Lajmet

Kjo javë në hapësirë

Published

5 years ago

on

Fluturimi i parë i një helikopteri të NASA-s në një planet tjetër do të duhet të presë të paktën deri javën e ardhshme, thanë shkencëtarët. Agjencia amerikane e hapësirës tha se do të instalojë përsëri programin kompjuterik të helikopterit Ingenuity pas shqetësimeve të ngritura gjatë një prove.

NASA e quan eksperimentin me minihelikopterin po aq historik sa edhe fluturimin e parë të suksesshëm të realizuar nga “Vëllezërit Wright”, në vitin 1903, në Karolinën e Veriut

Fluturimi historik i minihelikopterit do të realizohet 55 milion kilometra larg Tokës, dhe do të drejtohet nga shkencëtarët në planetin tonë.

Deri tani, NASA nuk ka thënë asgjë se kur do të bëhen fluturimet e helikopterit Ingenuity.

Agjencia festoi ndërkohë 20 vjetorin e sondës orbitale Mars Odyssey, me publikimin e imazheve termike të dunave të rërës marsiane ku bluja tregon temperaturat e ulta ndërsa e kuqja të lartat. Kamerat e sondës i morën fotografitë e Marsit në fillimit të vitit 2000.

Një lajm tjetër, Organizata e OKB-së për Ushqimin dhe Bujqësinë emëroi komandantin e ardhshëm të Stacionit Hapësinor Ndërkombëtar, astronautin francez, Thomas Pesquet, si Ambasador të Vullnetit të Mirë. Pesquet u emërua më 12 Prill, që ishte Dita Ndërkombëtare e Fluturimeve të Hapësirës. Ai thotë se ai ka parë qartë nga hapësira efektet e ndryshimit të klimës në Tokë.

“Kur e shikon këtë me sytë e tu, atëherë përpiqesh të gjesh një mënyrë për të vepruar që gjërat të bëhen më mirë dhe për të ndihmuar këtë anije të hapësirës, Tokën, të fluturojë për aq kohë sa të jetë e mundur dhe në formën më të mirë të mundur për të gjithë ekuipazhin”, tha astronauti.

OKB-ja thotë se e emëroi astronautin falë punës së tij për të rritur ndërgjegjësimin mbi efektet e ndryshimit të klimës në bujqësi. Pesquet pritet të kthehet në Stacionin Ndërkombëtar të Hapësirës javën e ardhshme me një kapsulë të kompanisë SpaceX, që do të shënojë partneritetin e parë ndërkombëtar në bordin e një anijeje komerciale të hapësirës.

Ndërkohë, në Teksasin Perëndimor, kompania private e fluturimeve hapësinore Blue Origin, në pronësi të themeluesit të firmës Amazon, Jeff Bezos, nisi me sukses mjetin e saj nënorbital New Shepard. Mjeti e merr emrin nga amerikani i parë në hapësirë, Alan Shepard, por kompania thotë se do ta përdorë atë për fluturime të shkurtra mbi Teksas. Si raketa ashtu edhe kapsula u ulën pa probleme në shkretëtirë.

Një tjetër lajm këtë javë: Kalifornia, NASA dhe miliarderi Michael Bloomberg po bashkohen kundër ndryshimit të klimës. Partneriteti përfshin kompaninë satelitore, Planet, dhe synon të identifikojë ndotësit më të mëdhenj të gazit të dëmshëm, metan, që shkakton efektin serë.

Related Topics:
Continue Reading

Lajmet

“Die Fledermaus” rikthehet në skenën e TKOBAP-së më 25, 26 dhe 27 shtator

Published

14 minutes ago

on

September 14, 2026

By

Teatri Kombëtar i Operas, Baletit dhe Ansamblit Popullor do të sjellë në skenë operetën e njohur “Die Fledermaus” të kompozitorit Johann Strauss II, më 25, 26 dhe 27 shtator.

E cilësuar si një nga veprat më të dashura të repertorit të operetës, “Die Fledermaus” sjell një histori plot keqkuptime, identitete të rreme, flirt, sekrete dhe situata komike.

Ngjarjet zhvillohen rreth një feste me maska, ku një hakmarrje shndërrohet në një seri episodesh të papritura, të shoqëruara nga ritmet karakteristike të valsit vjenez.

Me humor, elegancë dhe atmosferë festive, shfaqja premton muzikë dhe argëtim, ndërsa maskat bien njëra pas tjetrës dhe sekretet dalin në dritë.

Biletat mund të blihen pranë biletarisë së TKOBAP-së, nga e hëna deri të dielën, në oraret 10:00–14:00 dhe 16:00–20:00. Në ditët e shfaqjeve, biletaria do të jetë e hapur nga ora 10:00 deri në 14:00 dhe nga 16:00 deri në 19:30.

“Die Fledermaus” fton publikun të përjetojë një festë ku asgjë nuk është ashtu siç duket dhe ku, deri në fund, askujt nuk mund t’i besohet plotësisht./A.K/

Continue Reading

Lajmet

Justin Bieber feston tetëvjetorin e martesës me Hailey-n: “Tetë vjet deri në pafundësi”

Published

15 minutes ago

on

September 14, 2026

By

Justin Bieber ka shënuar tetëvjetorin e martesës me bashkëshorten e tij, Hailey Bieber, duke ndarë një seri fotografish romantike në Instagram.

Këngëtari 32-vjeçar publikoi momente të ndryshme me Hailey-n, duke përfshirë pamje teksa luajnë bilardo, përqafohen dhe puthen.

“Tetë vjet deri në pafundësi. Fillime të reja. Të dua, zemër. Gëzuar përvjetorin”, shkroi Bieber në përshkrimin e postimit, të cilin e ndau me ndjekësit e tij në Instagram.

Edhe Hailey reagoi me humor ndaj postimit të bashkëshortit. “Tetë vjet që luajta në bilardo, për fat të keq”, shkroi ajo në koment, duke shoqëruar fjalët me emoji puthjesh. Më pas, ajo e shpërndau postimin e Justin-it edhe në story.

Çifti u martua në shtator të vitit 2018, vetëm disa muaj pasi u fejuan. Justin i kishte propozuar Hailey-t gjatë një udhëtimi në Bahamas.

Dyshja njiheshin prej vitesh përpara se lidhja e tyre të bëhej romantike. Mediat nisën t’i lidhin për herë të parë në vitin 2014, ndërsa marrëdhënia e tyre kaloi në disa faza para se të riktheheshin bashkë në vitin 2018.

Në maj të vitit 2024, Justin dhe Hailey njoftuan se ishin në pritje të fëmijës së tyre të parë. Lajmin e bënë publik përmes fotografive dhe një videoje nga rinovimi i premtimeve të tyre në Hawaii, ku Hailey shfaqej shtatzënë./A.K/

Continue Reading

Lajmet

Pesë raste të armëmbajtjes pa leje në Kosovë, konfiskohen pistoleta dhe municion

Published

18 minutes ago

on

September 14, 2026

By

Pesë raste të armëmbajtjes pa leje janë raportuar gjatë 13 shtatorit në Obiliq, Prishtinë, Prizren dhe Suharekë, ndërsa Policia ka konfiskuar armë, municion dhe mjete të tjera.

Në rrugën “Hasan Prishtina” në Obiliq, një person është arrestuar pasi gjatë kontrollit iu gjetën një pistoletë dhe 10 fishekë. Me vendim të prokurorit, i dyshuari është dërguar në mbajtje.

Në Rrethin e Fontanës në Prishtinë, një person tjetër është arrestuar pasi gjatë kontrollit iu gjetën një pistoletë dhe 14 fishekë. Pas intervistimit, ai është liruar me vendim të prokurorit dhe rasti është proceduar në procedurë të rregullt.

Në fshatin Lubizhdë të Prizrenit, gjatë bastisjes së shtëpisë së një të dyshuari janë gjetur dhe konfiskuar tre fishekë, dy shufra metali të dëmtuara, tri thika dhe tre mulli për bluarjen e narkotikëve. I dyshuari është liruar në procedurë të rregullt.

Po në Lubizhdë, në një rast tjetër, gjatë bastisjes së një shtëpie policia ka gjetur një pistoletë dhe 24 fishekë. I dyshuari është dërguar në mbajtje me vendim të prokurorit.

Ndërkaq, në fshatin Shirokë të Suharekës, dy persona janë përleshur fizikisht dhe kanë pësuar lëndime. Njërit prej tyre i është konfiskuar një thikë, ndërsa të dy janë liruar pas intervistimit.

Në fshatin Rracaj të Gjakovës, një person është arrestuar pasi dyshohet se, pas një mosmarrëveshjeje, ka përdorur sprej ndaj një personi tjetër. Spreji është konfiskuar, ndërsa i dyshuari është liruar në procedurë të rregullt./A.K/

Continue Reading

Lajmet

Gruaja nga Shqipëria arrestohet në Aeroportin e Prishtinës për dokument të falsifikuar

Published

20 minutes ago

on

September 14, 2026

By

Një grua, shtetase e Shqipërisë, është arrestuar në Aeroportin Ndërkombëtar të Prishtinës “Adem Jashari”, pasi dyshohet se ka tentuar të udhëtojë me dokument të falsifikuar të një personi tjetër.

Rasti ka ndodhur më 13 shtator, rreth orës 12:40.

Me vendim të prokurorit, e dyshuara është dërguar në mbajtje, ndërsa dokumenti i dyshuar si i falsifikuar është sekuestruar./A.K/

Continue Reading

Të kërkuara