kroos, duke i lavdëruar pasimet e tij.

Up Next

Juventusi e shet Ronaldon për 25 mln euro, dy klubet ku mund të transferohet ai

Don't Miss

Pochettino i lumtur me lojën ndaj Bayernit dhe kalimin në gjysmëfinale të Ligës së Kampionëve

Akil Gjakova mbyll garën pa medalje në Abu Dhabi

Published

1 day ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/