Shëndet

Kjo është koha më e përshtatshme për të marrë vaksinën kundër gripit

Sipas Leana Wen, tetori është koha e përshtatshme.

Published

4 years ago

on

Sezona e gripit dhe thirrjet e ekspertëve të shëndetit publik për të marrë vaksinën kundër gripit janë të pranishme çdo vit, por në kohë pandemie kjo është më e rëndësishme tani se kurrë.

“Ajo që duhet të bëni është ta merrni sa më shpejt që të jetë e mundur dhe në mënyrën më të shpejtë”, tha Dr Anthony Fauci, transmeton UBT News.

Sezoni i gripit zakonisht zgjat nga tetori deri në maj në hemisferën veriore dhe nga prilli deri në shtator në hemisferën jugore, sipas CDC. Koha më e mirë për të marrë një vaksinë kundër gripit e cila zvogëlon rrezikun e sëmundjeve të rënda të lidhura me gripin, shtrimin në spital ose vdekjen, është çdo kohë midis shtatorit dhe fundit të tetorit, sugjeron CDC.

“Njerëzit që janë më të vjetër, me sistem imunitar të komprometuar, mund të kenë imunitet të dobësuar dhe kështu ndonjëherë marrin vaksinat e tyre të gripit shumë herët”, tha Analistja Mjekësore e CNN, Dr Leana Wen.

“Megjithatë tetori, sidomos tani, është plotësisht mirë që këta individë të vaksinohen”.

Edhe nëse aktiviteti i gripit është i ulët në komunitetin tuaj tani, nuk duhet të prisni që një rritje e rasteve të jetë arsyeja për të marrë një vaksinë kundër gripit. Aktiviteti i gripit mund të rritet në çdo kohë, sipas CDC.

“Mos harroni, pasi të jeni vaksinuar, trupit tuaj i duhen rreth dy javë për të zhvilluar ndonjë antitrupa që mbrojnë kundër gripit,” vuri në dukje CDC.

A kam nevojë për vaksinim kundër gripit nëse vaksinohem kundër Covid-19?

Disa njerëz mendojnë se marrja e vaksinës kundër gripit ose koronavirusit zvogëlon rreziqet për të dy viruset, por nuk është kështu, pasi këto janë viruse të ndryshme. Prandaj, “marrja e një vaksine gripi është mbrojtja më e mirë kundër gripit dhe komplikimeve të tij potencialisht serioze, dhe marrja e një vaksine COVID-19 është mbrojtja më e mirë kundër COVID-19”, sipas CDC.

Kush mund të marrë vaksinën kundër gripit?

Moshat që nga 6 muaj e deri tek moshat e shtyera duhet të marrin një vaksinë të licencuar, të përshtatshme për moshën dhe gripin. Nëse mjeku juaj nuk ju këshillon ndryshe, nuk duhet të vononi vaksinimin për një produkt të veçantë vaksine nëse është në dispozicion një vaksinë tjetër e përshtatshme për moshën./UBTNews

Related Topics:
Continue Reading

Shëndet

A i’a vlen të lahet orizi para gatimit?

Published

8 minutes ago

on

November 5, 2025

By

Ekspertët shprehin se larja e orizit bën një ndryshim të dukshëm, sidomos tek orizi kokërr gjatë.

Shpëlarja largon papastërtitë e grumbulluara gjatë paketimit dhe, më e rëndësishmja, eliminon niseshten që mbulon sipërfaqen e kokrrës dhe shkakton ngjitjen e tij.

Për shpëlarjen mund të përdoret një enë qelqi ose një kullesë. Në fillim, uji i larjes do të duket i turbullt, por pas disa shpëlarjesh ai do të bëhet i pastër. Ky proces ndihmon që pilafi të jetë i lirë dhe kokrrat të mos ngjiten me njëra-tjetrën.

Megjithatë, ky rregull nuk vlen për gatime si rizoto me perime ose mish, ku orizi duhet të jetë më i qullët dhe kremoz.

Kremoziteti i rizotos mbështetet pikërisht në niseshten e sipërfaqes së kokrrës.

Ekspertët theksojnë se në disa paketime, orizi mund të përzihet me shtresë pluhuri për të parandaluar lagështinë.

Ky pluhur zakonisht nuk është i dëmshëm, por nuk është i dëshirueshëm në gatim.

Ekziston edhe një debat se larja e orizit largon disa ushqyes. Megjithatë, orizi i bardhë është i përpunuar dhe i pastruar nga shumica e nutrientëve, prandaj larja nuk ka një ndikim të madh në këtë aspekt. /A.Z/UBT News/

Continue Reading

Shëndet

Avokado: sekret i natyrës për çrregullimet hormonale

Published

3 hours ago

on

November 5, 2025

By

Edhe pse avokado ka mbërritur më vonë në tregun tonë krahasuar me Evropën dhe pjesë tjera të botës, ai është bërë shpejt një nga frutat më të çmuara për shëndetin.

Ky frut i mrekullueshëm mund të ndihmojë në rivendosjen e ekuilibrit hormonal, humbjen e peshës dhe mbrojtjen kundër kancerit.

Përmirëson shëndetin e zemrës

Ndihmon në balancimin e lipideve në gjak falë acideve yndyrore të shëndetshme që përmban. Një avokado mesatare përmban 71% acide yndyrore mono të ngopura, 13% poli të ngopura dhe 16% të ngopura. Konsumi i rregullt përmirëson qarkullimin e gjakut e ndihmon në pastrimin e arterieve dhe venave.

Lëkurë dhe flokë të shëndetshëm

Vitamina dhe acidet Omega-3 tek avokado mbajnë lëkurën të shëndetshme, ndihmojnë në balancimin e nivelit të sebumit. Avokado është hidratues i shkëlqyer për skalpin dhe flokët, ndërsa luteina që përmban mbron dhe forcon shikimin.

Parandalon kancerin

Sipas një studimi të publikuar në Journal of Nutrition and Cancer, fitokimikët në avokado kanë efekt të fuqishëm dhe ndihmojnë në mbështetje të trajtimeve për pacientët me kancer të gojës. Po ashtu, antioksidantët karotenoidë të avokados mund të pengojnë rritjen e qelizave kancerogjene të lëkurës.

Ndihmon në humbjen e peshës

Dietat e varfra në karbohidrate, por të pasura me yndyrna të shëndetshme, përshpejtojnë rënien nga pesha. Për këtë arsye, avokado është një shtesë ideale në regjimet dobësuese.

Balancimi i hormoneve

Acidet yndyrore esenciale që gjenden tek avokado ndihmojnë natyrshëm në balancimin e çrregullimeve hormonale dhe ndikojnë pozitivisht në funksionin riprodhues dhe atë njohës. /A.Z/UBT News/

 

 

Continue Reading

Shëndet

Dy aleatë të mëngjesit për djegie yndyre dhe trup më të lehtë

Published

7 hours ago

on

November 5, 2025

By

Shumë njerëz e nisin ditën me kafe, por ekspertët sugjerojnë se disa çajra bimorë janë një alternativë më e shëndetshme për të stimuluar tretjen, për të eliminuar lëngjet e tepërta dhe për të përshpejtuar metabolizmin.

Në mëngjes, trupi është më i gatshëm për pastrim natyral, ndaj pirja e çajit të duhur mund të ndihmojë në detoksifikim dhe në uljen e fryrjes.

Çaji jeshil

I pasur me antioksidantë dhe përbërësin EGCG, ndihmon në zbërthimin e yndyrës e rrit metabolizmin. Ai ofron energji pa rritur sheqerin në gjak, ka efekt të lehtë diuretik. Pirja në mëngjes, me stomak bosh ose pas një mëngjesi të lehtë, ndihmon trupin të përthithë më mirë substancat aktive.

Çaji i xhenxhefilit

Xhenxhefili stimulon tretjen, përmirëson qarkullimin e gjakut dhe përshpejton metabolizmin. Një filxhan në mëngjes zvogëlon ndjenjën e oreksit, duke ndihmuar në kontrollin e peshës. Përgatitet më mirë me rrënjë të freskët, ujë të nxehtë dhe, sipas dëshirës, limon ose mjaltë.

Këto dy çajra janë mënyra të thjeshta për të mbështetur trupin në pastrim dhe për të filluar ditën me më shumë energji.

Megjithatë, duhet kujdes: çaji jeshil përmban kafeinë, ndërsa xhenxhefili mund të mos përshtatet për ata me stomak të ndjeshëm. Nëse keni probleme shëndetësore, konsultohuni me mjekun para konsumimit. /A.Z/UBT News/

 

Continue Reading

Shëndet

Djathi, një aleat i mundshëm kundër plakjes së trurit

Published

21 hours ago

on

November 4, 2025

By

Një studim japonez tregon se edhe konsumimi i moderuar i djathit një herë në javë mund të ndihmojë në ruajtjen e shëndetit të trurit dhe të ulë rrezikun e demencës, sipas news-medical.net.

Demenca është një problem shëndetësor në rritje, që pritet të prekë mbi 150 milionë njerëz deri në 2050.

Pavarësisht përparimeve mjekësore, trajtimet mbeten të kufizuara, duke bërë dietën një faktor të rëndësishëm mbrojtës.

Djathi përmban komponime bioaktive si vitamina K2, peptide dhe probiotikë, që mbrojnë qelizat nervore përmes veprimit antiinflamator dhe metabolik.

Studimi përdori të dhëna nga Studimi Gerontologjik i Japonisë (JAGES) 2019 dhe gjeti se personat mbi 65 vjeç që konsumonin djathë të paktën një herë në javë kishin 21-24% rrezik më të ulët të demencës dhe një ndryshim prej rreth 7,7 ditësh në kohën mesatare të mbijetesës krahasuar me të tjerët.

Rezultatet sugjerojnë se edhe zakonet e thjeshta dietike, si konsumimi i moderuar i djathit, mbështesin shëndetin kognitiv gjatë plakjes. /A.Z/UBT News/

Continue Reading

Të kërkuara