Lajmet

​Klima e Skocisë po ndryshon më shpejt se sa pritej

Published

on

Një studim nga Instituti James Hutton në Aberdeen thotë se muaji shkurt në disa zona është tashmë 2,5 gradë Celsius më i ngrohtë ndërsa reshjet janë në nivelet e parashikuara për vitin 2050.

Ata janë të shqetësuar se ndryshimet mund të ndikojnë në prodhimin e ushqimit dhe përpjekjet për të mbrojtur tokat që ruajnë karbonin. Kjo vjen pasi bota theu një seri rekordesh të motit duke përfshirë vitin më të nxehtë dhe muajin më të nxehtë në korrik.

Studiuesit kanë krahasuar të dhënat e temperaturës dhe reshjeve nga periudha midis 1960-1989 në tre dekadat nga viti 1990 deri në vitin 2019.

Në disa pjesë të Skocisë, temperaturat në muajin shkurt u rritën nga 16.9C në 19.4C. Ata thonë se ndryshimi është i krahasueshëm me gamën më të ulët të asaj që modelimi i klimës kishte parashikuar për 2020-2050.

‘Përçarja e klimës’

Një seri stuhish kanë sjellë mot të paprecedentë në Skoci vitet e fundit.

Stuhia ‘Arwen’ në vitin 2021 solli erëra verilindore me shpejtësi 100 mph, të cilat rrafshuan pyje të tëra dhe lanë shumë persona pa energji elektrike për ditë të tëra.

Më pas këtë vit Stuhia ‘Babet’ shkaktoi shpërthimin e lumenjve në Brechin, Angus, duke shkaktuar përmbytje në më shumë se 400 prona.

Studimi zbuloi se Skocia ka përjetuar tashmë më shumë reshje dimërore sesa ishte parashikuar për mesin e shekullit.

Sipas studimit muaji shkurt dhe muaji prill janë bërë deri në 60 për qind më të lagësht në 30 vitet e fundit, veçanërisht në perëndim, krahasuar me tre dekadat e mëparshme.

Kjo tejkalon ndryshimin e parashikuar për vitin 2050, i cili pritej të shihte rreth 45-55 për qind më shumë shi./BBC/

Lajmet

Nënshkruhet marrëveshja prej 8.9 milionë eurosh për mbështetjen e 198 ndërmarrjeve prodhuese dhe përpunuese

Published

on

By

Është nënshkruar marrëveshje  prej 8.9 milionë euro me ndërmarrjet përfituese nga skema mbështetëse për makineri prodhuese dhe përpunuese.

Nënshkrimi u bë në një ceremoni nga Ministria e Industrisë, Ndërmarrësisë dhe Tregtisë (MINT), ku mori pjesë edhe kryeministri në detyrë, Albin Kurti.

Ndonëse qeveri në detyrë, megjithatë Kurti nga aty foli për vizionin për një qeverisje të mirë, duke thënë se po krijojnë kushtet të favorshme për bizneset.

Është kënaqësi e veçantë të jem sot në ceremoninë e nënshkrimit të marrëveshjeve për mbështetje financiare të 198 ndërmarrjeve të vogla dhe të mesme. Këto ndërmarrje janë përzgjedhur për mbështetje në vlerë prej 8.9 milionë euro nga Ministria e Industrisë, Ndërmarrësisë dhe Tregtisë, përmes Agjencisë për Ndërmarrësi dhe Përkrahje në Kosovë. Kemi vizion për qeverisje të mirë, zhvillim të vazhdueshëm, mirëqenie, siguri dhe barazi. Krijimi i kushteve të favorshme për të bërë biznes është ndër prioritetet tona kryesore. Me këtë investim po ofrojmë mbështetje direkte për shpalosjen e potencialit të bizneseve, të cilat janë kontribuuese të rëndësishme në zhvillimin e mëtejmë të vendit”, deklaroi Kurti.

Ministrja në detyrë e Industrisë, Ndërmarrësisë dhe Tregtisë, Rozeta Hajdari pati kritika për qeveritë e kaluara.

Kur morëm qeverisjen në vitin 2021 ne kuptuam se nuk ishte punuar për zhvillim industrial që është i rëndësishëm për qëndrueshmërinë e shtetit. Qeveria ishte me mungesë vizioni për sektorë të rëndësishëm industrial për vendin dhe mungesë për mbështetje për sektorë prodhues. Gjatë mandatit tonë qeverisës indentifikuam shumë praktika të dëmshme e të bërit biznes në Kosovë”, tha ajo./D.B/EO

Continue Reading

Lajmet

Rama bën homazhe për gjyqtarin Astrit Kalaja

Published

on

By

Në hollin e Pallatit të Kongreseve në Tiranë po zhvillohen sot homazhet në nderim të gjyqtarit Astrit Kalaja, i cili humbi jetën dy ditë më parë pasi u vra me armë zjarri brenda ambienteve të Gjykatës së Apelit, teksa ndodhej në krye të detyrës.

Ceremonia nisi në orën 09:00 dhe do të zgjasë deri në 11:00, pas së cilës trupi i pajetë i gjyqtarit do të përcillet për në banesën e fundit në Shkodër, qytetin e tij të lindjes, shkruan ATSH.

Kryeministri Edi Rama kreu homazhe ndërsa la dhe një shënim në librin e ngushëllimeve, i shoqëruar nga ministri i Drejtësisë Besfort Lamallari.

Ministri i Drejtësisë, Besfort Lamallari shprehu ngushëllime për familjen e të ndjerit, si dhe la një shënim në librin e kujtimeve.

“Lamtumirë njeriut të ligjit, shërbëtorit të drejtësisë e profesionistit të spikatur, Astrit Kalaja. Kontributi i tij i çmuar do të mbetet frymëzim për të gjithë ata që besojnë në forcën e ligjit dhe në shtetin e së drejtës. Ngushëllime për familjen, kolegët, trupën gjyqësore dhe të gjithë ata që e njohën dhe e vlerësuan Astritin. Prehu në paqe mik i dashur!”, shprehet ministri Lamallari.

Gjyqtari i Apelit Astrit Kalaja u qëllua për vdekje me armë zjarri brenda sallës së gjyqit më 6 tetor. Autori i ngjarjes, palë e dëmtuar në proces, u arrestua. Policia vuri në pranga edhe xhaxhain e tij si bashkëpunëtor, si dhe rojën e sigurisë në Gjykatën e Apelit për shpërdorim detyre./D.B/KP

Continue Reading

Lajmet

​Dogana ndalon katër tentativa për import të mallrave të falsifikuara

Published

on

By

Gjatë muajit shtator, Dogana e Kosovës, ka ndaluar në katër raste të ndara tentativa për import të mallrave të falsifikuara.

Sipas njoftimit, në kuadër të këtyre kontrolleve janë ndaluar: 300 jelek dimëror me logon Moncler, 300 palë atlete me logot Adidas, Reebok dhe Miu Miu, 5. 180 palë çorape me markat Nike, Calvin Klein, Reebok dhe U.S. Polo Assn dhe 225 veshje tekstili me markën Stone Island.

Këto ndërhyrje janë rezultat i analizës së avancuar të riskut dhe vigjilencës së oficerëve doganorë, të cilët kanë parandaluar që produktet e dyshuara si pirate të depërtojnë në tregun e vendit, duke mbrojtur konsumatorët dhe të drejtat e pronësisë intelektuale”, thuhet në njoftim./D.B/KP

Continue Reading

Lajmet

Më 11 tetor përfundon afati i votimit me postë nga jashtë Kosovës

Published

on

By

Komisioni Qendror i Zgjedhjeve (KQZ) ka bërë të ditur përmes një komunikate për media se më 11 tetor përfundon periudha e votimit jashtë Kosovës për shtetasit e Kosovës, të cilët janë regjistruar për të votuar përmes postës në Zgjedhjet Lokale për Kryetarë të Komunave dhe për Kuvende Komunale.

Kjo periudhë, e cila ka filluar më 17 shtator, vlenë vetëm për 43,933 shtetasit që janë regjistruar suksesshëm si votues jashtë Kosovës.

Deri më 11 tetor 2025, votuesit e regjistruar jashtë Kosovës duhet të dërgojnë pakon e tyre me fletëvotime në ndonjërën nga kutitë postare të KQZ-së.

KQZ njofton se me qëllim të ofrimit të mundësisë për votim për shtetasit që janë regjistruar për të votuar përmes postës, kutitë postare janë funksionale në këto shtete: Australi, Austri, Belgjikë, Çeki, Danimarkë, Francë, Gjermani, Holandë, Hungari, Itali, Kanadë, Kosovë, Kroaci, Mali i Zi, Maqedoni e Veriut, Mbretëri e Bashkuar, Norvegji, ShBA, Shqipëri, Slloveni, Suedi, Turqi dhe Zvicër./D.B/EO

Continue Reading

Të kërkuara