Kapiteni i Liverpoolit, Virgil van Dijk, ka përkushtuar të ardhmen e tij në klub duke nënshkruar një kontratë të re që do ta shohë atë të qëndrojë në Anfield përtej sezonit 2024/25.

Pas Mohamed Salah, Reds kanë rinovuar kontratën edhe me yllin tjetër të skuadrës, Van Dijk.

Njoftimi i Liverpoolit ka ardhur me anë të faqes zyrtare, ku ka njoftuar se mbrojtësi holandez ka nënshkruar edhe për dy vite tjera.

“Virgil van Dijk ka nënshkruar sot një kontratë të re me Liverpool FC për të zgjatur kohën e tij me klubin përtej sezonit 2024-25”.

Kjo marrëveshje e re zgjat mandatin e mbrojtësit holandez me Reds, duke shënuar gati shtatë vjet e gjysmë që nga ardhja e tij në janar 2018.

Që kur u bashkua nga Southampton, Van Dijk e ka vendosur veten si një nga mbrojtësit më të mirë në botë, duke kontribuar në shtatë trofe të mëdhenj, duke përfshirë Ligën Premier, Ligën e Kampionëve, Kupën FA dhe dy Kupa të Ligës.

Me 314 paraqitje dhe 27 gola, Van Dijk vazhdon të jetë një figurë kryesore në skuadër.

Diant Ramaj, po përballet me një problem në shtetin e Danimarkës.

Portieri shqiptar është denoncuar në polici, pas goditi me kokë lojtarin kundërshtar, në fundin e ndeshjes mes Copenhagenit dhe Brondbyt.

Ky rast është denoncuar si dhunë në Policinë e Kopenhagës ai rrezikon burgim deri në 20 ditë.

Perndryshe, 23-vjeçari vjen nga qyteti i Gjakovës.

Prindërit e tij emigruan në Gjermani, kurse Dianti nisi karrierën futbollistike, ai ende nuk ka vendosur se cilin shtet ta përfaqësojë në të ardhmen dhe është mes Kosovës, Shqipërisë e Gjermanisë.

Carlo Ancelotti, trajneri i Real Madridit, ka komentuar eliminimin e skuadrës nga çerekfinalet e Ligës së Kampionëve. Pas humbjes 2:1 ndaj Arsenalit në “Santiago Bernabeu”, Reali nuk arriti të përmbysë disavantazhin prej tre golave të grumbulluar në ndeshjen e parë, duke përfunduar me rezultat total 5:1 për Arsenalin.

“Ekipi u mundua, por nuk arritëm të realizonim një kthesë. Arsenal kaloi përpara me plot merita. Futbolli ka dy anë: atë të lumturisë që e kemi shijuar viteve të fundit, dhe atë të trishtimit që po e përjetojmë tani,” u shpreh Ancelotti pas ndeshjes.

Një pyetje që iu drejtuar trajnerit ishte lidhur me të ardhmen e tij te Real Madrid.

“Jemi ende në garë për të fituar La Ligën, Kupën e Mbretit dhe Kupën e Botës për Klube. Nuk mund të flas tani nëse do të drejtoj Realin në Kupën e Botës. Nëse klubi vendos të më zëvendësojë, nuk kam asnjë problem. Do ta falënderoj për mundësinë. Nuk e di dhe as nuk dua ta di,” tha Ancelotti.

Sigal Prishtina i është bashkuar Trepçës në gjysmëfinalet e play-offit të Superligës së Kosovës në basketboll, pas një fitoreje dramatike ndaj Vëllaznimit në ndeshjen e tretë vendimtare të serisë dhe atë pas vazhdimeve.

Në përballjen e zhvilluar të mërkurën mbrëma në Pallatin e Rinisë dhe Sportit, prishtinasit fituan me rezultat 86:82, pas vazhdimeve pesëminutëshe.

Ndeshja ishte e luftuar, me Prishtinën që dominoi për pjesën më të madhe, që u sfidua në fund nga rikthimi i fuqishëm i skuadrës së trajnerit Jeronimo Shari.

Rezultati u barazua në 74:74, kur kishin mbetur vetëm 15 sekonda, pas dy gjuajtjeve të lira të realizuara nga Jericole Hellems. Në aksionin pasues, Jordan Davis fitoi dy gjuajtje të lira por i humbi të dyja. Megjithatë, rikuperoi topin në sulm, por nuk arriti të shënojë, duke e çuar ndeshjen në vazhdime.

Në periudhën shtesë, Prishtina reagoi shpejt, duke krijuar një seri të fuqishme prej 8:0 për epërsinë 82:74. Vëllaznimi u afrua deri në 83:80, por nuk arriti të përmbysë rezultatin.

Fitorja e çoi Prishtinën në gjysmëfinale, ku do të përballet me Trepçën, pasi e fitoi serinë çerekfinale ndaj Vëllaznimit me rezultat të përgjithshëm 2-1.